أعزاء رحلوا عنا ... لكن ... أبداً لن ننساهم

[عبقرينو]

الصحف المصرية والعربية

اقتباس المشاركة الأصلية كتبت بواسطة أحمد باشــا ساعتها لقيت الدنيا مهاش سيعانى بعد ما إترميت ح أرجع للحياة ثاني و أعيد الكره مع ناس شرياني أحمدك يا رب فاكرني لا بتنساني أبو حميد المصري ‏21‏‏/‏12‏‏/‏2003‏

اللة يرحمة ويحسن الية ويغفر لة
اللهم ارزقنا حسن الخاتمة
والحقنا بالصالحين

شكرا احمد باشا
تعيش وتفتكر

 

 

[Prof]

الله يرحمهم جميعًا
أول مرة أعرف أن حيزوم توفاه الله.

 

 

[بنت شعنونة]

فريدة..


هومر توفى؟

هومر اللي هوا دا hommer?

انتي متاكدا؟ ايه اللي حصل؟

 

 

[sanaa]

اقتباس المشاركة الأصلية كتبت بواسطة بنت شعنونة فريدة.. هومر توفى؟ هومر اللي هوا دا hommer? انتي متاكدا؟ ايه اللي حصل؟

البقاء والدوام لله وحده

ايوه ياشانا
homer اللي كان صاحب الصوره دي

توفي في سنه 2007

 

 

[Farida]

اقتباس المشاركة الأصلية كتبت بواسطة بنت شعنونة فريدة.. هومر توفى؟ هومر اللي هوا دا hommer? انتي متاكدا؟ ايه اللي حصل؟

ايوه يا شانا زى ما سناء قالت و انا عرفت بالصدفه بعدها بسنه و ماكنتش اعرف انه كان تعبان و مريض بالسرطان .....ربنا يرحمه و يرحم الجميع
و ده عنوان مدونته
https://egyptianeconomist.blogspot.com/

المهم ان فيه ناس كتير كنا بنحبها و نحترمها على النت و بقالهم مده مش بيكتبوا و الواحد قلقان عليهم ........بجد يا جماعه لو لا قدر الله حد جرى له حاجه يسيب وصيه فيها المنتديات اللى كان بيدخلها و كلمة السر علشان الورثه تدخل تطلب له الرحمه .......و بالمرة كل واحد بقه ياخد باله من كلامه علشان الورثه بعد عمر طويل ما تتكسفش من اللى المرحوم كان بيكتبه

 

 

[بنت شعنونة]

مدام سناء و فريدة
من 2007 كمان
يااااااااااااااااااااااااااااااااااااااااه
دا انا بعيييييييييييييييييييييد اوي
هومر دا كان عزيز على قلبي جدا
وعلى قد ما عرفته عمرررررررررره ما قالي انه مريض
ياه
دا انا ندلة اوي
لا حول ولا قوة الا بالله
يارب ارحمه واغفرله
وارحمنا برحمتك يارب

الواحد بجد مش عارف يتطمن ع الناس اللي بيعزهم ازاي
بس الظاهر انه موضوع ما للنت للنت دا هوا الوجه السيء بتاعه


انا كنت بحب هومر جدا
ومدونته دي انا عارفاها من زمن الزمان

انا زعلت جدا
الواحد مقصر مقصر مقصر مقصر مقصر مقصر مقصر مقصر مقصر

 

 

[زعلان]

هومر شخصية من الصعب نسياناها و يأبى هومر الا ان يزورنا من وقت لأخر في جلساتنا و اجتماعتنا وكأنه ما زال موجودا يثير ضحكاتنا و نذكره بكل خير ونسعد بصحبته الكلام ده حقيقي صدق او لا تصدق

 

 

[زعلان]

محمد سليمان

خليك طويل يا ابو حميد

المواساة فن اكتشفت أن أغلبنا لا يجيده فينتهى بننا الأمر غالبا الى سرد مجموعة من الشعارات والحكم التى تكاد تخلو من اى فائدة عملية أو بالأحرى أى تطبيق عملى يصب مباشرة فى مصلحة من نواسيه

على سبيل المثال غلب علينا عندما نزور المرضى أن نحاول أن نرفع من روحهم المعنوية فنقول كلام مثل شد حيلك يا راجل والعامل النفسى مهم هكذا بشكل مباشر دون أدنى محاولة منا لتحسين حالة المريض النفسية

فنحن عندما نكررعلى سمع المريض ان 90 % من الشفاء يتوقف على الحالة النفسية والمعنوية فان ذلك يضر بالمريض أيما ضرر اذا كانت حالته النفسية متردية فتكون مقولتنا بمثابة انسى يا عمرو وطبعا لم نقل له كيف يرفع معنوياته

هذا هو نهجنا دوما عند اسداء النصح وتقديم المشورة

نردد حروفا جوفاء لا تعنى للمتلقى الكثير هذا ان لم تكن تزيد من حيرته

تماما مثل ما نقول لمن يخاف من الظلام أو من الكلاب يا راجل ما تخافش من الكلاب أو ما تخافش من الظلام أو كقولك لشخص ضعيف الذاكرة لازم تركز وتبقى ذاكرتك قوية - ما كانش حد غلب - أو كقولك لشخص قصير القامة فى محاولة منك لرفع معنوياته وإخراجه من أزمته خليك طويل يا ابو حميد

استهلكتنا الجمل والشعارات الجوفاء حتى خلت نصائحنا من اى شئ يمكن تطبيقه وكأن عدوى الحياة السياسية قد انتقلت الينا

فلا بد من شحذ الهمم وزيادة الانتاج والتكاتف والترشيد والاسلام هو الحل ولكن من غير اجندة

ايليا ابو ماضى عبر عن المواساة العكسية ببيت بليغ قال فيه

ما زاد فى هم الحزين واسفه
كمثل قولك للحزين تجلد

شدوا حيلكوا يا جماعة وما تخافوش من الجوافة

لنا ذكريات مع هذه المقالة الساخرة والحمد لله مكنتش بقوله خليك طويل يا ابوحميد لأني لا اجيد هذه المقولة

 

 

[toota]

رحمة الله عليك يا هومر....واسكنك فسيح جناته...

 

 

[Farida]

تعرفوا ساعات ادخل مدونة هومر اسجل كلمات و كانه سيقرأها رحمة الله عليه

Excellence كمان رحمة الله عليهم جميعا