الى كل من يؤكد حاليا ان الفاعل لجرم الإسكندريه خارجي و غير مسلم...حنانيكم

[No Body]

اقتباس المشاركة الأصلية كتبت بواسطة لى لى احبائى كلكم واخوانى واخواتى الاعزاء احنا حلوين اوى مع بعض مسلمين ومسيحين - فى مصر وكل شوية يظهرلنا صورة القسيس مع الشيخ وكل شوية نهنى بعض ف الاعياد ومفيش اى حاجة وحشة خالص واللى بيحصل داه واحد بعتلنا العربية هدية من باكستان بالرجالة اللى فيها بالمفرقعات واحنا طيبين و ما نعرفش نعمل البغضاء دي - لا احنا كبلد ايد واحد انشالله والحمدالله كد حلو الكلام تحبو انزلكم بفيديو كليب محمد ومينا ولا حسين وجرجس ليه مش عاوزين نفوق لازم نشخص المرض علشان ندور على العلاج يا جماعه كفاية شعارات دا انت لو جبت عيال الحضانة حيقولك المسيحي بيدخل النار مين عرفهم القصص دى - طب يا ابنى يا اللى اسمك حمادة مين عرفك ان بيتر حيدخل النار الواد يرد علشان هو مسيحي حيدخل النار - وانت يا بيتر ليه مش عاوز تكلم حمادة اه اصله مسلم وماما قالتلى ابعد عن المسلمين و خلينا فى حالنا فوقو بقى هى دى الحقيقة - حسبي الله ونعم الوكيل

حسبي الله ونعم الوكيل فعلاً

يا لي لي

طول عمر الأطفال الصغيرين بيتقالهم الكلام ده

المسلمين وحشين والمسيحيين حايدخلوا النار

حصل إيه قبل كده ...

العيال كبرت واتقلبوا إرهابيين بيدبحوا في المسيحيين ... ما حصلش

شوية الحوادث الفردية القديمة تم السيطرة عليها واجتثت جذورة الجماعات المتطرفة من التمانينات

زمان وأنا صغير كانوا بيقولولي المسيحي كافر بديننا عشان كده حايدخل النار

سبحان الله دلوقتي شركائي مسيحيين !!!!

مش عارف ازاي

ما هو يا أنا حا أخدهم معايا الجنة اللي أنا ضامنها ... ياهما حايأخدوني النار اللي داخلينها ( من أحب قوم حُشر معهم )

يا لي لي

تأجيج الفتنة وإذكاء نار الكراهية وفضح مكنون القلة الغير واعية والجاهلة هو ده بعينة اللي بيؤدي للفرقة واستنفار الطاقات التخريبية لدى ضعاف النفوس ومرضى العقيدة

شوفي الفيديو بتاع المظاهرة والوقفة الاحتجاجية وشوفي تلقائية ومصداقية الولاد والكبار والمصحف مع الصليب ...

تقدري تقوليلي الناس دي طلعت من بيوتها ليه ....

عشان يتصوروا ... آه

 

[Raouf]

اوباااااااااااا
زى ما توقعت بالضبط
مواجهة النفس اصعب المواجهات
طالما مش هنواجه
يبقى قشطة
كل المسيحيين ملايكة
و كل المسلميين ملايكة
و الناس الوحشة اللى بتعمل كدة من برة و مش مننا
و الناس بتحب بعض
و الناس زى الفل
و المسيحى و المسلم ايدهم فى ايد بعض

 

 

[haya]

ماهو مش وقته يا رؤؤف
انا هايا عملتك ايه ؟
انت يا رؤف بتكرهني؟
انت شايف اني بأكرهك ؟
طيب فيه كام واحد مننا هنا حاسس زي كدة
فيه كام واحد في الفيس بوك من اصحابي واصحابك واصحابنا حاسس بده ؟
ولادي لما سألوني ليه يا ماما بيموتوا الناس وهما بيصلوا ؟
حكيت لهم الحكايه براحة اوي وبكل سهولة لقيت البنت بتقولي يا ماما حرام يموتوا يوم العيد وهما لابسين جديد ..

