جس نبض الهجره من أوتاوا

[helow]

السلام عليكم اولا هابدا من اول الإمارات تقريبا من 2012 مع الاختصار وهاشوف الردود والتشجيع

انا جلست أفكر أبدا من اول آيه وليه اخترت الهجره لكندا والاستقرار في أوتاوا .
المهم انا كنت عايش في دبي من سنه 1994 اول مره دخلت فيها دبي واشتغلت مدرس في وزاره التربيه والتعليم وكانت اول مدرسه لي في القصيص المهم الحياة مشيت وأتجوزنا في 6ساعات وده ليها قصه تانيه ومرت الأيام واترقينا في السلك الوظيفي وبقيت موجه في التربيه والتعليم حتي هذا الوقت قبل الخروج الي كندا.

ظهرت فكره الهجره سنه 2012 وكانت المدام وش السعد عليا لان وظيفتها كانت في اللسته وكمان الانجليزي كان عالي عندها مع الجنسية الاجنبيه بتاعتها روسيا خدمت في موضوع الهجره
والوظيفه بتاعتها المهم الطلب أتقبل وكنت مش مصدق انا والأولاد والمدام.

المهم جاء وقت السفر واخترت أوتاوا لوجود صديق لي .

وبدا الأعداد للسفر بس فكرت شويه قلت أمسك العصا من الوسط خليت المدام تقدم علي أجازه لان وظيفتها كانت تسمح بذلك .
وسفرنا كلنا
الي كندا أوتاوا وحجزت علي الطيران الملكي الأردني من دبي ترانزيت وعلي فكره خدمه ممتازة ووزن كبير متاح 48 كيلو لكل فرد وده بينفع في اول السفر اول مره وأخذت كل ما طرأ في خيالي ومن قرأتي لكير من المواضيع في هذا المنتدي الجميل وخصوصا الأخ شاوي. والأخ إيهاب والأخت من باب مسساجا .واستفت كتير جداً في كل أشياء السفر والإقامة والعمل .

هانكمل

 

[Mr_masry]

وعليكم السلام ورحمة الله وبركاته .. أولا 1000 مبروووك يارب ع الهجره .. ثانيا أتشرف إني أكون من أول المتابعين لموضوع حضرتك اللي بإذن الله شكله هيبقى موضوع جميل وكلنا نستفيد منه :)

 

 

[shawi]

اخيرا دبت فيك. روح الشجاعه....الف مبروك كنت مستنيك من زمان تبتدي والحمدلله اديك بعد سنه من الوصول....خليك حلو يا حلو وما تعملش زي ناس تانيه وتعمل بيات شتوي
اوعدك المتابعه لكتاباتك رغماللابتوب عطلان والتابلت للي زيي متعب
اهلا والف مبروك اضافه جديده اتاوا......الناس فعلاعاوزه تعرف فيها ايه غير البرلمان وجامعةمكمستر

 

 

[سالي احمد]

مبروك وتسجيل متابعه

 

 

[BigMack]

الحمد الله على السلامة ،،
مع تمنياتنا لكم بالتوفيق

 

 

[Muhammad Farag]

الف الف مبروك ظبطنا كوباية الشاي و متابعين

 

 

[shawi]

يالله ياراجل خطي برجلك اليمين احنا مستنيين ظهورك على مسرح المطاريد لافادة الغير بتجربتك حلوها و مرها وصدقني الناس حتمطرك بالاسئله بس انت استعد علشان تجاوب
شيل الفوطه الصفرا من على العداد وانزل على الخط

 

 

[helow]

نزلت علي مطار مونتريال اول حاجه وكان في يوم العيد الوطني لكندا وكل واحد في المطار يقولك ده أحسن يوم في كندا المهم ركبوا الباص من المطار الي أوتاوا وجدت صديقي مستني ولكن لان النشط كانت كبيره جبت تاكسي فان وعلي الفندق

