الى جميع المهندسين,اللى فى طريقهم الى كندا

[mohamed el chammakh]

الصحف المصرية والعربية

بسم الله الرحمن الرحيم

انا متابع المنتدى الجميل دا ومن منتدى اخر برضو من فتره كبيره و لكن سجلت فيه قريب , اخوكم المهندس محمد الشماخ مصرى من هندسه عين شمس , مش بفكر فى قرار هجره لكندا فى الوقت الحالى و لكن ليا اصدقاء كتير جدا مهندسين و دكاتره عايشين فى كندا و استراليا و ما شاء الله ناجحين جدا و دايما على اتصال بيهم .
الحاجه الوحيده اللى لفتت نظرى بعد القراءه فى جميع مواضيع المنتدى هى عدم وجود فرصه عمل خاصه للمهندسين , قريت قصص فشل كتير جدا و حسيت بحالات احباط كتير جدا ممكن يحس بيها اى حد يقرا فى بعض مواضيع المنتدى , انا من الناس اللى بيفكروا فى الهجره بس انا واثق فى ربنا اولا ثم نفسى فى موضوع انى الاقى شغل فى مجال الهندسه ان شاء الله . و دى اول مشاركه ليا فى اى منتدى .

كتير جدا من الناس فاكره انها اما تعمل المعادله هتلاقى شغل و لو ملقوش شغل هيقولوا كندا وحشه و استراليا وحشه ( انا بالنسبالى موضوع المعادله دا موضوع وهمى خيالى مش موجود غير فى عقولنا او تقريبا المعادله دى المفروض تكون اخر حل لاى مهندس ) لان بمعنى اصح انت لو مهندس من هندسه عين شمس و سافرت كندا و عملت معادله و قدمت على شغل اكيد صاحب الشركه مش هيخادك و يسيب واحد متخرج من جامعه مونتريال مثلا .
الحلول اللى بتجيب نجاح ملحوظ و اكتريت اصدقائى عملوها هى الدراسه او للوضوح اكترال Masters degree , احد الحلول اللى كل الناس تقريبا عرفاها و لكن الشائع و الملفت الايام دى هى دراسهال MBA or EMBA و الحاجات دى بتقوى مركزك فى الشغل اكتر من وهم المعادله .

الحاجه التانيه اللى انا فاتح الموضوع عشان اكلم فيها و اللى بتخص مجال الهندسه هى ال Construction management
طبعا مجال معروف على مستوى العالم و لكن ازاى اشتغل مهندس من غير ما اعمل المعادله او ازاى اقوى مركزى عند الشركات , الحل انك تبدا فى دراسه الشهادات العلميه اللى معتمده على مستوى العالم زى ال

1) FE) Fundamentals of engineering) :دى شهاده معترف بيها من امريكا
واكتر الشركات الكبيره بتتطلبها و امتحانها فى الجامعه الامريكيه وخد بالك من اللى جايه دى الامتحان دا مش متاح غير فى مصر و امريكا و اليابان .

2) PE ) Professional Engineer ) : اكتر شهاده مهمه بالنسبه لاى مهندس فى العالم , بمعنى اصح لو معاك الشهاده دى و معملتش معادله و سافرت اى دوله فى العالم هتقوى مركزك جدا جدا و هتلاقى شغل بنسبه كبيره ان شاء الله .

3)PMP )Project management professional ) : شهاده محترمه جدا و بقت معروفه جدا على مستوى العالم و معظم الشركات بتتطلبها و بتقوى قرص الحصول على عمل .

https://www.pmi.org/C...sional-PMP.aspx

4)PSP ) Professional Scheduling professional ) : من اهم الشهادات برضو و صعبه جدا

https://www.pmi.org/e...nal-PMI-SP.aspx

5)PgMP ) Program management professional ) : ناس قليله اوى اوى اللى معاهم الشهاده و احد اهدافى . و بتقوى مركزك جدا فى دوله فى العالم

