هل تؤيد ابو اسماعيل ليكون مرشح المطاريد

[abo_hammad]

الصحف المصرية والعربية

اقتباس المشاركة الأصلية كتبت بواسطة حسام طبعا وغصب عنك انا محترم ولما قلت مصر عايزة راجل محترم فأنا مش بشتم أنا بأسجل اعتراضي ان راجل عيل زي ده قعد في محمد محمود يهلل ويزعق وآخر ليلة يا سنكري وأول ما بدأت المواجهات بيدوروا عليه في سلقط في ملقط فص ملح وداب يبقى ده راجل أو محترم أو ملو هدومه؟ النقطة التانية هو افرض انه مؤيديه كتير هل ده معناه انه الاصلح؟ وان مؤيديه على حق؟ كثرة المؤيدين ليست دليلا على صحة وجهة نظرهم وآخر مرة تتكلم معايا تاني بالشكل ده أو بغيره مادمت مش قادر تحترم زمايلك فى المنتدى

ارجو من حضرتك الالتزام بما تقول اولا , يعنى بدل ما تسب الراجل انتقده بموضوعية واحترم رأى باقى زمايلك اللى مؤيدين ليه ,لان بسبك ليه انت بتسب اختيارهم, وبعدين لاحقاق الحق الراجل ده هو الوحيد اللى نزل محمد محمود ودعى الناس كلها انها تنزل و ممشيش ولا حاجة , والقنوات كلها حاولت تستغل موقفه ده ضده فى انه بيثير الازمات والمشاكل , هذا طلب من اخ اصغر الى اخوه الاكبر استاذ /حسام.

 

 

[تومى]

اقتباس المشاركة الأصلية كتبت بواسطة حسام طبعا وغصب عنك انا محترم ولما قلت مصر عايزة راجل محترم فأنا مش بشتم أنا بأسجل اعتراضي ان راجل عيل زي ده قعد في محمد محمود يهلل ويزعق وآخر ليلة يا سنكري وأول ما بدأت المواجهات بيدوروا عليه في سلقط في ملقط فص ملح وداب يبقى ده راجل أو محترم أو ملو هدومه؟ النقطة التانية هو افرض انه مؤيديه كتير هل ده معناه انه الاصلح؟ وان مؤيديه على حق؟ كثرة المؤيدين ليست دليلا على صحة وجهة نظرهم وآخر مرة تتكلم معايا تاني بالشكل ده أو بغيره مادمت مش قادر تحترم زمايلك فى المنتدى

بسم الله الرحمن الرحيم
طيب يا ريت مصر كلها تبقى عيال رجاله زيه .
و بعدين الراجل محترم جدا و مفيش مناظرة واحدة حد عرف يصد معاه بصراحة و هما كانوا بيهاجموه هجوم حاد
بس الحمد لله ربنا وفقه و خلاهم زى التيتتتتتتتت............ زى مثلا مناظرته مع خيرى رمضان شوف هو قصاده كام واحد فى المناظرة الواحدة و مناظرته فى برنامج ريهام السهلى فى 90 دقيقة و بردو سجدهم , و بعدين مين قال أنه فص ملح و داب فى وقت مظاهرات محمد محمود , يا باشا كفاية أوى أنه راجل كبير فى السن و نزل وقف مع الشباب فى المظاهرات , الشيخ/حازم عمره ميفكر يهرب يا باشا و الوحيد البيتكلم بصراحة عن الجيش و عن تطبيق الشريعة الإسلامية بكل وضوح و من غير لف و دوران و هو حضرتك عايز واحد ملو هدومه زى مين مثلا شفيق ولا عمرو موسى ولا سليمان
سيادتك شايف أن إحنا عملنا ثورة و أخوتنا أستشهدوا عشان نجيب عصابة تانى , أرجو منك عدم التحامل على الشيخ/حازم لمجرد كونه شيخ مسلم فهذا ليس عيبا فيه بل يحسب له , ليه بتشتمه مش فاهم أنا أيه ده أمال لما حيكسب حتعمل أيه ؟

 

 

[حسام]

يا أخ تومي
لك رأيك وأحترمه رغم خلافي
لكن انا كمان ليه رأيي
وسبق قلتلك انى مش عايز أكمل كلام معاك

 

 

[تومى]

اقتباس المشاركة الأصلية كتبت بواسطة حسام يا أخ تومي لك رأيك وأحترمه رغم خلافي لكن انا كمان ليه رأيي وسبق قلتلك انى مش عايز أكمل كلام معاك

