IELTS Preparation التحضير للايلتس بدون معهد

[هدوء الليل]

الصحف المصرية والعربية

السلام عليكم ورحمة الله وبركاته
اسمحولي بعد اذنكوا طبعا يعني بالنسبة لعضو جديد اني احط الروابط دي
و هي علي اليوتيوب و اعتقد ان هي كمان مش ممكن تساعد لا و كمان ممكن تطمن اللي داخل علي الايلتس
انا طبعا لسه مستجد في حدوتة الايلتس دي علشان كده باحاول اوسع دايرة بحثي و باجمع معلومات الاول او زي ما بيقولوا المادة الدراسية و بعدين ابتدي اذاكر
اولا : بالنسبة للرايتنج و ده اعتقد اصعب جزء


ثانيا : السبيكينج


ثالثا : الريدنج

 

 

[znaty]

اقتباس المشاركة الأصلية كتبت بواسطة هدوء الليل السلام عليكم اولا الف الف شكر علي المعلومات القيمة جدا و اللي ارجو انها تساعدني و خصوصا اني جاي هربان من المنتدي اللي بالكم فيه و ده بعد ما وصلت اليه يد البيروقراطية المصرية الخالصة و حسيت اني قاعد في مدرسة و الناظر بيشخط فيا -لا و ايه كمان مش عارف افعل عضويتي بقالي زيادة عن شهر

منور يا زعيم ..والليل مناسب جدا في الجبل سعادتك ..ولو ان سبع الليل اوقع :)

جزاكم الله خيرا على الفيديوهات المفيدة ..وياريت تعرفنا لو احتجت اي حاجة يمكن نقدر نساعدك
ياريت كمان تتوجه لتوبيك الاخت كودو ..ليستة فبراير 2008 ..علشان نعرف انت حالتك واصلة لفين
بالتوفيق

 

 

[great expectations]

adham el sharkawy.mp3

 

 

[هدوء الليل]

السلام عليكم ورحمة الله وبركاته
الف شكر يا زناتي -ده برضه العشم انا ماشي تاتا تاتا و باحاول استفيد و ياريت نوقف جنب بعضتينا
يا ريت و النبي تدلني علي اليستة بتاعة اختنا اللي قولتلي عليها يبقي كتر خيرك

 

 

[znaty]

اقتباس المشاركة الأصلية كتبت بواسطة هدوء الليل السلام عليكم ورحمة الله وبركاته الف شكر يا زناتي -ده برضه العشم انا ماشي تاتا تاتا و باحاول استفيد و ياريت نوقف جنب بعضتينا يا ريت و النبي تدلني علي اليستة بتاعة اختنا اللي قولتلي عليها يبقي كتر خيرك

ربنا يوفقك ان شاء الله ..واحنا مع بعض اهو
الليستة اهي

https://www.almatareed.org/vb/showthr...=11244&page=21

 

 

[RIGHT]

السلام عليكم و رحمة الله و بركاته
أخوكم محاسب من الإسكندرية و سأمتحن الأيلتس يوم 20 مايو بالاسكندرية
انا ايضا عندي بعض المواقع التي وجدتها على الانترنت حبيت اشارك بيها معاكم
فيه موقع استرالي يحتوي على فيديوهات سبيكنج لثلاث طلبة اسيويين في استراليا و مع الفيديوهات فيه ملفات بي دي اف كترانسكربت و ملاحظات و تقييم للامتحان على هذا الرابط
https://australianetwork.com/passport/lester.htm
https://australianetwork.com/passport/sujatha.htm
https://australianetwork.com/passport/astari.htm
دي ثلاث روابط للثلاث طلبة و في اسفل كل صفحة يمكن تحميل جميع ملفات الفيديو و البي دي اف
و في ايضا سلسلة للاعداد على الايلتس على هذا الموقع و هي عبارة عن 3 اجزاء كل جزء 26 حلقة و حاليا الجزء الثالث شغال و تم منه 8 حلقات و في رأيي أن الجزء الثالث هو الأفيد لأنه اعداد على تكنيك الامتحان مباشرة بخلاف الاجزاء السابقة حيث كان فيه تركيز على اللغة بجانب الامتحان و هو على هذا الرابط
https://australianetwork.com/studyenglish/se_series3.htm
و فيه حلقة جديدة بتظهر غالبا كل يوم اثنين و يمكن مشاهدة الفيديو اون لاين او تحميله باستخدام برامج تحميل فيديوهات يوتيوب و كذلك مع كل حلقة فيه 3 ملفات بي دي اف كترانسكربت و شرح و تدريبات
ارجو ان تكون الحاجات دي مفيدة و خالص الشكر لكل الاخوة و الاخوات على مساعدتهم لبعضهم البعض و اخص بالذكر المهندس زناتي و الدكتور قناوي حيث اني متابع قديم لموضوعهم عن الايلتس في المحاورات