باحب اصلي الجمعه في المسجد لما ظروفي تسمح...مرة شيخ الله يهديه قال ان التعييد على المسيحين في عيدهم حرام ...احساسي واعتقادي وعقلي وعاداتي وتربيتي عكس كلامه ده ولاني عارفه ان كتير من شيوخ المساجد مقادين من ساسه البلد وحتى اختيارهم ما بيكونش بكامل العنايه كان من الطبيعي اني ادخل الكلام من ناحيه واطلعه من الناحية التانية ..واول ما شوفت صاحبه عمري وانا خارجه من المسجد وقفنا حكينا وضحكنا من غير لا كره ولا توتر
ومتاكدة كمان ان في رجال دين في بعض الكنائس بيشحنوا المسيحين بنفس الطريقة
واخرهم الانبا بيشوي وتصريحاته
اذا كان احنا شايفين ده بعينيا يبقى ليه نضرب في بعض وما نكونش على درجه من الوعي اللي تخلينا نقول لا ..هانقف جنب بعض ..على الاقل يا سيدي اللي بيحبوا بعض واللي مش بيكرهوا بعض يمكن الباقيين لما يشوفونا يحسوا ان احنا الاصح

وبعدين التوتر اساسه احساس المسيحين بالظلم في شئون كلها تخص الدولة ما تخصينيش انا
مشكلتهم الكبيرة مع النظام زيينا بالضبططط انا ماعنديش مشكله معاك ولا مع اي مسيحي ولا عمري حسيتها ..ليه بالعافيه بنفضل نقول ونكرر الكره الكره الكره ليييييييه

 

 

[Raouf]

اقتباس المشاركة الأصلية كتبت بواسطة haya ماهو مش وقته يا رؤؤف انا هايا عملتك ايه ؟ انت يا رؤف بتكرهني؟ انت شايف اني بأكرهك ؟ طيب فيه كام واحد مننا هنا حاسس زي كدة فيه كام واحد في الفيس بوك من اصحابي واصحابك واصحابنا حاسس بده ؟ ولادي لما سألوني ليه يا ماما بيموتوا الناس وهما بيصلوا ؟ حكيت لهم الحكايه براحة اوي وبكل سهولة لقيت البنت بتقولي يا ماما حرام يموتوا يوم العيد وهما لابسين جديد .. باحب اصلي الجمعه في المسجد لما ظروفي تسمح...مرة شيخ الله يهديه قال ان التعييد على المسيحين في عيدهم حرام ...احساسي واعتقادي وعقلي وعاداتي وتربيتي عكس كلامه ده ولاني عارفه ان كتير من شيوخ المساجد مقادين من ساسه البلد وحتى اختيارهم ما بيكونش بكامل العنايه كان من الطبيعي اني ادخل الكلام من ناحيه واطلعه من الناحية التانية ..واول ما شوفت صاحبه عمري وانا خارجه من المسجد وقفنا حكينا وضحكنا من غير لا كره ولا توتر ومتاكدة كمان ان في رجال دين في بعض الكنائس بيشحنوا المسيحين بنفس الطريقة واخرهم الانبا بيشوي وتصريحاته اذا كان احنا شايفين ده بعينيا يبقى ليه نضرب في بعض وما نكونش على درجه من الوعي اللي تخلينا نقول لا ..هانقف جنب بعض ..على الاقل يا سيدي اللي بيحبوا بعض واللي مش بيكرهوا بعض يمكن الباقيين لما يشوفونا يحسوا ان احنا الاصح وبعدين التوتر اساسه احساس المسيحين بالظلم في شئون كلها تخص الدولة ما تخصينيش انا مشكلتهم الكبيرة مع النظام زيينا بالضبططط انا ماعنديش مشكله معاك ولا مع اي مسيحي ولا عمري حسيتها ..ليه بالعافيه بنفضل نقول ونكرر الكره الكره الكره ليييييييه

يا هيا
هو ليه الكل محطوط فى نفس الكاتيجورى
يعنى لما اقول فيه متطرفين مسيحيين يبقى كل المسيحيين متطرفين
و ليه لما اقول ان فى مسلمين متطرفين يبقى انا باتهم كل المسلمين
طبعا لأ
مش عارف ليه الكل فاكر انى لما باتهم حد بالتطرف باتهم دينه
ماهو انا كدة باتهم دينى انا كمان
له كل واحد حس انى باتهمه هو
كأنى باقول هيا اللى فجرت او اى حد تانى
طبعا لأ
لكن ده مايمنعش ان فيه متطرفين
و المشكلة ان صوتهم عالى و بيأثروا فى الشباب الصغير من المسيحيين و المسلميين
ارجوكم عدم ربط الدين بالموضوع ده
الدين حاجة و التطرف حاجة
التطرف هى مشكلتنا
ازاى نربى جيل وسطى معتدل
فالطريق الوسطى خلصت كثيرين
مش عارف وصلت وجهة نظرى ولا لأ

