امتحان التيف يا أهل كيبك

[نهر النيل]

الصحف المصرية والعربية

استفسار


في موعد لإمتحان التيف في 9فبراير2011

تفتكروا اقدر اذاكر في الشهرين دول وادخل الإمتحان

انا عايزة سكور بيزك فقط عشان احصل درجتين يكملوا اللغة عندي


ممكن الجماعة اللي ذاكروا فرنساوي لكيبك يقولولي هقدر ولا مافيش داعي افكر في الموضوع ده



(على فكرة انا كنت دارسة فرنساوي ثلاث سنوات في الثانوي -ممكن دول يساعدوني-)



ياريت تفيدوني عشان اذا مش هينفع الحق احجز للأيلتس تاني



والله المستعان

 

[ramyfathalla]

اقتباس المشاركة الأصلية كتبت بواسطة Utopia استفسار في موعد لإمتحان التيف في 9فبراير2011 تفتكروا اقدر اذاكر في الشهرين دول وادخل الإمتحان انا عايزة سكور بيزك فقط عشان احصل درجتين يكملوا اللغة عندي ممكن الجماعة اللي ذاكروا فرنساوي لكيبك يقولولي هقدر ولا مافيش داعي افكر في الموضوع ده (على فكرة انا كنت دارسة فرنساوي ثلاث سنوات في الثانوي -ممكن دول يساعدوني-) ياريت تفيدوني عشان اذا مش هينفع الحق احجز للأيلتس تاني والله المستعان

أنا رأيى يا أستاذة نهر تعيدى الايلتس تانى و ثالث كمان

الايلتس أرحم بكتير من الTEF

التصحيح بتاع الTEF غير الايلتس خالص

التصحيح بيكون فيه ثواب و عقاب

يعنى السؤال اللى متجاوب غلط بيتخصم من اللى صح

أنا كنت بأفكر فى الموضوع ده لما كنت بامتحن الايلتس و لقيت انه غلس قوى

المهم أنا عملت الايلتس 3 مرات و مش أنا لوحدى تقريبا ناس كتير قوى و فيه ناس أعرفهم عملوا الايلتس 5 مرات

و طالما أنت محتاجة درجتين بس يعنى الموضوع سهل ان شاء الله

شوية مذاكرة أحسن بكتير من الفرنساوى اللى حايشتتك خالص

ده رأيى و لو فيه حد عنده رأى تانى أو معلومات عن الTEF يقولنا

بالتوفيق ان شاء الله و تحياتى

 

 

[نهر النيل]

ما انا امتحنت 3 مرات ايلتس يا استاذ رامي



ميرسي اوي على اهتمامك وردك


وياريت فعلا اللي عنده خبره عن الموضوع يقول




(صعبة اوي حكاية يخصموا درجه من الصح دي....انا مش عارفة اعمل ايه!!!!!)



جزاك الله خير استاذ رامي

 

 

[Ahmed Osman]

اقتباس المشاركة الأصلية كتبت بواسطة Utopia ياريت تفيدوني عشان اذا مش هينفع الحق احجز للأيلتس تاني

يا مدام نهر
إن مع العسر يسر
لو ينفع تدخلي الإمتحانين إدخلي
وإن شاء الله النجاح مع الإصرار
تحياتي

 

 

[نهر النيل]

والله يا استاذ احمد زوجي بيقوللي خلينا في الايلتس واللي ربنا كاتبه هيكون بس انا اللي متلغبطة وبحاول ارتب افكاري معاكم


بارك الله فيك يا استاذ احمد

ماتنسناش في الدعاء الله يكرمك

 

 

[kodo]

دعوه لموضوعي

Canada way أخبار يومية مباشرة

قدر الله وما شاء فعل متزعليش نفسك وان شاء الله فرج ربك قريبا جدااا

بس للاسف كلام أ/ رامي صح زي ما قولتلك علي الخاص تصحيح امتحان التيف مش سهل خالص
يعني ببساطة السؤال الصح بتاخدي عليه 3 درجات والسؤال الغلط بيخصم من درجات السؤال الصح 1 درجة
يعني لازم قبل ما تجوبي اي سؤال تكوني متاكدة من الاجابة بنسبة 100% عشان متخسريش درجات وعشان كده ناس كتير بتفضل الدلف عليه لكن للاسف الفيدرالي بيشترط التيف بس

