إعادة التقسيمة القديمة لباب الهجرة إلى كندا

[kodo]

الصحف المصرية والعربية

دعوه لموضوعي

Canada way أخبار يومية مباشرة

اقتباس المشاركة الأصلية كتبت بواسطة Migratory يا خسارة يعني هزلت والله هزلت

ا/ Migratory علي الرغم اني موجهتش
الكلام لشخص محدد لكن اتكلمت بصفة عامة
عن احترام الرأي الاخر

ممكن حضرتك توضحلي ايه المقصود بالجملة
اللي في الاقتباس و حضرتك موجه الكلام لمين

بدون الدخول في حوار جدلي حول الدفاع
عني رأي او معارضة رأي حضرتك
لان كل واحد حر ما لم يضر

ممكن حضرتك تساعد في تنظيم المنتدي
بخبرتك الطويلة في المنتديات ( زي ما سبق و وضحت) عن طريق
تنقية الموضوعات المهمة من المداخلات الغير مهمة
زي ما سبق و حضرتك اقترحت في موضوع سابق و هنكون شاكرين جدااا لمجهوداتك

و شكرعلي النصيحة ربنا يوفقنا جميعا

في النهاية ده رأى شخصي لا الزم به احد

 

 

[dana]

اقتباس المشاركة الأصلية كتبت بواسطة دنتستاوي قدم افكارك ولكن سنظل كما نحن اتذكر الان اليوم اللذي نزلت فيه فكره الاستفتاء للتغيير كانه الامس القريب استمر من اخر شهر 4 حتى نهايه شهر 5 بالتمام اربعين يوما ولم يصوت فيه غير 20 او 25 صوت وجاءت بعده انه توجد مشاكل في التقسيم بين الاعضاء مع ان 75% من الطلبات كانت مع التقسيم وتفضلت مدام كودو بوضع رد ان الاداره ستقوم بوضع حل نهائي قريبا دخلنا على شهر 6 وبعد اسبوع بالضبط من بدايه التقسيم تفضل الدكتور قناوي بوضع استفتاء جديد هل اعجبك شكل الباب بعد التقسيم 26 - 6 تم الغاء التعديل وعوده المنتدى كما كان تعريف الديمقراطيه مصطلح يوناني مؤلف من لفظين الأول (ديموس) ومعناه الشعب، والآخر (كراتوس) ومعناه سيادة، فمعنى المصطلح إذاً سيادة الشعب أو حكم الشعب . والديمقراطية نظام سياسي اجتماعي تكون فيه السيادة لجميع المواطنين ويوفر لهم المشاركة الحرة في صنع التشريعات التي تنظم الحياة العامة، والديمقراطية كنظام سياسي تقوم على حكم الشعب لنفسه مباشرة، أو بواسطة ممثلين منتخبين بحرية كاملة ( كما يُزعم ! ) عندما تم طرح الاستفتاء الاول ماذا كان القصد من وراءه هل هوا تطوير للمنتدى ام رغبه في معرفه رأي الاعضاء فيما سنصنع هل كانت مجرد فكره ولها منظور ولا كانت مجرد دردشه واهي فكره نجحت خير وبركه مانجحتش ماخسرناش حاجه اسئله عماله تزن في نافوخي من بعد الاستفتاء الاول فدخلت وقولت رأيي نعم للتقسيم طب اسبابي ايه 1- كثره الاسئله في غير موضوعاتها بعد ان زادت عدد المواضيع في الباب 2 - العضو الجديد غير ملم بالاعضاء القدامى ومواضيعهم الذهبيه فيترك السؤال في اقرب توبيك او توبيك يحصل على مشاهده يوميه عاليه لعله يظفر باجابه سؤال 3 - الاعضاء التي تود المشاركه وتكوين صداقات من خلال التوبيكات يشعر بالتعب والحرج لانه لايعلم من في نفس طريقه ومن في طريق اخر 4 - بعد التقسيم ستظهر موضاعات ذهبيه كانت اعتلتها الاتربه لكثره الموضوعات بالمنتدى 5 - سأشعر اني وضعت سؤالي في المكان الصحيح وانتهى الاستفتاء الاول النتيجه مش زي ماكان الاعضاء الطموحين في التغيير فعلا زي ماهما عايزين بس الحمد لله عشان شعب طيب رضينا بالموجود علشان هدفنا مش مجرد تقسيم لا ايجاد فرصه افضل لتوصيل المعلومه وابتدى الشغل وتم نقل بعض المواضيع حتى مرور اسبوع قام الفاضل دكتور قناوي بعمل استفتاء لرؤيه اذا كان شكل الباب مناسب للاعضاء ولا لأ هنا احسست بمدى الفجوه الموجوده بين الاعضاء وهبين ليكم ليه قولت كده بدون تجريح في شخص لاني طبعا اكن كامل الاحترام لجميع الاعضاء حتى وان اختلفت معهم في الرأي الموضوع اصلا مش طبيعي وتزامن معاه نزول اكتر من 10 توبيكات في يوم واحد او يومين