عايز بانجو عايز حشيش قرب قرب ؟؟؟؟؟؟؟

[kokomen]

الصحف المصرية والعربية

«المصرى اليوم» ترصد بالصور: وقائع بيع الحشيش والبانجو علناً على الطريق الدولى بالإسكندرية


كتب عمرو التلاوى وهبة بكر ٢١/ ٧/ ٢٠١٠

تصوير ــ هبة بكر
صورة تظهر تجار مخدرات يعرضون بضاعتهم على قائدى السيارات فى الطريق الدولى

«مش عاوز حشيش أو بانجو يا بيه؟».. يتردد هذا الصوت كثيرا على الطريق الدولى الساحلى، يستوقفك طفل أو شاب ليعرض عليك المخدرات، وربما تجده يحاول إقناعك عن طريق تشجيعك «خد جرب السيجارة دى مجاناً»، أو «اعرف السعر وشوف اللى انت عاوزه.. كله موجود، بانجو، حشيش، ماكس، أفيون».
ورصدت «المصرى اليوم» بالصور واحدة من عمليات بيع المخدرات علناً على الطريق الخاضع لسيطرة مجموعة من تجار المخدرات، يتسترون وراء الأطفال، الذين يبدأون عرض البضاعة، وبعد ذلك يأتى كبيرهم ليتفق على السعر، أو يترك الطفل يتم العملية كاملة إذا كان الطلب «قرش واحد» من الحشيش، أما إذا كنت ترغب فى شراء كمية فعليك باللجوء إلى «الكوماندا» وهو كبير المنطقة والمسؤول عن البيع بالكميات.
واستقل محررا «المصرى اليوم» سيارة واتجها إلى الطريق، وبعد فترة استوقفهما طفل لم يتجاوز ١١ سنة وفى يده لفافة من القماش، سوداء اللون وفاجأهما بقوله: «مش عاوزين حشيش؟». وبعد محاولات لنيل ثقته قال الطفل ردا على سؤال عمن يعمل لحسابهم: «أعمامى.. إنتو بتسألوا ليه المفروض تسألونى عن السعر». وبعد محاولات أخرى اطمأن الصبى الذى طلب أولا أن يرى الأموال. وقال: «أنا وقتى بفلوس خاصة اليومين دول اللى بيزيد فيها عدد اللى بيمروا عشان المصايف».
وعندما رأى الأموال وتأكد الصبى من جديتنا قال إنه يعمل فى بيع الحشيش منذ بلوغه التاسعة، وتمكن من تعلم «أصول البيع» عن طريق عمه الذى يعيش معه بعد وفاة والده فى حادث نفس الطريق الذى يبيع فيه،
وأضاف قرش الحشيش بـ(٨٠ جنيهاً) واعترضنا على السعر وأخبرناه أننا نريد أسعاراً أرخص حتى نتمكن من شراء كميات، وكان لكلمة «كميات» أثر على سمع الصبى الذى بدأ يساومنا بأنه سيخفض السعر إلى ٦٠ جنيها وأنه لن يستطيع ان يخفض اكثر من ذلك حتى لا يتعرض للعقاب من عمه فهو المسؤول عن البيع فقط.
وقال مصدر أمنى لـ«المصرى اليوم» ـ طلب عدم نشر اسمه ـ إن حملات دورية تنظم على الطرق السريعة، لضبط المخالفات، وبالفعل يتم القبض على مروجى المخدرات على هذه الطرق، مشيراً إلى أن هذه المطاردات ستظل مستمرة بين قوات الأمن وهؤلاء المروجين.
وطلبت فوزية شحاتة، نائب رئيس لجنة الأمن بالمجلس المحلى بالإسكندرية، تسليم «الفيديو» الذى صورته «المصرى اليوم» والذى يثبت عملية البيع كاملة، إلى مكتب مكافحة المخدرات حتى يتم التعامل معه بطريقتهم الخاصة والوصول إلى هؤلاء التجار والقبض عليهم،
مشيرة إلى أنه ربما يحتاج الأمر دليلاً حتى يتم التعامل مع المروجين على هذا الطريق وهو ما يوفره الفيديو. وأضافت: «إن تجارة المخدرات على هذا الطريق أصبحت (ظاهرة) تحتاج جهداً كبيراً من المسؤولين حتى يتم القضاء عليها نهائيا».




