Arabic Discussion Forum with a Special Interest in Travel and Immigration

shaikh_tamer · 26th June 2016, 03:07 AM

الحمد لله و الصلاة و السلام علي رسول الله.
بعد لما تم قبول ملفي في مقاطعة نيوبرونزويك فكرت اعمل الموضوع ده علشان اتواصل مع كل اللي حضر المحاضرة سواء في مصر او الدول العربية علشان نساعد بعض في اي خطوات مستقبلية.

شوية معلومات عن المقاطعة:
المقاطعة هي الوحيدة تقريبا في العالم (بخلاف غانا) اللي بتتلاقي فيها اللغتنين الفرنسية و الانجليزية, حتي انهم بقي ليهم لغة خاصة بيهم خليط بين الاتنين.
فثلث المقاطعة بيتكلم فرنساوي و الثلثين الاخرين انجليزي.
من وجهة نظري ده ميزة لان ولادك بيتعلموا اللغتين غصب عنهم.
ميزة اخري هي انها مقاطعة ساحلية بتطل علي الاطلنطي و اللي زيي من اسكندرية بيقدر اوي البحر و علشان كده حختار مدينة (سانت جونز). و ميزة رابعة هي انها علي حدود امريكا و ده بيخلي امريكا اقرب للمقاطعة ديه من مونتريال و هاليفاكس!
جدول المحاضرات اللي نازل مكتوب فيه الاتي:...
الدوحة ..يومين
اسكندرية .. يومين
ابوظبي .. يومين
دبي .. اربع ايام
القاهرة ..3 ايام

و ده معناه حاجة واحدة بس و هي انهم عايزين مصريين!!
و لما دورت شوية في الموضوع ده لقيت ان اكبر راس هناك بتدرس ملفات الهجرة, مصري :)
ياريت كل اللي حضر او حيحضر في السيشن ديه يجمع معانا هنا علشان نساعد بعض في التقديم و المشورة.
خصوصا ان المقاطعة مش هب للعرب و تقريبا دول اقل عنصر موجود هناك!
بالتوفيق للجميع

sunrise · 26th June 2016, 06:59 AM

لوسمحت أنا كنت محتاج احضر ليهم جلسه و مش عارف أسجل فين و لا اعمل ايه
posted via mobile device

khaled_sabry · 26th June 2016, 11:56 AM

انا بإذن الله حجزت فى محاضرة 23 يوليو الساعه 5

shaikh_tamer · 26th June 2016, 12:34 PM

اقتباس

المشاركة الأصلية كتبت بواسطة sunrise


	لوسمحت أنا كنت محتاج احضر ليهم جلسه و مش عارف أسجل فين و لا اعمل ايه posted via mobile device

سجل هنا
https://livinginnb.ca/

Remon.soliman · 26th June 2016, 03:19 PM

دعوه لموضوعي

مطاريد الكويت

تسجيل متابعة

لو حضرتك هاجرت عن طريق المحاضرة ياريت تنقلنا قصتك وخبرتك بالتفصيل
posted via mobile device

shaikh_tamer · 26th June 2016, 06:08 PM

اقتباس

المشاركة الأصلية كتبت بواسطة Remon.soliman


	تسجيل متابعة لو حضرتك هاجرت عن طريق المحاضرة ياريت تنقلنا قصتك وخبرتك بالتفصيل posted via mobile device

اهلا بيك يا ريمون..
انا حضرت المحاضرة و الموضوع ان شاء الله حكتب عنه بالتفصيل في موضوع منفصل بس لحد الوقت ده انا مستعد للاجابة عن اي سؤال لاي مطرودي زميل

zorro · 26th June 2016, 06:45 PM

طيب فيه اقاويل اننا لازم نلبس سيمي فورمال هل ده حقيقي؟ وهل ممكن اروح انا وزوجي المحاضرة هو المتقدم الرئيسي فهل ممكن احضر معه على اساس اني شريكته في الجريمة 😃😃 ولا مينفعش؟
posted via mobile device

ماتريكس دوت نت · 26th June 2016, 07:10 PM

تسجيل متابعة صف اول وفي انتظار كل التفاصيل المهمة والغير مهمة

HanyMan · 26th June 2016, 07:31 PM

بما انك يا كبير من الناس اللي نيوبرنزويك راضيه عليهم ، ممكن تكلمنا عن نفسك ووظيفتك ومن وجهه نظرك الناس دي ممكن تقبل اعداد كبيره مثلا وهل سوق العمل يسحتمل العدد ده ، انا سألت عشان اعرف اذا كانوا عايزين ناس طبيعيه ولا سوبر مين وسوبر ويمن ، سؤال اخير اخدت وقت قد ايه من ساعه ما قدمت ورقك لحد ما اخدت النومينشن ؟
تحياتي لحضرتك
posted via mobile device

Matroudalex · 26th June 2016, 08:01 PM

في انتظار المزيد!

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
مغامرات الشيخ تامر	الهجرة إلى كندا	mody	51	9658	22nd April 2017 11:04 AM
اللي حضر جلسة مقاطعة نيوبرونزويك يجمع هنا.	مقاطعات كندا	Amr Khalaf	222	24480	26th June 2016 03:07 AM
هجرة المقاطعات province nomination program - pnp	مقاطعات كندا	Remon.soliman	883	166321	3rd November 2015 08:37 PM
هل الانقلابيين هم اكثر من يسعي للهجرة؟	شؤون مصر الداخلية	المهندس_ويب	11	1731	8th November 2014 11:56 PM
الارهاب في كندا	الهجرة إلى كندا	mody	2	1611	22nd October 2014 05:02 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

مقاطعات كندا

اللي حضر جلسة مقاطعة نيوبرونزويك يجمع هنا.