مقتل شاب على يد مخبرين في الإسكندرية

[سيدة مصر الاولى]

الصحف المصرية والعربية

في شهادة الخدمه العسكريه بتاعت خالد علشان
ماحدش يعلق على كلمة درجة الاخلاق رديئه
ولاد الناس في الجيش بيتبهدلوا
اخر بهدله ومش بيبقوا عارفين يتعايشوا مع الاهانات وقلة الادب والشتيمه ..
ولو اعترضوا بتبقى اخلاقهم رديئه

لكن
البلطجيه والمسجلين خطر لو اضربوا على قفاهم بيقولوا للبهوات الظباط تاني
يا باشا .. ودول درجة اخلاقهم عاليه قوي

 

 

[Dr.Samo]

اقتباس المشاركة الأصلية كتبت بواسطة سيدة مصر الاولى في شهادة الخدمه العسكريه بتاعت خالد علشان ماحدش يعلق على كلمة درجة الاخلاق رديئه ولاد الناس في الجيش بيتبهدلوا اخر بهدله ومش بيبقوا عارفين يتعايشوا مع الاهانات وقلة الادب والشتيمه .. ولو اعترضوا بتبقى اخلاقهم رديئه لكن البلطجيه والمسجلين خطر لو اضربوا على قفاهم بيقولوا للبهوات الظباط تاني يا باشا .. ودول درجة اخلاقهم عاليه قوي

يا أختى سيدة مصر الأولى ....على فكرة أنا كنت فى الجيش برضه
وكانت خدمتى قدوة حسنة
لكن انا معاكى ........بس الموضوع مش رديئة ولا جيدة .....
الموضوع إن خالد خدم البلد سنتين و17 يوم فى حين إن بيان الداخلية الرسمى بيقول
أنه متهرب من أداااء الخدمة العسكرية
إيه الفجر ده .....فى كده ياربى ....عينى عينك

 

 

[سيدة مصر الاولى]

اقتباس المشاركة الأصلية كتبت بواسطة سامو المصرى يا أختى سيدة مصر الأولى ....على فكرة أنا كنت فى الجيش برضه وكانت خدمتى قدوة حسنة لكن انا معاكى ........بس الموضوع مش رديئة ولا جيدة ..... الموضوع إن خالد خدم البلد سنتين و17 يوم فى حين إن بيان الداخلية الرسمى بيقول أنه متهرب من أداااء الخدمة العسكرية إيه الفجر ده .....فى كده ياربى ....عينى عينك

انا اسفة اوى انا نوهت انى بنقل من على صفحة خالد من على الفيس بوك يعنى دى مش ارائى انا و الله و مع ذلك انا بعتذر جدا
و المهم فعلا انه ادى الخدمة العسكرية يعنى مش هربان زى ما قالوا

 

 

[brain]

اقتباس المشاركة الأصلية كتبت بواسطة سامو المصرى أيـــــــــــــــــــــــــــوان ....إبراهيم عيسى هيطلع كمان 10 دقايق إن شاء الله

هو الساعه كام ؟

 

 

[سيدة مصر الاولى]

اقتباس المشاركة الأصلية كتبت بواسطة brain هو الساعه كام ؟

الربنامج شغال دلوقتى بس انا فهمت ان حضرتك تقصد o t.v
لكن القناة هى on.t.v
و ابراهيم عيسى بعد 10 دقايق

 

 

[nash]

علشان نوصل طلعنا كوبري 6 أكتوبر طبعا أنا في الشوارع زيرو وأتورطنا في المرور وبين كل عربيه وعربيه عربيه أمن مركزي بشر مالهمش علاقه بالآدميه نهائي

الساعه واحده إلا ربع وصل ياسر من الجامعه صعب عليا ينزل معايا أصله يا حرام تعبان من السهر والمذاكرة ... أفتكرت في لحظتها أم خالد والله العظيم بكيت وحسيت بقلبها المحروق أصل إبنها مات موته بشعه بدون وجه حق طيب هي مستحمله إزاي وأنا مش مستحمله أقول لياسر تعالي معايا علشان يستريح وأصله ياعيني هلكان

حسيت أني أم تافهه

أتنيلت نزلت بعد ماجالي أبن خالي شاب من عمر ياسر نابغه في هندسه الكهربا الجامعه البريطانيه ماهو لازم برضه تعرفوا أن في شباب ورد وجميل رغم أن عنده وقفه إحتجاجيه في الجامعه علشان هايغيروا دكتور بدون وجه حق برضه ...