************************************************** *





المشكلة أنا شفت الموضوع ده بنفسي أثناء سفري مع الأسرة


في طريق إسكندرية مطروح إلى الساحل الشمالي


طبعا فيه ناس واقفه على الطريق بيبيعوا أقفاص التين السلطاني


وأخرين بيشوروا لك على الطريق من العرب .. طبعا الواحد


على نياته بأقول لأولادي الناس دول بيشوروا ليه .. أبني ضحك


وقال لي صحيح أنت مش عارف يا بابا ؟؟ حسيت أني غريب !!


لاء مش عارف ياأبني .. قال لي دول بيبيعوا مخدرات


معقول يا أبني بيبيعوا في الشارع( الطريق ) علنا أمام الجميع


طلع كلامهم صحيح مائة بالمائة وسمعت القصة من معظم الناس



الكلام ده من سنة وسنتين وثلاثة .. ولا أحد بيسأل


فين أجهزة الدولة

 

[قلب ملاك]

يا راااجل وانت يعنى مستغرب من حاجة زى دى .

دا شىء طبيعى جدا وبقى عرف اساسا .

ولحد فترة قريبة جدا البلد كانت غرقانة بالحشيش والبانجو .
وبكميات لا تتصورها .

ومراكز التوزيع لاحصر لها .

بس اسكندريا عموما هى المدينة رقم واحد بالنسبة للحشيش
لان الحشيش الاسكندرانى كا جودة ونقاء اعلى من غيره
وكمان السعر اقل ويمكن بنصف الثمن تقريبا الى بيتباع بيه فى بقية المحافظات .

وعموما كل ما تتجه للساحل الشمالى هتلاقى الحشيش بيزيد فى الكم وهتلاقى انواع ارقى وانضف والاسعار هتلاقيها منافسة جدا .


حتى ان فى شباب كتير (ديلرات ) بيسافروا الساحل ويجيبوا من هناك كميات كبيرة قول كيلو والا اتنين كيلو ويرجعوا بقى يبيعوه فى المحافظات كل واحد حسب محافظته وطبعة بيبيعه بقى فطاعى مش جملة ودا بيحققله مكسب لايقل عن 200 فى المية وهو وشطارته بقى .

اصبحت هذه مهنة من لا مهنة له
وانتشر الموضوع دا جدا بين العاطلين خصوصا

والغريب ان فى ولاد ناس واحوالهم المادية كويسة جدا ورغم كده بيتاجروا وبيبيعوا بجانب التعاطى .

ولما تساله عن المبرر والسبب الى بيخليه ياخد الموضوع تجاره الى جانب التعاطى

يقولك بدل ما اصرف فلوس اهلى على المخدرات

الفلوس الى بكسبها من بيع الحشيش هتكيف بيها واجيب كمان مصاريفى .

وزيادة الخير خيرين ومحدش بيقول للفلوس لا .


دى ظاهرة انتشرت جدا للاسف
وزى ما تقولوا وصلت لمرحلة انها تحولت الى موضة .


اسباب انتشار الظاهرة دى (الديلرات )

الاقبال المتزايد والرهيب على تدخين الحشيش
ودا فى كل الفئات وفى كل المراحل العمرية ورجالة وستات !!!

شباب فى لسه فى 3 اعدادى واولى ثانوى تخيلوا بيشربوا حشيش
وفى شباب لسه فى الثانوية ووصلوا لمرحلة الاتجار فى الحشيش !!!

وبقى الموضة دلوقتى بين الشباب

ان الشلة تتجمع
والتجمع يكون فى شقة واحد صاحبهم مثلا
او فى عربية احد الاصدقاء
وكل واحد يساهم بمبلغ من الفلوس

ويشتروا قطعة حشيش

ويقضوا الليلة تهييس وسطل .


