المنسف الأردنى بالصور

[أسامة الكباريتي]

الصحف المصرية والعربية

غريبة!!!
أتغيب كل هذه المدة وأعود لجد المطبخ كما تركته لآخر مرة ..
ماحداش منكم/ن كلف/ت نفسه/ا بتقديم اي حاجة للمطاريد ..
حتى الطباق الاقيها في حوض الغسيل زي ما هي!!!

الظاهر مافيش رقابة في المطبخ والتشيف تحول إلى سائق تاكسي مش ملاحق على سداد أقساط البنك ..

طيب
والله مانا عاتقكم اليوم

رايح أفجركم بمنسف أردني من العيار الثقيل :

طريقة المنسف الأردنى بالصور

(يفخر الأردنيون بانفرادهم بالتسمية واعتباره رمزا لإكرام الضيف العزيز الغالي)
تشيف أسامة ليميتيد

الطريقتين نفس الشئ ولكن الفرق هوه اللحمه والدجاج فقط وكمان الدجاج بينقلى اما اللحمه ما بنقليها..

اليكم المقادير والطريقه
لحمه ضان (هبرات كبيرة من عيار دانة مورتر -هاون- 120) تشيف أسامة

ارز تايجر او سنوايت - لبن روب (زبادي) - زيت ذره او سمن بلدي - جميد بلدي او الكسيح*

واذا لم يوجد عادي ما بتفرق
ملح بصله صغيره فلفل اسود هيل مطحون رشة كركم صغيره بيض للبن لوز صنوبر
2 كاس فريكه خشنه

وخبز رقاق او شراك او اي نوع - ماجي - ورق غار

الى العمل

اولا نبدا باللحمه نغسلها جيدا من اي شوائب
نضعها في طنجره - حلة- مناسبه ونغليها على النار غلوتين فقط او حتى تظهر الزفره
وبعد هيك نتخلص من الماء ونغسل اللحمه جيدا وبتكون بهذا الشكل

نغسل الطنجره -الحلة- مره اخرى ونقطع البصله ونشوحها على النار

بالسمن البلدي او قليل من زيت الذره لحتى تشقر
وبنضيف عليها اللحمه ونبدا بالتقليب

وطبعا هادي نصيحه لكل الاخوات انكم دائما تطبخو اللحمه او الدجاج بهادي الطريقه لكي تحصلن على طعام نضيف وخالي من الزفره لانو هيك اضمن وبتتاكدي انو مافي زفره عالقه باللحمه

نرجع لطبختنا

بعد ما قلّبنا اللحم نضيف له البهارات اللي ذكرتها سابقا مع ورق الغار وكميه مناسبه

من الماء وهاد شكل الماء شوفو شو بيكون نضيف وخالي من الشوائب

وبنخليه على النا لحتى يقارب على الاستواء

وبهادي الاثناء بنضيف البيض للروب وبنخفقه جيدا بواسطة المولينكس
او مضرب السلك ونضيف مكعبات الجميد والماجي
ونبقى نحرك فيه على نار قويه لحتى يغلى وما تتركو التحريك الا لما يغلي اللبن لأنو بيفرط معكم وما بعود ينفع

وبنفس الوقت نعمل الارز المفلفل ونطبخه بواسطة ماء اللحمه او ماء الدجاج
واذا ما فيه اي نوع منهم عادي ما بيهم كلو بيطلع طيب بس بمرقة الدجاج بيطلع اطيب
هلا الفريكه نذوب ملعقتين سمن بلدي ونضيف الفريكه عليهم ونقلب جيدا
متل طريقة الارز لكن الفريكه بدها زيادة ماء
نضيف الما والماجي ونوطي النار ونخليها لحتى تستوي وتتفلفل يعني ما تكون مخبصه

هلا نرجع للحمه ونشوف شو صار معها لما نشعر انها قربت تستوي نضيف ليها اللبن

المغلي ونخليهم يغلو مع بعض لحتى اللبن ياخد طعم اللحمه ويغلظ قوامه
شوفتو شطارتي كلو خلصتو مع بعضو يعني هلا كل شئ صار جاهز


يتبععععععععععععع

 

[أسامة الكباريتي]

التقديم

ناتي بصينيه مستديره عنا بالاردن نسميه سدر وهوه للمنسف مخصوص
نضع فيه الخبز ونسقيه باللبن
وهادي الخطوه بتقدرو تلغوها لانها حسب الرغبه
زي ما بعمل انا لانهم ولادي ما بيفضلوها
نضع الارز فوقه بشكل هرمي ومرتب

بعدين ارش طبقه من الفريكه المفلفله فو الارز

بطلع اللحمه من اللبن وبرتبها فوق الارز والفريكه

اسقي المنسف باللبن الخفيف المصفى يعني مو كتير
واخر شئ بضيف اللوز المشقر فوقه
وهاد شكله النهائي
يقدم مع البصل الاخضر والفلفل والمخلل والفجل

وكلو حسب الرغبه والذوق

طبعا انا نسيتا اني اشرح عن راس الضان اذا كان متوفر
نحضره من عند اللحام مسلوخ جاهز وننضفه جيدا بالخل والليمون ونغليه زي طريقة اللحمه بالزبط
بعدين نضيفله التوابل والبصله المقطعه ونسلقه جيدا لحتى يستوي
وبع ما يستوي نكب ماء السلق كلو ونضيفله قليل من اللبن المطبوخ لحتى يتجانس
معو ونضعه بقمة المنسف
وهاد عند الاردنيين بيعني تكريم الضيف بشكل كبير
وصحتين وعافيه

عالم المرأة: طريقة المنسف الأردنى بالصور https://forum.mn66.com/t251809.html#ixzz2UYAuek2s

 

 

[أسامة الكباريتي]

* تشيف أسامة
يعني إيه جميد؟
الجميد هو اللبن الزبادي -يجهز من حليب الماعز والخراف عادة- ويكون ذلك خلال الربيع حيث يكثر اللبن في موسم الإنجاب.


الجميد ( وهو عبارة عن لبنة مجففة* على شكل كرات كبيرة )
بس أنا بحب أستخدم أكتر الجميد السائل

(ده كلامها هي لأنها من طبقة كسالى نساء اليوم)

* هادي الحُرمِة ما بتعرف كوعها من بوعها كيف لبة مجففة!!!

الجميد الأصلي بس غلفوه بالنايلون

وهادا جميد تيك اوييييه

اليوم وبعد ما انتقلت المراة من سَن الجميد على قطعة فخار إلى تحطيمه في المولينيكس .. انتقلت إلى مرحلة أشد كسلا وهي استخدام الجميد السائل الذي أضحى الغالب في السوق الأردني

أما انا -تشيف أسامة- فلا أقبل بغير الأصلي:

 

 

[أسامة الكباريتي]

لما يفرط الجميد بتبوظ الطبخة كلها ..

على هامش مطابخ الشرك الأوست اللي دبسونا فيها وفرطوا جميدها بعد ما فَرَّطوا "




الجميد الكَرَكي (نسبة إلى منطقة الكرك في الجنوب الأردني) هو الأشهر والأجود على الإطلاق ..

 

 

[أسامة الكباريتي]