تعالوا نتدرب على اسئلة الـ Production Oral لامتحان الـ TCF

[شيكابالا]

الصحف المصرية والعربية

ساعدونا يجماعه عشان الواحد يقفز فى المستوى فى تحديد المستويات؟؟؟"؟؟؟

 

 

[zikozaki]

اقتباس المشاركة الأصلية كتبت بواسطة شيكابالا ياشباب عاوز اعرف بعض الاسئله فى امتحان تحديد المستوى فى السنتر ويبقى الامتحان نظامه ازاى وعلى اى اساس هما بيصنفوك فى المستويات ومدته كام وازاى احضرله و شكرا ؟؟

هو الموضوع بره امتحان ال TCF بس انا هاقول اللى اعرفه
بص يا سيدى
هو فيه نوعين من امتحانات تحديد المستوى فى السنتر
امتحان تحديد مستوى عشان تاخد كورسات و ده المدان بتقعد تدردش معاك شوية عن شغلك و بعدين تعطيك سؤال او موضوع تكتب فيه
اما امتحان تحديد المستوى عشان تاخد به شهادة فبيبقى زى امتحانات الدلف بيبقى للاربع مهارات
Compréhension écrit (تقرأ قطعة و تجاوب على اسئلة عنها)
Production écrit (تكتب موضوع او جواب)
Compréhension Oral (تسمع لحوار و بعده اسئلة تحلها)
Production Oral (تتكلم عن موضوع معين)

ده على حد معلوماتى

مدته كام ؟ بالنسبة لامتحان اللى تاخد بيه كورسات مابياخدش اكتر من نص ساعة اما بتاع الشهادة الرسمية فاعتقد ساعتين و ربع تقريبا

ازاى تحضر له
انت عاوز انه واحد لو عاوز بتاع انك تاخد كورس فمتحضرش و اظهر فى الامتحان بمستواك الحقيقى عشان ما تدخلش مستوى اعلى من مستواك و تلاقى نفسك مش فاهم و يجيلك احباط
اما بتاع الشهادة الرسمية فممكن كتب Echo A1 , A2 تساعد
و بالتوفيق

 

 

[zikozaki]

اقتباس المشاركة الأصلية كتبت بواسطة أدهم الشرقاوى ممتاز يا زيكو, بالتوفيق و إلى الأمام. ربنا يجازيك خير و يعوض تعبك بالنجاح إن شاء الله و أنا معاكم و هساعد بكل اللى أقدر عليه.

الله يخليك يا كبير الشرقية كلها (ادهم بك الشرقاوى) تحياتى لمطاريد الشرقية مطرود مطرود صغيرهم و كبيرهم

دعمك و تشجيعك محتاجهم و قبلهم اضافاتك و تصليحاتك يا كبير

 

 

[zikozaki]

اقتباس المشاركة الأصلية كتبت بواسطة أدهم الشرقاوى دى لينكات مهمة للتدريب على الـTCF https://tcf.didierfle.com/exercices/CO0201-list1.html https://www.tv5.org/cms/chaine-franco...on-du-test.htm https://www.tv5.org/cms/chaine-franco...on-du-test.htm https://www.tv5.org/cms/chaine-franco...ccueil-TCF.htm https://www.rfi.fr/lffr/questionnaire...ionnaire_3.asp

ايوه كدة يا كبير هو ده
كل واحد عنده حاجة مهمة بالنسبة للامتحان يارييييييييييييييييييييت يتكرم باضافتها عشان الكل يستفيد

الف شكر يا ادهم باشا

 

 

[zikozaki]

بمناسبة اللينكات احب اضيف لينكات تانية وردت الىّ من صديق حضر كورس الاعداد لل TCF فى السنتر

- www.ciep.fr
- https://www.cavilamenligne.com/activi...ehension-orale
- https://www.ciel.fr/learn-frenc/compr...-exercises.htm
- www.radio-canada.ca/
- www.telequebec.qc.ca
- www.canalacademie.com/
- www.rcinet.ca
دى مجموعة من اللينكات للتدريب على ال Compréhension Oral اللى هما التلاتين سؤال

 

 

[شيكابالا]

اقتباس المشاركة الأصلية كتبت بواسطة zikozaki هو الموضوع بره امتحان ال TCF بس انا هاقول اللى اعرفه بص يا سيدى هو فيه نوعين من امتحانات تحديد المستوى فى السنتر امتحان تحديد مستوى عشان تاخد كورسات و ده المدان بتقعد تدردش معاك شوية عن شغلك و بعدين تعطيك سؤال او موضوع تكتب فيه اما امتحان تحديد المستوى عشان تاخد به شهادة فبيبقى زى امتحانات الدلف بيبقى للاربع مهارات Compréhension écrit (تقرأ قطعة و تجاوب على اسئلة عنها) Production écrit (تكتب موضوع او جواب) Compréhension Oral (تسمع لحوار و بعده اسئلة تحلها) Production Oral (تتكلم عن موضوع معين) ده على حد معلوماتى مدته كام ؟ بالنسبة لامتحان اللى تاخد بيه كورسات مابياخدش اكتر من نص ساعة اما بتاع الشهادة الرسمية فاعتقد ساعتين و ربع تقريبا ازاى تحضر له انت عاوز انه واحد لو عاوز بتاع انك تاخد كورس فمتحضرش و اظهر فى الامتحان بمستواك الحقيقى عشان ما تدخلش مستوى اعلى من مستواك و تلاقى نفسك مش فاهم و يجيلك احباط اما بتاع الشهادة الرسمية فممكن كتب Echo A1 , A2 تساعد و بالتوفيق

