Arabic Discussion Forum with a Special Interest in Travel and Immigration

nash · 9th April 2010, 04:23 PM

أعترف/ي

حد فيكم عنده حاسه سادسه؟

مثلا .. عمركم بحياتكم فكرتم بحاجه وفجأة لقيتوها قدامكم؟

فكرتم بشخص ما وفجأة لقيتوا التليفون بيرن؟

فكرتم بموقف وفجأة في نفس اليوم لقيتوة بيتكرر معاكم بنفس حذافيرة؟

طيب عمركم حلمتم بحلم وتاني يوم لقيتوة بيتحقق وبنفس التفاصيل؟

خمنتم تخمين مثلا وبعدين طلع مظبوط؟

طيب لو حسيت بكده وكان الإحساس بالموقف عالي وبالذات لو فيه خطورة علي حياة شخص أو إنسان قريب لقلبك بتعمل ايه؟ بتترعب مثلا ولا تقعد شايل هم تسمع خبر مش حلو؟

طيب بعد مايحصل اللي كنت خايف منه .. بتحس براحه مثلا؟ ولا مجرد حمل ثقيل علي قلبك مش قادر ولا عارف تتخلص منه حتي بعد مايحصل اللي حصل ؟

والسؤال الأهم هنا ياتري .. يا هل تري ... بدأت الحاله معاك/ي إمتي؟

O.S.A.M.A · 9th April 2010, 04:32 PM

آه حصل وبيحصل ... هانكر !!

ساعات يا نوش الاقى موقف حصل قدامى وبحذافيره اقول انا شوفت الموقف ده قبل كده
وطبعا الموضوع ده كان زمان بيسببلى ربكة لأنه كان موضوع مش مفهوم وبصراحة مش فاهمه لحد دلوقت

انا من الناس اللى نادراً بتفتكر احلامها وبعدين لما يحصل الموقف قدامى واستوعبه اقول اكيد انى حلمت بيه أو بحاجة شبهه

بس توقعاتى عن الناس دايما بتكون فى محلها وأنا باعتبر ان ده يعتبر من الحاسة السادسة عمرى ماكان رآيي فى حد غلط وفعلاً الشخص اللى بتوقع تصرفاته فعلاً بيتصرف زى مانا متخيله

اما بخصوص توقع الشر أو توقع البلى دى بقى حصلت كتير بس طبعاً زىي زى أى حد بيقول "اللهم اخزيك يا شيطان" وبواصل الحياه لغاية لما يجي المقدر

والحالة دى معايا من زمان خالص

تفتكرى ممكن أخف ؟؟

الرحمة يا نوش مواضيعك دى هاتخلى بواعث الشر اللى عندى انا تطلع

brain · 9th April 2010, 04:49 PM

الحاسه السادسه عندي في حاجتين
الاولى في الناس اللي باعرفهم جديد
عندي قدره اني اعرف بين الانسان الكويس و الانسان السيئ
و عمرها ما خيبت معايا
الثانيه في شغلي و خصوصا مع البورصه
عندي حاسه سادسه مع الاسهم

nash · 9th April 2010, 06:04 PM

اقتباس

المشاركة الأصلية كتبت بواسطة brain


	الحاسه السادسه عندي في حاجتين الاولى في الناس اللي باعرفهم جديد عندي قدره اني اعرف بين الانسان الكويس و الانسان السيئ و عمرها ما خيبت معايا الثانيه في شغلي و خصوصا مع البورصه عندي حاسه سادسه مع الاسهم

يا بختك يا برين ...

موضوع البورصه أنا ولا أفهم فيه حاجه خالص... بس كان ليا توقعات غريبه جدا...