وبصوره غربيه جدا بمعنى ان بسؤال من العضو البسيط انتوا مش قولتم هنقسم الباب طب ليه موضوعات كتيره في فتره زمنيه قليله يعني الطبيعي بعد ما المشرفين يخلصوا تقسيم حط موضوعك في المكان المناسب مش في العام وخلاص انا مثلا على سبيل المثال حبيت انزل بموضوع عن امتحان الديلف وانتظرت حتى انتهاء التقسيم علشان يبقى البدايه صح للتقسيم ويظهر شكله بصوره جميله ثم قام الدكتور قناوي بعمل استفتاء 1- الاداره لم تنوه اذا كانت نتيجه الاستفتاء هتأثر على نتيجه الاستفتاء الاول 2- لماذا سمحت للاستفتاء الثاني بالحدوث رغم انه حصل مايشبه الاتفاق على المضى وراء النتيجه الاولى ايان كانت اذا كانت من باب الديمقراطيه فانا عرفت الديمقراطيه فوق واللي حصل هنا مفروض انه باطل اصلا وذلك للاسباب التاليه 1 - عدم ترك فرصه للمشرفين في تنفيذ الفكره التي تم طرح الاستفتاء عليها 2 - عدم احترام الاعضاء اللذين ادلوا باصواتهم في الاستفتاء السابق 3 - عدم وضع مصلحه المنتدى في المقام الاول قبل طرح النتيجه المشاركات موجوده وكل اللي اجمعوا على اعاده باب كندا كانت كلمتهم واحده مش مستريح في الشكل الجديد ( مصلحه شخصيه ) مماجعلني اتذكر قصه شاب عربي يدعى عباس ابن فرناس عندما كان يحلم بالطيران وقال عنه كل من رأوه انه مجنون ولكن قصته الهمت بعد ذلك الاخوان رايت وقاموا بصنع اول طائره وتطورت الفكره بعد ذلك حتى اصبحت الطائره وسيله لا غنى عنها للبشر توقعت عندما تم الاستفتاء مره اخرى اننا هنتناقش في افكار من سبيلها تطوير الفكره الاصليه وليس اعاده الالتفاف على مطلب كان موجود قبل كده بعد تجميع الصفوف مره اخرى يعني سؤال بس لو انا طرحت موضوع دلوقتي هل انتا موافق على عوده باب كندا للتقسيم متوقعين النتيجه تبقى كام وهنظل كده المسأله مش عند ولا مكابره الناس في الاستفتاء التاني كتير منهم قال دول ماحترموش رأينا من المره الاولى ليه نخش نوجع دماغنا تاني والموضوع بسيط ومش مستاهل انه يكبر بالمنظر ده ولو قفلت خلاص ادينا بناخد المعلومه اللي احنا عايزنها وبنمشي يقسموا ما يقسموش بلاش وجع راس وبدون مقدمات حصل التعديل ورجعنا زي الاول جعلني اخبط كف بكف واقول لا حول ولا قوه الا بالله معقوله دا احنا بقالنا شهرين في الموضوع ده وبعد كده كأن يابوزيد ما غزيت ورجعت قولت في نفسي تاني بعد فتره من الحزن طب وانتا واجع راسك ليه مش هما شايفين كده وده المنتدى بتاعهم واجع راسك يعملوا اللي يعملوه كده كده انتا بتخش ولو لقيت حد بيطلب حاجه بتديهاله ومش مستنى شيء يبقى توجع في راسك ليــــــــــــــــــــــــــــــــــــــــــــــــ ـــــــه بس رجعت وقولت كل اللي في نفسي لعلها تكون كلمه حق تيقظ بها احدا المنتدى منتداكم وانا بتشرف اني بكتب كلامي فيه ولكم جزيل الشكر دكتور قناوي ياريت ماتفهمش كلامي غلط ربنا اللي عالم معزتك عندي اد ايه والمسلم مراه اخيه ومش معنى اني ممكن اكون مختلف معاك في الرأي اني اقلل من مكانتك او من شأنك ابدا بل بالعكس لازالت مكانتك واحترامك عندى كبير اوي عضو بسيط دنتستاوي

مداخلة اكثر من رائعة قلت كل اللى عندى وزيادة
مازلتم مصممين على موقفكم الغامض ومازلتم تدافعون عن خطأ ادارى كبير ارتكب ولكن لا تريدون الاعتراف بالخطأ والرجوع عنه بل وتتمادون فيه كطاقم ادارى لباب كندا او طاقم ادارى للمنتدى بأكلمله
لن يفرق معى التقسيم القديم من الجديد لحصولى على المعلومات بطرق مختلفة كل ما اردته هو تعميم المبادئ واحترام الاعضاء فى فكرهم ورأيهم
الافضل لى الاحتجاب عن المشاركة فى المنتدى ككل فيما عدا خدمة الاعضاء الجدد الذين يريدون المعلومة ولا يستطيعون ايجادها كما كنا نشكو نحن ايضا

