روح التعاون تبتدي من ها في المطاريد...اعملوا زي اللي في وينيبج

[shawi]

الصحف المصرية والعربية

في مشاركات أخرى كتبت ولما وجدت التفاعل أردت أن اضعها في صفحه مستقله لتكون أمام كل الزائرين بشكل ملفت

زمان ايام الدراسه في منوف
كان فيه زمايل لينا من فلسطين
كل سنه اما تيجي دفعه جديده من الدارسين كانو بييجوا بالصليب الأحمر من قطاع غزه
الناس اللي قبليهم بيروحوا يستقبلوهم في العباسيه وفي اسكان جامعه عين شمس علشان كان بيتعمل حجر صحي 3 ايام ليهم وبتتعمل ليهم بطاقات الاقامه وتعريف الشخصيه
المهم
الناس القدامى كانو بيشكلوا لجنة استقبال تحتضن القادمين الجدد وبتوزعهم على مساكن الطلبة الأقدم لغاية ما يتم ترتيب تأجير شقق جديده ليهم او سكنهم مع ناس قدامى عندهم متسع بسبب تخرج ناس اقدم واودهم فضيت وكانوا بيجيبوا المحاضرات اللي فاتتهم وبيرتبوا ليهم ناس من المتفوقين يساعدوهم في مذاكرة اللي فاتهم علشان يلتحقوا بالدراسة مرتاحين من غير ضغوط نفسيه.....وكانوا دايما متفوقين ومنهم اوائل في بعض الدفعات.

اقتراحي هو التالي
الناس المشاركه في المنتدى تشكل لجنه وظيفتها النظر في حالات اعضاء المطاريد القادمين الجدد ووضع لائحة بمواعيد القدوم التقريبية وأماكن النزول المطلوبه او المبدئيه
التواصل مع الاعضاء القادمين في عملية الترتيب من كل النواحي عدد افراد الاسره السكن المرغوب الخ
عرض الصعوبات على أعضاء المنتدى الآخرين لعل منهم من لديه امكانية تذليل بعض او كل الصعوبات

إن هذا يجعل من عائلة المطاريد متجانسه ومتكامله

لم اشا أن اضع اقتراحي مستقلا في مشاركه بل اردته امتدادا لهذا الموضوع حتى لا يقال ان من استفاد من المنتدى نسيه فيما بعد فقد يكون لديه امكانية إفادة آخرين
ولنجعل في هذا اليوم المبارك يوم القدس والليلة المباركة ليلة القدر بداية لتطبيق هذه الفكره

إذا البداية ان نضع لجان استقبال في كل محافظات كندا اقصد مقاطعاتها ربما تكون هناك مشاركه او أكثر متشابهه في الموضوع لكن يجب تثبيت مشاركة اسماء اللجان ووسيلة التواصل معها بحيث كل مستجد في منتدى المطاريد يستطيع ان يراها ويتواصل معها
سواء التراسل للاستفادة او التراسل لترتيب الاستقبال وبقية لوازم القدوم حتى انه يمكن عمل لائحة بشقق وبيوت مع اسعارها متوفرة للتاجير

ومع خالص تحياتي للجميع



Read more: https://www.almatareed.org/vb/showthr...#ixzz1WEllh4Da

الناس اللي في وينيبج قدرت والحمدلله خلال السنتين اللي فاتوا تبدا تعبر الأزمه دي

الحمدلله على الاقل في تجمعات من عشر عائلات في كل تجمع وابتدوا يغيروا السكن وعلى الأقل عيلتين او ثلاثت بيسكنوا جنب بعض سواء في نفس العماره او الشارع

ووالله وده يمين احلفه بصدق

شفت ناس بتبعت العيل يجيب ثوم والا ملح والا.....لأنه خلص وفيه أكل عالنار ومش ممكن نسيبه ولا نروح نجيبه لان الطبخ حيبوظ على ما نجيبه

وشفت ناس بتسيب العيال عند جيرانهم لأنهم رايحين العياده او مشوار للمدرسه ومش حنحمل العيله الثلاث اطفال او الاربع وكلهم صغار في البرد علشان واحد منهم

اما الولاده
فصدقا في وينبج اتعمل دور من تقريبا عشره
كل واحده تطبخ يوم على مالوالده تشد نفسها
ده غير زيارتها في المستشفى والبيت

هذه دعوه للاتجاه نحو وينيبج مانيتوبا وبكل صدق حتلاقوا نفسيكم في البلد.

