النهل الجميل لكل من سار في موكب الرحيل

[doctor farouk]

الصحف المصرية والعربية

dcfarouk.4shared.com

السلام عليكم

انا فكرت كتير قبل ما اعمل موضوع منفصل لان في مجهود جبار لناس تانيه كتير في مواضيع مفتوحه بمعدلات قراءه ومتابعه وهميه
بس لقيت من كتر الصفحات وتنوع المواضيع وكم المعلومات الجبار والجميل اصبح معلومات كتير ممكن تتوه واصبح العثور عليها بياخد وقت طويل وحتي لو لقيتها مره ممكن تنساها هتضطر ترجع تدور تاني قلت احاول اعمل تجميعه متجدده سهل الوصول للمعلومات فيها علشان كده عملت موضوع منفصل
إن أجري الا علي الله

امانه علي كل من يقرا هذه الكلمات ان يقرا بقلبه الجزء الخاصه باستحضار النيه ولا يفوته

انا اقتبست كتير منها من خبرات ناس تانيه وجزء كبير برضو من المواقع الاجنبيه المسؤله وجزء من خبرات الاجانب وجزء بسيط من خبره شخصيه

المواضيع
1 .استحضار نيه السفر
2.فتاوي متعلقه بالسفر
3.ادعيه السفر
4.شنط السفر ومحتوياتها والممنوعات
5.حجز تذكره الطيران
6.و ماذا تفعل لو ضاع جواز سفرك
7.الادويه اللي هتحتاجها في السفر
8.كيف تتحري الاكل الحلال وكيف تعرف لحم الخنزير
9.اقتراحات بديله للسكن وانت عازب
10.اقتراحات بديله للاطباء لحد ما المعادله تخلص

توكلت علي الله

1.استحضار نيه السفر

ما في المقام لذي عـقـل وذي أدب … من راحة فدع الأوطان واغتـرب
سافر تجد عوضـا عمن تفارقــه … وانْصَبْ فإن لذيذ العيش في النَّصب
إني رأيت ركـود الـماء يفســده … إن ساح طاب وإن لم يجر لم يطب
والأسد لولا فراق الغاب ما افترست … والسهم لولا فراق القوس لم يصب
والشمس لو وقفت في الفلك دائمة … لملَّها الناس من عجم ومن عـرب
والتِّبرُ كالتُّـرب مُلقى في أماكنـه … والعود في أرضه نوع من الحطب
فإن تغرّب هـذا عـَزّ مطلبـــه … وإن تغرب ذاك عـزّ كالذهــب

لازم قبل ما تسافر تحضر نوايا للسفر وتسال نفسك

انا مسافر ليه

لازم يكون ليك اهداف دينيه واهداف شخصيه و طبعا مش شخصيه بس
لازم تكتب اهدافك انت عاوز ايه من سفرك هل قصدك وجه الله و لا قصدك حياه روشه وبنات حلوه وارضاء لغرور جواك ,انت اكتر واحد عارف الاجابه بس قبل ما ترضي باجابتك تذكر حديث رسولنا صلى الله عليه وسلم

عن أمير المؤمنين أبي حفص عمر بن الخطاب رضي الله عنه ، قال : سمعت رسول الله صلى الله عليه وسلم يقول : ( إنما الأعمال بالنيّات ، وإنما لكل امريء مانوى ، فمن كانت هجرته إلى الله ورسوله ، فهجرته إلى الله ورسوله ، ومن كانت هجرته لدنيا يصيبها ، أو امرأة ينكحها ، فهجرته إلى ما هاجر إليه ) . رواه البخاري و مسلم في صحيحهما .

سفرك ده فرصه اوعي تضيعها,اشتري لنفسك نفس جديده اعتبر في الارض اللي انت جديد عليها انك مولد جديد
مكان هتعيش فيه لوجه الله بدون معاصي
هصللي في المسجد
هحافظ علي الاذكار
هتمسك بالصحبه الصالحه
هحسن صوره الاسلام
هحسن من نفسي واطورها واكون قدوه في شغلي واشتغل بجد
هغض بصري

اهم نقطه من اللي فوق دول هي الصحبه الصالحه اوعي تضيع نفسك ودينك وتنصهر جوه المجتمع وتنسي المحرمات
وتذكر ان الاسلام هو جوهره التاج وانت تمتلكها فلا تكن غافلا وتضيع الجوهره الباقيه بخزف الدنيا الفاني
وعجبت لما باع اخرته بلذه ساعه


وتذكر

قال تعالى (وَلَوْ أَنَّ أَهْلَ القُرَى آمَنُوا وَاتَّقَوْا لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ وَلَكِن كَذَّبُوا فَأَخَذْنَاهُم بِمَا كَانُوا يَكْسِبُونَ)
[ سورة الأعراف : الآية 96]

قال تعالى : وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً
[ سورة الطلاق : الآية 3]

قال تعالى :فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً (10) يُرْسِلِ السَّمَاءَ عَلَيْكُم مِّدْرَاراً
(11) وَيُمْدِدْكُم بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً (12)[ سورة نوح]

مش هطول عليكم بس خلاصه الكلام احسبها انت هتعمل ايه في سفرك القصير ده عشان تستعد بيه لسفرك الطويييييييييل
ولا تنسي ان دعوة المسافر من الدعوات المستجابة
ولذلك كان دعاء المسافر هو
اللَّهُمَّ إِنَّا نَسْأَلُكَ في سَفَرِنَا هَذَا الْبِرَّ وَالتَّقْوَى

انت مولود في مهجرك من جديد هذه فرصه حياتك لتكون عبد صالح ولتغير من نفسك الان ولا تسوف
واياك ورفقه السوء
وبما انك مولود من جديد يجب ان تحذف من قاموسك كلمات كم اضعفتنا

impossible & easy
سهل ومستحيل
فلا شئ جميل ياتي سهل ولا شئ مستحيل
توكل علي الله ومن يتوكل علي الله فهو حسبه

وتذكر في غربتك

عن أبى زر رضى الله عنه أن النبى قال : إنى أعلم آية لو أخذ بها الناس لكفتهم ، ثم تلا :
قول الله سبحانه وتعالى :
" وَمَن يَتَّقِ اللَّهَ يَجْعَل لَّهُ مَخْرَجاًّ وَيَرْزُقْهُ مِنْ حَيْثُ
لاَ يَحْتَسِبُ "

اتقي الله يا عبد الله , كل ما الغربه تكون اصعب وضيق اكتر في الرزق تذكر ان الله جعل مخرجا لكل من اتقاه

تذكر ان دعاء المسافر مستجاب فأسأل الله الجنه والهدايه ونصره الاسلام وان يهديك الي الصحبه الصالحه ثم اساله التوفيق في حياتك وتسهيل امور الغربه عليك واعانتك
كرر الدعاء قدر ماتستطيع في سفر فانت المستفيد ولا تنسي ان تدعو لي ولوالدي

تذكر جنه الدنيا والاخره في تقوي الله

تذكر انت قدوه

تذكر لو أسلم المسلمون لأسلم العالم

رابط الاكل الحلال نظرا لاهميته

dcfarouk.4shared.com

 

[doctor farouk]

2_فتاوي متعلقه بالسفر

تغرب عن الأوطان في طلب العلا … وسافر ففي الأسفار خمس فوائد
تَفَرُّجُ هم ، واكتسـاب معيشــة … وعلم وآداب ، وصحبة ماجـد

السلام عليكم ورحمه الله وبركاته

قال عليه الصلاة والسلام في الحديث الصحيح (( العهد الذي بيننا وبينهم الصلاة فمن تركها فقد كفر )) أخرجه الإمام أحمد وأهل السنن بإسناد صحيح عن بريدة بن الحصين رضي الله عنه ...
وقال عليه الصلاة والسلام (( بين الرجل وبين الكفر والشرك ترك الصلاة )) أخرجه مسلم في صحيحه عن جابر رضي الله عنه
ويقول عليه الصلاة والسلام (( من سمع النداء فلم يأت فلا صلاة له إلا من عذر )) أخرجه ابن ماجة والدارقطني والحاكم بإسناد على شرط مسلم .

