الرجالة هنا بتعرف تطبخ ؟؟

[أهرامات الجيزة]

السلام عليكم

بعد فاصل طويل ممل من مواضيع الهري والتخوين والتسخين والسياسة ورفع الضغط والسكر والأزمات القلبية ..

موضوع خفيف .. ومسلي .. نبدأ فيه بالسؤال للرجالة (الرجالة وبس) .. بتعرفوا تطبخوا إيييه ؟

أنا ماليش في المطبخ أوي .. بس أعرف أعمل بيض .. وشاي بالحليب

مستني الردود والتفاعـل

 

[ysma]

أعرف أسلق الفراخ و اللحمة و عمل الأرز و طبخ الخضار: الفاصوليا البيضاء و الخضراء و البازلاء و البطاطس المحمرة, و أيضاً قى البطاطس و السمك, و البيرجر...

طيب لو الواحد يعرف الكلام ده كله, يبقى محتاج الجواز فى إيه؟؟

ده نتيجة إللى بيسافر كثير...

 

 

[حشيش]

أعرف أطبخ الأرز (وإن كنت أتمنى أن أجيده مثل أرز الباكستانيين والهنود البسمتى اللى تلاقى مفيش حباية فيه لازقة فى التانية) ... أطبخ كذلك جميع أنواع الخضار المجمد بما فيه الملوخية لكن بشوربة ماجى فقط

 

 

[تكسير]

أنا بقي والحمد لله
بعمل حلويات أصلي كنافة وبسبوسة وبقلاوة وعلي فكرة أنا إلي بعمل العجينة يعني من شوية دقيق بعمل من الألف للياء , بسكوت بالعجوة , فطير مشلتت , فطير حلو , فطير حادق , خبز عربي , خبز فينو , محشي بجميع أنواعه , طبيخ وطواجن , مشويات , كابسة سعودي , صيدية وسمك وشربة سمك مشوي بقي مقلي طاجن زي ما تحب
هامبورجر بعمله مش بشتريه , وحجات كثيرة
بالنسبة للأكل الفرنساوي , متقن الكرب ( فطير ) وبعمل تارت تاتان , وكرامبول
وبعمل برضوا أطباق مخترعة من دماغي
الحمد لله الطبخ بالنسبة لي هواية ممتعة
وإن شاء الله ممكن في المستقبل تبقي مشروع

 

 

[م/سامح]

اقتباس المشاركة الأصلية كتبت بواسطة تكسير أنا بقي والحمد لله بعمل حلويات أصلي كنافة وبسبوسة وبقلاوة وعلي فكرة أنا إلي بعمل العجينة يعني من شوية دقيق بعمل من الألف للياء , بسكوت بالعجوة , فطير مشلتت , فطير حلو , فطير حادق , خبز عربي , خبز فينو , محشي بجميع أنواعه , طبيخ وطواجن , مشويات , كابسة سعودي , صيدية وسمك وشربة سمك مشوي بقي مقلي طاجن زي ما تحب هامبورجر بعمله مش بشتريه , وحجات كثيرة بالنسبة للأكل الفرنساوي , متقن الكرب ( فطير ) وبعمل تارت تاتان , وكرامبول وبعمل برضوا أطباق مخترعة من دماغي الحمد لله الطبخ بالنسبة لي هواية ممتعة وإن شاء الله ممكن في المستقبل تبقي مشروع

ايه يا عم تكسير كل ده دانتا طلعت روش و بتطبخ و كمان كل الاصناف دى؟
بونا بيتى

 

 

[تكسير]

اقتباس المشاركة الأصلية كتبت بواسطة حشيش أعرف أطبخ الأرز (وإن كنت أتمنى أن أجيده مثل أرز الباكستانيين والهنود البسمتى اللى تلاقى مفيش حباية فيه لازقة فى التانية) ... أطبخ كذلك جميع أنواع الخضار المجمد بما فيه الملوخية لكن بشوربة ماجى فقط

ده أسهل منه مافيش , أسهل من عمل كوباية شاي , طرقته مش زي الأرز المدور بتاعنا
تاخد الرز البسمتي وتضعه في مية مغلية أو شربة مغلية بها قليل من الملح والبهارت المطلوبة
شرط ( المية أو الشربة لازم تغلي )
يستوي تطلعه وتغسلة بالمية الساقعة , علشان تطلع منه النشا بتاعه , ( الرز المصري المدور الغسل قبل الطهي )
حتلاقي الحباية بعيدة عن أختها
ووللتقديم ترمي عليها معلقة ذبدة ولو حتسخنه يبقي علي البخار , ( تحط المصفي علي حلة فيها مية بتغلي ) المصفي الألمونيوم مش البلاستك

