Arabic Discussion Forum with a Special Interest in Travel and Immigration

Moony · 16th March 2010, 09:12 AM

فى جلسة نميمة ستاتى من اياهم انا وأصحابى كنا بنتكلم عن هدايا عيد الأم اللى كل واحدة هاتقول لجوزها عليها علشان يجيبها
انا وكام واحدة كان رأينا مش المهم الهدية منيين وبكام المهم انها تيجى بروح حلوة ونفس راضية معطاءة
واحدة منهم احتجت وقالت:
لا ياماما لو ماكنتش غالية حاجة دهب تملا العين يبقى مالهاش لازمة
قلت لها:
حرام عليك الدهب غالى اليومين دول ماشيها اى حاجة خصوصا ان هدية عيد ميلادك لسة مابردتش دة لسة جايب لك الهدية من شهر
ردت بغضب:
لا دى حاجة ودى حاجة وبعدين
( اللى يجى منة مافيش أحسن منة)
بصراحة انا ذهلت
هل ممكن تتحول علاقة الزوج والزوجة لعلاقة منفعة بحتة طيب لما نحول علاقة بالقداسة دى لكدة يبقى علاقة الأمومة والأخوة تحكمها علاقات هات وخد والمنفعة
هى القيامة قامت والا انا اللى ميتة؟

مدى · 16th March 2010, 09:21 AM

ممكن جداً..
هو مش في بنات بتتجوز الواحد عشان فلوسه..! وعشان المنظرة ..
وده عنده عربية كذا..وفيلا في المكان الفلاني وكده..

(وفي رجالة كده بردوا ..عشان الحزب الرجالي مايجيش يمسكالي غلطة)
ماهو ده اللي قاتلنا..

لسه من فترة كان في واحد بيشتكي من مراته بيقول بقالها 30 سنة كل شهر تتخانق معايا وتقلي جيب فلوس الجمعية اللي هيا بتزايد مستمر وصلت دلوقتي لــ 1000 جنيه شهريا..
وانا عمري ماشفت الجمعية دي هتتقبض امتى..

الراجل كان بيتكلم بحرقة تحزن..
ودي ثقافة اإعلام الخربانة..قصقصي ريشه ومش عارف اي..

P.m
حاسة ان صاحبتك دي بتشتغلكم ولا في هدايا ولا حاجة..
ماتضربنيش..

P.m2
وحشتيني ..وافتقدناكِ..

Moony · 16th March 2010, 09:48 AM

اقتباس

المشاركة الأصلية كتبت بواسطة مدى


	ممكن جداً.. هو مش في بنات بتتجوز الواحد عشان فلوسه..! وعشان المنظرة .. وده عنده عربية كذا..وفيلا في المكان الفلاني وكده.. (وفي رجالة كده بردوا ..عشان الحزب الرجالي مايجيش يمسكالي غلطة) ماهو ده اللي قاتلنا..

طيب دة يبقى اسمة جواز والا مشروع استثمارى
وياترى لما يروح المال مش برضة القرد هايبقى على حالة قرد

اقتباس

المشاركة الأصلية كتبت بواسطة مدى


	P.m حاسة ان صاحبتك دي بتشتغلكم ولا في هدايا ولا حاجة.. ماتضربنيش..

لا واللة يامدى دة على يدى الراجل مش مخلى نفسها فى حاجة والحق يتقال لسة ياعينى الشهر اللى فات جايب هدية محترمة جدا فى عيد ميلادها
بس نقول اية ربنا يهدى

اقتباس

المشاركة الأصلية كتبت بواسطة مدى


	P.m2 وحشتيني ..وافتقدناكِ..