الصلاة عمود الإسلام وركنه الأعظم بعد الشهادتين، صلة بين العبد و ربه عز وجل ، جاءت النصوص مبينة لفضلها و مكانتها مما يطول الكلام عنه و ليس مرادنا هنا.
و الصلاة برغم اهميتها الكبرى جاءت الشريعة بتخفيف بعض أحكامها في أحوال معينة تيسيراً على العباد و رفعاً للحرج عنهم، و من تلك الأحوال حال السفر إذ السفر مظنة المشقة، و حيث أننا في وقت يكثر السفر فيه رأيت من المناسب إيراد جملة من أحكام الصلاة للمسافر وهى على شكل سؤال وجواب لتسهيل القراءة وثبات المعلومه ان شاء الله ...
لنتأمل سوياً كيف يراعي ديننا الإسلامي الحنيف المسلم في سائر أحواله فما أعظمه من دين وما أسماها من أحكام وهي من فتاوى الشيخ محمد بن عثيمين رحمه الله ...
حكم الأذان في السفر:
هذه المسألة محل خلاف، والصواب وجوب الأذان على المسافرين، وذلك أن النبي صلى الله عليه وسلم قال لمالك بن الحويرث وصحبه (إذا حضرت الصلاة فليؤذن لكم أحدكم) وهم وافدون على رسول الله صلى الله عليه وسلم مسافرون إلى أهليهم، ولأن النبي صلى الله عليه وسلم لم يدع الأذان ولا الإقامة حضراً ولا سفراً، فكان يؤذن في أسفاره ويأمر بلالاً رضي الله عنه أن يؤذن.
من جهل القبلة أولم يجد ماء هل يؤخر الصلاة؟:
الصلاة يجب أن تؤدى وتفعل في وقتها لقوله تعالى: (إن الصلاة كانت على المؤمنين كتاباً موقوتاً) وإذا وجب أن تفعل في وقتها فإنه يجب على المرء أن يقوم بما يجب فيها بحسب المستطاع لقوله تعالى (فا تقوا الله ما استطعتم) ولقول النبي صلى الله عليه وسلم لعمران بن حصين (صل قائماً فإن لم تستطع فقاعداً فإن لم تستطع فعلى جنب).
ولأن الله عز وجل أمرنا بإقامة الصلاة حتى في حال الحرب والقتال و لو كان تأخير الصلاة عن وقتها جائزاً لمن عجز عن القيام بما يجب فيها من شروط وأركان وواجبات ما أوجب الله تعالى الصلاة في حال الحرب.
مقدار المسافة التي يقصر فيها الصلاة:
المسافة التي تقصر فيها الصلاة حددها بعض العلماء بنحو ثلاثة وثمانين كيلو متراً وحددها بعض العلماء بما جرى به العرف أنه سفر وان لم يبلغ ثمانين كيلو متراً وما قال الناس عنه:إنه ليس بسفر فليس بسفر ولو بلغ مائة كيلو متر.
وهذا الأخير هو اختيار شيخ الإسلام ابن تيمية ، رحمه الله ، وذلك لأن الله تعالى لم يحدد مسافة معينة لجواز القصر وكذلك النبي صلى الله عليه وسلم لم يحدد مسافة معينة لجواز
القصر.
وقال أنس بن مالك – رضى الله عنه : ((كان النبي صلى الله عليه وسلم إذا خرج ثلاثة أميال او فراسخ قصر الصلاة وصلى ركعتين)). وقول شيخ الإسلام ابن تيميه ، رحمه الله ، أقرب إلى الصواب، ولا حرج عند اختلاف العرف فيه أن يأخذ الإنسان بالقول بالتحديد لأنه قال به بعض الأئمه و العلماء المجتهدين فليس عليهم به بأس إن شاء الله تعالى أما مادام الأمر منضبطاً فالرجوع إلى العرف هو الصواب.
متى يترخص المسافر برخص السفر:
ذكر العلماء-رحمهم الله -انه لا يشترط لفعل القصر والجمع ، حيث أبيح فعلهما ، أن يغيب الإنسان عن البلد بل متى خرج من سور البلد جاز له ذلك. وتبدأ أحكام السفر إذا فارق المسافر وطنه وخرج من عامر قريته أو مدينته وإن كان يشاهدها، ولا يحل الجمع بين الصلاتين حتى يغادر البلد إلا أن يخاف أن لا يتيسر له صلاة الثانية أثناء سفره.
الرخص في السفر:
1. صلاة الرباعية ركعتين.
2. الفطر في رمضان ويقضيه عدة من أيام أخر.
3. المسح على الخفين ثلاثة أيام بلياليها ابتداء من أول مسح.
4. سقوط المطالبة براتبة الظهر والمغرب والعشاء أما راتبة الفجر وبقية النوافل فإنها باقية على مشروعيتها واستحبابها.
5. الجمع بين الصلاتين اللتين يجمع بعضهما إلى بعض وهما الظهر والعصر أو المغرب والعشاء ولا يجوز تأخير المجموعتين عن وقت الخيرة منهما فلا يجوز تأخير الظهر والعصر المجموعتين إلى غروب الشمس ولا تأخير المغرب والعشاء المجموعتين إلى ما بعد نصف الليل.

 

 

[doctor farouk]

من كان سفره دائماً هل يترخص برخص السفر؟:
قصر الصلاة متعلق بالسفر فما دام الإنسان مسافراً فإنه يشرع له قصر الصلاة سواء كان سفره نادراً أم دائماً إذا كان له وطن يأوي إليه ويعرف أنه وطنه.
إقامة المسافر في بلد غير بلده الأصلي (بنية الاستيطان) :
أن يقيم إقامة استيطان بحيث ينتقل عن بلده الأصلي انتقالاً كاملاً فحكم هذا حكم المستوطنين الأصليين في كل شيء لا يترخص رخص السفر في هذا البلد الذي انتقل إليه بل يترخص إذا سافر منه ولو إلى بلده الأصلي كما لو كان بلده الأصلي مكة فانتقل للسكنى في المدينة فإنه يعتبر في المدينة كأهلها الأصليين فلو سافر إلى مكة للعمرة أو الحج أو طلب العلم أو زيارة قريب أو تجارة أو غيرها فحكمه في مكة حكم المسافرين وإن كان قد تزوج فيها من قبل وتأهل كما فعل النبي صلى الله عليه وسلم في مكة في غزوة الفتح وحجة الوداع مع أنه قد تزوج في مكة وتأهل فيها من قبل.
هل تسقط الجماعة عن المسافر؟:
لا تسقط صلاة الجماعة عن المسافر لأن الله تعالى أمر بها في حال القتال فقال: (وإذا كنت فيهم فأقمت لهم الصلاة فلتقم طائفة منهم معك وليأخذوا أسلحتهم فإذا سجدوا فليكونوا من ورائكم ولتأت طائفة أخرى لم يصلوا فليصلوا معك) (النساء الآية:102).الآية.. وعلى هذا فإذا كان المسافر في بلد غير بلده وجب عليه أن يحضر الجماعة في المسجد إذا سمع النداء إلا أن يكون بعيداَ أو يخاف فوت رفقته لعموم الأدلة الدالة على وجوب صلاة الجماعة على من سمع النداء أو الإقامة.
عدد ركعات صلاة السفر:
صلاة المسافر ركعتان من حين أن يخرج من بلده إلى أن يرجع إليه لقول عائشة رضى الله عنها : ((أول ما فرضت الصلاة فرضت ركعتين فأقرت صلاة السفر وأتمت صلاة الحضر)). وفي رواية ((وزيد في صلاة الحضر)) وقال أنس بن مالك رضى الله عنه : خرجنا مع النبي صلى الله عليه وسلم من المدينة إلى مكة فصلى ركعتين ركعتين حتى رجعنا إلى المدينة)).
إذا صلى المسافر خلف إمام يتم:
إذا كنت في بلد تسمع النداء فيه فعليك أن تجيب النداء وإذا صليت مع الإمام لزمك الإتمام لعموم قوله صلى الله عليه وسلم ((ما أدركتم فصلوا وما فاتكم فأتموا)). ولقوله صلى الله عليه وسلم: (( إنما جعل الإمام ليؤتم به)) ولأن ابن عباس رضى الله عنهما سئل: عن الرجل إذا كان مسافر وصلى مع الإمام يصلي أربعا َوإذا كان وحده يقصر؟ قال: تلك هي السنة فإذا سمعت النداء فاجب وأتم مع الإمام فلو صليت معه ركعتين وسلم فإن عليك أن تتم الركعتين الباقيتين.
ولكن لو أنك لم تسمع النداء أو كنت في مكان ناء عن المساجد أو فاتتك الجماعة فإنك تصلى ركعتين ما دمت في البلد الذي سافرت إليه بنية الرجوع إلى بلدك.
إمامة المسافر للمقيم:

يجوز للمسافر أن يكون إماماً للمقيمين، وإذا سلم يقوم المقيمون فيتمون الصلاة بعده ولكن ينبغي للمسافر الذي أم المقيمين أن يخبرهم قبل الصلاة فيقول لهم إنا مسافرون فإذا سلمنا فأتموا صلاتكم، ولأن النبي صلى الله عليه وسلم صلى بمكة عام الفتح وقال لهم: (أتموا يا أهل مكة فإنا قوم سفر) فكان يصلي بهم ركعتين وهم يتمون بعده.
كيفية صلاة المسافر:
إذا حان وقت الفريضة وأنت في الطائرة فلا تصلها في الطائرة بل انتظر حتى تهبط في المطار إن اتسع الوقت إلا أن يكون في الطائرة محل خاص يمكنك أن تصلي فيه صلاة تامة تستقبل فيه القبلة وتركع وتسجد وتقوم وتقعد فصلها في الطائرة حين يدخل الوقت.
فإن لم يكن في الطائرة مكان خاص يمكنك أن تصلي فيه صلاة تامة وخشيت أن يخرج الوقت قبل هبوط الطائرة فإن كانت الصلاة مما يجمع إلى ما بعدها كصلاة الظهر مع العصر وصلاة المغرب مع العشاء ويمكن أن تهبط الطائرة قبل خروج وقت الثانية فأخر الصلاة الأولى واجمعها إلى الثانية جمع تأخير ليتسنى لك الصلاة بعد هبوط الطائرة.
فإن كانت الطائرة لا تهبط إلا بعد خروج وقت الثانية فصل الصلاتين حينئذٍ في الطائرة على حسب استطاعتك فتستقبل القبلة وتصلي قائماً وتركع إن استطعت وإلا فأومئ بالركوع وأنت قائم ثم اسجد إن استطعت وإلا فأومئ بالسجود جالساً.
أما كيفية صلاة النافلة على الطائرة فإنه يصليها قاعداً على مقعده في الطائرة ويومئ بالركوع والسجود ويجعل السجود أخفض.
جمع الصلاتين للمسافر:

أما الجمع: إن كان سائراً فالأفضل له أن يجمع بين الظهر والعصر وبين المغرب والعشاء إما جمع تقديم وإما جمع تأخير حسب الأيسر له وكلما كان أيسر فهو أفضل.
وإن كان نازلاً فالأفضل أن لا يجمع وإن جمع فلا بأس لصحة الأمرين عن رسول الله صلى الله عليه وسلم. وفي صحيح مسلم عن عبد الله بن عباس رضى الله عنهما قال: (جمع النبي صلى الله عليه وسلم بين الظهر والعصر وبين المغرب والعشاء من غير خوف ولا مطر) فقالوا: ما أراد قال: أراد أن لا يحرج أمته، أي لا يلحقها حرج في ترك الجمع.
وهذا هو الضابط كلما حصل حرج في ترك الجمع جاز له الجمع وإذا لم يكن عليه حرج فلا يجمع لكن السفر مظنة الحرج بترك الجمع وعلى هذا يجوز للمسافر أن يجمع سواء كان جاداً في السفر أم مقيماً إلا أنه إن كان جاد في السفر فالجمع أفضل. وإن كان مقيماً فترك الجمع افضل.
ويستثنى من ذلك ما إذا كان الإنسان مقيماً في بلد تقام فيه الجماعة فإن الواجب عليه حضور الجماعة وحينئذ لا يجمع ولا يقصر. لكن لو فاتته الجماعة فإنه يقصر من دون جمع إلا إذا احتاج إلى الجمع.
إذا أدرك المسافر ركعتين من الرباعية مع الإمام هل تكفيه لصلاته؟

هذا غير جائز إذا دخل مع المقيم يجب أن يكمل أربع ركعات بعد تسليم الإمام لعموم قول النبي صلى الله عليه وسلم (ما أدركتم فصلوا وما فاتكم فأتموا).
من أراد السفر بعد الفريضة هل يجمع معها ما بعدها وهو في بلده ؟:
إذا كنت في بلدك لم تخرج وأردت أن تسافر بعد صلاة المغرب مباشرة فإنك لا تجمع لأنه ليس لك سبب يبيح للجمع إذ أنك لم تغادر بلدك أما إذا كنت في بلد قد سافرت إليه مثل أن تكون قد أتيت لمكة للعمرة ثم أردت أن تسافر بين المغرب والعشاء فإنه لا بأس إذا صلى الإمام المغرب أن تصلي بعده العشاء مقصورة ثم تخرج إلى بلدك.
إذا أخر المسافر صلاة المغرب ليجمعها مع صلاة العشاء وأدرك الناس في المدينة يصلون العشاء:
ينضم معهم بنية صلاة المغرب وفي هذه الحال إن كان قد دخل مع الإمام في الركعة الثانية فالأمر ظاهر ويسلم مع الإمام لأنه يكون صلى ثلاثاً وإن دخل في الثالثة أتى بعده بركعة.أما إن دخل في الركعة الأولى من صلاة العشاء وهو يصلي بنية المغرب فإن الإمام إذا قام إلى الرابعة يجلس هو ويتشهد ويسلم ثم يدخل مع الإمام في بقية صلاة العشاء حتى يدرك الجماعتين في الصلاتين وهذا الانفصال جائز لأنه لعذر والانفصال لعذر جائز كما ذكر ذلك أهل العلم.
الصلاة في الحضر وقد أدركه وقتها في السفر والعكس:
قاعدة: وهي: أن العبرة بفعل الصلاة فإن فعلتها في الحضر فأتم وإن فعلتها في السفر فاقصر سواء دخل عليك الوقت في هذا المكان أو قبل.
مثلاً إنسان سافر من بلده بعد أذان الظهر لكن صلى الظهر بعد خروجه من البلد ففي هذه الحال يصلي ركعتين وأما إذا رجع من السفر ودخل عليه الوقت وهو في السفر ثم وصل بلده فإنه يصلي أربعاً فالعبرة بفعل الصلاة إن كنت مقيماً فأربع وإن كنت مسافراً فركعتين.
إذا قام المسافر لثالثة وقد نوى القصر:
إذا أتم المسافر الصلاة ناسياً فإن صلاته صحيحة ولكن يسجد للسهو لأنه زاد زيادة غير مشروعة ناسياً فإن المشروع في حق المسافر أن يقتصر على ركعتين إما وجوباً على مذهب أبي حنفية وأهل الظاهر وإما استحباباً على مذهب أكثر أهل العلم.
صلاة الرجل بأهله في السفر:
لا بأس أن يصلي الرجل بأهله ومحارمه في السفر فقد كان النساء يحضرن الصلاة في عهد النبي صلى الله عليه وسلم وصلى النبي صلى الله عليه وسلم بأنس وأمه واليتيم.
صلاة الجمعة للمسافر:
المسافر لا تسقط عنه الجمعة إذا كان في مكان تقام فيه الجمعة، و لم يكن عليه مشقة في حضورها لعموم قوله تعالى: (يا أيها الذين أمنوا إذا نودي للصلاة من يوم الجمعة فاسعوا إلى ذكر الله وذروا البيع) فيجب عليه حضور الجمعة ليصلي مع المسلمين، ولا تسقط عنه صلاة الجماعة لعموم الأدلة أيضاً.
جمع صلاة العصر مع صلاة الجمعة:
لا تجمع العصر إلى الجمعة لعدم ورود ذلك في السنة ولا يصح قياس ذلك على جمعها إلى الظهر للفروق الكثيرة بين الجمعة والظهر والأصل وجوب فعل كل صلاة في وقتها إلا بدليل يجيز جمعها إلى الأخرى.
السفر قبل صلاة الجمعة:
السفر يوم الجمعة إن كان بعد أذان الجمعة الثاني فإنه لا يجوز لقوله تعالى: (يا أيها الذين آمنوا إذا نودي للصلاة من يوم الجمعة فاسعوا إلى ذكر الله وذروا البيع) فلا يجوز للإنسان أن يسافر في هذا الوقت لأن الله قال: (فاسعوا إلى ذكر الله وذروا البيع) وإذا كان السفر قبل ذلك فإن كان سيصلى الجمعة في طريقه مثل أن يسافر من بلده وهو يعلم أنه سيمر على بلد آخر في طريقه ويعرج عليه ويصلي الجمعة فيه فهذا لا بأس به وإن كان لا يأتي بها في طريقه فمن العلماء من كرهه ومن العلماء من حرمه ومن العلماء من أباحه وقال إن الله تعالى لم يوجب علينا الحضور إلا بعد الأذان والأحسن ألا يسافر إلا إذا كان يخشى من فوات رفقته.
ماذا يصلى المسافر من النوافل؟:
التطوع بالنوافل: فإن المسافر يصلي جميع النوافل سوى راتبة الظهر والمغرب والعشاء فيصلى الوتر وصلاة الليل وصلاة الضحى وراتبة الفجر وغير ذلك من النوافل غير الرواتب المستثناة.
المسافرون يصلون التراويح وقيام الليل؟:
نعم يصلون التراويح ويقومون الليل ويصلون صلاة الضحى وغيرها من النوافل لكن لا يصلون راتبة الظهر أو المغرب أو العشاء.