 

 

[Raouf]

كمان عايزة رأيى
هو ده الوقت اللى نناقش فيه القضية دى
كلنا لسة مكتوين بعمل متطرف و دم الضحايا مابردش
يبقى ده الوقت المناسب لمناقشة قضية التطرف
و دورنا اننا نلاقى حلول للقضية
ازاى نعلم ولادنا يحبوا الاخر دون النظر الى دينه او جنسه او لونه
ازاى نبقى شعب معتدل
ازاى نبقى امة تشهد بأخلاقها الامم
و نبقى بلد ملهاش مدخل يقدر عدو يدخل منه
هو ده الهدف
اننا نعود لاخلاق الماضى
ايام جدى و ابى و حبهم للاخر بلا تمييز
تحياتى

 

 

[sincere]

اقتباس المشاركة الأصلية كتبت بواسطة haya ماهو مش وقته يا رؤؤف انا هايا عملتك ايه ؟ انت يا رؤف بتكرهني؟ انت شايف اني بأكرهك ؟ طيب فيه كام واحد مننا هنا حاسس زي كدة فيه كام واحد في الفيس بوك من اصحابي واصحابك واصحابنا حاسس بده ؟ ولادي لما سألوني ليه يا ماما بيموتوا الناس وهما بيصلوا ؟ حكيت لهم الحكايه براحة اوي وبكل سهولة لقيت البنت بتقولي يا ماما حرام يموتوا يوم العيد وهما لابسين جديد .. باحب اصلي الجمعه في المسجد لما ظروفي تسمح...مرة شيخ الله يهديه قال ان التعييد على المسيحين في عيدهم حرام ...احساسي واعتقادي وعقلي وعاداتي وتربيتي عكس كلامه ده ولاني عارفه ان كتير من شيوخ المساجد مقادين من ساسه البلد وحتى اختيارهم ما بيكونش بكامل العنايه كان من الطبيعي اني ادخل الكلام من ناحيه واطلعه من الناحية التانية ..واول ما شوفت صاحبه عمري وانا خارجه من المسجد وقفنا حكينا وضحكنا من غير لا كره ولا توتر ومتاكدة كمان ان في رجال دين في بعض الكنائس بيشحنوا المسيحين بنفس الطريقة واخرهم الانبا بيشوي وتصريحاته اذا كان احنا شايفين ده بعينيا يبقى ليه نضرب في بعض وما نكونش على درجه من الوعي اللي تخلينا نقول لا ..هانقف جنب بعض ..على الاقل يا سيدي اللي بيحبوا بعض واللي مش بيكرهوا بعض يمكن الباقيين لما يشوفونا يحسوا ان احنا الاصح وبعدين التوتر اساسه احساس المسيحين بالظلم في شئون كلها تخص الدولة ما تخصينيش انا مشكلتهم الكبيرة مع النظام زيينا بالضبططط انا ماعنديش مشكله معاك ولا مع اي مسيحي ولا عمري حسيتها ..ليه بالعافيه بنفضل نقول ونكرر الكره الكره الكره ليييييييه

الكلام الموزون ده هو كلام الفطرة و العقل و هي دي الحقيقة يا ناس

 

 

[فــيــروز]

اقتباس المشاركة الأصلية كتبت بواسطة Raouf اوباااااااااااا زى ما توقعت بالضبط مواجهة النفس اصعب المواجهات طالما مش هنواجه يبقى قشطة كل المسيحيين ملايكة و كل المسلميين ملايكة و الناس الوحشة اللى بتعمل كدة من برة و مش مننا و الناس بتحب بعض و الناس زى الفل و المسيحى و المسلم ايدهم فى ايد بعض

برغم عدم وجود تقاطع بينى و بين حضرتك من قبل بس أنا فعلا مصدومه من هذه المداخله و محبطه جدّا ..
لم يقل أحد إن الأمور إشطه وعلى حسب ما تعى ذاكرتى محدّش أنكر إن فيه مشاكل تحتاج تدخّل و معالجه .. بس مش عارفه ليه المداخله دى و مداخلات "لى لى" فيها قدر من التطرّف فى النظر للموقف و يا إمّا يبقوا الطرفين بيكرهوا بعض و مستنيين بعض بالشوم و السكاكين و نتقبّل نحن هذا دون نقاش يا إمّا يتفهم إن الأمور إشطه و حلويات !! هو مفيش وَسَط ليه !!