اول الأيام قام صديقي بالواجب وخلص كل الأوراق لي وللأسره وفتحت ملف المرور وأخذت الرخصة من اول مره بعد استبدال الورق الإماراتي الي الكندي يعني اختصار الوقت والدخول علي السوق امتحان بعد 5ايام من دخولي كندا وعلي فكره كان في امتحان الإشارات والمصطلحات المرور بس الحمد لله عيدنا منه ممكن تتدرب علي النت نفس الأشياء بالضبط المهم عيدنا ودخلنا علي السوق نفس اليوم وكان فيه ساعه سواقة تدريب وكل حاجه سهله وخصوصا ان السواقة في أوتاوا في الصيف سهله ابعد عن الشتاء في امتحان السواقة وكان فيه راهان مع صاحبي أني انجح من اول مره وكسبت الرهان .
اشتريت السيارة طبعا عن طريق صديقي بس عرفت بعد كده ليه وهو أدهشني رخيصه عشان البنزين كيا فان 6سلندر
المدام اتشجعت وفتحت ملف المرور وأخذت كأم صحه سواقة وأديتها البهاريز وكيف تنجح من اول مره في امتحان السواقة يمكن بعد كده اكتب الكتاب ده في المستقبل .
بعد ذلك كل ده جالسين في الفندق طبعا قرون الاستعار والخبرة العقاريه اشتغلت وخصوصا أني في المجال من زمان وبدأت أدور علي شقه وحصلت شقه 2غرفه وصاله السعر 1200 شامل في عماره برج يعني 10ادوار بس مش دبي
الأسعار في أوتاوا تبدأ من 900دولار شامل الي 2000 دولار حسب ألنضافه ومساحه الشقه والغرف ده لل2غرفه وصاله المهم سكنت وبدأت اشتري العفش واحده واحده والسيارة ألفان تمام بنزين كتير بس أحسن من الإيجار
المدارس سالت الأصدقاء وخصوصا آني تعرفت علي كل واحد عربي في طريقي واخدت
تليفونه وعرفت المنطقة التعليميه فين وخدنا الأولاد مع المدام وعملوا امتحان مستوي في الانجليزي والرياضيات وبعدين حسب السن دخلوا المدرسة كل سن وله مرحله كل مكتوب ومفيد جدال حسب السن

المهم ان المدارس جمب الشقه

الشغل كنت اعترفت علي أسره مصيره بالصدفة البحتة وكان عند صاحبي محل في مول
جابلي شغل في كنتاكي كاشير بس لقيت الشغل متعب مفيش رياحه ولا جلوس ولا كلام في الموبيل ولا مع زميلك ولا زميلتك. سيبت الشغل كان وشه عليه وحش وجالي فتق ورحت للدكتور واعمل عمليه قريبه وده اول مطب عندي لآني باخاف من العمليات اول مره وفين في كندا





فاصل ونواصل عشان بنقل لحقه جديده أصل صاحب الشقه عاوز الشقه والقانون هنا بيطبق

 

 

[shawi]

الحمدالله

اخيرا حضرتك ابتديت تحط رؤوس اقلام المواضيع او قول الفهرس
يالله ياسيدي شد حيلك اما تخلص الفهرس خش في التفاصيل وحتلاقي الناس بتاسلك ازاي قبلو الورق بتاع رخصة. دبي وحضرته ازاي وهو ايه وخدو منك رخصة الامارات والا خلوهاطيب رخصتك كانت رخصة دبي اللي لونها ذهبي والا الرخصة الاتحاديه الجديده..