والموضوع تحول لادمان عند شباب كتير جدا .
---------------------------------------------------------------------------------------------
اسمحلوا انى اتكلم بالتفصيل اكثر
عشان تعرفوا حجم القضية وعشان تبقوا عارفين الواقع ماشى ازاى

لان الاهالى والاسر بيبقوا مش عارفين حاجة عن الجو دا
واغلب الشباب الى بتكلم عليهم وبقولكم بيشربوا او بيبيعوا اهاليهم بيبقوا متصورين انهم قاعدين مع اصحابهم بيذاكروا او بيلعبوا بلاى ستيشن او بيلعبوا كورة او او وعموما الاهالى مبيدوش خوانة وكل اسرة بتبقى شايفه ابنها احسن واحد فى الدنيا .

عشان كده انا واحد من الشباب الى عاصرت كل اشكال الانحراف والضياع واحتكيت بكل انواع الشباب من جل المستويات والطبقات ولفيت كتير اوى وسافرت هنا وهناك ودخلت فى تجارب محدش هيصدقنى لو حكيت ليكم عنها لانها تجارب ولا اقلام السيما .

بس الحمد لله اتعلمت
وتبت ولحقت نفسى

وعشان كده عاوز الحق غيرى وعاوز انصح كل زمايلى وكل المقبلين على هذا الطريق الاسود .

-----------------------------------------------------------------------------------------

الموضوع بيتكلم عن عملية بيع وتوزيع الحشيش عينى عينك على طريق مصر اسكندرية الصحراوى وصاحب الموضوع مستغرب .

طيب انا هكلمك عن مدينة زى المنصورة بحكم انها مدينتى .


قلت ان الحشيش والبانجو انتشروا بشكل فظيع وعدد المتعاطين فظيع برده جدا .
واى واحد عاوز يحصل على الحشيش

عنده الوسائل والمصادر التالية

اولا ...بعض الاماكن العشوائية بتبقى معروفة بالاسم والمخدرات فى الاماكن دى بتتباع فى الشارع قدام الناس عادى وكل ماهو مطلوب انك تكون جرىء وتدخل المنطقة هتلاقى واحد او اكثر من واحد واقفين بكيسة او بشوال او قاعد على طربيزة فا تقوم تدخل عليه وتشترى الى انت عاوزه .

حاجة كده زى الباطنية لما كانوا بيبيعوا الحشيش وبيوزنوه فى الشارع ههههههه.

المكان دا كان اهم مركز فى المنصورة لتوزيع الحشيش والبانجو
وفضل لحوالى 10 سنوات شغال بالشكل دا
بشكل يومى ونادرا جدا لو قفلوا

ثانيا ....الديلرات وهو المصطلح الى بيتم اطلاقه على الشخص الى بيتاجر فى المخدرات .
والديلرات بشكل عام تنوعت اشكالهم واصنافهم ودوافعهم .

وفى من اول الحرامية وخريجى السجون
لحد الاطباء والصيادلة وحملة شهادات عليا !!!

فى منهم الى بيجيبلك الحاجة ديليفرى لحد عندك دا لو معاه عربية
وفى منهم الى بيتفق معاك يقابلك فى مكان عام
وطبعا بيبقى مامن نفسه عن طريق انه مش بيشيل معاه الا كمية على قد الى هيسلمه للمشترى
دا غير انه بيبقى عامل حسابه انه يرميها او يتخلص منها لو حس با اى قلق

ثالثا ...انك تسافر سمنود ودى اشتهرت جدا فى اخر 3 سنين بالحشيش
احجام كبيرة واسعار منافسة جدا ومش بعيدة اوى عن المنصورة
وتقريبا تجارة الحشيش كانت وصلت لمرحلة فى سمنود انها تحولت لعرف عادى جدا

كمية كبيرة من القهاوى بيتباع فيها الهباب دا على عينك يا تاجر .

رابعا ...اسكندرية والساحل الشمالى ودول ليهم بقى قصص ومغامرات واسرار وحوارات كتير اوى .


المهم المحصلة ايه

ان من السهل جدا على اى شاب او مراهق انه يوصل للحشيش وانه يشتريه .
ولو هو مبيعرفش اكيد هيبقى حواليه زمايل يعرفوا يجيبوا وهيعلموه ازاى يجرب .

الاسعار تعتبر فى متناول الشباب
ولو 3 او 4 شباب كل واحد دفع 5 والا 10 جنيه هيجيبوا الى هم عاوزينه .