بس لازم تستحملوا البرد لان الحراره بتنزل الى ناقص 42 اتنين واربعين مش اربعه وعشرين وما حدش يدور على مباهج الحياة المدنية الموجودة في المدن الكبيره...فنحن نتناساها

المسجد ( مسجد ويفرلي ) لأن فيه خمسة مساجد في وينيبج.

اتعملت فيه مدرسه بتعلم عربي ودين وتتبع منهاج مصر في المدارس الابتدائيه الله يبارك في الدكتور السلكاوي ( المنوفي يا ضبش ) البروفيسور في الهندسة في جامعه مانيتوبا اللي اعطى وقت وجهد كبير من وقته تطوعا لجعل هذه المدرسه مناره هو وزوجته رغم مشاغلهم الله يبارك لهم وفيهم وفي اولادهم وفي كل من مد يد للتطوع والمساعده

ليسوا وحدهم ولكن لا يسعفني الزمان في أن أذكر كل الأسماء ومعظمهم دكاتره وبروفيسورات ضحوا بالوقت في أيام أجازاتهم لخدمة هذا المجتمع الصغير ربنا يبارك فيهم.
والحمدلله فيه نماذج حلوه كثير وطلبه ممتازين دراسيا ودينيا

للاسف انا لم ار أخواننا الأقباط أقصد لا أعرف ما يقومون به من عمل اجتماعي، وياريت لو حد يقرا كلامي منهم يفيد بما يمكن عمله فالكلام هنا للجميع من المطاريد بغض النظر عن الجنسية والدين فكلنا مغتربين......بس انا شايف منهم ناس وبيسكنوا في عمارات جنب بعض يعني التعاون الاجتماعي واضح فيما بينهم.
في العياده الدكتوره حاطه اعلان بتاع مهندس وسيط عقارات من مصر قبطي يعني هي دي روح التعاون المطلوبه لازم نكون مع بعض جاليات متجانسه متماسكه مع اكتساب المفيد من البلد الذي جئنا له من أجل حياة كريمه.

إذا أم سيف كل ما تفضلتي به صحيح ....ولكن بالهمة العالية وروح العطاء ... يمكن أن نعلوا ونسموا ونتخطى ذلك


لا ادري هي روح المنوفيه......التي سبق وذكرتها عن أخواننا من فلسطين في مشاركتي أعلاه .....الذين درسوا في المنوفيه.....يبدوا أنها موجودة في أهلها وانهم طبقوها

فلتحذوا حذو المنايفه وساعدوا بعضكم دون النظر لأي مردود شخصي.........



Read more: https://www.almatareed.org/vb/showthr...#ixzz1WEn0i96h

 

[om saif]

ربنا يبارك لكل اللى يحط لبنه فى طريق التعاون

هو ده الصح
صدقنى انا ساكنه بنفس واحده من المطاريد واحنا الحمد لله متعاونين وايد واحده
وكمان اللى بيسال على المطاريد بادورله بنفس بنايتى
اللى بنقدر عليه بنعمله و لا يكلف الله نفسا الا وسعها
وصدقونى هنا بنعمل ثواب قد ما نقدر عشان ربنا بيرد اللى بنعمله فى صحتنا وعيالنا وكل شيء
الحمد لله وربنا يديم التعاون على الكل

 

 

[shawi]

