حوت مارينا ...والإخوان !!!

[م الغزالى]

الصحف المصرية والعربية

بعد القروش اللى ضبطتها داخلية الإنقلاب فى شنطة سوداء مع واحد إخوانى والذى إعترف إنه جابها من بره ليفسد السياحة فى مصر ....،


ظهر حوت فى مارينا يبدوا إن واحد إخوانى مأجره يضرب مصيف كبار البلد !!!!


وعلى رأى إنجى مصطفى:

رئيس السياحة و المصارف ( قصدي المصايف ) بالاسكندرية
بيقولكم ان ظهور الحيتان دي إشاعة
و الكلام ده بعد قبضوا على الاخوان اللي بيسربوا القروش
فلو حضرتك بتعوم في مارينا او في الساحل
و شفت قرش او حوت
غمض عينيك و افتكر كلام المسئول و ابتسم
و كمل عوم عادي .
لو فضلت عايش .... تبقى اشاعات اخوانية
و لو اتاكلت .... تبقى القروش اخوانية .


-----

هو الشيخ مستشار العرص واللى خطب النهاردة وقال


"سننتصر على الإرهاب بسبب نور الوحي الذي ينزل على السيسي" ميعرفش إن سيده حيعرف من الوحى مين اللى حضّر الحوت ؟

أه يابلد !!!

 

[م الغزالى]

ياسر نجم
أسماك القرش والحيتان..وفنكوش قناة السويس:
___________________________
بعد فيديو الحوت اللى ظهر فى بحيرات مارينا وشهادة الشهود عن رؤية أسماك القرش...بالإضافة لحوادث هجوم أسماك القرش والحيتان النافقة على شواطىء البحر المتوسط المصرية الأخرى..واللى انكروها فى الأول...وبعدين كانوا عايزين يلبسوها لعصابات بتضرب السياحة المصرية...بقى من الواقعي جدا اننا نحط فى الإعتبار التحذيرات والمخاوف اللى علماء البيئة والبحار غلبوا يلفتوا النظر لها أثناء حفر تفريعة قناة السويس..لدرجة انهم ناشدوا الأمم المتحدة بالضغط على السلطات المصرية انهم تعمل الدراسات البيئية اللازمة ولا حياة لمن تنادي..
المخاوف العلمية المنهجية دى كانت بتقول انه هايحصل تزايد في هجرات الكائنات البحرية المفترسة والمتوحشة من البحر الأحمر للبحر المتوسط..بعد حفر التفريعة..لأن البحر الأحمر طبيعته صعبة ومجهدة للكائنات مقارنة ببيئة البحر المتوسط المريحة المناسبة..زى بالظبط لما البشر بيهاجروا من مصر وسورية والعراق لدول أوروبا وأمريكا..
ده مش بس هايتسبب فى خطورة على البشر اللى على شواطىء البحر المتوسط....اللى فى أصله خالى تقريبا من الحيتان وأسماك القرش..انما كمان هايؤدى لتدمير الثروة السمكية فى البحر المتوسط..
طبعا مهم هنا اننا نقول ان توسعات قناة بنما..اتعمل لها 100 دراسة علمية بما فيها الدراسات البيئية على مدى سنين قبل بدء الحفر..بالإضافة لدراسات أخرى شاركت فيها الجامعات هناك أثناء الحفر..
الدراسات شملت التأثير على :
المخلوقات البحرية..
جودة المياه..
الآثار والأماكن التاريخية والمزارات الثقافية..
المناطق السكنية والبنية التحتية..
مصير الرمال ومخلفات الحفر..
الحفريات والموارد الدفينة تحت الأرض...
والدراسات دى كلها منشورة بكل شفافية على موقع القناة الرسمي نفسه بما فيها الرؤى الناقدة للقناة..
بس طبعا الكلام ده يعتبر لوغاريتمات عند حكومات وبرطمانات بلاد بيسقف فيها حائز على جايزة نوبل للجنرال الحاكم لما بيقول ان ما يسمى بقناة السويس الجديدة جابت ايرادها فى اسبوع..الجنرال اللى وهم شعبه بعلاج للإيدز بصابع كفته...
_____________________
مصادر تخوفات العلماء من تأثير تفريعة قناة السويس الجديدة على البيئة السمكية وهجرة الأسماك الكبيرة والمتوحشة:
https://link.springer.com/article/10....530-014-0778-y
https://www.natureasia.com/…/ar…/10.1...eeast.2015.133
https://reefbuilders.com/…/lessepsia...n-mediterran…/
https://www.slideshare.net/…/impact-o...-canal-betwee…
مصادر دراسات قناة بنما
https://micanaldepanama.com/…/d…/env...-impact-study/
https://wpi-sa.terradotta.com/_custo...eRetrieve.cfm…