واللة انتم وحشتونى اكتر ماتحرميناش من مشاركاتك
اة قبل ما أمشى
ماهو المقصود ب P.m1و P.m2
اصل الاختصارات دى أختك فيها ابيض ياورد

haya · 16th March 2010, 10:38 AM

حموش يا حموش..
الستات اللي بتتكلم بالمنطق ده نوعين ..
يا إما من الاول متجوزة بالمبدأ ده وللأسف ده بيكون ناتج التربية والبيئه اللي هيا ناشئة فيها
يعني غالبا العلاقة بين مامتها وباباها بنفس الشكل وبتبقي شايفه ان هو ده العادي وده حقها
وده أساس العلاقة بين الرجل ومراته ..ان هو بنك فلوس وهيا مربية لاولاده وكده يبقي كتر خيرها وعملت اللي عليها وزيادة

النوع التاني اللي بتبدأ حياتها الزوجية بقلب مفتوح وعايزة تعيش حياه سعيدة كلها تفاهم وحب وتضحية ومع مرور الوقت تكتشف ان هيا بس اللي بتحاول تتفاهم وهيا بس اللي بتضحي وهيا بس اللي بتدي ..ومع تخلي الزوج عن مسئولياته وعدم قدرتها علي اتخاذ قرار الانفصال لاي سبب من الاسباب بتموت العلاقة بينهم وبيبقي ده الشئ اللي فاضل بينهم وتحس الزوجه انها ممكن تعوض اهدار كرامتها بشكل ما او الضغط اللي بتتعرض له والزوج شايل ايده من كل حاجة ..فبيبقي ساعتها اللي يجي منه أحسن منه ...وكمان مافيش رضا
ودايما هل من مزيد ..

والنتيجة بالتأكيد حياة مفككة وبيت علي مبني علي مصلحة ..وبالتالي لو جات في لحظه مصلحه اكبر لاي من الطرفين ممكن يهد البيت ...

O.S.A.M.A · 16th March 2010, 10:53 AM

العزيزة منى خدى دى

طبعاً العينة دى من البشر موجودة لأن بيكون الجواز يا يا جواز صالونات ودى بختك يابوبخيت بقى يا إما يتآلفوا بينهم وبين بعض يا إما يكون بقى جواز مصلحة

Moony · 16th March 2010, 11:04 AM

اقتباس

المشاركة الأصلية كتبت بواسطة haya


	النوع التاني اللي بتبدأ حياتها الزوجية بقلب مفتوح وعايزة تعيش حياه سعيدة كلها تفاهم وحب وتضحية ومع مرور الوقت تكتشف ان هيا بس اللي بتحاول تتفاهم وهيا بس اللي بتضحي وهيا بس اللي بتدي ..ومع تخلي الزوج عن مسئولياته وعدم قدرتها علي اتخاذ قرار الانفصال لاي سبب من الاسباب بتموت العلاقة بينهم وبيبقي ده الشئ اللي فاضل بينهم وتحس الزوجه انها ممكن تعوض اهدار كرامتها بشكل ما او الضغط اللي بتتعرض له والزوج شايل ايده من كل حاجة ..فبيبقي ساعتها اللي يجي منه أحسن منه ...وكمان مافيش رضا ودايما هل من مزيد .. والنتيجة بالتأكيد حياة مفككة وبيت علي مبني علي مصلحة ..وبالتالي لو جات في لحظه مصلحه اكبر لاي من الطرفين ممكن يهد البيت ...

هايا اسمحى لى اعمل معاك كدة

انت بتقولى اللى هى قالتة بالملى
بس واللة انا شايفةان جوزها ما بيتأخرش عن طلباتها
متهيألى لو راجل انانى زى ماهى بتقول عمرة ما هايدى حاجة لا بمزاجة ولاغصب عنة
اللىبياخد بيفضل طول عمرة ياخد واللى بيدى بيفضل طول عمرة يدى

س ص · 16th March 2010, 11:23 AM

[QUOTE=مدى;198648]ممكن جداً..

(وفي رجالة كده بردوا ..عشان الحزب الرجالي مايجيش يمسكالي غلطة)
ماهو ده اللي قاتلنا..