من وحنا صغيرين كنا بنسمع المثل ده

الجار قبل الدار

ما ذكرته أم سيف وما ذكرته أنا في مداخلتي ربما يكون ذو فائده كبرى على الأقل في سنوات الهجرة الثلاثة الأولى إلى أن تستقر أحوالك وتنتظم معيشتك وترتب أمورك ....
خد خبرة من سبوق حيسهلوا عليك حياتك
وجيرتهم في البدايات ستساعدك في أن لا تصيبك الكآبه والضغوط النفسيه
صحيح البعض لا يريدون أن ينفتحوا على الآخرين خاصة إذا شعروا أنهم سيتدخلون في أمورهم الحياتيه
ولكن هذه أيضا يمكن وضع حدود لها لكنك لن تستغن عن جار يصبح عليك وأنت في المصعد أو يطمئن عليك أو تخرج معاه في رحله للحديقة بينما الأولاد يلعبون في المراجيح
يمكن الدخول على البريد\ الخاص وتبادل العناوين يساعد في التعارف فلربما كنتم تسكنون في شارع واحد ولا تلتقون
على الاقل حددوا
مين ساكن مسيساجا على سبيل المثال في جماعة تورنتو ولاشك ان لندن اونتاريو تقول الاحصائيات ان بها 70 الف مسلم.... ومن ثم يبدا التقسيم مين ساكن الحى الفلاني ومن بعدها تبدا اللقاءات والتعارف
الى الملتقى

 

 

[مييزو]

أنا بجد مش لاقى من الكلام ما أوصفه عن روعة وجمال المشروع ده ربنا يوفقنا ويوفقكم جميعا انا عاوز اقولكم انا ليا قريب فى كندا تعب من معاملة المصريين فى كندا وكان فى ألبرتا من الحالة النفسية اللى وصل لها ساب الولاية لأنه ملقاش تعاون ولا ود ولا حب وانتقل حاليا لولاية نيوبرونزويك فى شرق كندا انا دورت هنا ملقتش مطاريد هناك خالص و أنا إن شاء الله هنزل هناك لاندنج
لما كلمته على المنتدى كان مبسوط جدا جدا بيه وان شاء الله هقدمه ليكوا هنا قريب على صفحات المنتدى عشان يتكلم ويفضفض شوية لأن أنا نفسى حد يرفع من معنوياته ويتواصل كمان معاكوا بما يفيد المطاريد نيوبرونزويك من الولايات الجميلة و الريفية الرائعة و شبه ساسكاتشوان و مانيتوبا لكن نسبة الرطوبة هناك عالية جدا بتوصل ارتفاع الثلج ل3 أمتار فى الشتا و مفيش مصريين هناك تماما برغم انها ولاية غنية اتمنى ان شاء الله تجاوب كبير مع المطاريد واقتراح فى محله اتمنى له التوفيق

 

 

[shawi]

من اوائل الدروس التي نتعلمها في محاضرات المهاجرين الجدد
العمل التطوعي
واذا نظرنا لمجتمعاتنا من حيث اتينا نجد العمل التطوعي موجود فيها
لكن،،،،ربما،،،،الظروف الماديه التي تصيب القادمين الجدد بسبب تأخر الحصول على عمل تضعهم في خانة المتخلفين او المرجفين.
لكن بإذن الله سيتغير الامر مع الوقت في وجود الأعضاء الكرام هنا

 

 

[elmadysm]

دعوه لموضوعي

CharlesSwide

المصريين مشرفينا فى كل مكان
وتسمع : صاحب المصرى و ابعد عن الاخرين
وسيرتهم على كل لسان بالخير طبعا
ماشاء الله
مفيش مصرى ضرب اسفين فى مصرى
مفيش مصرى يضحك عليك
مفيش مصرى يخدعك
مفيش مصرى نصاب
مفيش مصرى بعد ما ياخد مصلحته يبيعك
مفيش مصرى الا وتلاقيه شهم
مفيش مصرى الا وتلاقيه راجل وعند كلمته
الا القله القليله المندثه وسط المصريين