كيفية الصلاة في الأماكن التي يطول فيها الليل أو النهار
س : قد يستمر الليل أو النهار في بعض الأماكن لمدة طويلة ، وقد يقصر جدا بحيث لا يتسع لأوقات الصلوات الخمس فكيف يؤدي ساكنوها صلاتهم ؟
الواجب على سكان هذه المناطق التي يطول فيها النهار أو الليل أن يصلوا الصلوات الخمس بالتقدير إذا لم يكن لديهم زوال ولا غروب لمدة أربع وعشرين ساعة ، كما صح ذلك عن النبي صلى الله عليه وسلم في حديث النواس بن سمعان ، المخرج في صحيح مسلم في يوم الدجال الذي كسنة ، سأل الصحابة رسول الله صلى الله عليه وسلم عن ذلك ، فقال : اقدروا له قدره
وهكذا حكم اليوم الثاني من أيام الدجال ، وهو اليوم الذي كشهر ، وهكذا اليوم الذي كأسبوع . أما المكان الذي يقصر فيه الليل ويطول فيه النهار أو العكس في أربع وعشرين ساعة فحكمه واضح : يصلون فيه كسائر الأيام ، ولو قصر الليل جدا أو النهار؛ لعموم الأدلة . والله ولي التوفيق . واتمنى ان هذا الموضوع ينال اعجابكم

 

 

[doctor farouk]

3.ادعيه السفر

توكلت في رزقي على الله خـالقي … وأيقنـت أن الله لا شك رازقي
وما يك من رزقي فليـس يفوتني … ولو كان في قاع البحار العوامق
سيأتي بـه الله العظـيم بفضلـه … ولو، لم يكن من اللسـان بناطق
ففي اي شيء تذهب النفس حسرة … وقد قسم الرحـمن رزق الخلائق

من أراد أن يسافر

مستحبات السفر


فالمستحب أن يخرج يوم الخميس، فإن النبي صلى الله عليه وسلم كان يحب أن يخرج يوم الخميس. (للبخاري).

ويستحب أن يصلي ركعتين قبل الخروج إلى السفر.

ولا يسافر واحداً ولا مع واحد بل يخرج مع اثنين أو مع ثلاثة، فإن النبي صلى الله عليه وسلم قال: الراكب شيطان والراكبان شيطانان والثلاثة ركب (لأبي داود والترمذي وقال حسن).

وخير الصحابة أربع، وخير السرايا أربع مئة، وخير الجيوش أربعة آلاف. (لأبي داود والترمذي).
وليؤمروا أحدهم. (لأبي داود).

ولا يأخذوا معهم كلباً ولا جرساً، فإن النبي صلى الله عليه تعالى وسلم قال: لا تصحب الملائكة رفقة فيها كلب ولا جرس. (لمسلم).

وإذا نزلوا في آخر الليل فليتجنبوا الطريق فإنها طرق الدواب ومأوى الهوام بالليل. (لمسلم).


أدعية السفر

وإذا أراد أن يسافر قال:
اللهم بك أصول وبك أجول وبك أسير. .

التوديع بالدعاء والوصية عند السفر:
عن أبي هريرة رضي الله تعالى عنه أن رجلاً قال يا رسول الله إني أريد أن أسافر فأوصني، قال: عليك بتقوى الله والتكبير على كل شرف، فلما أن ولي الرجل قال:
اللهم اطو له البعد وهون عليه السفر. .

وعن أنس رضي الله تعالى عنه قال: جاء رجل إلى رسول الله صلى الله عليه وسلم فقال: يا رسول الله صلى الله عليه وسلم إني أريد سفراً فزودني، قال:
زوَّدك الله التقوى.
قال: زدني.
قال: وغفر ذنبك.
قال: زدني بأبي أنت وأمي:
قال: ويسر لك الخير حيث ما كنت. .


وكان ابن عمر رضي الله تعالى عنه يقول للرجل إذا أراد سفراً: أن ادنُ مني أودعك كما كان رسول الله صلى الله عليه وسلم يودعنا فيقول:
أستودع اللَّه دينَك وأمانتك وخواتيم عملك.
ويقول الذي يريد السفر لمن يخلفه
أستودعكم الله الذي لا تضيع ودائعه. .

دعاء ركوب الدابة:
وأُتي علي رضي الله تعالى عنه بدابة ليركبها فلما وضع رجله في الركاب قال: بسم الله، فلما استوى على ظهرها قال: الحمد لله
ثم قال: {سُبْحانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ * وَإِنَّا إِلَى رَبِّنَا لَمُنقَلِبُونَ} .
ثم قال: الحمد لله (ثلاثاً).
وقال: الله أكبر(ثلاثاً).
ثم قال: {سبحانك إني ظلمت نفسي فاغفر لي فإنه لا يغفر الذنوب إلا أنت}.
ثم ضحك، وقال: رأيت رسول الله صلى الله عليه وسلم صنع كما صنعت. .

الدعاء إذا خرج للسفر:
روى ابن عمر رضي الله تعالى عنهما: أن رسول الله صلى الله عليه وسلم كان إذا استوى على بعيره خارجاً إلى السفر كبَّرَ (ثلاثاً) ثم قال:
{سُبْحانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ * وَإِنَّا إِلَى رَبِّنَا لَمُنقَلِبُونَ}.

اللهم نسألك في سفرنا هذا البر والتقوى ومن العمل ما ترضى.

اللهم هون علينا سفرنا هذا واطو عنا بعده، اللهم أنت الصاحب في السفر والخليفة في الأهل.

وإذا رجع قالهن وزوّد:
آيبون تائبون عابدون لربنا حامدون. .

وعن عبد الله بن سرجس رضي الله تعالى عنه قال كان رسول الله تعالى عليه وسلم إذا سافر يتعوذ من وعثاء السفر وكآبة المنقلب والحَوْر بعد الكون ودعوة المظلوم وسوء المنظر في الأهل والمال.
.
ما يقول عند الصعود والهبوط:
وقال أبو موسى الأشعري رضي الله تعالى عنه: كنا مع رسول الله صلى الله عليه وسلم فكنا إذا أشرفنا على واد هللنا وكبرنا... الحديث. .
وقال جابر بن عبد الله رضي الله تعالى عنهما: كنا إذا صعدنا كبرنا وإذا نزلنا سبحنا. .

وإذا نزل منزلاً:
أعوذ بكلمات الله التامات من شر ما خلق. .

الركعتان إذا نزل منزلاً:
روى الحاكم في المستدرك عن أنس بن مالك رضي الله تعالى عنه قال: كان النبي صلى الله تعالى عليه وبارك وسلم لا ينزل منزلاً إلا ودعه بركعتين.

وإذا أمسى في السفر وأقبل الليل قال:
يا أرضُ ربي وربك الله، أعوذ بالله من شرك وشر ما فيك وشر ما خلق فيك، ومن شر ما يدب عليك، وأعوذ بالله من أسدٍ وأسْوَد، ومن الحية والعقرب. ومن ساكني البلد، ومن والدٍ وما ولد.
.الدعاء حين السحر في السفر:
وكان النبي صلى الله عليه وسلم إذا كان في سفر وأسحر يقول: سمع سامعٌ بحمد الله وحسن بلائه علينا، ربنا صاحبنا وأفضِل علينا عائذاً بالله من النار. .
يقول ذلك ثلاثاً يرفع بها صوته. .

أدعية الرجوع من السفر
وإذا رجع من سفره:
يكبر على كل شرف من الأرض ثلاث تكبيرات ثم يقول:
لا إله إلا الله وحده لا شريك له، له الملك وله الحمد وهو على كل شيءٍ قدير، آيبون تائبون عابدون ساجدون لربنا حامدون، صدق الله وعده، ونصر عبده، وهزم الأحزاب وحده. .

وإذا أشرف على بلده قال:
آيبون تائبون عابدون لربنا حامدون.
ولا يزال يقولها حتى يدخل بلده. .
وإذا دخل على أهله قال:
أوباً أوباً إلى ربنا توباً لا يغادر علينا حوباً.


قال الامام الشافعي
والسهم لولا فراق القوس لم يصب--------والأسد لولا فراق الغاب ما افترست




برجاء طباعه الجزء الخاص بالدعاء في السفر وكذلك فتاوي السفر وتكون معك في الطائره لتقرأ منها الادعيه باستمرار وكذلك لا تنسي قراءه فتاوي السفر في اليوم قبل السفر

 

 

[doctor farouk]

4..شنط السفر ومحتوياتها والممنوعات

السلام عليكم
اولا :معلومات عن شنط السفر والممنوعات والمسموح

لشنط اللي هتسافر بيها
2 شنطه كبيره
شنطه لاب توب
شنطه صغيره معاك في الطياره

1.الشنط الكبيره

المسموح للفرد في معظم شركات الطيران هو شنطتين (زي شركه اير كندا )كل واحده بحد اقصي 23 كيلو (كل واحده مش مجموع الاتنين اقل من 46 )
حجم الشطنه الواحده بقياس كل الابعاد الطول والعرض والعمق هو 157 سم

بعض شركات الطيران بتسمح بشنطه واحد مجانا والتانيه بفلوس
الموقع ده فيه
المسموح في معظم شركات الطيران واسعار تاني شنطه
https://www.expedia.com/daily/flights/airli...ees.asp#airline
الشنطه الزياده بيدفع عليها 100 دولار
الشنطه اللي وزنها زياده بمعني اكتر من 23 لحد 32 يدفع عليها 50 او 100 دولار حسب الشركه
الوزن اكتر من 32 كيلو ممنوع دخولها

الحجم اكبر للشنطه من 157 لحد 292 يدفع عليها 100 دولار
الحجم اكبر من 292 غير مقبول
لو الشنطه وزنها وحجمها زياده بتدفع 225 دولار