بسم الله الرحمن الرحيم
يا باشا ولا أنا والله و أنا فاهم كويس سبب كرهك الشديد لأبو إسماعيل و مش فرقة معايا حتى لو حبيته , كفاية عليا مؤيدينه حتى الآن و الذين نجحوا فى إنجاح الأخوان و السلفيين فى إنتخابات مجلس الشعب و تحويله من مجلس الحزب الواطى لمجلس إسلامى و بأذن الله تعالى مصر كلها سوف يكون رئيسها إسلامى سواء أبو إسماعيل أو أبو الفتوح أو غيرهم من الإسلاميين و بإذن الله تعالى الشيخ/حازم صلاح هو رئيس مصر القادم , فنصيحتى لسيادتك أن حضرتك ساعة الإنتخابات متنزلش تدى صوتك ما دام هذا رأيك و خليك متفرج و أكتب أرائك على النت لأنه الوسيلة الوحيدة للتعبيرك عن أرائك و لو عايز تفضل تسبه كده سبه دى حرية شخصية بس أنا كنت بهديك شوية عشان حضرتك صعبان عليا يا باشا .

 

 

[Raouf]

الصفحة الاولى لجريدة الجمورية



https://www.algomhuria.net.eg/algomhuria/today/fpage/

 

 

[Raouf]

مفاجأة :والده الشيخ أبو إسماعيل دخلت مصر بجواز سفر أمريكى فى 16 أغسطس 2009 على الطائرة القادمة من ألمانيا

PM
ona

أرسلت وزارة الخارجية الى السفارات المصرية فى الخارج اسم الشيخ حازم صلاح أبو إسماعيل ليكون المرشح السابع فى سباق الرئاسة وطلبت البحث فى حصول المرشح أو ايا من والديه على جنسية اجنبية .مثلما فعلت مع كل المرشحين السابقين ..

وكانت مواقع اخبارية قد قالت أن والدة الشيخ حازم ابو اسماعيل ، الدكتورة نوال عبد العزيز نور حصلت على الجنسية الأمريكية ..

وأكدت مصادر مقربة من اسرة زوج شقيقة الشيخ حازم فى الولايات المتحدة .. أن والدة الشيخ قد حصلت بالفعل على جواز سفر أمريكى يحمل رقم 500611598 ..وأكدت المصادر أن موضوع دخول الشيخ حازم الى الممارسة السياسية قد أثير على نطاق عائلى ..وأن الأسرة كانت تخشى من تأثير حصول والدته على الجنسية الأمريكية على مسيرته السياسية خصوصا فى إنتخابات مجلس الشعب عام 2005 وعرضت الأم التنازل عن الجنسية لكن قانونيون أكدوا لهم أن الترشح لإنتخابات مجلس الشعب لايتطلب تنازلها عن الجنسية الأمريكية .. طالما لم يحصل هو على الجنسية .

وأكد مصرى يعيش فى الولايات المتحدة ومقرب من زوج شقيقة الشيخ وهى السيده حنان أبو إسماعيل ..أن السيدة نوال نور وشقيقته السيده حنان وشقيقه أحمد حاصلون على الجنسية الأمريكية ..وكشفت المصرى الذى يعمل فى المحاماه أن الدكتورة نوال التى توفيت عام 2010 كانت تسافر الى مصر بجواز سفر أمريكى ..مؤكدا أنها زارت مصر يوم 16 سبتمبر عام 2009 ودخلت البلاد على الطائرة القادمة من ألمانيا مستخدمه جواز سفرها الأمريكى ..وقال أن إدارة الجوازات المصرية ووزارة الداخلية تعلم جيدا هذه المعلومات ولكنها تصمت لأسباب لايفهمها

المصدر

بركاتك يا خيرت يا شاطر ....... مدد

 

 

[Matrix]

دعوه لموضوعي

أطلق العنان لمشاعرك ، كن إنسان.

اقتباس المشاركة الأصلية كتبت بواسطة تومى بسم الله الرحمن الرحيم يا باشا ولا أنا والله و أنا فاهم كويس سبب كرهك الشديد لأبو إسماعيل و مش فرقة معايا حتى لو حبيته , كفاية عليا مؤيدينه حتى الآن و الذين نجحوا فى إنجاح الأخوان و السلفيين فى إنتخابات مجلس الشعب و تحويله من مجلس الحزب الواطى لمجلس إسلامى و بأذن الله تعالى مصر كلها سوف يكون رئيسها إسلامى سواء أبو إسماعيل أو أبو الفتوح أو غيرهم من الإسلاميين و بإذن الله تعالى الشيخ/حازم صلاح هو رئيس مصر القادم , فنصيحتى لسيادتك أن حضرتك ساعة الإنتخابات متنزلش تدى صوتك ما دام هذا رأيك و خليك متفرج و أكتب أرائك على النت لأنه الوسيلة الوحيدة للتعبيرك عن أرائك و لو عايز تفضل تسبه كده سبه دى حرية شخصية بس أنا كنت بهديك شوية عشان حضرتك صعبان عليا يا باشا .