طوال ال8 سنين الى فاتوا (دى الحقبة الزمنية المتعلقة بيا معرفش قبل كده بقى ) فى غياب واضح من جانب الامن والمباحث . بدليل

الاماكن والاوكار الى بيتم توزيع المخدرات من خلالها بكميات رهيبة وبشكل ثابت ويومى ومستمر كلها معروفة للصغير قبل الكبير .

فا مش معقولة يعنى الحكومة متعرفش !!! والا ايه ؟؟


للاسف التعاطى انتشر بشكل رهيب جدا

وبقت عملية تعاطى الحشيش نوع من الروشنة وحاجة متعلقة بالاستايل وبيس وكوول والسكة دى بقى هههههه.

البنات معدش الموضوع مقتصر على السجاير والشيشة
ودلوقتى بقو بيتعاطوا هم كمان الحشيش

وياما شفت نماذج بعينيا الى هيكلهم الدود .

وانا بتكلم عن بنات جامعيات وولاد ناس !!!!

طبعا النسبة فى حالة البنات محصورة وبسيطة ومش يعنى فظيعة بس انا اقصد ان فى ظاهرة بجد .

 

 

[قلب ملاك]

-------------------------------------------------------------------------------------------------
بعد هذه السنين من انتشار الحشيش والبانجو فى مصر

فجاة منذ حوالى سنة او من 8 الى 10 شهور بالتحديد

الحشيش اختفى
واسعارة اصبحت فلكية

لان الحكومة بيقولوا انها ضبطت كميات رهيبة كانت فى طريقها لدخول البلد .

وحاليا نسبة تعاطى الحشيش قلت جدا على الاقل من 50 الى 70 فى المية
لانه معدش موجود اساسا

ولو موجود مش اى حد بيقدر على ثمنه .

فا احب اطمنكم ان حاليا الوضع يعتبر امن ومعقول جدا

بس نتمنى ان دا يستمر بقى على طول

مش تبقى مجرد فترة وترجع ريما لعادتها القديمة .


احنا مش بنطلب من الحكومة انها تخفى المخدرات تماما
مفيش دولة فى العالم قدرت تعمل كده

بس احنا معترضين على الفترة الى كان فيها الحشيش وصل انتشاره لمرحلة اوفر جدا وكاننا فى افغانستان مثلا !!!

والمشكلة ان الاعلام بكل اشكاله ومؤسسات المجتمع مفيش اى حد كان بيتناول القضية الى تعتبر اساسا بتمس امن مصر وامن المجتمع .

مهو صحة الشباب والاجيال الجديدة دى اهم حاجة

ولو عاوز تدمر اى مجتمع دمر عقول الشباب .


عموما نشكر الحكومة على المجهود وعلى الانجاز الى قامت بيه والى ادى الى تراجع وانحسار تجارة الحشيش بشكل كبير جدا وواضح .

------------------------------------------------------------------------------------------------

بعض العلامات والمظاهر التى من خلالها ممكن نعرف اذا كان الشاب او المراهق بيتعاطى الحشيش

اولا نتابع مصاريفه ونشوف هو بيصرف فلوسه فى ايه بالتحديد .

ثانيا العودة الى المنزل فى ساعات متاخرة من الليل وتلاقيه اول ما يرجع ويدخل البيت يدخل طوالى على غرفته ويتجنب انه يتكلم او يتناقش مع اى حد .

ثالثا عدد ساعات النوم بتزيد وبتوصل ل 12 ساعة واكثر

رابعا الانسان وهو تحت تاثير تعاطى الحشيش بيبقى فى احمرار واضح فى العينين وبيبقى فى عدم تركيز واضح دا غير الضحك من غير سبب مع ملاحظة وجود اهتزاز وضعف فى الشخصية خصوصا لو هو فى موقف جد .

خامسا هتلاقيه بيدخن سجاير كتير اكثر من المعدل الطبيعى
وعموما اى حشاش اكيد بيدخن بشراهة (الا فى استثناءات بسيطة )

سادسا ..المستوى الدراسى والمذاكرة لازم هيبقى فى تراجع وتدهور واضح .

سابعا .. نوعية الاصدقاء
هتلاحظوا انه على طول مرتبط بشلة معينة
وممكن يكون افراد الشلة مفيش اى خصائص مشتركة تجمع بينهم

ثامنا الاهتمام بالمظهر زى الملابس والشعر وغيره كل دا بيقل وبيبقى فى اهمال واضح فى الجانب دا .