 

 

[مييزو]

اقتباس المشاركة الأصلية كتبت بواسطة elmadysm المصريين مشرفينا فى كل مكان وتسمع : صاحب المصرى و ابعد عن الاخرين وسيرتهم على كل لسان بالخير طبعا ماشاء الله مفيش مصرى ضرب اسفين فى مصرى مفيش مصرى يضحك عليك مفيش مصرى يخدعك مفيش مصرى نصاب مفيش مصرى بعد ما ياخد مصلحته يبيعك مفيش مصرى الا وتلاقيه شهم مفيش مصرى الا وتلاقيه راجل وعند كلمته الا القله القليله المندثه وسط المصريين

للأسف كلام حضرتك صح 100 فى الميه بالعكس طبعا معرفش ليه كده؟ مع أن المفروض يبقى فيه روح تعاون وحب للخير بس هى المشكلة فى التربية المهم أن ده ممكن يتغير طبعا بمصاحبة رفقة طيبة زى أعضاء المنتدى هنا لو لقينا نماذج مشرفة وقدوة وناس تعلمنا العمل التطوعى أكيد هنتغير للأحسن وهنساعد غيرنا بإذن الله والفكرة عموما اللى طرحت هنا ممتازة ووالله العظيم هتفرق مع ناس كتير جدا لأن الحياة بدون اجتماعيات خصوصا فى بلاد الغربة تعتبر موت الواحد ممكن يسلى نفسه بأى حاجة مع الأسرة لكن لو أسرة لوحدها كده وسط ناس مختلفة فى العادات والتقاليد هتعانى جدا جدا

 

 

[elmadysm]

دعوه لموضوعي

CharlesSwide

اقتباس المشاركة الأصلية كتبت بواسطة مييزو للأسف كلام حضرتك صح 100 فى الميه بالعكس طبعا معرفش ليه كده؟ مع أن المفروض يبقى فيه روح تعاون وحب للخير بس هى المشكلة فى التربية المهم أن ده ممكن يتغير طبعا بمصاحبة رفقة طيبة زى أعضاء المنتدى هنا لو لقينا نماذج مشرفة وقدوة وناس تعلمنا العمل التطوعى أكيد هنتغير للأحسن وهنساعد غيرنا بإذن الله والفكرة عموما اللى طرحت هنا ممتازة ووالله العظيم هتفرق مع ناس كتير جدا لأن الحياة بدون اجتماعيات خصوصا فى بلاد الغربة تعتبر موت الواحد ممكن يسلى نفسه بأى حاجة مع الأسرة لكن لو أسرة لوحدها كده وسط ناس مختلفة فى العادات والتقاليد هتعانى جدا جدا

الفكرة ممتازة

و احنا بنتحمس فى الاول و بعدين نهبط

على مدى سنتين فى كندا باحاول بكل الطرق
و قبلى المهندس ياسر لسنوات

اجتماعات
بحث عن سكن
حل مشكله عنوان البى ار
غير الاستشارات التليفونية
و غيرها

والنهايه : جاى العيد وكل واحد لواحدة

ايه رايكم ؟؟؟؟؟؟؟؟؟؟؟؟؟؟؟

 

 

[shawi]

انا قلت من البدايه اجتمعوا في العيد على بوت لاك
كل واحد يجيب اكله من عنده
الجو اهه حلو وجميل
استمتعوا وتناقشوا على افضل السبل لعمل خيري تطوعي
والبدايه اهي نواه بنزرعها وان شاء الله تكبر وتنموا

 

 

[MFaisal]

المنايقة دايما رافعين راس مصر فى العالى


متهيألى المناطق القريبة للمساجد تبقى أحلى مناطق تجمع للعائلات .
الواحد لو راح كندا هيبقى حريص انه يسكن قريب من مسجد أو مركز اسلامى .