غير كده الفيدرالي طلبين درجات عالية حتي في البيزك مش قليلة يعني لازم يكون مستواكي مش اقل من الرابع عشان تقدري تحصلي علي الامتحان بالمعدل اللي هما طالبينه عشان يدوكي درجتين البيزك يعني الموضوع مش سهل

بصراحة مش عارفة اقولك ايه بس اعملي بنصحتي اللي علي الخاص وربنا هيرشدك للطريق الصح

علي العموم لو تحبي تشوفي امتحان التيف ده الموقع الرسمي بتاعهم وفيه امتحان للتدريب وكمان فيه طريقة شرح الامتحان والتصحيح

https://www.fda.ccip.fr/tef

في رعاية الله

 

 

[نهر النيل]

انا عملت استخارة الحمد لله واعتقد ان بكلامك ياكودو انتي واستاذ رامي اكون اخدت قراري بالتوكل على الله ودخول الايلتس مرة رابعة والخيرة فيما اختاره الله




انا قدامي موعدين


11 ديسمبر

و22يناير


وطبعا بم اني عايزة اذاكر وازود سكور يبقى هختار 22 يناير بمشيئة الله وبكده يكون فاضل تقريبا اسبوع على 14 فبراير تاريخ ارسال الشهادات لمكتب الفيزا

ولا ايه رأيكم

 

 

[abysaleh]

اقتباس المشاركة الأصلية كتبت بواسطة Utopia انا عملت استخارة الحمد لله واعتقد ان بكلامك ياكودو انتي واستاذ رامي اكون اخدت قراري بالتوكل على الله ودخول الايلتس مرة رابعة والخيرة فيما اختاره الله انا قدامي موعدين 11 ديسمبر و22يناير وطبعا بم اني عايزة اذاكر وازود سكور يبقى هختار 22 يناير بمشيئة الله وبكده يكون فاضل تقريبا اسبوع على 14 فبراير تاريخ ارسال الشهادات لمكتب الفيزا ولا ايه رأيكم

طيب مش النتيجة بتاخد 13 يوم على ما تطلع؟؟؟؟ ح تبعتي باه من غير النتيجة واللا ايه؟؟؟

 

 

[منير الكندي]

أنا قدمت الاتنين الشهر الماضي
الآيلتس كمستوى أصعب من التيف
بصراحة أنا كنت بحضر بس السماع و القراءة للتيف أما الكتابة و الكلام فمدربتش خالص
المهم جبت مستوى 3 في الكل حتى في الجرامر الي كنت بجاوب عليه بسرعة و دون اهتمام
الي فاجئني أنو علامتي في الكتابة و الكلام كانت أعلى من البقية. أنا سمعت أنهم بيساعدو في الامتحان الشفهي.
أنا رأيي تدخلي امتحان التيف و لو بتحضير أسبوع واحد بس.
امتحان الايلتس ب 22 يناير و التيف 9 فيبراير يعني معاك 18 يوم.
توكلي على الله و احجزي الاتنين.
(مستوى 3 هو البيزك مش 4)

 

 

[د/بطوط]

اقتباس المشاركة الأصلية كتبت بواسطة منير الكندي أنا قدمت الاتنين الشهر الماضي الآيلتس كمستوى أصعب من التيف بصراحة أنا كنت بحضر بس السماع و القراءة للتيف أما الكتابة و الكلام فمدربتش خالص المهم جبت مستوى 3 في الكل حتى في الجرامر الي كنت بجاوب عليه بسرعة و دون اهتمام الي فاجئني أنو علامتي في الكتابة و الكلام كانت أعلى من البقية. أنا سمعت أنهم بيساعدو في الامتحان الشفهي. أنا رأيي تدخلي امتحان التيف و لو بتحضير أسبوع واحد بس. امتحان الايلتس ب 22 يناير و التيف 9 فيبراير يعني معاك 18 يوم. توكلي على الله و احجزي الاتنين. (مستوى 3 هو البيزك مش 4)

الحقيقه معرفش امتحان ال tef ظروفه ايه بس اعرف الفرنساوى
الفرنساوى اول 3 مستويات سهلين لو عندك الااساسيات من ثانوى و مجرد هتبنى عليها ممكن توصلى المستوى التالت بسهوله
انا رايى تدخليه مش هتخسرى حاجه و ربنا يوفقك