 

 

[هدوء الليل]

الله ينور يا رايت احلي كلام انا هابتدي انزلهم و ابص عليهم
بص نصيحتك الحلوة بأه- لان العبد لله هيدخل من غير بريبريشن يعني الحمد لله الانجليزي بتاعي كويس و برضه الحمد لله انا مش باعترف بحاجة اسمها جرامر لان ده بيحسسني اني قاعد باحل في مسائل رياضه قاعدة اف و قاعدة اخصانما برضه الحمد لله
بص انا لاقيت ان اصعب جزء هو الرايتنج و موضوع المقالات اللي فيه اشي ارجيومنت و ما ادري ديسكشن و كمان عم الليتر افتكرت ايام ثانوي
انت بأه عملت بريبريشن ولا زي العبد لله و لو لا قدر الله زي العبد لله الاستراتيجية بتاعتك في المذاكرة كانت ايه
احب اقول ان سر من اسرار التجاح في الايلتس هو استراتيجية الكتابة - و يار يت تشاركني برايك انت و اخواني و اخواتي
بمعني ايه
1-تبقي عارف نوع المقال اللي هتكتبه
2-بناءا عليه تكون حافظ مكوناته و اللي في الغالب بتبقي 5 اجزاء ثابتة -هاذكرهم بالتفصيل المداخلة اللي جايه
كل جزء من الخمسة ليه بالبلدي كده (داخلة) عبارة عن 5 او6 كلمات و بعدها تبتدي تتكلم في الموضوع بتاع الجزء اللي بتكتب فيه(و الموضوع الخاص بكل جزء بيبقي عبارة عن سطرين او تلاتة)
3- في بداية كل برجراف لازم تسيب علي راي عم فؤاد المهندس (بياظة) يعني حتة بيضا فاضية
4- بداية الكلام اللي بعد (الفولوستوب) لازم يبقي اول حرف منه كابيتال و كمان اسامي البلدان و الاشخاص
دي بعض الاستراتيجيات المهمة الي بيدققوا فيها و اللي معظم الناس مش بتاخد بالها منها
ملحوظة : ده خلاصة سيرش علي النت بقاله شهرين و لولاش شغلي كان زماني امتحنت و فرحتكوا فيا...قصدي بيا

 

 

[RIGHT]