يوم ماوصلت الأسهم هنا ل 19 ألف نقطه وكنت متابعه قبلها بكام يوم ... جالي هاتف قوي أن مصيبه هاتحصل... وفعلا بعدها وقعت وقعه فظيعه ......وأسمع بأة عن حالات الإنهيار العصبي والإنتحار ...

nash · 9th April 2010, 05:18 PM

اقتباس

المشاركة الأصلية كتبت بواسطة Abu Youssef


	آه حصل وبيحصل ... هانكر !! ساعات يا نوش الاقى موقف حصل قدامى وبحذافيره اقول انا شوفت الموقف ده قبل كده وطبعا الموضوع ده كان زمان بيسببلى ربكة لأنه كان موضوع مش مفهوم وبصراحة مش فاهمه لحد دلوقت انا من الناس اللى نادراً بتفتكر احلامها وبعدين لما يحصل الموقف قدامى واستوعبه اقول اكيد انى حلمت بيه أو بحاجة شبهه بس توقعاتى عن الناس دايما بتكون فى محلها وأنا باعتبر ان ده يعتبر من الحاسة السادسة عمرى ماكان رآيي فى حد غلط وفعلاً الشخص اللى بتوقع تصرفاته فعلاً بيتصرف زى مانا متخيله اما بخصوص توقع الشر أو توقع البلى دى بقى حصلت كتير بس طبعاً زىي زى أى حد بيقول "اللهم اخزيك يا شيطان" وبواصل الحياه لغاية لما يجي المقدر والحالة دى معايا من زمان خالص تفتكرى ممكن أخف ؟؟ الرحمة يا نوش مواضيعك دى هاتخلى بواعث الشر اللى عندى انا تطلع

يا عم أبو يوسف .. ماينفعش الكلام الغير محدد.. لازم قصص من أرض الواقع ... حاجات حقيقيه فعلا حصلت معاك وكنت حاسس بيها من الأول ...

أنا توقعاتي في البشر لا مابتظبطش .. اللي أقول عليه وحش مثلا .. ممكن يكون من أحسن مايكون والعكس بالعكس .. بس إجمالا عندي جرييت أكسبيكتاشين ...

أغلب الأحيان بأصحي من النوم وأشوف الحلم قدامي بس ألاقيه بيتسرسب من الدماغ وأحاول أفتكرة .. لكن أبدا .... لكن في أحلام تفضل ملازماني طول اليوم ولو صحيت وفاكراها كويس .. أعرف أنها هاتتحقق....

كان نفسي مرة أحلم برولز رويس

oskasan · 9th April 2010, 06:20 PM

فى عمرى كله ما افتكرش غير حلمين

اهمهم كان بعد وفاة والدى الله يرحمه .. كان احساس بتقصير شديد معاه وخصوصا انى ما كنتش شفته قبل وفاة بسنتين واتصل بيا ليلة وفاته يسلم ويطمئن علينا وخط التليفون فصل .. فقلت هاتصل بيه بكره علشان تكون العيال صاحية وتسلم عليه ومالحقتش طبعا
فى الحلم شفته جنازته ماشية فى الشارع وانا بابكى لقيته بيخبط على كتفى ويقولى بتبكى ليه يابنى قلتله ابويا مات ومالحقتش اشوفه ولا يشوفنى .. قالى مانا معاك أهو .. وصحيت على كده

وانا صغير حلمت انى باتخانق مع احد اصدقائى فى بيتنا وفى حجرة الصالون تحديدا وخرج من بيتنا زعلان
تانى يوم لقيت نفس الموقف اللى شفته فى الحلم بيحصل بحذافيره وبنفس السيناريو واللوكيشن
ولم أدع صديقى يخرج من البيت الا بعد مصالحته وتطييب خاطره ...

حشيش · 9th April 2010, 06:27 PM

أنا متأكد يا نوشة إن 99.9% من آنسات وسيدات المنتدى حتكون إجابتهم على سؤالك بكلمة (نعم) وكلهم حيطلع فيهم شيئ لله ... لاحظتها كتير فى بنات حواء ... مفيش واحدة إلا وتقول لك (أحلامها بتحقق بالمللى) و (اللى بييجى عليها ما بيكسبش) و (إن بينها وبين ربنا عمار حتى لو ما بتركعهاش)

oskasan · 9th April 2010, 06:32 PM

اقتباس

المشاركة الأصلية كتبت بواسطة حشيش


	أنا متأكد يا نوشة إن 99.9% من آنسات وسيدات المنتدى حتكون إجابتهم على سؤالك بكلمة (نعم) وكلهم حيطلع فيهم شيئ لله ... لاحظتها كتير فى بنات حواء ... مفيش واحدة إلا وتقول لك (أحلامها بتحقق بالمللى) و (اللى بييجى عليها ما بيكسبش) و (إن بينها وبين ربنا عمار حتى لو ما بتركعهاش)