بجد بجد عاجز تماما عن الشكر وربنا يباركك ياباشا

 

 

[zikozaki]

الاستاذ قلب الاسد كان بعت سؤال بيقول

بالنسبة للمحادثة لو مثلا مسمعتش السؤال كويس من اول مرة ممكن اللى بيسالنى يعيد السؤال مرة تانية ؟؟؟

و الاجابة

بص
بالنسة لل Compréhension Oral

هو انت المفروض بتسمع التلاتين سؤال ورا بعض
كل سؤال بيتسأل و يديك 3 ثوانى تجاوب
بس خد بالك لازم تكون اجابتك سريعة عشان تاخد جزء من الثوانى تقرا بيه اجابات السؤال اللى بعده عشان تكون جاهز للاجابة اول ما يتقال السؤال
و الاسئلة التلاتين اول ما بيخلصوا بتاخد دقيقتين تراجع سريعا و تسلم الاوراق و لازم يكون معاك فى الامتحان قلم اسود قلم اسود قلم اسود
لا توجد فرصة للتفكير العميق لازم تركز كويس عشان تحل بسرعة و ما تتعطلش فى سؤال و الا هيضيع منك السماع بتاع اللى بعده لانها اسطوانة شغالة على DVD Player و لا تقف

دى CD شغالة على طول و مع نهايتها بيتلم الورق و من ضمن تعليمات الامتحان انك بتسمع السؤال مرة واحدة فقط

اما بالنسة لل Production Oral

فاساسا انت من حقك فى الاسئلة الستة انك تطلب اعادة السؤال بطريقة اخرى لتفهمه جيدا (بس ما تستحلاهاش و تعيد الستة)
و الممتحن اساسا لو لقى ان اجابتك بعيد عن الموضوع بيقولك هاعيد السؤال مرة اخرى

 

 

[zikozaki]

اقتباس المشاركة الأصلية كتبت بواسطة شيكابالا بجد بجد عاجز تماما عن الشكر وربنا يباركك ياباشا

اى خدمة انت بس تأمر و احنا ننفذ

 

 

[zikozaki]

الاستاذ برضوا قلب الاسد كان بعت سؤال اخر

لوسمحت بس انا نفسى اعرف الواحد لو حب يجيب b2 يكوت بالمستوى الكام ؟؟

و الاجابة

لازم تكون على الاقل مخلص المستوى السابع عشان تكون عندك قدرات سماعية كويس فى اللغة تقدر تلقط بيها معانى الكلام و تعرف ترد و فى نفس الوقت يكون عندك حصيلة لغوية تساعدك فى امتحان ال Production
و بعدين انت بتحضر لامتحان ال Production مع مدرس خارجى بيعطيك الاسئلة و الاجابات النموذجية عليها و انت عليك انك تتدرب على الاجابات اما ال Compréhension فالتدريب بتاعه بيبقى مع نفسك من خلال الكتب و المواقع الموجودة فى الموضوع فى الصفحة الاولى

 

 

[zikozaki]

يا جماعة احب احذركم من مشكلة واحد صاحبى وقع فيها فى امتحان امبارح

فى سؤال من الاسئلة و هو مستوى B1 بيطلب منك تقول له اسئلة عن موضوع معين و هو يجاوب
و الظاهر الممتحن ماكانش عارف حاجة عن السؤال فلما ابتدا صاحبى يجاوب فبدل ما يرد عليه رد فصاحبى يرد بسؤال راح الممتحن مشاور له انه يكمل الاسئلة و طبعا صاحبى اتلجلج و بقى عرقه مرقه و ما جاوبش كويس فى السؤال ده .
بيقولى لما سأل المدام اللى حضر معاها قالت له لازم يقدم شكوى فى الممتحن للسنتر و يطالب باعادة السؤال بطريقة سليمة علشان يعرف يجاوب و تحقيق مع الممتحن الخايب ده و يهدد انه لو ما تمش اعادة السؤال انه يبعت شكوى لفرنسا لوقف ترخيص المعهد الفرنسى اللى بيه بيستقبل امتحانات ال TCF فى مصر
و هو رايح يوم الاحد يقابل المسئولين عشان يقدم شكوى و مش هو لوحده ده اتضح انه كان فيه اكتر من واحد بالطريقة دى

خلاصة القول انه عند سؤال B1 لازم الممتحن يرد على اسئلتك لان المفروض انك بتاخد من رده مادة للسؤال التالى . و تمنياتى له بالتوفيق و لكم جميعا بالنجاح و الحصول على ال CSQ