6)CCC/CCE) Certified Cost Engineer) : ناس قليله جدا برضواللى معاهم
الشهاده دى

كل دى شهادات international Certifications بتقوى فرصك للحصول على عمل
فى اى دوله فى العالم بما فيهم كندا اللى محيره الناس , لانك لو عايز تشتغل فى مجال ال Planning , Cost Control Engineer , Construction management or even Project manager

كل الشهادات دى هتقوى مركزك عند التقديم للوظيفه من غير معادله ولا الكلام الفاضى دا , من الاخر المهندس اللى بيطلع بره بلده لازم يكون معاه شهادات دوليه نخليه ينافس بيها المهندسيين التانيين لان الكل بيدور على الكلام و بيدرسوا و الميزه ان كل الشهادات دى دراستها موجوده فى عكس معظم الدول العربيه , فى مهندس معروف جدا فى ABB Company
سافر سنه 2001 عشان يدرس CCC/CCE فى امريكا , دلوقتى كل الشهادات دى ممكن تدرسها مش زى زمان

ملحوظه كمان المهندس دا اشتغل فى هولندا و امريكا من غير معادله بس الفكره انه كان مهندس معترف بيه دولبا عن طريق الشهادات دى .

اخيرا . اتمنى اكون وصلت للناس الفكره اللى شايف انها نجحت مع مهندسين كتير اوى شغالين فى كندا و استراليا وفى الاخر لازم نفهم اننا لازم نكون معترف بينا دوليا عشان نعرف نشتغل برا مصر . لان شهاده الكليه فى كندا ملهاش لازمه و المعادله بالنسبالى ولا ليها اى لازمه, و المره الجايه هتكلم عن كيفيه كتابه ال CV عشان فى ناس بتترفض بس عشان مش بيعرفوا يكتبوا كويس مش عشان خبرتهم لا تمسح
, عارف انى كتبت كتير و زهقتكوا

السلام عليكم و رحمه الله و بركاته .اخوكم م. محمد الشماخ

 

[shawi]

فكره جميله حضرتك بتطرحها
ولاحظ انك اسقطها على تخصصك فقط الى حد كبير ما عدا المانجمنت
اقولك خبرتي

ممكن تشتغل مهندس أذا وحط خط تحت إذا.....عملت البي انج.....وشفت ناس اشتغلت لما عملتها
لانك بيها بقيت معتمد في البلد.

نقطه ومن اول السطر
الشهادات التانيه في مجال الاداره مهمه بس محدش حيديط اداره وانت جديد في البلد

موضوع الخبره الكندي يا صديقي لا يقصد به الخبره في الشغل الكندي كبدايه
بل الاتي
دس انفك في التراب ونزل من مستواك وابلع لسانك واكظم غيظك وتحمل ما لا تحتمله الجبال
فإن عبرت هذا المجال من التحمل فأنت تستحق العمل في المجالات التي تحتاج الى ان تكون على قدر المسئوليه فيها
فالمسؤوليات الجسام تحتاج رجال ونساء من معدن مختلف يستطيعون اخذ القرارات الصعبه كما الحرب على الجبهه

اما خبره العمل فلن يصعب عليك ان تحصل عليها مع الاختلافات بين بلدك وهنا وذلك في فتره مهندس تحت التدريب ومدتها سنه.......رغم سنوات خبرتك الطويله

تحياتي

 

 

[mohamed el chammakh]

استاذ Shawi

احب انقل لحضرتك خبره اقاربى اللى انا دايما على اتصال بيهم فى كندا و استراليا بذات .

موضوع المعادله مش مهم زى جميع الشهادات دى لانها دوليه و صالحه فى كل دول العالم . اعرف ناس اشتغلوا سواقين على trucks 6 شهور .. و بعدها اشتغلوا مهندسين من غير ما يعملوا لانهم كانوا متميزين عن غيرهم .. خد بالك اشتغلوا بال PE بس ..