دكتور قناوى تعلم مدى احترامك عند جميع الاعضاء وما قدمته للمنتدى من مجهود ومعلومات ومساعدات

 

 

[phrma]

الواحد مصدق انه اتعود على النظام رجعنا تانى للمعاناة

ربنا معانا

 

 

[ramyfathalla]

أقول رأيى بصراحة و من غير زعل

و قبل أى شىء الموضوع أسهل بكثير من أننا نختلف أو نزعل

أنا كنت مع التقسيم و بشدة لتسهيل العملية للأخوة الجدد لكن أنا بالنسبة لى حافظ و فاهم

و لكن بعد التقسيم لاحظت الأتى

- عدم رضاء أصحاب المواضيع الخبرات عن هذا الوضع و كأن مواضيعهم وضعت فى الأرشيف كما قال حبيبى د/ قناوى

- قلة عدد الزوار للباب

- الشعور بعدم النظام لكثير من الأعضاء

المهم ...........

الادارة و أعضاء الادارة أكيد و مؤكد أنهم بذلوا الكثير من الجهد لتنظيم الباب بهذا الشكل و أكيد كان نفسهم الترتيب يعجب كل الأعضاء و لهم كل الشكر و التقدير

الأعضاء أصحاب المواضيع الفعالة بذلوا الكثير من الجهد و الوقت لكتابة و الاهتمام بمثل هذه المواضيع و نقل تجاربهم و الرد على استفسارات الأعضاء و أسئلتهم


و هنا تكمن المشكلة

ارضاء الأعضاء الجدد
و ارضاء الأعضاء الفاعلين
و تنفيذ نتيجة الاستفتاء

الادارة أكيد يهمها حاجتين

راحة الأعضاء

و نمو المنتدى و ازدهاره

و الحاجتين لمصلحتنا كلنا

كلما ازدهر المنتدى تعارفنا على أعضاء أكثر و خبرات أكثر

و الخطأ الوحيد هو موضوع الاستفتاء من الادارة قبل التقسيم

كان المفروض نعمل التقسيم الأول و بعد كده الاستفتاء

و هذا رأيى البسيط

تحياتى لكل أعضاء الادارة و تحياتى لكل أخوانى و أخواتى الأعضاء

 

 

[اونست]

اقتباس المشاركة الأصلية كتبت بواسطة Dr-Alrefa3y كنت اتمنى البقاء على نظام التقسيم لسهولة الوصول للمعلومة حاليا اصبح البحث شاقا عموما لى اقتراح للادارة ولا ادرى اذا كان ممكنا ام لا اتمنى تفعيل خاصية تجاهل بعض المواضيع على شاكلة تجاهل الاعضاء بمعنى هناك مواضيع معينة ليست لى رغبة انى اشوفها كلما دخلت الباب فهعملها حجب وفى القائمة تظهر لى المواضيع ذات اهتمامى فقط وبذلك يصبح الخيار فى يد العضو ....

جميلة فكرة تجاهل المواضيع دي
ياريت يكون ممكن كده
بس أظن البديل ليها دلوقتي حفظ المواضيع المهمة في قائمة المفضلات

 

 

[اونست]

بالنسبة للتقسيم

رأيي المتواضع اننا ممكن نتغلب على المشكلة دي بالحلول الأتية:

1- قسم دليلك للهجرة الى كندا لما يكمل ان شاء الله بعد ما أعضاء أفاضل عملوا فيه مواضيع بدون مشاركات هيحل جزء من المشكلة وبالتالي هيكون العضو الجديد أو الزائر لو حب يبحث عن معلومة بسهولة هيدخل هناك علطول وبالتالي نبقى حلينا مشكلة العضو الجديد والعضو اللي بيحبث عن معلومة فقط أو وقته ضيق

2- فيه مواضيع بتكون متكررة زي المعادلات أو الفرنساوي أو مواضيع قديمة ممكن تتدمج مع بعض أو تتنقل ل الأرشيف وبكده يكون فيه توبيك واحد فقط لكل مهنة من المعادلات او اللغة ...إلخ موجود في المنتدى الرئيسي

3- الموضوعات المثبتة : ممكن نقللها شوية ويكون موضوع واحد أو أتنين فقط مثبتين وممكن نغيرهم كل شهر مثلا (كان فيه كده زمان الاعضاء بيرشحوا موضوع للتثبيت)

خالص التحية للادارة وبنشكرهم على تعبهم ويجازيهم خير عليه ان شاء الله

 