أخي العزيز هدوء الليل انا حاليا بذاكر كتاب اسمه grammar for ielts , و خلصت حوالي ربعه و قبله كنت قرأت كتابين اسمهم common mistakes in ielts and how to avoid them مستوى متوسط و متقدم لم ادخل بعد على التكنيكس بتاعة الامتحان حتى الفيديوهات اللي قلت عليهم شفت بعضهم مش كلهم انا مستني اخلص كتاب الجرامر لان انا باعتقد انه هو اساس اللغة و الله أعلم
انا حاليا بذاكر selfstudy و لكن لو وجدت حد كويس ممكن اكمل اعداد معاه علشان الرايتنج و السبيكنج
بالنسبة لاستراتيجيات الامتحان في الكتابة فبعض الناس بتتبع طريقة الحفظ أي حفظ قطع براجرفات كاملة لتكوين حصيلة لغوية من كلمات و جمل للاستفادة بيها في الامتحان و يكون البراجرافات من امتحانات سابقة او مصادر موثوق بها ككتب اعداد الايلتس او من المدرسين اللي بيدوا كورسات الاعداد
انت في الامتحان مش حتكتب اللي انت حافظه بالنص و غالبا مش حتكون فاكر حاجات منه و لكن حيكون في ذهنك حصيلة لغوية ممكن تستفيد بيها في الرايتنج و السبيكنج و ده اسلوب بيتيعه بعض مدرسين كورسات الايلتس
في انتظار تواصلك و تواصل باقي الاخوة السابقين و اللاحقين

 

 

[هدوء الليل]

سعيد جدا بردك يا رايت
يار يت نعمل ديسكشن جروب للي ناوي يخش امتحان الايلتس خلال الشهرين تلاتة اللي جايين
اقترح ان احنا نوحد المواد اللي هانذكرها (كتب او فيديوهات او براكتس) و كل اسبوع نخلص جزء و نتناقش فيه في اخر الاسبوع - علشان كمان ممكن نصحح لبعضينا
علي فكرة الجمل الثابتة اللي باقول عليها دي مش بتبقي برجرافات جاهزة دي
و هابقي اجيب شرح وافي بالكلام ده

 

 

[هشام عثمان]

الأخوة الأفاضل اللى دخلوا أختبار الأيلتس
أنا عايز أسأل عن حاجة
أنا دخلت ألأمتحان فى جدة بالسعودية الشهر اللى فات, و فى الحقيقه انا لم أحقق السكور المطلوب للهجرة
الحقيقة الأمتحان من وجهة نظرى كان أسهل بكثير من الأختبارات اللى كنت بأحلها قبل ذلك و لما خرجت كنت متخيل انى كسرت الدنيا و انهم ممكن يأخذونى فى لجنة ممتحنى الأيلتس
النتيجة طلعت كالآتى:
Listining: 5.5
Reading: 4
Writing:5.5
Speaking:5
بجد بجد انا مش مصدق النتيجة, على سبيل المثال فى جزء الريتنج كان الليتر عن انك ساكن فى مكان يتم بناء مجمع سكنى بجانبك فأكتب خطاب للشركة تشتكى فيه من عدم راحتك
فى القطعة الثانيه: أكتب رأيك عن الموضه و تغيرها يوم بعد يوم
مش عايز اقول لكم انى بدعت فى القطعتين و كنت مش مصدق نفسى انى انا اللى كاتب الكلام ده كله
فى الخطاب كتبت 190 كلمة, وفى القطعة الثانية كتبت 320 كلمة و متأكد من اللى كاتبه و راجعت الكلام
فى جزء الليسننج حليت 38 سؤال و كنت سامع كويس و الأسئله واضحه وجبت 5.5
فى الريدنج حليت 34 سؤال جبت 4
فى السبيكنج اتكلمت كويس و جبت 5
بس فى حاجه لفتت نظرى ان الممتحن لم يعطينى الكارت اللى فيه السؤال و لكن أظهره من بعيد يعنى لا أستطيع أن أقراء أى شئ منه , طبعا الممتحن كان باكستانى أو هندى مش عارف فى الحقيقه بس هو واحد أسمه محمود و عامل زى الخرتيت انا مش حأنساه أبدا
السؤال هل اللى عمله ده صح أم خطأ؟
هل كان المفروض يدينى الكارت فى يدى؟ هو بس أدانى ورقه و قلم رصاص
عموما انا قمت بطلب أعادة تصحيح
أيه رأيكم فى اللى حصل؟
أنا آسف على الأطاله