حضرتك -لست متأكّده بصراحه- صاحب الاقتراحات التاليه صحّ؟

اقتباس الخطوة الاهم اللى لازم تحصل ان كل المتطرفين اللى صوتهم عالى فى كل المنابر يتم اجبارهم على السكوت بقة و اعطاء الفرصة للوسطيين و المثقفين انهم يتكلموا و صوتهم ما يضعش وسط كل الزعيق و اخيرا حلول من الحكومة اللى مش عارف بتعمل ايه لحل مشاكل المواطنة للمسيحيين و المسلميين 1 - زى قانون دور العبادة الموحد 2 - الاخوة المسلميين بيطالبوا الاديرة و الكنائس تتفتش يبقة الحكومة تأمر بتفتيشها علشان الرأى العام يعرف

طيب جميل ..
لو سلّمت مع حضرتك بعدالة هذه المطالب -وهى غالبا مطالب عادِله ليس عليها غُبار- نحن كمواطنين مسلمين فى هذا البلد ما الذى نملكه كى تتحقق؟ هو المواطن المسلم اللىّ بينضرب على قفاه فى الفسم هو المنوط بتحقيق المطالب دى أم الحكومه !! لماذا لم يعتكف البابا -كمجرّد مثال على الشخصيات القادره على الفعل- اعتراضا على عدم صدور القانون الموحّد حتى اليوم !!
لماذا تتعاملون معنا و كأنّنا لمجرّد اشتراكنا فى الدين مع معظم أعضاء الحكومه لنا يد فى مطالبكم يعنى هُمّا بيعاملوا المسلمين أحسن يعنى ولاّ كلّنا فى التلطيش و انتهاك الآدميه سواء !! ما الذى نملِكه كمواطنين مسلمين من قدره على الفعل ليست متاحه لكم !! أنا استغربت فعلا من مداخلات فى الموضوع الثانى تطالب المسلمين بالتحرّك و عدم الاكتفاء بالكلام !! ده على أساس إيه يعنى و لماذا تصوّر أن المسلمين لهم قدره غير متوفّره لشركاء الوطن !!

 

 

[Raouf]

اقتباس المشاركة الأصلية كتبت بواسطة فــيــروز برغم عدم وجود تقاطع بينى و بين حضرتك من قبل بس أنا فعلا مصدومه من هذه المداخله و محبطه جدّا .. لم يقل أحد إن الأمور إشطه وعلى حسب ما تعى ذاكرتى محدّش أنكر إن فيه مشاكل تحتاج تدخّل و معالجه .. بس مش عارفه ليه المداخله دى و مداخلات "لى لى" فيها قدر من التطرّف فى النظر للموقف و يا إمّا يبقوا الطرفين بيكرهوا بعض و مستنيين بعض بالشوم و السكاكين و نتقبّل نحن هذا دون نقاش يا إمّا يتفهم إن الأمور إشطه و حلويات !! هو مفيش وَسَط ليه !! حضرتك -لست متأكّده بصراحه- صاحب الاقتراحات التاليه صحّ؟ طيب جميل .. لو سلّمت مع حضرتك بعدالة هذه المطالب -وهى غالبا مطالب عادِله ليس عليها غُبار- نحن كمواطنين مسلمين فى هذا البلد ما الذى نملكه كى تتحقق؟ هو المواطن المسلم اللىّ بينضرب على قفاه فى الفسم هو المنوط بتحقيق المطالب دى أم الحكومه !! لماذا لم يعتكف البابا -كمجرّد مثال على الشخصيات القادره على الفعل- اعتراضا على عدم صدور القانون الموحّد حتى اليوم !! لماذا تتعاملون معنا و كأنّنا لمجرّد اشتراكنا فى الدين مع معظم أعضاء الحكومه لنا يد فى مطالبكم يعنى هُمّا بيعاملوا المسلمين أحسن يعنى ولاّ كلّنا فى التلطيش و انتهاك الآدميه سواء !! ما الذى نملِكه كمواطنين مسلمين من قدره على الفعل ليست متاحه لكم !! أنا استغربت فعلا من مداخلات فى الموضوع الثانى تطالب المسلمين بالتحرّك و عدم الاكتفاء بالكلام !! ده على أساس إيه يعنى و لماذا تصوّر أن المسلمين لهم قدره غير متوفّره لشركاء الوطن !!