الرز ده المفروض تلعب بيه
رميته عليه أثناء الغلي كاري وكمون يطلع أصفر
كرفس وبقدونس وأي شيئ أخضر يطلع أخضر
طماطم وكركم يطلع أحمر
ممكن ترمي عليه شعرية بعد ما تحمرها بشوية زيت , يبقي فيه لعب حلو
ممكن تعمل فرح بقي
لو رميت علي الرز شوية سلطة , خيار طمام بقدونس خص جزر , بس تقطعه قطع متناهية في الصغر
والرز ينفع يبقي مدفن
ممكن تدفن فيه المراحيم من دجاج لحم خرفان جمبري كبدة , عش الغراب , الغراب نفسه لو عايز هههههههههههههههههه
وبالهناء والشفاء
وسمعونا صلاة النبي

 

 

[تكسير]

أكبر طهاة العالم رجال علي فكرة

 

 

[حشيش]

اقتباس المشاركة الأصلية كتبت بواسطة تكسير ده أسهل منه مافيش , أسهل من عمل كوباية شاي , طرقته مش زي الأرز المدور بتاعنا تاخد الرز البسمتي وتضعه في مية مغلية أو شربة مغلية بها قليل من الملح والبهارت المطلوبة شرط ( المية أو الشربة لازم تغلي ) يستوي تطلعه وتغسلة بالمية الساقعة , علشان تطلع منه النشا بتاعه , ( الرز المصري المدور الغسل قبل الطهي ) حتلاقي الحباية بعيدة عن أختها ووللتقديم ترمي عليها معلقة ذبدة ولو حتسخنه يبقي علي البخار , ( تحط المصفي علي حلة فيها مية بتغلي ) المصفي الألمونيوم مش البلاستك الرز ده المفروض تلعب بيه رميته عليه أثناء الغلي كاري وكمون يطلع أصفر كرفس وبقدونس وأي شيئ أخضر يطلع أخضر طماطم وكركم يطلع أحمر ممكن ترمي عليه شعرية بعد ما تحمرها بشوية زيت , يبقي فيه لعب حلو ممكن تعمل فرح بقي لو رميت علي الرز شوية سلطة , خيار طمام بقدونس خص جزر , بس تقطعه قطع متناهية في الصغر والرز ينفع يبقي مدفن ممكن تدفن فيه المراحيم من دجاج لحم خرفان جمبري كبدة , عش الغراب , الغراب نفسه لو عايز هههههههههههههههههه وبالهناء والشفاء وسمعونا صلاة النبي

ده كلام جميل بس ناقصه أهم الخطوات للهواة فى عالم الأرز البسمتى اللى زى حالاتى

1- يعنى أخد الأرز البسمتى من الكيس مباشرةً على حلة الشوربة المغلية من غير ما اغسله بالماء؟!

2- لو إجابة السؤال 1 بنعم: كم كوب شوربة مقابل كوب الأرز البسمتى علشان ما يعجنش؟

3- ماذا تقصد بعبارة (بعد الأرز ما يستوى إغسله بماء بارد)؟ ... مهو الرز حيشرب أم الشوربة كلها فى دقايق وبعد ما يستوى حيكون لزق خلاص فى قعر الحلة لو سيبنا الشوربة بتغلى زى ما انت بتقول)؟

 

 

[تكسير]

اقتباس المشاركة الأصلية كتبت بواسطة حشيش ده كلام جميل بس ناقصه أهم الخطوات للهواة فى عالم الأرز البسمتى اللى زى حالاتى 1- يعنى أخد الأرز البسمتى من الكيس مباشرةً على حلة الشوربة المغلية من غير ما اغسله بالماء؟! 2- لو إجابة السؤال 1 بنعم: كم كوب شوربة مقابل كوب الأرز البسمتى علشان ما يعجنش؟ 3- ماذا تقصد بعبارة (بعد الأرز ما يستوى إغسله بماء بارد)؟ ... مهو الرز حيشرب أم الشوربة كلها فى دقايق وبعد ما يستوى حيكون لزق خلاص فى قعر الحلة لو سيبنا الشوربة بتغلى زى ما انت بتقول)؟

أيوه مباشرة للحلة المغلية وما تغسلهوش , كمية المية تبقي كبيرة , حتي ولو حطيت كوب أرز , المية لازم تكون كثيرة علشان الرز يستوي من غير ما يلزق
وبعدين تطلع بالمعلقة رزة ولا أثنين وتشوف أستوت ولا لأ
لو أستوت صفي الرز ومشي عليه مية الحنفية وهو في المصفي علشان يتغسل وينزل المية البيضة
سريع سريع يعني
وخلاص ولو عجن يبقي ليك الحق
وتعالي أفضحني هنا
هههههههههههههههههه

 

 

[أهرامات الجيزة]

مغارات المطاريد فيها رجالة موهوبين .. ما شاء الله

أسعدتوني بمشاركتكم

مين تاني ؟؟