وبدأت رحله الهنا قعدنا ندخل ونلف في شوارع ويا ويله يا سواد ليله لو كانوا مجموعه شباب مع بعض .. مايحاولش يقف وإلا نهايته هاتكون سودا...

أنا قولتله دور يابني علي ركنه وبيني وبينك الموبيلات
ماشاااااااااء الله شباب متحمس وبنات بعشر رجاله والأمور كانت نوعا ما هاديه وأنا بشوف إنطباع الوشوش وفجأة لقيت أبن خالي بيتصل فيا وبيقولي يا ناش بسرعه تعاليلي عند اول الشارع وفضل معايا يقولي امشي إزاي ماهو انا برضه برة مصر من زمان وأخري في ميدان التحرير أني بعدي عليها بالعربيه وماعرفش حته فيكي يا مصر غير روكسي ومصر الجديده ومدينه نصر طشاش

حسيت أني بستهبل ...طب هو أنا مصريه ؟؟ ولا مصريه متغربه وجت عاشت في مصر؟ طيب أنا أعرف أيه عن الناس هنا؟ الناس حسيتهم أيد واحده وأنا غريبه في وسطهم بجد حسيت بالقهر وحسيت أن البلد دي تستاهل حاجه أحسن من كده ...

شفت أمهات نازلين ببناتهم وواقفين مابيعملوش حاجه بس واقفين حسيت أنهم عايزين يعبروا عن مشاعرهم تجاة والده خالد ...

شوفت رجاله كبار في السن معرفش بأة صدفه ولا أيه بس برضه كانوا واقفين ...

وشوفت شباب والله بألف خير ودول اللي الأمل فيهم كبير ودول اللي هايعرفوا يعملوا حاجه

طبعا المتاريس ماليه الدنيا ... وصدقوني في حاله خوف وتحفز ....

عساكر الأمن المركزي أقل واحد فيهم طول الباب مافيش أي تعبير علي وشهم نهائي حافظين مش فاهمين طيب هما مش دول مصريين برضه ؟

فيه مجموعات كتيرة عارفه بعضها ومتفقين يتقابلوا ودول عملوا منظر جامد وفيه ناس جايه مع نفسها زيي وفيه ناس حسيتها مقهورة بجد ودول ربنا يوفقهم....

أنا روحت علشان بجد عايزة أقف قدام ربنا أقول أني عملت أي حاجه حتي لو كنت ساكته بس مافضلتش في البيت أتفرج وأقول يا حرام ... وعلشان كمان أتخيلت لو أبني بعد ألف مليون شر عليه وعلي ولادنا يارب حصل فيه كده ... كنت هاعمل أيه ؟؟

فيه وقفه إحتجاجيه يوم التلات الساعه 12 عند القبه ... بس لسه مش متأكده من التفاصيل

ياتري هاروح ولا الجو الحر هايمنعني ... أصلي للأسف من المصريين اللي أتغربوا وعاشوا علي التكييف والرفاهيه وفيه ناس بتنطحن كل يوم مانسمعش عنها حاجه

 

 

[Dr.Samo]

اقتباس المشاركة الأصلية كتبت بواسطة سيدة مصر الاولى انا اسفة اوى انا نوهت انى بنقل من على صفحة خالد من على الفيس بوك يعنى دى مش ارائى انا و الله و مع ذلك انا بعتذر جدا و المهم فعلا انه ادى الخدمة العسكرية يعنى مش هربان زى ما قالوا

يا فندم ولا يهمك لا داعى للأعتذار
أحنا أخوات ........بس حضرتك فكرتنى بأيام الجيش الجميلة
تحياتى يا فندم

 

 

[nash]

كل اللي سأل عليا ودعالي ربنا يكرمه ويخليه يارب .. بس فيه ناس أحسن مني مليون مرة ودول أتلموا في عربيات الأمن المركزي ...

والله حاجه تخلع القلب من مكانه ... حرام اللي بيحصل للشباب ده

عارفين .. جه في بالي العادلي والوزرا والحاشيه .. صدقوني هايعملوا المستحيل علشان يفضلوا في أماكنهم ويطلعوا منها علي مقابرهم عاجلا ياااارب ... لإنهم بجد أفتروا وعارفين أن لو حصل أي تغيير نهايتهم هاتكون سودا

 

 

[ana_3enady]

دعوه لموضوعي

RobertInole

حمد لله على السلامة يا ناش

 

 

[nash]

الله يسلمك يا تامر