شايف حضرتك مجمل الاسئله دي هي التفاصيل اللي احنا عارزينها تحت بند التحضير للتقديم على الرخصه
بعديها عاوزين نعرف قدمت فين وامتحان النظر عملته فين ودفعت رسوم كام وخدت ورقة كشف نظر قدمتها للموظفه اللي عملتلك نمرة حجز وموعد للامتحان مثلاا

شايف حضرتك السطرين دول مطلوبين على نار هاديه
الكيا فان موديل كام وبكام علشان نقدر الميزانيه بتاعة شرا العربيه وهل لو لقيت هوندا اوديسي او تيوتا سيسنا كنت حتعمل ايه

طيب ايه هي احيائ اتاوا
وهل فيه اتوا البلد واتوا المعسكر وكفر اتوا ونجع اتوا مثلا
هل اتوا فيها احيائ يخاف الواحد يمشي فيها بالليل
طيب احكيلنا على القهاوي.....ايه اخبار الرواد والزباين
ياترى هل ممكن تمارس عملك الاساسي وهل فكرت فيه وهل ممكن تعادل شهادتك الاصليه وهل فكرت تعمل كده وفينمثلا الاداره التعليميه فين
طيب فيه دروس موسيقي خصوصي دي بلد كلها مزيكه. انا عارف ان المزيكه في دمك...فين موقعك من الاعراب فاعل والا مفعول به منصوب بالفتحه الظاهره في جيبته بتخر منها الدولارات وبتودعها وبتناديها ترجع في اقرب فرصه
شغلك في العقارات في الامارات ما حاولتش تدرس وتقدم امتحان وتاخد رخصه ده فيه ناس هنا بيعملوا الافات ما شالله من الوساطه العقاريه اقلها ستة الاف دولار في كل بيعة بيتمموها اللي هي تلاته في الميه صافي
اجمل تحياتي وياريت ت
تحفنا بصور جميله من اتاوا البلد

 

 

[BigMack]

اقتباس المشاركة الأصلية كتبت بواسطة shawi الحمدالله اخيرا حضرتك ابتديت تحط رؤوس اقلام المواضيع او قول الفهرس يالله ياسيدي شد حيلك اما تخلص الفهرس خش في التفاصيل وحتلاقي الناس بتاسلك ازاي قبلو الورق بتاع رخصة. دبي وحضرته ازاي وهو ايه وخدو منك رخصة الامارات والا خلوهاطيب رخصتك كانت رخصة دبي اللي لونها ذهبي والا الرخصة الاتحاديه الجديده.. شايف حضرتك مجمل الاسئله دي هي التفاصيل اللي احنا عارزينها تحت بند التحضير للتقديم على الرخصه بعديها عاوزين نعرف قدمت فين وامتحان النظر عملته فين ودفعت رسوم كام وخدت ورقة كشف نظر قدمتها للموظفه اللي عملتلك نمرة حجز وموعد للامتحان مثلاا شايف حضرتك السطرين دول مطلوبين على نار هاديه الكيا فان موديل كام وبكام علشان نقدر الميزانيه بتاعة شرا العربيه وهل لو لقيت هوندا اوديسي او تيوتا سيسنا كنت حتعمل ايه طيب ايه هي احيائ اتاوا وهل فيه اتوا البلد واتوا المعسكر وكفر اتوا ونجع اتوا مثلا هل اتوا فيها احيائ يخاف الواحد يمشي فيها بالليل طيب احكيلنا على القهاوي.....ايه اخبار الرواد والزباين ياترى هل ممكن تمارس عملك الاساسي وهل فكرت فيه وهل ممكن تعادل شهادتك الاصليه وهل فكرت تعمل كده وفينمثلا الاداره التعليميه فين طيب فيه دروس موسيقي خصوصي دي بلد كلها مزيكه. انا عارف ان المزيكه في دمك...فين موقعك من الاعراب فاعل والا مفعول به منصوب بالفتحه الظاهره في جيبته بتخر منها الدولارات وبتودعها وبتناديها ترجع في اقرب فرصه شغلك في العقارات في الامارات ما حاولتش تدرس وتقدم امتحان وتاخد رخصه ده فيه ناس هنا بيعملوا الافات ما شالله من الوساطه العقاريه اقلها ستة الاف دولار في كل بيعة بيتمموها اللي هي تلاته في الميه صافي اجمل تحياتي وياريت ت تحفنا بصور جميله من اتاوا البلد

ما شاء الله عليك ،، تنفع محقق :)