-------------------------------------------------------------------------------------------------
نصيحة لكل رب اسرة ولكل ام عندها اولاد فى مرحلة لسه داخلين على سن المراهقة

الصراحة فى التعامل مع قضايا الحياة مطلوبة

مثال

انا اخويا عنده 15 سنة

بكل بساطة انا شرحتله كل تفاصيل هذا العالم الى متعلق بالحشيش والبانجو والسجاير وا وا الى اخره
شرحتله كل شىء با اسلوب علمى

وقلتله هييجى اليوم الى هتقابل فيه كذا وكذا
وهتلاقى فلان بيعرض عليك كذا وكذا
وهتلاقى نفسك ممكن تفكر وتقول اجرب ميجراش حاجة

وضعتله كل الافتراضات وكل الاحتمالات

واثبتله بشكل مقنع ان نهاية هذا الطريق غير سعيدة بالمرة .


اهم حاجة انى خليته يقتنع با انه ميشربش عشان نفسه هو وعشان صحته هو وعشان يبقى ناجح فى حياته .


مش عشان خايف من الاهل او الاسرة
او عشان عاوز يرضينى او يرضى اسرته

لا

قلتله بكل صراحة

انا بنصحك عشان نفسك اولا واخيرا .

والحمد لله اقنعته ونجحت زى ما نجحت مع اخويا الى اكبر منه .
ودلوقتى بقوا بينصحوا زمايلهم بنفس الاسلوب الى علمتهم بيه .

انا عموما كنت فار تجارب
بس اهم استفادوا من تجربتى
ودا شىء بيعزينى نوعا ما .

 

 

[gimy_gamaal]

 

 

[kokomen]