Moony · 16th March 2010, 11:36 AM

اقتباس

المشاركة الأصلية كتبت بواسطة Abu Youssef


	العزيزة منى خدى دى طبعاً العينة دى من البشر موجودة لأن بيكون الجواز يا يا جواز صالونات ودى بختك يابوبخيت بقى يا إما يتآلفوا بينهم وبين بعض يا إما يكون بقى جواز مصلحة

طيب يا أبو يوسف ماجدى وجدك وابويا وابوك اتجوزوا جواز صالونات لاحد شاف جدتة ولا أمة بيتصرفوا بالمنطق دة مهما كان الراجل اللى قدامها يطهر الموضوع موضوع أجيال اتربت غلط

Moony · 16th March 2010, 11:40 AM

[QUOTE=س ص;198684]

اقتباس

المشاركة الأصلية كتبت بواسطة مدى


	ممكن جداً.. (وفي رجالة كده بردوا ..عشان الحزب الرجالي مايجيش يمسكالي غلطة) ماهو ده اللي قاتلنا..

يعنى دى اللى وقفت فى زرورك ياس ص وزورتك خد ياعم بلع بدى

تلاكيك

Sonesta · 16th March 2010, 02:00 PM

دعوه لموضوعي

ليالى المطاريد.,,,هل تعلم

اقتباس

المشاركة الأصلية كتبت بواسطة حموش


	فى جلسة نميمة ستاتى من اياهم انا وأصحابى كنا بنتكلم عن هدايا عيد الأم اللى كل واحدة هاتقول لجوزها عليها علشان يجيبها انا وكام واحدة كان رأينا مش المهم الهدية منيين وبكام المهم انها تيجى بروح حلوة ونفس راضية معطاءة واحدة منهم احتجت وقالت: لا ياماما لو ماكنتش غالية حاجة دهب تملا العين يبقى مالهاش لازمة قلت لها: حرام عليك الدهب غالى اليومين دول ماشيها اى حاجة خصوصا ان هدية عيد ميلادك لسة مابردتش دة لسة جايب لك الهدية من شهر ردت بغضب: لا دى حاجة ودى حاجة وبعدين ( اللى يجى منة مافيش أحسن منة) بصراحة انا ذهلت هل ممكن تتحول علاقة الزوج والزوجة لعلاقة منفعة بحتة طيب لما نحول علاقة بالقداسة دى لكدة يبقى علاقة الأمومة والأخوة تحكمها علاقات هات وخد والمنفعة هى القيامة قامت والا انا اللى ميتة؟

إيه ده يا منى

بتعملى فى نفسك كده ليه يا بنتى

الغيبة ديه كلها علشان تكتبى الموضوع ده

زعلتينى والله

بأهزر ( ده خارج المنهج )

بأقولك إيه

صاحبتك ديه حرقت دمى بجد

ليه ماترضاش بقليلها

وليه تعمل كده فى جوزها وتبقا ساده نفسه علطول

وبعدين إزاى تبقا حياه زوجية للمنفعة ( طيب وديه تبقا عيشة )

حسستينى إنى ملاك والله ( شكلى كده إنى انا كمان ميته )

ترضى بقليلها وتتواضع فى طلباتها ربنا يديها من وسع

الست فى كل الأحوال لازم تكون قنوعة

ياإما بقا حتطين عيشتها وتبقا نكد علطول سواء فى حياتها الزوجية او العاديه

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
مش عايزيين نسكافية فى القهوة دى	قهوة المطاريـــــــــــــــــد	ana_3enady	1	1426	9th June 2010 11:34 AM
كل دة فساد فى البلد	المفسدون فى الأرض	ana_3enady	7	2613	7th June 2010 09:50 AM
واللة وبقينا فيران تجارب للأمريكان	المفسدون فى الأرض	Moony	0	1636	31st May 2010 06:00 AM
انتمائك لوطنك والا لأهلك	مناقشات وحوارات جادة	ana_3enady	10	3828	24th May 2010 10:15 AM
يوسف غالى لسة بيلعب بالموبايل	شؤون مصر الداخلية	fatfouta	2	1121	20th May 2010 10:30 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أنت اللي هتغني يا إيمنيم	diab	خمسة فرفشة	6	21st January 2011 09:28 PM
ليفني لنتنياهو: "أنت من اسقط اوباما والأخير يرد.. أنت كاذبة"	أسامة الكباريتي	فلسطين أرض الرباط	0	4th November 2010 04:48 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

مواضيع شخصية

عندما تقول الزوجة(اللى يجى منة مافيش احسن منة)