Blu-ray

[bond]

الصحف المصرية والعربية

الحقيقة الاخوه ماسابولناش حاجة تضيفها
فاضل بقى ان اخونا حشيش يجيب وصله HDMI
عشان كل الكلام ده يترجم على الشاشه D TO D
ومايضيعش كل المجهود ده فى
A/D CONVERTER
طبعا بلو بيرد اعذرنى مش لاقى حاجه اضيفها
فاضل بقى ان حشيش يحدد موديل نمبر بتاع الجهاز
وانا ابعت له
SERVICE MANUAL
عشان نبقى قدمنا له حاجه

 

 

[سهران لوحدى]

بامانه افاضه واسعه للمعلومات
والشكر لكم ولكل من ساهم بالافاده والاضافه

 

 

[KANE]

اقتباس المشاركة الأصلية كتبت بواسطة أحمد فاروق هو السبب مش بالظبط قطر شعاع الليزر، السبب هو قطر بقعة الليزر الساقطة على سطح القرص. ودي بتعتمد أساسًا على كفاءة عمل بؤرة (focus) للشعاع. ودي بتعتمد على الطول الموجي للشعاع، وعلى العدسة المستخدمة (البعد البؤري)، وعلى المسافة اللي بيمشيها الشعاع جوة المادة الشفافة لحد ما ينزل على السطح اللي عليه المعلومات. وكل لما يقل الطول الموجي للشعاع (بزيادة التردد) ويقل البعد البؤري للعدسة المستخدمة (اللي هو مجازًا مقلوب الرقم اللي قدام Lens Aperture في الرسمة، وفيه عدستين ورا بعض في حالة Blu Ray)، وتقل المسافة اللي بيمشيها في المادة الشفافة (عشان يقل تشتته)، بتبقى البقعة الساقطة دي أصغر. عشان كده في الرسمة بتاعة الـ Blu ray، الشعاع له أقل طول موجي والعدسة لها أقل بعد بؤري والمسافة اللي بيمشيها الشعاع في المادة الشفافة أقل. فبيبقى تركيز الشعاع أفضل، وبالتالي نقطة سقوطه على السطح اللي متخزن عليه المعلومات أصغر. وبالتالي تخزين أكتر لأن كل pitch بتمثل one bit مجازًا، وعمليًا حوالي 1.7 بت. فيه سببين كمان إن السعة كبيرة، والسببين موجودين في الـ DVD: إنك ممكن تكتب على الناحيتين (السي دي ناحية واحدة بس) وإن كل ناحية ممكن يبقى عليها طبقتين (السي دي طبقة واحدة بس). الطبقة الأولى الأقرب للسطح شبه عاكسة، فبتعكس جزء من شعاع الليزر عشان يقرا المعلومات المكتوبة على الطبقة دي، وتسمح بنفاذ جزء عشان يوصل للطبقة التانية - اللي هي عاكسة تمامًا - وعليها معلومات برضه. فكده الحجم اتضاعف 4 مرات من غير ما ناخد في الاعتبار موضوع قطر بقعة الليزر على السطح. أفلام الفيديو اللي على Blu Ray صح ممتازة، لكن أقراص HD-DVD برضه عليها أفلام ممتازة. لأنها زي أفلام Blu Ray بتستخدم HD = High Definition Video، وفي الأصل هو ده سبب الصورة الهايلة. التخزين الكبير مش هو السبب الأصلي لوضوح الصورة. لو ماكانش فيه HD واستخدموا SD = Standard Definition ماكانتش الصورة هتبقى كده، سواء كانت DVD أو Blu Ray، أو أي وسيلة تخزين تانية. على فكرة لون شعاع الليزر المستخدم بنفسجي مش أزرق. الطول الموجي اللي مكتوب فوق ده في الصورة (405 نانو) ده بنفسجي، الأزرق أكبر من كده.