الحقيقة أسلوب غير لائق وينحدر بمستوى التعامل داخل المنتدى لأسفل سافلين ، مش هنخسر حاجة لو عبرنا عن إعتراضنا بأسلوب لا يتضمن الهمز واللمز وتلقيح الكلام على من يخالفنا الرأي لأنه يستطيع ببساطه أن يفعل كما تفعل والنتيجة أنه لن يكسب أحد ، بينما ستحظى بإحترام الجميع لو أنك قابلت ما تعتبره مستفزاً لك بلباقة وحب وتوضيح .

هذه نقطة ، النقطة الأخرى والتي لا يدركها أنصار أبو إسماعيل أن مرشحى الرئاسة في أي مكان في العالم بيتشتموا وبيتضربوا كمان بالطماطم والبيض فهم ليسوا أنبياء ولا وكلاء الله على الأرض ، يعني عادى مسموح بنقدهم وشتيمتهم كمان من غير ما المفروض ده يضايق أنصارهم ، لأنك المفروض نصير لفكرته ولست نصير له شخصياً ، وكمان التلميج إلى أنه هيكسب أوأي مرشح إسلامي اخر كأنك تعتبر معارضين أبو إسماعيل معارضين لكل ماهو إسلامي ، أي ان أبو إسماعيل بالنسبة لك هو الدين وهو الإسلام وهذا شئ الحقيقة خطر على الجميع بما فيهم أنت.

الأمور بسيطة فلا تعقدوها ولا تكلكعوها ولا تتعصبوا لأحد ، اللي عاوز يهاجم ده رأيه هو حر واللي عاوز يشتم - لو فرضنا أن فيه حد بيشتم - برضه هو حر وده أسلوبه ومسئول عنه طالما لا يشتمك إنت شخصيا إلا إذا كنت توحدت مع شخص أبو إسماعيل وأعتبرت أنك انت وهو واحد .

بهدؤ وبدون إهانة نشرح وجهة نظرنا حتى نستطيع أن نتطور ونتقدم ، بدون إحترام لن يكون هناك لا حب ولا بناء ولا إستقرار سواء على مستوى الدولة أو على مستوى نفسيات الأفراد.

تحياتي

 

 

[Matrix]

دعوه لموضوعي

أطلق العنان لمشاعرك ، كن إنسان.

نذكر أنصار أبو إسماعيل أنه مجرد مرشح لمنصب سياسي
فلا هو نبي ولا هو رمز ديني .
هو بالنسبة للجميع مجرد مرشح لرئاسة الجمهورية

قد يعترض عليه البعض لأسباب سياسية ولا يراه جديرا بالمنصب
قد يعترض عليه البعض إعتراضا على رؤيته المتشددة للمنهج الإسلامي
قد يعترض عليه البعض حقداً وكرهاً للإسلام

وقد تتعدد الأسباب أكثر من ذلك وهذا طبيعي فنحن في الحياة ولسنا في الجنة .
ومع تعدد هذه الأسباب يبقى أنك ليس لك الحق في التفتيش في نيات الناس وإتهامهم بان كراهيتهم له كراهية للإسلام ، وليس لك الحق في أن تهين من يهينه طالما لم يهينك ولكن لك الحق في الدفاع عنه وتبيان مأثره وما تراه أنت من جوانب قد تحبب الناس فيه وما تزيل اللبس عنه فقط لا غير.

فالرجل مرشح لرئاسة مصر وليس لأمامة مسجد أي أنه ليس ملكاً لك انت وحدك ولكن لكل المصريين لأنه من الممكن أن يكون رئيسهم وساعتها مش هتسحب منهم الجنسية المصرية وسيظلوا يحملونها حتى بعد أن ينجح او يسقط أو يترك الرئاسة لأنهم هم الأصل لأنهم هم الشعب ، لو لم تساعدنا ثورة 25 يناير في فهم ذلك إذا فنحن بحاجة لمزيد من النضج والفهم.

 

 

[SindBad]

والله يا اخ يامن انت كل يوم تثبتلي انك راجل موضوعي
وموضوعي وموضوعك واحد...
عشان كده اسمحلي بالطلعة دي

 

 

[زعلان]

يا عجلاتك يا ابو اسماعين