أنزيمات الكبد عالية

[Sonesta]

الصحف المصرية والعربية

دعوه لموضوعي

ليالى المطاريد.,,,هل تعلم

يعنى إيه أنزيمات الكبد عالية؟

وما مضارها

 

[Dr-Alrefa3y]

اقتباس المشاركة الأصلية كتبت بواسطة Sonesta يعنى إيه أنزيمات الكبد عالية؟ وما مضارها

عالية كلمة مطاطة ومش دقيقة لازم تكون بالارقام او عالية الضعف او الضعفين وهكذا حتى يستطيع الطبيب تقييم الحالة

مبدئيا فى الغالب المقصود بانزيمات الكبد هما انزيمين AST&ALT
الانزيمات دى بطبيعاتها موجودة بخلايا الكبد ومش من الطبيعى انها تخرج براه الى البلازما او الدم

لما بيكون فى تلف ولو بسيط فى الكبد بتبدأ الانزيمات دى ترفع مستواها فى الدم

نظرا لطبيعاتنا احنا المصريين والعرب عندنا سمنة كتير فى منطقة البطن ,,الدهون دى بتتراكم على الكبد وبترفع من انزيماته حتى ولو هو سليم وبيسمى الموضوع ده تشحم الكبد او دهون على الكبد

ودى حالة مش خطيرة وهى شائعة وعلاجها بيكون فى الدايت وان الشخص يخفض من وزنة ويمارس رياضة وممكن ياخد بعض الادويةالبسيطة

فى الحالة اللى فوق دى بتجدى الانزيمات مثلا 70 او 80

طيب امتى تكون ارتفاع الانزيمات خطير
لو زادت الضعف او الضعفين مثلا فما فوق

الطبيب عموما فى حالة اى ارتفاع للانزيمات بيطلب الاتى
تحليل فيرس سى وبى عشان يستبعدهم وفى حالتهم الانزيمات بتكون اضعاف كثيرة
تحليل بلهاريسيا عشان يستبعدها
عمل سونار على الكبد عشان يشوف الدهون او اى تليف

اذا جميع الحالات اللى فوق كانت سليمة والانزيمات عالية جدا يمكن يطلب تحاليل متعلقة بالجهاز المناعى والحويصلة المرارية

بس عموما لو الارتفاع بسيط لا تخافى والطبيب اكيد هيطمنك

 

 

[Sonesta]

دعوه لموضوعي

ليالى المطاريد.,,,هل تعلم

اقتباس المشاركة الأصلية كتبت بواسطة Dr-Alrefa3y عالية كلمة مطاطة ومش دقيقة لازم تكون بالارقام او عالية الضعف او الضعفين وهكذا حتى يستطيع الطبيب تقييم الحالة مبدئيا فى الغالب المقصود بانزيمات الكبد هما انزيمين AST&ALT الانزيمات دى بطبيعاتها موجودة بخلايا الكبد ومش من الطبيعى انها تخرج براه الى البلازما او الدم لما بيكون فى تلف ولو بسيط فى الكبد بتبدأ الانزيمات دى ترفع مستواها فى الدم نظرا لطبيعاتنا احنا المصريين والعرب عندنا سمنة كتير فى منطقة البطن ,,الدهون دى بتتراكم على الكبد وبترفع من انزيماته حتى ولو هو سليم وبيسمى الموضوع ده تشحم الكبد او دهون على الكبد ودى حالة مش خطيرة وهى شائعة وعلاجها بيكون فى الدايت وان الشخص يخفض من وزنة ويمارس رياضة وممكن ياخد بعض الادويةالبسيطة فى الحالة اللى فوق دى بتجدى الانزيمات مثلا 70 او 80 طيب امتى تكون ارتفاع الانزيمات خطير لو زادت الضعف او الضعفين مثلا فما فوق الطبيب عموما فى حالة اى ارتفاع للانزيمات بيطلب الاتى تحليل فيرس سى وبى عشان يستبعدهم وفى حالتهم الانزيمات بتكون اضعاف كثيرة تحليل بلهاريسيا عشان يستبعدها عمل سونار على الكبد عشان يشوف الدهون او اى تليف اذا جميع الحالات اللى فوق كانت سليمة والانزيمات عالية جدا يمكن يطلب تحاليل متعلقة بالجهاز المناعى والحويصلة المرارية بس عموما لو الارتفاع بسيط لا تخافى والطبيب اكيد هيطمنك

د/ الرفاعى

أنا عاجزة عن الشكر لسرعة اجابتك

والدى عنده تليف فى ثلثى الكبد

وبعد وفاة اخهته منذ شهر تقريبا

بدأ فى الإعياء الشديييد

بدأ انه لايعرف
يكمل

الأكل البسيط الخفيف بعيدا عن الطبيخ والبقوليات والمسبكات

وبدأت حرارته ترتفع ارتفاع رهيب
ودوخة جامدة جدا

وزادت حالته عند وفاة حماته ( جدتى منذ خمسة أيام ) وأصبح يرجع اى لقمة ياكلها

إتحايلنا عليه كتير ان يذهب لطبيب يرفض

إتفقنا ان نضعه امام الأمر الواقع وجيئنا بطبيب المنزل

رفض ان يكشف عليه

لكن الطبيب من اول وهلة قال لازم مستشفى

فيييييين عقبال مااقتنع امام بكاءنا ان يذهب للطبيب
ورفض ان احد يدخل معاه
ولم يقل لنا تشخيص الطبيب

وانا اللى جيبت نتيجة التحاليل

واللى سلمهالى قاللى ان الأنزيمات عالية

ولسة عارفة امبارح بالليل

فحبيت للإطئنان ان اسأل

لإن بابا لم يصرّح بأى مرض يصيبه












الف شكر لحضرتك

 

 

[Dr-Alrefa3y]

لو الانزيمات عالية بشكل كبير لازم متابعة جيدة وتحاولوا تقنعوه ان يتابع مع الطبيب لأن الموضوع فعلا ممكن يتفاقم والمضاعفات تزيد

لو الارتفاع بسيط يمكن يكون الموضوع نفسى وده شائع فى كبار السن عندما يموت لهم قريب

ربنا يطمنك عليه

 

 

[Sonesta]

دعوه لموضوعي

ليالى المطاريد.,,,هل تعلم

اقتباس المشاركة الأصلية كتبت بواسطة Dr-Alrefa3y لو الانزيمات عالية بشكل كبير لازم متابعة جيدة وتحاولوا تقنعوه ان يتابع مع الطبيب لأن الموضوع فعلا ممكن يتفاقم والمضاعفات تزيد لو الارتفاع بسيط يمكن يكون الموضوع نفسى وده شائع فى كبار السن عندما يموت لهم قريب ربنا يطمنك عليه

ربنا يكرمك ويديك الصحة