الدفع بيكون للوزن او الحجم الزائد للوصول لوجهه السفر المححده عند الدفع لاول مره بمعني لو انت عملت ترانزيت في بروكسل وانت اصلا حاجز القاهره مونتريال يبقي مش هتدفع تاني علي الشنط

عربيه البيبي سواء الستولير او كرسي السياره والكرسي المتحرك للمعاقين لا يدفع عليهم اي مبلغ مالي

https://www.continental.com/***/en-US/conte...e/checkbag.aspx

https://www.aircanada.com/en/travelinfo/air...e/carry-on.html

2.شنطه اللاب توب

ولاتحتوي غير اللاب توب والاكسيسوريز بتاعته فقط

3.الشنطه علي الطياره

23*40*55 سم
الحم ده شامل العجل واليد بتاعه الشنطه
وزنها لايزيد عن 10 كيلو

ممكن تحتوي
الفلوس
الادويه
الاشياء القيمه زي المجوهرات
لاب توب
شنطه حريمي صغيره او محفظه
اشياء تخص الاطفال زي كيس حفاضات
واكل الاطفال
لو انت مسافر من مطار انجلترا او امريكا او دلهي في شويه احترازات زياده مهمه
https://www.continental.com/***/en-US/conte...y.aspx#offshore

بخاخه زي مثبت شعر او عطر او جيل او اي سائل يجب ان يوضع في زجاجه اقل من 100 ملل في كيس ويتم تفتيشها لوحدها غير الشنطه ا علي الطياره
ولو اكبر من 100 ملل لازم تخطر بيها
لو اكل الطفل او الادويه في زجاجه اكبر من 100 ملل لازم تخطر بيها

باقي المطارات موضوع البخاجه والجيل والسوائل مش محدد حجم بس يكون في حدود الاستخدام الشخصي بس الافضل تريح دماغك تخليها في اضيق الحدود اوتسيبها في الشنطه الكبيره عشان لو واحد غلس طلبت معاه


المسموحات في الشنطه الصغيره معاك علي الطياره
ادويه
عصير
كاميرا تصوير
مشتريات من داخل المطار بعد البوابه بتاعه الامن
احتياجات خاصه
اله موسيقيه
شنطه دبلوماسيه
كتب للقراءه
مظله مطر
كمبوتر صغير
جاكت او اي ملابس
عربيه الاطفال بشرط انها بعد الطي لاتتعدي 25 سم عرض وارتفاع اقل من 92 سم
كرسي للطفل لو انتي حاجزه له كرسي اصلا في الطياره
المتاح من الاجهزه علي الطائره
كاميرا تصوير
فيديو جيمز او ام بي ثري
راديو استقبال
مستقبل قمر صناعي زي الجي بي اس
اله حاسبه بدون طابعه مرفقه
كمبيوتر بدون اي زوائد ماعدا الماوس بسلك و الفلاش ميموري
ماكينه حلاقه اليه
موبايل
مقص معدن بدون سن مدبب بس طوله اقل من 9 سم
مفك بدون سن مدبب (مش عارف ازاي)او كماشه طولهم اقل من 14 سم

حيوان اليف في علبه حمل

https://www.aircanada.com/en/travelinfo/air...s-in-cabin.html


الممنوعات علي الطياره (ممنوعه في غرفه الركاب) والتي من الممكن وضعها في الشنطه الكبيره (التي توضع في مخزن الحقائب الخاص بالطياره)
https://www.tsa.gov/travelers/airtravel/pro...ited-items.shtm

 

 

[doctor farouk]

الممنوعات للشنطه الصغيره اللي معاك (غير الشنطه الكبيره اللي في مخزن حقائب الطياره)هي

اي حاجه ليها سن مدبب
مفك او سكينه او مقص او شاكوش او سنون سناره الصيد او كاتر ماعدا السرنجات بسبب طبي واضح مع روشته العلاج
الاجهزه الكهربائيه او الاسلكيه زي
الماوس الواير ليس
البلوتوث
راديو جهاز اتصال
طابعه الكمبيوتر او اي اجهزه زائده علي الكمبيوتر
اقلام الليزر

ملحوظات هامه عن شنطه السفر نفسها وازاي تحميها من السرقه والضياع

1 . لاتضع حجات مهمه زي المجوهرات او اوراق مهمه في شنطه السفر الكبيره

2 . شيل اي علامات قديمه او تكيت من سفر سابق علي الشنطه

3 . التيكيت علي الشنطه من بره في مكان واضح وفي اكتر من مكان يحتوي علي اسمك وتليفونك واميلك
وكمان اسم شركه الطيران ومكان السفر ومكان الوجهه بتاعه السفر

4. كمان حط تيكت جوه الشنطه

5 . حط شريط فسفوري علي ايد وكمان علي جسم الشنطه بحيث انك تشوفها بسهوله

6 . والافضل طبعا انك لما تشتري الشنطه تكون لونها مميز زي احمر فاقع مثلا

7 . حاول تصور شنطتك بالموبايل وتحفظ الصوره علي الموبايل او الكاميرا

8 . اوعي تقفل الشنطه بتاعتك بقفل عشان ممكن يكسروا القفل للتفتيش

نصيحه عامه انك تحط طقم غيار في الشنطه اللي معاك علي الطياره بحيث لاقدر الله لو الشنطه اتاخرت او ضاعت تعرف علي الاقل تبات ليله وتلاقي لبس
الافضل حجات المكياج والكريمات والجيل والشامبو والعطور عامه خليها في شنطه السفر الكبيره عشان متوجعش دماغك بالامن علي الطياره

وعلي فكره لو حصل تاخير في الطياره واضطر انك تبات المفروض ان شركه الطيران بتوفرلك اودوات استعمال خاصه عشان الليله ديه وكمان حجز غرفه نوم
طبعا بجد ومش هزار لو انت جنسيتك عربي مش هيتوفرلك اي غرفه ولا اي حاجه وده عن حادث اعرفه حصل فعلا

لو انت من النوع كثر التنقل اوعي تستخسر الفلوس في الشنطه لانها لما تكون نوع كويس هتعيش معاك واوفر علي المددي الطويل
وكمان الشنط لازم تكون علي عجل عشان تجرها مش تشيلها

 

 

[doctor farouk]

الممنوعات تماما علي الطياره باي صوره سواء الشنطه الصغيره او الكبيره

https://www.airsafe.com/danger.htm

المتفجرات عامه
بارود _ العاب ناريه _ قنابل _ واي مواد قابله للنفجار
المواد القابله للاشتعال
جاز _ بنزي _ والمشتقات البتروليه عامه زي الثينر _ الايروسولات ماعدا بتاعه الاستخدام الشخصي زي بتاعه الادويه او مستحضرات التجميل مع مراعاه الكميات بالزات لو انت مسافر امريكا

الغازات وحاويات ضغط
زي الايروسولات زي ما قلنا ما عدا بتاعه الادويه او الاستخدام الشخص زي ادوات التجميل بس تكون بكميات محوده مش اكتر من 100 ملل
وممنوع كمان اسطوانات الاكسجين بتاعه الغطس او اسطوانات ثاني اكسيد الكربون او قوارب زاتيه الانتفاخ او غازات التبريد زي النيتروجين السائل

وكمان ال بخاخه الفلفل او بعني تاني بتاعه السلف ديفينس

علب الكبريت ممنوعه

المؤكسدات والمواد العضويه
الكلور و حمض النيرتريك ومواد حمامات السبحه ومواد لحام الفيبر جلاس

السموم عامه
قاتل الاعشاب الضاره والحشائش وقاتل الفئران وميدات الحشرات ومبيدات المحاصيل سيانيد وارسينيك

مواد معديه
عينات معامل او مواد فيروسيه

مواد كاويه
منظفات البالوعات وبطاريات السياره واحماض ومواد قلويه

المواد المشعه

مغناطيسات قويه زي بتاعه السماعات الكبيره وادوات بعض التجارب

_
المواد المسموح بيها في الشنطه الكبيره في مخزن الطياره ومش مسموح بيها معاك داخل كابينه الطياره

الادوات الرياضيه

اسلحه بيضاء وسكاكين وسيوف ومقصات اكبر من 10 سم او ليها سن مدبب (اصغر من 10 وملهاش سن مدبب مسموح بيها علي ظهر الطياره ) واي مواد حاده بس بشرط انه تكون محطوطه جوه شنطتك بطريقه امنه
والجزء بتاعها الحاد مش بيعرض اي حد بيتعامل مع الشنطه انه يتعور

الاسلحه الناريه
ممكن تاخدها بس تكون في علبه خاصه بيها ولازم تخطر بيها في المطار او ما تحط شنطك (الاسلحه ممنوعه بتاتا في اي مطار امريكي سواء جاي او مسافر منه وحتي لو اخطرت بيه ممكن تتمسك في المطار)

الالعاب اللي علي شكل اسلحه بصوره كانها حقيقه توضع في الشنط الكبيره وممنوع علي ضهر الطياره بس الالعب اللي هي بسيطه بتاعه الاطفال اللي بسهوله تميز من الحقيقي ممكن تاخدها علي ظهر الطياره معاك