اقتباس المشاركة الأصلية كتبت بواسطة قلب ملاك ------------------------------------------------------------------------------------------------- بعد هذه السنين من انتشار الحشيش والبانجو فى مصر فجاة منذ حوالى سنة او من 8 الى 10 شهور بالتحديد الحشيش اختفى واسعارة اصبحت فلكية لان الحكومة بيقولوا انها ضبطت كميات رهيبة كانت فى طريقها لدخول البلد . وحاليا نسبة تعاطى الحشيش قلت جدا على الاقل من 50 الى 70 فى المية لانه معدش موجود اساسا ولو موجود مش اى حد بيقدر على ثمنه . فا احب اطمنكم ان حاليا الوضع يعتبر امن ومعقول جدا بس نتمنى ان دا يستمر بقى على طول مش تبقى مجرد فترة وترجع ريما لعادتها القديمة . احنا مش بنطلب من الحكومة انها تخفى المخدرات تماما مفيش دولة فى العالم قدرت تعمل كده بس احنا معترضين على الفترة الى كان فيها الحشيش وصل انتشاره لمرحلة اوفر جدا وكاننا فى افغانستان مثلا !!! والمشكلة ان الاعلام بكل اشكاله ومؤسسات المجتمع مفيش اى حد كان بيتناول القضية الى تعتبر اساسا بتمس امن مصر وامن المجتمع . مهو صحة الشباب والاجيال الجديدة دى اهم حاجة ولو عاوز تدمر اى مجتمع دمر عقول الشباب . عموما نشكر الحكومة على المجهود وعلى الانجاز الى قامت بيه والى ادى الى تراجع وانحسار تجارة الحشيش بشكل كبير جدا وواضح . ------------------------------------------------------------------------------------------------ بعض العلامات والمظاهر التى من خلالها ممكن نعرف اذا كان الشاب او المراهق بيتعاطى الحشيش اولا نتابع مصاريفه ونشوف هو بيصرف فلوسه فى ايه بالتحديد . ثانيا العودة الى المنزل فى ساعات متاخرة من الليل وتلاقيه اول ما يرجع ويدخل البيت يدخل طوالى على غرفته ويتجنب انه يتكلم او يتناقش مع اى حد . ثالثا عدد ساعات النوم بتزيد وبتوصل ل 12 ساعة واكثر رابعا الانسان وهو تحت تاثير تعاطى الحشيش بيبقى فى احمرار واضح فى العينين وبيبقى فى عدم تركيز واضح دا غير الضحك من غير سبب مع ملاحظة وجود اهتزاز وضعف فى الشخصية خصوصا لو هو فى موقف جد . خامسا هتلاقيه بيدخن سجاير كتير اكثر من المعدل الطبيعى وعموما اى حشاش اكيد بيدخن بشراهة (الا فى استثناءات بسيطة ) سادسا ..المستوى الدراسى والمذاكرة لازم هيبقى فى تراجع وتدهور واضح . سابعا .. نوعية الاصدقاء هتلاحظوا انه على طول مرتبط بشلة معينة وممكن يكون افراد الشلة مفيش اى خصائص مشتركة تجمع بينهم ثامنا الاهتمام بالمظهر زى الملابس والشعر وغيره كل دا بيقل وبيبقى فى اهمال واضح فى الجانب دا . ------------------------------------------------------------------------------------------------- نصيحة لكل رب اسرة ولكل ام عندها اولاد فى مرحلة لسه داخلين على سن المراهقة الصراحة فى التعامل مع قضايا الحياة مطلوبة مثال انا اخويا عنده 15 سنة بكل بساطة انا شرحتله كل تفاصيل هذا العالم الى متعلق بالحشيش والبانجو والسجاير وا وا الى اخره شرحتله كل شىء با اسلوب علمى وقلتله هييجى اليوم الى هتقابل فيه كذا وكذا وهتلاقى فلان بيعرض عليك كذا وكذا وهتلاقى نفسك ممكن تفكر وتقول اجرب ميجراش حاجة وضعتله كل الافتراضات وكل الاحتمالات واثبتله بشكل مقنع ان نهاية هذا الطريق غير سعيدة بالمرة . اهم حاجة انى خليته يقتنع با انه ميشربش عشان نفسه هو وعشان صحته هو وعشان يبقى ناجح فى حياته . مش عشانى خايف من الاهل او الاسرة او عشان عاوز يرضينى او يرضى اسرته لا قلتله بكل صراحة انا بنصحك عشان نفسك اولا واخيرا . والحمد لله اقنعته ونجحت زى ما نجحت مع اخويا الى اكبر منه . ودلوقتى بقوا بينصحوا زمايلهم بنفس الاسلوب الى علمتهم بيه . انا عموما كنت فار تجارب بس اهم استفادوا من تجربتى ودا شىء بيعزينى نوعا ما .

شكرا يا أبني ( قلب ملاك ) على ردك الواقعي

معلش أنا بأقولك يا أبني علشان أنت في عمر أولادي
أحييك على الشجاعة التي أتسمت بها مشاركتك

ليستفيد منها الأباء والأمهات والأبناء

الظاهر فعلا إن الموضوع منتشر بشكل كبير

وعلى الدولة دور كبير جدا في القبض على هذه

التجارة القذرة وحماية شباب الأمة منها

أستمر في نشر نصائحك لكل شاب تعرفه

جزاك الله خيرا

 

 

[abysaleh]

للرفع

للتذكير بس ... الموضوع دا من 2010 يعني من قبل الثورة يعني البلد اللي خربت والمخدرات اللي بتتباع ف الشارع ( علنا) من قبل الثورة يعني الناس بتوع نغمة منكوا لله خربتوا البلد والثورة جابتلنا ايه غير البلطجية واللي بيبيعوا مخدرات ف الشارع علنا

يا سبحان الله ربنا يريد اني اقع ع الموضوع دا والاقي تاريخه قبل الثورة كمان

يعني البلد كانت خربانة بس...... ياللي بتقول خربتوا البلد .... انت اللي ماكنتش دريان وإذ فأجتا صحيت وشفت الدنيا على حقيقتها

 

 

[ysma]

عشان تصدقوا لما القذافى قال أن هناك من كان يوزع حبوب الهلوسة على الشباب الليبى, لما حبوب الهلوسة و البانجو إرتفعت أسعارهم, أصبحت المخدرات غالية على الشباب, بدون المخدرات الشباب فاقوا لواقعهم و عملوا ثورات.

و لما يرخص تانى و يصبح البانجو فى متناول الشباب, ترجع ريما لعادتها القديمة.... و عجبى...