يا فندم دائما يسعدنى التقاطع مع حضرتك
اللى حضرتك ذكرتيه ده عن الاقسام
و الضرب كلنا بنشترك فيه
و كلنا حقوقنا مهدورة بس القضية الطائفية قضية مهمة
تعرفى اننا لو حلينا المشكلة الطائفية دى و كل الطاقات المهدرة حول القضية دى هنوجه الطاقات و الجهود دى للاصلاح الاقتصادى و السياسى
ممكن الامور تتحسن جدا و بسرعة لا تتخيليها
لان الطاقات المهدرة فى القضية دى كتير فكريا و اقتصاديا
المسلمين و الامسيحيين وطن واحد ابتدى ينقسم من جواه انا مسيحى يبقى مكلمكش و انا مسلم يبقى مسلمش عليك
ليه كل القدر ده من الحذر
ليه بنبقى حذرين قوى و احنا بنتعامل فى القضية دى

 

 

[فــيــروز]

اقتباس المشاركة الأصلية كتبت بواسطة Raouf يا فندم دائما يسعدنى التقاطع مع حضرتك اللى حضرتك ذكرتيه ده عن الاقسام و الضرب كلنا بنشترك فيه و كلنا حقوقنا مهدورة بس القضية الطائفية قضية مهمة تعرفى اننا لو حلينا المشكلة الطائفية دى و كل الطاقات المهدرة حول القضية دى هنوجه الطاقات و الجهود دى للاصلاح الاقتصادى و السياسى ممكن الامور تتحسن جدا و بسرعة لا تتخيليها لان الطاقات المهدرة فى القضية دى كتير فكريا و اقتصاديا المسلمين و الامسيحيين وطن واحد ابتدى ينقسم من جواه انا مسيحى يبقى مكلمكش و انا مسلم يبقى مسلمش عليك ليه كل القدر ده من الحذر ليه بنبقى حذرين قوى و احنا بنتعامل فى القضية دى

إطلاقا واللهِ مش موضوع حذر من النقاش
هو فقط حذر من الوقوع فى فخّ أن نتعامل مع الموقف بوجهة نظر غير شامله أو أن يكون جهدنا فى اتّجاه مخالف أو مغاير للاتّجاه اللىّ مفرو كلّنا نبذل الجهد فيه ..
ما ذكرته عن موضوع الأقسام كان مجرّد مثال أن كلّنا فى القمع سواء .. اللىّ يقدر المواطن المسلم العادى اللىّ زى المواطن المسيحى العادى يقدر يعمله إنّه يربّى أولاده بما يرضى الله و بما لا يوغر الصدور .. لكن قانون موحّد و تساوى فى المناصب و الامتيازات و تفتيش أديره أو مساجد كلّها -للأسف- أمور خارج نطاق قدرتنا على الفعل ..

حقيقة ليس عندى حساسيه من نقاش الموضوع إطلاقا بس من غير تعميمات ممكن جدّا تضرّ بالنقاش بدلا من أن تجعله صحّى و مفيد -زى برنامج الأكل- و يثمر حلول مقبوله من الطرفين ..

 

 

[فــيــروز]

معلش عاوزه أضرب مثال تانى ..

من أيام صديق مسيحى على "فيس بوك" نشر نوت تتساءل عمّا يضايق المسلم من بناء كنيسه أو سماع جرسها يدقّ و هل فى الأمر ما يضايق أصلا

أنا كان ردّى أن الأمر قد يكون به ما يضايق لكن ليس من المسيحيين لكن من الحكومه

أيوه أنا باتضايق لأن الكنيسه مسموح بممارسة أنشطه فيها لا يسمح للمسلم أن يمارس مثلها فى المسجد

و باتضايق لأن من يواظب على الصلاه فى المسجد ممكن اسمه ينوّر كشوف أمن الدوله ..
و أشعر بقدر معتبر من الاضطهاد رغم أن المواطن المسيحى قد يستغرب أن المسلم شاعر بالاضطهاد !!

لكن فى النهايه أنا عارفه أن المواطن المسيحى مالوش ذنب فى ضيقى ده ولا هو المتسبب فيه و أن الموضوع كلّه بسبب الحكومه .. هذا ما أقصده من توجيه اللوم و الضيق و الغضب لمستحقيه وليس لمن ليس فى يدهم تغيير ما لا يُرضى