الادوات
اي اداه اكبر من 18 سم ممنوع تتشال داخل كابينه الطياره بس ممكن تحطها مع الشنط الكبيره

وممكن الشنيور او المفكات او المشار يتحط في الشنط الكبيره

اي اداه ليها سن مدبب حتي لو اصغر من 18 سم ممنوعه في كابينه الطياره

الثلج الجاف مسموح بيها بس بحد اقصي اتنين كيلو الا ربع 1800 جرام

اجزاء الكمبيوتر زي المازر بورد او كارت الشاشه او كارت الصوت للكمبيوتر سماعات صغيره مش الكبيره اوي عشان المغناطيس الكبير ممنوع

المسموحات علي ظهر الطائره
الادوات اصغر من 18 سم بس ميكونش ليها سن زي الكماشه او مفك من غير سن (مش عارف ازاي ) )
الاشياء التي لايجب ان توضع في حقيه السفر الكبيره
(هي مش ممنوعه بس عشان ممكن تضيع
اي اوراق هامه
الباسبور
مفاتيح
تذاكر

 

 

[doctor farouk]

ثانيا :محتويات شنطه السفر

لازم تعمل ليسته بمحتويات شنطه السفر عشان تكون قدامك وانت بتملاها عشان متنساش حاجه وانت بتحضر شنطتك وتعلم علي كل حاجه حطيتها في الشنطه وكمان لو انت معاك شنطتين يفضل تعمل ليستتين واحده لكل شنطه ومن فوايد اللسته ديه لو انت حبيت تنتقل من المكان اللي انت وصلتله بعد فتره هيكون الليسته مفيده عشان متنساش حاجه بس متنساش تبقي تعملها ابديت من وقت للتاني باللي انت جبته
وياريت نسختين من كل ليسته واحده في الشطنه الكبيره والتانيه معاك في الطياره تحسبا لا قدر الله لو ضاعت تبقي عارف مقدار الخسائر

1- أوراق ووثائق ضرورية
( جواز السفر
– نقود دولار كندي او امريكي في حدود 1000 دولار لو انت لوحدك او 4000 دولار لو معاك اسره
– تذكرة السفر
– واكثر من اصل لوثائق أخرى ستحتاجها مثل 2 شهاده ميلاد عربي ويفضل لو كمان مترجمه للانجليزيه
- شهاده التخرج عربي ومترجمه وشهاده خبره- تصريح مزاوله المهنه بالانجليزيه للاطباء مثلا او الصيادله
- شهاده الامتياز بالعربي والانجليزي للاطباء
- رخصه القياده ورخصه القياده الدوليه وشهاده المخالفات وشهاده خبره بتاعه القياده - - شهاده الخبره باللغه العربيه والانجليزيه ويفضل طبعا لو موثقه من الخارجيه وحتي ولوشهاده خبره بعمل تطوعي
- شهاده الثانويه العامه ممكن تحتاجها لو هتدرس كليه تاني هناك
- للاولاد اخر ريبورت او تقرير من المدرسه بتاعتهم
و للاولاد ايضا شهاده التطعيم وشهاده الميلاد المترجمه من قسم الترجمه في وزاره الصحه بالقاهره )

وطبعا قلم جاف في جيبك لانك هتحتاجه اوعي يسيح في جيبك وتبقي فضيحه
وكمان لسته مبسطه بمحتويات الشنطه عشان الجمارك
ولسته بالحجات اللي ممكن تبعت عليها من مصر بعد كده عشان متتجمركش وهتسلمها وانت نازل في مكتب الهجره
ولو حضرتك معاك دهب او مجوهرات تصورها وتكتب في ورقه قيمتها التقريبيه
اوعي تنسي الورقه اللي انت طبعتها فيها ادعيه السفر وفتاوي السفر عشان تقرا الادعيه في الطياره

وطبعا كلها هتكون معاك في الشنطه الصغيرهفي غرفه الركاب

2- ملابس(غيارات داخلية ثيرمال وعاديه - ملابس للبيت – ملابس للخروج - شبشب- حذاء عادى وحذاء رياضى _ شرابات – شماعات – حزام - ملابس شتوية أو صيفية حسب البلد المسافر إليها – بدلة أو أكثر حسب الحاجة
(نصيحه عامه متشتريش جديد بتاتا الا الملابس الداخليه الثيرمال وخد اللي عندك لان كندا فيها ارخص واجود ولو رايح في الصيف متخدش حجات الشتاء لانك كده هتشتري الثيرمال من هناك ارخص والجاكتات وكله ولا زم تعمل حساب الحجات اللي هتشتريها من هنا في الميزانيه)

3- ما تحتاجه للعبادة ( القرأن الكريم– عدد اتنين سجادة صلاة _كتاب اذكار الصباح والمساء_كتاب احاديث صغير– بوصلة صغيرة لمعرفة القبله مهم عشان تعرفها في الشغل واي حته مفيش فيها مسجد (بعض انواع السجاد للصلاه بيكون معاه بوصله وكتيب صغير منه تعرف القبله _لبس للصلاه في المنزل للسيدات _ورقه مطبوع بها موقع اقرب المساجد من مكان اقامتك -ورقه مطبوع فيها مواقيت الصلاه الخاص بالمقاطعه اللي انت رايحها
من الموقع ده تعرف المواقيت لكل مقاطعه
https://www.islamicfinder.org/cityPra...da&lang=arabic )

4- أدوات النظافة (صابونة – 2فوطة - مشط – كريم للشعر- قصافة اظافر – مقص - فرشة أسنان - معجون أسنان – شامبو - فرشة حلاقة - كريم حلاقة - ماكينة حلاقة - ماكينة حلاقة كهربائية لو بتستخدمها بس تاكد من الفولت اللي بتشتغل عليه لو 220 بس يبقي لازم محول - مراية صغيرة – ملقاط – عطر – مناديل كافية)

5- أدوات متنوعة مثل (دبابيس - كزا لون بكرة خيط وإبرة)

6- ادوات شخصية ( نظارة شمس - نظارة نظر)

7- ادوات كتابية وترفيهية (مجلات و كتب - اوراق و أقلام - أرقام وعناوين مهمة تحتاجها هناك –ام بي ثري _ قاموس للترجمة - خريطة للمدينة المسافر إليها- شطرنج )

8- إسعافات أولية (ترمومتر-– خافض للحرارة - قطن طبى _بلاستر طبي– مطهر ولصق للجروح – أى أدوية أخرى يحتاجها المسافر )

9- أدوات إلكترونية (تليفون محمول - شاحن المحمول-مشترك كهربائي - فيشه كهرباء تتناسب مع مخارج الكهرباء في كندا (سوف نفصلها في موضوع منفصل ) – محول كهربائي من 110 الي 220 وده للي جايب اجهزه من مصر (علي فكره الاب توب بيشتغل علي 110 و 220 وبكده مش هيحتاج محول بس هيحتاج فيشه مناسبه لمخارج كهرباء كندا ) _ كاميرا وبطارية ,وشاحن الكاميرا وكروت ذاكرة إضافية معها - لاب توب وملحقاته - اسطونات صيانة وبرامج – أسطوانات قران )

10_مستلزمات مطبخ (ملعقه _شوكه_سكينه _كوب _طبق _طاسه قلي _ كاتل او غلايه كهربائيه للمياه بس برضو لازم محول كهربي لو هيه فولت220 بس وبلاش الصيني والحجات القابله للكسر)

11_توابل ( قرفه _لبان دكر _قرنفل _مستكه _حبهان _جوزه الطيب_ سحلبببببببببببببببببببببببببب_ عناب - قهوه محوجهه للي غاوي)
الحجات ديه ممكن متلاقيهاش هناك

12_عدد خمسه زبده كاكاو عشان تشقق الشفايف لانها غاليه في كندا وكمان تضمن انها حلال

13-ملايه وكيس مخده

14-شطاف حمام عشان ده مش موجود في كندا

15-لاب توب _كاميرا لاب توب للي معندهوش كام في الاب _كاميرا تصوير عادي _كي بورد عربي_عدد اتنين استيكر عربي للكي بورد عشان لو الكي بورد اللي معاك باظ وماوس احتياطي يفضل يكون اصلي مستعمل بيعمل حوالي 25 جنيه نوعيه dell or microsoft لانه بيستحمل عشر مرات اكتر من العادي

16_هدايا من مصر كام ورقه بردي علي كام عقد فرعوني طبعا مش اصلي عشان منروحش في داهيه الاجانب بيحبوا الحجات ديه موت
اوعي تشتري اي حاجه من خان الخليلي نفسه لانك هتتظبط في السعر اشتريها من الشارع اللي علي شمال خان الخليلي وانت ظهرك للحسين في نص الشارع ده حضرتك دسته البرديات ال 30 سم ب 25 او 30 جنيه وفي خان الخليلي ب 13 جنيه البرديه الواحد

