أمثال مرفوضه

[نفرتارى]

الصحف المصرية والعربية

في مثل برضه مش بحبه أو مرفوض

( الجنازة حارة والميت كلب )

أظن مهما كان الانسان الميت لابد من جنازة سواء يستحق أو لا يستحق
لأن الانسان مكرم عند ربنا ..
دا غير انه يعني قمة التفاهه لو كان صحيح في جنازة اصلا ًللكلب

 

 

[طارق السعد]

اقتباس المشاركة الأصلية كتبت بواسطة نفرتارى تحياتي استاذ طارق نورت والله تعرف والله ماكنت متوقعة انهم كتير كده عندك حق في الامثلة ديه كلها وخاصة (كتر السلام يقل المعرفه ) دا هو السلام اللي بيخلق الحب بين الناس وهو أرخص شيئ منتظرة اكتر انا عايزاكوا حوليا ديما ًمنورني والله تقديري

العفو حضرتك
انا لسه سامع حاجة من فترة و زعلتنى بجد

مثل على الواحد لو جوزها حيتجوز عليها

" جنازته و لا جوازته"

للدرجة دى يهون عليها زوجها يكون موته ارحم من انه يتجوز تانى

 

 

[نفرتارى]

اقتباس المشاركة الأصلية كتبت بواسطة طارق السعد العفو حضرتك انا لسه سامع حاجة من فترة و زعلتنى بجد مثل على الواحد لو جوزها حيتجوز عليها " جنازته و لا جوازته" للدرجة دى يهون عليها زوجها يكون موته ارحم من انه يتجوز تانى

تحياتي استاذ طارق

في الحكاية ديه بالذات حسب كل إمرأة ودرجة استيعابها للموقف
وصراحة وبيني وبينك لو مش هيفرق معاها هتسيبه يعمل
اللي هو عاوزه .. لكن لو هيفرق هتعمل المستحيل ميتمش ده
المهم هتاخد موقف وتتصرف ..
لكن جنازته ديه عندك حق فيها مش للدرجة ديه

تقديري

 

 

[Wild Tiger]

والمثل اللى بيقول :(متبقاش حنبلى يا أخى) وده حرام شراعا لأن الامام ابن حنبل من أهم رواة الحديث وواضعى الفقه الأربعة الذين يسير على نهجهم كافة المسلمين وفى هذا المثل تكريها لمذهبه وهو مايعد حراما والله أعلم

 

 

[نفرتارى]

كل سنه وانتم جميعا ًطيبين ومتفألين بكل شيئ جميل
كل ساعة وكل يوم وانتم بتحبوا بعض أكتر وأكتر

في مثل الحقيقة هو له علاقة باليومين دول على اساس الافراح كتير وكده
بيقول (إيش تعمل الماشطة في الوش العكر )
الماشطة ديه المفروض اللي بتزين العروسة
وده طبعا ً مرفوض لان خلقة ربنا لايمكن تكون عكرة بل راقية