خلاص ههج من البلد ..

[biopasha]

الصحف المصرية والعربية

طول عمري .. وانا ابحث عن الاستمتاع بعملي .. بمعني هوايتي تكون عملي ..
وبصراحة ... كوني اجد العمل الذي اهواه فعلا ... بالنسبة لي تعتبر مخاطرة ..
لان الحلم لابد له من تمويل ... والتمويل لابد له من عمل حتي لو كنت لا اهواه ولا اطيقه ..
موضوع مرهق جدا ..
اعمل الان كصيدلي او قل (كبائع ادوية ومحاسب وكاشير وووو كله في واحد يسمونه صيدلي بلا معني ) وانا لا احب تلك المهنة اطلاقا المفرغة من مضمونها...
ما يستهوني هو الصيدلة ولكن بمعناها الاصيل من ابحاث ومعمل ...
بحثت في مصر في الجامعات عن حل ... فلم اجد شئ رغم ان تقديري مش وحش جيد جدا ..
امنيتي ان ادرس وامارس البحث العلمي في معمل ...
بحثت عن ذلك في بلاد الغرب .. وانا بصدد ذلك الان .. لعلي اوفق ..
في مصر طرقت كل الابواب المتاحة .. بلا اجابة ..
حاولت بكل الطرق كي اجد وسيلة لممارسة البحث العلمي والدراسة فلم اجد للاسف !!
سوي وسيلة واحدة هي الهجرة ... ووجدت تسهيلات كبيرة .. والباب مفتوح علي مصرعية للمجتهد ..
فقررت السير في هذا الطريق رغم مخاطره ولكنه الحل الوحيد ...

والحل الاخر هو ان تتأكسد محتويات عقلي بالحسابات والاكسبيرات و فن البيع وجلب الزبائن وقراءة خطوط الاطباء ... وانا لااحب ذلك ابدا ..........


زهققققققققققققققققققققققت ياعالم ....

شاركوني بالنصيحة من فضلكم ..

 

[ana_3enady]

دعوه لموضوعي

RobertInole

طيب وليه ماروحتش البتاعة بتاعة سوزان للبحث العلمي .. كانوا بيوشونا بيها كل يوم في صباح الخير يا مصر


















دي بينها للأطفال بس

 

 

[Farida]

فيه منح عاملاها وزارة البحث العلمى بالف جنيه فى الشهر لمده سنتين تاخد فيها ماستر و بعد كده يحلها حلال

 

 

[biopasha]

اقتباس المشاركة الأصلية كتبت بواسطة Farida فيه منح عاملاها وزارة البحث العلمى بالف جنيه فى الشهر لمده سنتين تاخد فيها ماستر و بعد كده يحلها حلال

المنح دي ... دا لو حد قدر يطولها بدون واسطه ولا غيره ... هتكتفي بمنحي الماستر ...
مجرد اسم حصولي علي الماجستير وخلاص ..
بردوا مش هيا اللي ابحث عنه .. انا ابحث عن فرصة للدراسة بحيث الدراسة تكون هي العمل .. وهي الهواية وبذلك مش هتعب من الشغل ابدا .. لأنه هيكون هوايتي زي النت كدة مثلا ...

 

 

[بنت شعنونة]

شركات الادوية و شركات الكوزمتك بيدوروا عليك يا بايو؟
ماجربتش تروح هناك؟

اقتباس وقراءة خطوط الاطباء

 

 

[biopasha]

اقتباس المشاركة الأصلية كتبت بواسطة بنت شعنونة شركات الادوية و شركات الكوزمتك بيدوروا عليك يا بايو؟ ماجربتش تروح هناك؟

بالنسبة لخطوط الاطباء ..
مش هي مشكلة في ذاتها ... خلاص الواحد اتعود ...

وبالنسبة للعمل في الشركات هو هو نفس الشغل في الصيدليات ولو عندي صيدلية ملك ..
نفس الاسترس ونفس اسلوب البيع والديلنج

بس فين اللي درسناه من ده كله ....................

عموما هو الموضوع تقريبا هيتحل في كندا ان شاء الله ... بس كان صعبان عليا بلدي ..