17_الادويه اللي هتحتاجها في السفر هعمل موضوع اجمع فيه الادويه المهمه اللي تنفع عامه مع اي حد

18_swiss knife (سكينه الكشافه) ده لو عندك ومتشتريش لانها في كندا ب 150 جنيه تجيب واحده اصلي تحفه ومعاها كمان كشاف وبتنفع جدا في كزا حاجه )

علي فكره كل حاجه موجوده هناك في كندا بس انت بتاخد اللي يعيشك هناك بتاع شهر لانك هتكون مشغول في الاستقرار واستخراج اوراقك ولما الشهر يعدي وتستقر شوف ايه نقصك وكمان تستفيد من ممتلكاتك هنا بدل ما تشتري تاني كل حاجه

ملحوظات هامه لشنطه السفر

1. ليسته بمحتويات شنطه السفر
2. تحضير وتعبئه شنطه السفر علي الاقل يومين او تلاته قبل السفر وتظبيط وزن كل شنطه والاستعداد بتحضير المحتويات قبلها باسبوعين علي الاقل وافتكر كل شنطه 23 كيلو بحد اقصي شنطتين وليس من الممكن شنطه واحد 40 كيلو بدل الاثنين
3. ادوات العناية الشخصية كذلك علبة المكياج والعطور وأدوات الاستحمام أوالحلاقة••فتتوضع في كيس محكم الغلق علشان لو اتكسرت او اتفتحت ماتتكبش علي الهدوم
4. توضع الشرابات في داخل الاحذيه وذلك لتوفير مكان وتوضع الاحذيه في اكياس محكمه حتي لا تتسخ الملابس ويراعي عدم وضع اي شئ معدني (معدن الحزام او كيس شوك او سكاكين)قريب من الاحذيه علشان الخدوش
5. يجب التنبه إلى ضرورة لف (لفها وليس ثنيها لتوفير مساحه)الثياب الداخلية وقمصان وبيجامات النوم داخل أكياس وأن يكون مكانها في وسط الحقيبة، لئلا تظهر للأعين أثناء تفتيش الحقائب في جمارك المطارات•
6. بالنسبه للملابس الطويله مثل البالطو او بليزر طويل او عبايه يخشي عليهم من انها تتطبق وتتبهدل دول يتم وضعهم وفرشهم في اسفل الشنطه بمعني اول شئ يوضع في الشنطه ويترك طرف الملابس متدلي خارج الشنطه لانها ملابس طويله وبعد ذلك تضع الملابس الاخري فوقها وبعد ان تنتهي تقوم بثني الجزء خارج الشنطه من العبايه فوق الملابس وتغلق الشنطه
7.يراعي وضع الاشياء القابله للكسر في اقرب جزء لمقبض الشنطه علشان لما تشيل الشنطه مينزلش عليها وزن محتويات الشنطه لو معاك حاجه حاده او قابله للكسر ممكن تحطها في كوب بلاستيك
8.بالنسبه للملابس اللتي لا تخاف انها تتكرمش اتبع اسلوب اللف بدلا من التطبيق العادي ويفضل انك تلف كزا تي شيرت (تبرم)مع بعض هياخدوا مساحه اقل من انك تلف كل واحد لوحده وكمان ممكن توفر مساحه لو ربطت كل لفه بشريط صغير وشكل الهدوم بيكون عامل بعد اللف زي الاسطوانه وده بيوفر مكان كبير

لا اله الا انت سبحانك اني كنت من الظالمين
اللهم اغفر لي ولوالدي
لا اله الا الله وحده لا شريك له له الملك وله الحمد وهو علي كل شئ قدير
رضيت بالله ربا وبالاسلام دينا وبسيدنا محمد نبيا ورسولا

لا اريد كلمه شكر ولكني في حاجه الي دعاء

 

 

[doctor farouk]

5.حجز تذكره الطيران

كلامنا هنا هيكون عن


1.الحجز
2.الترنزيت
3.في المطار
4.كرسي الطياره
5.في الطياره
6.خلاصه المقال

1.الحجز

احجز تذكرتك من النت لانها بتكون اسهل واسرع لانك مش هتقف طابور عشان تحجز تذكره وبمجرد ما تحجز انت بتدخل علي طول علي التشيك
وكمان الحجز من النت بيديك ميزه مهمه جدا الا وهي ان حضرتك تحجز الكرسي بتاعك وده مش بيحصل لما تحجز من شركه طيران الا لما توصل المطار وتقف طابورك
بعد ما تدخل علي الموقع بتاع الحجز ادخل شوف المطار اللي انت رايح عليه ايه هي شركات الطيران الي شغاله عليه في اليوم ده ولما تعرفها استني متتسرعش وتحجز
الاول ادخل علي موقع الشركات ديه واعرف يمكن يكون في عروض مؤقته مش نازله في الموقع اللي انت دخلت منه
طبعا الاشهر هو
https://www.expedia.com/
وارخص موقعين حجز طيران في رايي وارخص كمان من Expedia بعد ما عملت كزا مقارنه هي
https://www.cheapoair.com/
https://www.onetravel.com/
مواقع جامد لمقارنه الاسعار بتاعه المواقع يعني بتلاقيه حاطط اسعار من Expedia و cheapoair وبيقارنلك بينهم
https://www.travel-ticker.com/index.jsp
https://www.vayama.com/?s=172462703
وده برضو حلو
https://ca.travelzoo.com/supersearch/?catid=99
وفي واحد كمان مش بطاله
https://www.sidestep.com/flights

احجز قبلها بفتره عشان تاخد اسعار حلوه وكراسي كويسه انا لما دخلت علي مواقع الحجز لقيت واحنا في شهر واحد الطيارات اللي في شهر 8 نص الطياره محجوزه ده بيديك فكره عن اهميه الحجز بدري عشان تعرف تاخد سعر كويس وكمان كرسي كويس

*الاسعار من مطار القاهره تعتبر نصف سعر الاسعار من مطار الاسكندريه وده عن بحث قمت بيه في كزا موقع
*من ارخص اشهر السفر لكندا هي شهر سبعه

وانت بتحجز ابعد عن الايام الزحمه مثلا زي يوم الاربعاء قبل عيد الشكر اللي بيكون يوم الاحد اللي بعده لان ده زحمه اوي
ومثلا كمان التواريخ اللي بتكون حوالين عيد الكريسماس خصوصا اننا هنا بنتكلم عن كندا ومش طالبه يعني الدكتور هشام يسافر قبل يوم الكريسماس بيوم
تفادي الايام ديه لان الزحمه الكتير ممكن تؤدي لضياع الشنط طبعا غير طوابير الانتظار ممكن تسافر في يوم عيد الشكر نفسه علي اساس الناس بتسافر في اليوم قبله او بعده ( ده كان راي واحد امريكي مش عارف صح ولا غلط)عامه كل ما تكون الطياره كمان فاضيه بيكون شعور اريح كتير يعني لو حظك انك مش مستريح للي جنبك ممكن تغير المكان او تمدد ضهرك علي تلات كراسي بالعرض يعني هتعيش حياتك غير ماتكون طياره زحمه في يوم زحمه

عامه تبعا لاحصائيات النت

اقل ايام حجز هي الثلاثاء والاربعاء
والاربع بالذات ممكن تلاقي فيه اسعار كويسه
واقل ساعات فيها ضغط هي اخر النهار ووسط الصبح يعني 9 مثلا

احسب هتوصل الساعه كام وحاول توصل في معاد معقول عشان تعرف تلاقي مواصلا ت لاحظ انك غريب ومتعرفش حاجه والافضل توصل في وقت فيه ناس ومواصلات متاحه عامه مده السفر بتعرفها وانت بتحجز وهي حوالي 21 ساعه في المتوسط بس بتفرق انت رايح فين في كندا وكمان حسب الشركه وعدد الترانزيت

احجز وجبات حلال علي الطياره خاصه لو شركه اجنبيه وتاكد لو شركه عربيه ان فيها وجبات حلال

2.الترنزيت

حاول تقلل عدد مرات الترانزيت قدر المستطاع وخاصه لو فرق السعر بسيط لان كل ما الترانزيت يزيد يزود احتمال ضياع حجاتك او التاخير علي الطياره اللي بعدها وكل ده لو حصل هيكون خسايره كبيره
وانت بتحجز اوعي تختار فرق الترانزيت بين الوصول والمغادره اقل من ساعه او اتنين لان لو طياره سعادتك اتاخرت شويه انت كده هتروح عليك تاني طياره

نقطه مهمه اوي في الترانزيت لازم تاخد بالك منها والا وهي ان في حاجه جديده في المطارات اتركبت وهي عباره عن جهاز ماسح او اسكانر لتصوير اي مواد متفجره خوفا من الارهاب والاجهزه ديه الكارثه فيها انها بتبين الانسان كانه من غير اي ملابس وطبعا ديه حاجه تثير الاشمئزاز خاصه ان لو حضراتكوا عرفتوا ان موظف اترفد عشان كان بيتفرج علي واحده وهي معديه من الجهاز وقضيه تانيه اصحاب صوروا زميلهم في المطار وهو معدي من الجهاز وعايروه بالصور طبعا اقل ما يقال ان الغرب فقد جزء كبير من حقوق الانسان بالجهاز ده
خد بالك الجهاز ده مستخدم وموجود في كل مطارات امريكا وفي مطار هيثروفي لندن بتاع انجلترا