 

[Migratory]

اقتباس المشاركة الأصلية كتبت بواسطة kodo ا/ Migratory علي الرغم اني موجهتش الكلام لشخص محدد لكن اتكلمت بصفة عامة عن احترام الرأي الاخر ممكن حضرتك توضحلي ايه المقصود بالجملة اللي في الاقتباس و حضرتك موجه الكلام لمين بدون الدخول في حوار جدلي حول الدفاع عني رأي او معارضة رأي حضرتك لان كل واحد حر ما لم يضر ممكن حضرتك تساعد في تنظيم المنتدي بخبرتك الطويلة في المنتديات ( زي ما سبق و وضحت) عن طريق تنقية الموضوعات المهمة من المداخلات الغير مهمة زي ما سبق و حضرتك اقترحت في موضوع سابق و هنكون شاكرين جدااا لمجهوداتك و شكرعلي النصيحة ربنا يوفقنا جميعا في النهاية ده رأى شخصي لا الزم به احد

مدام كودو

لما بحصل اللي حصل استفتاء عام من قبل الإدارة انتهى بموافقة الجميع على التقسيم ثم طرح استفتاء آخر (ليس من قبل الإدارة) ثم تقوم الإدارة بالاخذ بنتيجة الاستفتاء الثاني بدون الرجوع للأعضاء ................ تبقى هزلت ولا شو ؟؟؟؟

بالنسية لباقي لتنقية المواضيع فيمكن بكل بساطة حذف المشاركات التي كلها رغي والابقاء على المداخلات المفيدة فقط وطبعا بعد عمل استفتاء على هذا الخيار كون المشاركات مهما كانت تافهة فهي ملك اصحابها ويجب استئذانهم قبل حذفها.

أما عني

فاعلن انسحابي من هذا المنتدى الكريم حتى اشعار آخر وحتى يتبين لي أن لي (كعضو) رأي تحترمه الادارة وليس مجرد عدد في قائمة الأعضاء.

وفقكم الله لما فيه الخير

اشوف وشكم بخير

 

 

[دنتستاوي]

اقتباس المشاركة الأصلية كتبت بواسطة Migratory مدام كودو لما بحصل اللي حصل استفتاء عام من قبل الإدارة انتهى بموافقة الجميع على التقسيم ثم طرح استفتاء آخر (ليس من قبل الإدارة) ثم تقوم الإدارة بالاخذ بنتيجة الاستفتاء الثاني بدون الرجوع للأعضاء ................ تبقى هزلت ولا شو ؟؟؟؟ بالنسية لباقي لتنقية المواضيع فيمكن بكل بساطة حذف المشاركات التي كلها رغي والابقاء على المداخلات المفيدة فقط وطبعا بعد عمل استفتاء على هذا الخيار كون المشاركات مهما كانت تافهة فهي ملك اصحابها ويجب استئذانهم قبل حذفها. أما عني فاعلن انسحابي من هذا المنتدى الكريم حتى اشعار آخر وحتى يتبين لي أن لي (كعضو) رأي تحترمه الادارة وليس مجرد عدد في قائمة الأعضاء. لي تعليق بسيط على الكلمتين دول اللي معلم عليهم اللي طرح الموضع للاستفتاء كان دكتور قناوي وهوه لو حضرتك مش عارفه موديراتور سابق هنا وترك الاداره لمشاغله يعني راجل محترم جدا وياما افاد المنتدى ولولا مشاغله كان زمانه لسه موديراتور زي ماهواا كيف تتجاهل الاداره رأيه ؟ حضرتك في النقطه التانيه بتطلب الاداره انها تحترم رأيك فكيف تطلب منها تجاهل رأي اي عضو اخر وخصوصا انه كان موديراتور سابق وفقكم الله لما فيه الخير اشوف وشكم بخير

لو حد حذف مداخلتك في اي موضوع هتزعل ولا لأ .. يبقى لما حد يطلب منك تنقيه الموضوع من المداخلات وعمل مختصر يبقى تزعل وتقول انا هسيبكم

رغم اني حزين من رجوع المنتدى لسابق عهده بس مانسيتش ابدا قواعد الالتزام وانا بتكلم مع اي حد هنا ولا هددت بانسحابي ولا حاجه

حضرتك مشاركتك اللي فاتت عنيفه اوي ياريت تراجع نفسك وحضرتك تطرح افكارك بدون انفعال

موفق بإذن الله ... لك مني أجمل تحية .

 

 

[ياسر جعفر]

الغاوى و إللى ناوى ... ما بيغلبش

 

 

[elmadysm]

دعوه لموضوعي

CharlesSwide

هذا هو الشكل الذى تعودنا عليه لسنوات
ماينفعش واحد لسه مشترك و يكون رايه ذى واحد قضى ساعات من عمره فى خدمة المنتدى