اللى انا عايز اوصلوا ان الناس فاكره ان موضوع المعادله دا اخر المطاف و بعدها يشتغلوا مهندسين .. اعرف ناس والله كتير معاهم PE و اشتغلوا و اعرف واحد معاه CCC/CCE من 2002 ايام ما مكنش حد يسمع عنها و اشتغل COST CONTROL ENGINEER و من غير معادله و دلوفتى هو senior .

من الاخر المعادله دى اخر حاجه لان الشركات بتقدر اللى بقالوا سنين updated بال certificates مش باللى جاى من مصر ميعرفش حاجه غير انه مهندس هيعمل معادله و يشتغل :)

 

 

[الابتسامه]

يا باشمهندس انا كتبت خبرتي مع كورس رحته وأتبهدلت ولسه ومعظم الكورسات تحب الهنبكهههه والستات تطبخ وإذ مش كده يبقي انت وانت وانت أستاذ شاوي قالك الخلاصه هنا الشغل مستوي مبتدء او متوسط وأنا شخصياااا هأخذ MBAوبالأخص في project managment

 

 

[الابتسامه]

انا كل كام يوم حد من اللي شغال ينتقد ني وأنا ساكته بيشوفواااااا هستحمل ولا لدرجه لا عايزين انسحب ولا أغير التوقيت

 

 

[mohamed el chammakh]

ابتسامه
حضرتك قريت كلامى كويس ؟ انا بقول الشهادات دى دافع و بتقوى مركزك فى ال resume بتاعك غير طبعا ان فيها علم كتير .

ثانيا انا اعرف ناس فى استراليا لقو شغل بعد وصلهم ب شهرين و كان معاهم MBA من ال AUC هنا قبل ما يسافروا

طب ليه مبدأتش MBA من اول اما جيت ؟

ملكش دعوه بتجارب حد , ميهمكش من كلام الناس , انت اللى عارف نفسك . و ان شاء الله ربنا ييسرلك الحال

 

 

[الابتسامه]

ايوه انا قرأت وكلامك صح في موضوع الشهادات وأستاذ شاوي داخل نفس الكورس انا دخلها همبكهههه واحنا الستات بنطبخخخخ الكورس وبنأخذ كلام نفس أغمق لون

 

 

[ragabb]

اقتباس المشاركة الأصلية كتبت بواسطة الابتسامه ايوه انا قرأت وكلامك صح في موضوع الشهادات وأستاذ شاوي داخل نفس الكورس انا دخلها همبكهههه واحنا الستات بنطبخخخخ الكورس وبنأخذ كلام نفس أغمق لون

انتي غمقتيها قوي لية كدة يا الابتسامة

انا مقابلتي يوم الخميس الجاي 30 -5

يعني اية نغير رأينا

لو شافني المهندس شاوي قليلة اني في الحمتام علشان ميطردنيش بر الكلاس

 

 

[الابتسامه]

لا اوعيً أصر علي موقفك انا عيد ميلادي قبل مقابلتك بيوم المهم تجئ علي كورس في جامعه محترمه او علي شغل اما لينك وكورسات همبكههههه بلاش منها حتي شروط الجنسيه مبقتش بيعترفواااا بتدريب مراكز اللينك مثال بكره الجمعه بنجيب. فيلم من المكتبه بكون شيفااااه من ايام الكويت وعليا وعلي واحده تانيه نعمل كيم وفيشار وعصير وشاي وكريم كراميل او جلي ...فين الاستفادهههه او ان المعلم بيتعب سلامتك

 

 

[الابتسامه]

كلام باش مهندس محمد. صح الصح وكلام أستاذ شاوي صح الصح الأول وضح انك تجئ علي كورس محترم أكيد عارفين ان في مواد في جامعه حاسبات ومعلومات مشتركه مع هندسه خاصه الرياضيات والفيزياء ,المهم نرجع تاني والرأي التأني يؤكد الرأي الأول وبيزود بلاش كورسات همبكهههه يا شهاده يا شغل وأنا أؤيد الاتنين