أهو
مش انا بس اللى بأفركش المواضيع بتاعتكم
حشيش قفل الباب بالضبه والمفتاح

حد ليه شوق فى حاجة تانية وحابب يكتب ؟

nash · 9th April 2010, 06:38 PM

اقتباس

المشاركة الأصلية كتبت بواسطة حشيش


	أنا متأكد يا نوشة إن 99.9% من آنسات وسيدات المنتدى حتكون إجابتهم على سؤالك بكلمة (نعم) وكلهم حيطلع فيهم شيئ لله ... لاحظتها كتير فى بنات حواء ... مفيش واحدة إلا وتقول لك (أحلامها بتحقق بالمللى) و (اللى بييجى عليها ما بيكسبش) و (إن بينها وبين ربنا عمار حتى لو ما بتركعهاش)

يااااااااااااة غريبه

كنت هاقول نفس الكلام بالمللي

مصرية · 9th April 2010, 07:57 PM

اقتباس

المشاركة الأصلية كتبت بواسطة حشيش


	أنا متأكد يا نوشة إن 99.9% من آنسات وسيدات المنتدى حتكون إجابتهم على سؤالك بكلمة (نعم) وكلهم حيطلع فيهم شيئ لله ... لاحظتها كتير فى بنات حواء ... مفيش واحدة إلا وتقول لك (أحلامها بتحقق بالمللى) و (اللى بييجى عليها ما بيكسبش) و (إن بينها وبين ربنا عمار حتى لو ما بتركعهاش)

إيه ده يا شيشو عرفت منين؟ .... إنت شاطر أوي

أنا كده يا نوشة زي ما قال حشيش أوقات أكون موجودة في مكان ويحصل كلام وأفتكر إني شفت الموقف ده قبل كده وإن فلان حيدخل من الباب دلوقتي وحيقول كذا وسبحان الله بتحصل ... بس بقالي فترة طويلة محصلتش معايا يجيي من عشر سنين كده

أوقات بحس بانقباض في قلبي من ناحية حاجة معينة وممكن يحصل فعلا حاجة وحشة وقتها مش بتضايق لكن برتاح إني عرفت إيه اللي حصل بدل ما أفضل حموت من القلق إني حاسة فيه مصيبة حتحصل ومش عارفة هي إيه ... يعني من منطق "وقوع البلاء ولا انتظاره"

وأوقات يبقى العكس موضوع مقلق وملخبط وأبقى مكمنة أوي من ناحيته

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
طائرة حربيه عاجله لبور سعيد	شؤون مصر الداخلية	ابو السام المصرى	4	1647	10th February 2012 04:45 PM
محاوله إغتيال أبو حامد	شؤون مصر الداخلية	سهران لوحدى	13	2248	10th February 2012 03:07 PM
هو فيه ايه في الشارع؟	شؤون مصر الداخلية	aymanology	41	3440	8th February 2012 12:22 PM
عااجل هشام طلعت مصطفي الحكم نهائي	المفسدون فى الأرض	AzzA	10	2812	6th February 2012 05:28 PM
هاتنتخبوا مين وليه؟	إنتخابات الرئاسة	dr-amira	56	3539	6th February 2012 04:13 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الذكرى السادسه للاستشهاد الرنتيسى	invador	فلسطين أرض الرباط	4	21st April 2010 01:59 PM
الرسائل الخاصه	toota	إقتراحات ... مشاكل تقنية	6	7th November 2009 09:17 PM
قائمة بمصروفات الجامعات الخاصه من مصراوى	Farida	أخبار علمية واستشارات تخصصية	18	16th October 2009 01:24 AM
العبقرى جمال حمدان فى مذكراته الخاصه	FINETOUCH	المكتبة	0	20th April 2009 11:40 AM
المدارس و الجامعات الخاصه ما لهم و ما عليهم	brain	مناقشات وحوارات جادة	23	8th March 2009 11:51 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

موضوعات عامة ... موضوعات خفيفة ... منوعات

عندك الحاسه السادسه؟