Arabic Discussion Forum with a Special Interest in Travel and Immigration

bongeorge · 31st March 2012, 03:07 AM

الصحف المصرية والعربية

اقتباس

المشاركة الأصلية كتبت بواسطة Eng Hesham


	الا هو انت متعرفش يا جورج ماهو فيه دلوقتى جدار عازل فى القصر العينى و جدار عازل عند مجلس الوزراء دا غير اللى فى محمد محمود عقبال املتك البلد كلها بقت جدران عازله علشان يعرفوا يعلقوا بوسترات بوسماعين

بوسماعين مين ياعم ... أنا لسةماكملتش سنة و كل ده بيحصل ؟!!! أنا حاسس أنى هارجع بعد كام سنة أحس أنى نزلت بلد تانية أو أنا من أهل الكهف

بقولك أيه ماتيجى نخترع اّلة الزمن نرجع لحد 25 يناير 2011 و بعدين نزبط الأداء و نتلافى كل الأخطاء اللى حصلت و مانسيبش الثورة تروح فاشوش كدة ؟؟

تخيل كدة الأمن المركزى مانزلش التحرير و وقف يحمى المولات و محلات الدهب و أركاديا من السرقة

و الجيش طلع و حمى السجون من حماس

و حظر التجوال يتطبق على البلطجية بس مش على شباب التحرير و 6 أبريل

و دولة مدنية
و نزبط دستور زى تركيا

مش كان الواحد بقى عنده أمل فى بكرة ؟!!!!!

بنت شعنونة · 31st March 2012, 04:05 AM

مددددددددددددددددددددددددددددى وحشاني من هنا لاخر الكوكب

انتي فيين بس يا بنتي

ميدو
كانوا بيشتموا في الحكومة والريس
ايه دا؟

تصدق انا اتصدمت؟
ماعندناش ريس نشتمه!!!

دكتر فاروق..
وربنا فكرة بمليون جنيه

شفت مرة كان فيه حاجا زي كدا بس مش فاكرة في مصر والا برا؟
مأجرين محل في مول
وفيه كاميرا مفتوحة هوا طول الوقت بتبث حي
وانت بتدفع تمن الوقت اللي ها تطلعه
واطلع اياكش تقول ريان يا فجل

كانت عجباني اوي الفكرة دي
ها احاول ادعبس على جزء منها اليوتيوب
دا بجد بتكلم والله..

حسام · 31st March 2012, 05:11 AM

فكرة مفتكسة يا شانا والله

أحمد فاروق · 31st March 2012, 06:02 AM

اقتباس

المشاركة الأصلية كتبت بواسطة بنت شعنونة


	شفت مرة كان فيه حاجا زي كدا بس مش فاكرة في مصر والا برا؟ مأجرين محل في مول وفيه كاميرا مفتوحة هوا طول الوقت بتبث حي وانت بتدفع تمن الوقت اللي ها تطلعه واطلع اياكش تقول ريان يا فجل

ما أنا شفت نفس اليوتيوب

حسام · 31st March 2012, 04:34 PM

انا مقيم مع صديق لحد ما أتسلم الشقة الى أجرتها من بكرة باذن الله
من شوية الباب خبط
فتح صديقي
ودخل جماعة سمر هنود واضح انه كان عارفهم أو اتقابلوا قبل كدة
صديقي من النوع الديبلوماسي اللى بياخد كل واحد على قد عقله
الفرنساوي بتاعي مش قوي زيه
لكني سمعته بيقولهم بالفرنسية ان الأديان تتكامل ولا تتقاطع
بعد ما مشيوا بعد شوية نقاشات
بقوله ايه ده يا أبا الحاج؟
قاللي دول تبشيريين من جماعة شهود يهوه
بيحاولوا يقنعوا الناس بدخول الدين ده
ياتبشيرك يا كندا

حسام · 31st March 2012, 04:37 PM

كمان شوية هروح ألحق أحجز مكان في سانت كاترين
ميدومنصور وريمو وكل الكنادوة والمصاروة
كونوا معنا

Remooo · 31st March 2012, 05:20 PM

اقتباس

المشاركة الأصلية كتبت بواسطة حسام


	كمان شوية هروح ألحق أحجز مكان في سانت كاترين ميدومنصور وريمو وكل الكنادوة والمصاروة كونوا معنا

بنت شعنونة · 31st March 2012, 05:33 PM

رابوتة
مش طايقاك عشان قفلت الموضوع

اصلا انا بتريق ع التيار التبشيري لابو اسماعيل
اللي هب علينا مرة واحدا؟؟ زي ما يكون المهدي المنتظر؟؟
دا لو امن الدولة عامل لجان الكترونية يبقى ابو اسماعيل عامل ابوها
انما لا بتريق على دين ولا على شكل سني
بس ما يمنعش ان المنعطف التاريخي محتاج مننا تعديل برضك

Rapt · 1st April 2012, 12:04 AM

اقتباس

المشاركة الأصلية كتبت بواسطة بنت شعنونة


	رابوتة مش طايقاك عشان قفلت الموضوع اصلا انا بتريق ع التيار التبشيري لابو اسماعيل اللي هب علينا مرة واحدا؟؟ زي ما يكون المهدي المنتظر؟؟ دا لو امن الدولة عامل لجان الكترونية يبقى ابو اسماعيل عامل ابوها انما لا بتريق على دين ولا على شكل سني بس ما يمنعش ان المنعطف التاريخي محتاج مننا تعديل برضك

والله يا دوك شعنونة قفلته لانه هايقلب كالعادة بغم
معلش بعتذرلك عن ده

حسام · 1st April 2012, 02:19 PM

ألاقيش مكان مفيهوش سلفي أو أخوانجي؟
ألاقيش مكان مفيهوش يا متاجر بالدين يا مغيب وكفتة وماشي زي الخروف ورا تجار الدين؟

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

قهوة المطاريـــــــــــــــــد

حدي يرغي معاااااااااااااااياااااااااااا...