لذلك وانت بتحجز خط سير الطياره تحاشي اي ترانزيت في هيثرو او في امريكا خاصه لو معاك اسرتك


ولك ان تعلم ان لو حضرتك رفضت توقيع الكشف عليك بالجهاز ممكن تعرض نفسك للاعتقال و للمساءله مده قد تصل ل حوالي 8 ساعات ومن حق ظابط المطار في اي وقت اخذ اي شئ من حقائبك لمده قد تصل لحوالي اسبوعين للتاكد منها وعند رفضك للكشف بالجهاز ممكن تتمنع من السفر واتمام رحلتك اللي رفضت الكشف بالجهاز للركوب فيها
من الاخر ريح دماغك من الصداع ده وابعد عن المطارات ديه
معلومه هامه ان الكشف بالاجهزه ديه بيكون علي عينه عشوائيه لعدم كثره هذه الاجهزه في المطارات فبالتالي لو كل الناس اللي هتسافر عدت منها هياخر حركه الطيران وطبعا بما انك عربي مسلم اعتقد هتطلع عشوائيا للكشف متسالش ازاي بس حسب التقارير انهم هيزودوا عدد الاجهزه ديه بحيث تغطي قطاع اكبر من المسافرين انا قلت اوضح عشان لو حد قال انه لسه مسافر ومعداش علي الجهاز ده

3.في المطار

* عند السفر على الرحلات الداخلية يجب أن يكون المسافر في المطار قبل موعد الاقلاع بساعة ونصف.
* عند السفر على الرحلات الدولية يجب أن يكون المسافر في المطار قبل موعد الاقلاع بثلاث ساعات وخصوصا في المواسم .
* إذا كنت من الناس الذين يذهبون مبكراً للمطار فلا تستغرب أن تتأخر أمتعتك على السير الخاص بالأمتعة لأن الأمتعة التي تقدم أولاً غالباً ماتكون آخر من يخرج من السير .
*اول ماتعدي بوابه الامن في المطار ادخل جري واعرف مكان بوابه الاقلاع بتاع طيارتك واعرف اذا كان في اي تاخير للطياره او ممكن الرحله تتلغي بعد ما تتاكد كله تمام روح بقي لف زي مانت عاوز في المطار

4.كرسي الطياره

نيجي بقي لاهم حاجه كرسي الطياره اللي هتختاره ده هيتكوت قاعد عليه حوالي 20 ساعه في سفرك لكندا يعني لو مش ولا بد هتكون بدايه مؤلمه
معظم شركات الطيران انت بتحجز مكان كرسيك من النت وانت بتحجز تذكرتك ماعدا شركه southwest اللي بيجي الاول بيقعد مكان ما هو عاوز
اوعي تنسي تححد مكان كرسيك وانت بتحجز تذكرتك من النت ولكن من شركه بتحجز وانت ي المطار

بالنسبه للكرسي اللي تحجزه عشان تحجز كرسي كويس لازم تحجز بدري
المواصفات
*جنب الشباك لو عاوز تنام وتستمتع بالمنظر
*وجنب الشباك افضل للام اللي معاها طفل عشان في مساحه اكبر وخصوصيه اكتر
*خليك جنب الممر لو انت من النوع اللي بيدخل الحمام كتير او سيده حامل او راجل مسن وهوضح ليه بعد كده
*خد اول صف في اطيار لو ناوي تستخدم الاب توب عشان لو قدامك حد ممكن يرجع لورا بضهر الكورسي وبكده مش هتعرف تفتح الاب توب
*ابتعد عن اخر صف في الطياره او كرسي يكون في وراه غرفه زي غرفه المضيفه لانك هتتعزب عشان الكرسي ضهره مش بيرجع لورا وطبعا في سفر طويل ده ممكن يعزبك ويوجع ضهرك وبجد في سفر طويل 20 ساعه هتكره نفسك وده عن تجربه
*الكراسي المجاورة لأبواب السلامة فهي الأماكن الأوسع و الأفضل في درجة الضيافة . وكمان عشان تنزل بسرعه متقف طابور وتكون اول ناس في طيارتك وتخلص اسرع

 

 

[doctor farouk]

5.في الطياره

*بالنسبه للاكل بعض خطوط الطيران مش بتقدم وجبات عشان كده لازم تتاكد وانت بتحجز من الموضوع ده ولو مفيش وجبه خد حاجه علي زوقك انت وكمان وانت بتحجز تاكد من توفير وجبات حلاااااااال (مفيهاش ميته او خنزير او كحول ) اللهم بلغت
*بالنسبه للميه ممكن تشتريها من جوه المطار
*بعض الناس بتشعر بشعور غير مريح في ودنها في الطياره وهنا بينصح يكون في لبان يمضغ عشان يضيع الشعور ده
*في الطائرة : لا تنسى اقفال هاتفك الجوال ، ابقى حزام مقعدك مربوطا
*البس لبس مريح وخد في اعتبارك درجات الحراره في مكان الترانزيت يعني ممكن لو هتقابل جو بارد تعمل حسابك في جاكت في الشنطه علي الطياره
*الجزمه وبحذرك منها اوعي تلبس واحده ضيقه او مش مستريح فيها او ممكن تعمل حسابك في سنيكر خفيف في الشنطه علي الطياره او ما تدخل الطياره تلبسه عشان تكون مستريح وخد بالك ان القعده الطويله بتورم القدم نتيجه ان الدم بيتراكم فيها فبالتالي الجزمه بتضيق شويه عليك فتخيل انها ضيقه اصلا او علي القد بالظبط هتعيش احلي عزاب فبالتالي فكره السنيكر حلوه وياريت لو تجيب بدره مضاده للفطريات من الصيدليه وتبقي تحطها في الجزمه زي ديرماتين بودر بجد هتمنع ان اي حد يغمي عليه لما سيادتك تقلع الجزمه بعد 20 ساعه لبس متواصل

* قم بتحريك أقدامك بطريقة دائرية كل نصف ساعة وخصوصا للرحلات الطويلة ، لا داعي للتجول في الطائرة الا للضرورة لأن ذلك يزعج الركاب الآخرين والملاحين ،ولكن نصيحه شخصيه مني في رحلات السفر الطويل لازم وباكد تاني تحرك رجلك وانت قاعد وتفردها وتتنيها وتشد عضله السمانه عشان تضخ الدم فيهم ويفضل لو تتمشي من وقت للتاني في الطياره وهنا يفضل انك تختار كرسي جنب الممر مش جنب الشباك عشان متضايقش اللي جنبك وكل شويه تقومه او ممكن تقعد جنب الشباك لو بتحب عشان المنظر وكل ما اللي جنبك يقوم انت كمان تقوم او تكون ذكي وتقنعه باهميه انه يتمشي وبكده متضايقهوش وانت بتقوم
وكل دهعشان تقلل معدل حدوث جلطات القدم وده مهم جدا لو المسافر مسافه طويله كان سنه كبير او سيده حامل بجد مهم اوي للحوامل الموضوع ده ويارب يعافي الناس كلها
*وانت في الطياره بيوزعوا عليكوا ورقه تتعهد فيها انك مش معاك حاجه ممنوعه او اكتر من 10 الاف دولار او اكتر من 200 سيجاره
*كمان ياريت تكون مجهز معاك ورقه مطبوعه فيها محتويات الشنطه بتاعتك وقيمه تقريبيه لكل حاجه فيها بالدولار عشان تديها للجمارك
*وورقه تانيه فيها الحجات اللي انت ناوي تبقي تجيبها من مصر بحيث تكتب اسمها وسعر تقريبي ليها بالدولار الكندي عشان بعد كده ميتاخدش عليها جمارك
*ولو زوجتك معاها مجوهرات ياريت لو تكوت مصورها وطابع ليها صوره الوان بحيث تديهالهم في المطار

6.الخلاصه

1.احجز بدري قدر المستطاع
2.احجز بالنت
3.ابعد معاد طيارتك عن الايام الزحمه وخليك في الايام الفاضيه
4.اوصل المطار بدري
5.اقل عدد ترانزيت ممكن وفرق الترانزيت مش اقل من ساعه
6.اختار كرسي طيارتك
7.اتاكد من الاكل في الطياره متوفر وحلاااااااااال ولا لا
8.حرك قدمك واتمشي من وقت للتاني وياريت لو معاك سنيكر تبدله بالجزمه
9.واعمل حسابك انك ممكن تحتاج لبان علي الطياره
10.تكون مجهز شويه الورق اللي قلنا عليها


لا اله الا الله وحده لاشريك له له الملك وله الحمد وهو علي كل شئ قدير

اسالك الدعاء
اللهم اغفر لي ولوالدي