قدر الله وما شاء فعل ..

 

 

[بنت شعنونة]

لا مش قصدي الشغل العادي
الشركات الكبيرة بيبقى عندهم مبتكرين
يعني ناس كدا هوايتها عمل تراكيب لأكتشاف علاج جديد لمرض ما او لمشكلة ما
ودول بيبقوا لقط
بس لازم يكون عندك سابقة عشان الباب يتفتح
بمعنى
تعمل تركيبة جديدة وتكون بتعالج مثلا جرب
والدوا دا مافيش تركيبة زيه ها تتخطف انت والجوا خطف
زي مرهم اللوريد بتاع الدكتورة اللي مش حافظا اسمها دي

 

 

[haya]

كل شركات الادوية يا بيو فيها ادارة ابحاث وتطوير
طول ما انت فيها طول ما هتلاقي نفسك ادام حاجه جديدة وغصب عنك هاتحتاج تقرأ كتير لان بطبيعه الحال المشاكل متجددة اثناء الشغل ..غير خطط الابحاث الخاصه بكل شركة...ليه مادورتش وما اكثرهم في مصر

 

 

[biopasha]

اقتباس المشاركة الأصلية كتبت بواسطة بنت شعنونة لا مش قصدي الشغل العادي الشركات الكبيرة بيبقى عندهم مبتكرين يعني ناس كدا هوايتها عمل تراكيب لأكتشاف علاج جديد لمرض ما او لمشكلة ما ودول بيبقوا لقط بس لازم يكون عندك سابقة عشان الباب يتفتح بمعنى تعمل تركيبة جديدة وتكون بتعالج مثلا جرب والدوا دا مافيش تركيبة زيه ها تتخطف انت والجوا خطف زي مرهم اللوريد بتاع الدكتورة اللي مش حافظا اسمها دي

اقتباس المشاركة الأصلية كتبت بواسطة haya كل شركات الادوية يا بيو فيها ادارة ابحاث وتطوير طول ما انت فيها طول ما هتلاقي نفسك ادام حاجه جديدة وغصب عنك هاتحتاج تقرأ كتير لان بطبيعه الحال المشاكل متجددة اثناء الشغل ..غير خطط الابحاث الخاصه بكل شركة...ليه مادورتش وما اكثرهم في مصر

طيب بالنسبة للابتكار والاختراع .. فين الامكانيات المادية والاساتذه ؟؟؟
الابتكار لا ينبت الا في بيئة صالحة للنمو ... يعني مش ينفع ازرع وردة في الصحرا ...


طيب نفترض علي رأي أ / هيا ... اني بدأت في شركة كمندوب وبعدين حاولت اني ادخل مجال الابحاث في نفس الشركة ... لايمكن يحصل كدة ... ليه ؟؟

اولا قسم المبيعات في الشركة منفصل تماما عن الابحاث ... ولو شعروا في المبيعات بميولك للابحاث وعدم تقبلك للعمل في المبيعات سيتم انهاء العقد فورا ..
في البزنس ميعرفوش حد علي رأي المثل ..

وبالنسبة لقسم الابحاث في الشركات لا يبحث وسط عوام الصيادلة ... بل ينتقي افضل الاساتذه والاساتذه المساعدين في الجامعات للعمل في مجال الابحاث ولا يخاطر بأي احد ..
الا لو اخترعت دوا للجرب علي رأي د/ شانا ... بس اخترعه ازاي ده ... في المطبخ ؟؟؟

 

 

[biopasha]

اقتباس المشاركة الأصلية كتبت بواسطة ana_3enady طيب وليه ماروحتش البتاعة بتاعة سوزان للبحث العلمي .. كانوا بيوشونا بيها كل يوم في صباح الخير يا مصر دي بينها للأطفال بس

لا ياعم تامر ... دول اخرهم المقارنة بين الفلزات واللا فلزات ...

بقولك كيمياء صيدلية ... مش علوم ودرسات اجتماعية ترم اول ...



هو انا لو في سنة1/4 .... كنت روحت هناك في اجازة نص السنة ...