البورد الكندي للعلاج الطبيعى

[أهرامات الجيزة]

الصحف المصرية والعربية

بصي يا مدام حاتم

في واحد دكتور هنا ف المنتدى قال قبل كدة انه هاجر كندا وقبل ما يهاجر كان بيدور ع النت على وظائف للأطباء البشريين المهاجرين بدون إشتراط المعادلة الكندية (يعني شغل ف تخصصه بأي مرتب لحد ما تخلص المعادلة ) ولقى فعلا ناس بعتوا له كانت مستشفى ف كندا عرفها من موقع توظيف كندي ولما ورق الهجرة إستوفى وخد الفيزا راح على الشغل ده وكان معرفهم إنه هييجي بعد شهرين أو أكتر وهما قالوا مستنيينك ، على فكرة الدكتور دة كان معاه دكتوراه وكان عضو هيئة تدريس

ده اللي انا عرفته لكن عن تخصصك معرفش حاجة للأسف ،، أرجو أكون أفدتك

 

 

[مدام حاتم]

اقتباس المشاركة الأصلية كتبت بواسطة أهرامات الجيزة بصي يا مدام حاتم في واحد دكتور هنا ف المنتدى قال قبل كدة انه هاجر كندا وقبل ما يهاجر كان بيدور ع النت على وظائف للأطباء البشريين المهاجرين بدون إشتراط المعادلة الكندية (يعني شغل ف تخصصه بأي مرتب لحد ما تخلص المعادلة ) ولقى فعلا ناس بعتوا له كانت مستشفى ف كندا عرفها من موقع توظيف كندي ولما ورق الهجرة إستوفى وخد الفيزا راح على الشغل ده وكان معرفهم إنه هييجي بعد شهرين أو أكتر وهما قالوا مستنيينك ، على فكرة الدكتور دة كان معاه دكتوراه وكان عضو هيئة تدريس ده اللي انا عرفته لكن عن تخصصك معرفش حاجة للأسف ،، أرجو أكون أفدتك

اشكرك
انا عضو هيئة تدريس برده وفي الدكتوراه ودورت فعلا على النت عن وظائف في كندا لتخصصنا
بصراحة لقيت كتيييييييييييييييييييييييييييييييييييييييييييييييي يييييييييييييييييييييييييييييييييييييييير
وبالهبل
بس المطلوب ان يكون ترخيص مزاولة المهنة من كندا
مع ان كل الشروط مطابقة لية وزيادة كمان
وكنت نفسي انا والاعضاء اللى هما علاج طبيعي يعرفوا النظام ماشي ازاي وعلى الاقل ندرس هنا لحد ما نسافر ونروح نمتحن على طول اول ما نوصل هناك
مشكلة مهنتنا انها مطلوبة قوي هناك بس لازم ترخيص وعلشان الترخيص اعتقد لازم معادلة
ولا حد له راي تانى؟؟؟؟؟؟؟؟؟؟؟؟

 

 

[ehabtaher]

انا ماعرفش سكه الاخصائيين للعلاج الطبيعى
ولكن اطباء العلاج الطبيعى لازم يعادلو البكالوريوس الاول بامتحان mcce
ثم mccq1 and mccq2
ثم يدور على نيابه فى تخصصه ثم يدخل ال بورد الكندى بعد عدد معين من السنوات
وهذا ينطبق على جميع التخصصات

اما physiotherapy tech
اعتقد موضوعها سهل
واكيد ممكن يبقى فيه بريدجينج كورسز
ممكن تبقى البدايه من الموقع المختص باعطاء التراخيص
والاشتراطات المطلوبه
ومن ثم تطبيقها على الحاله
ومحاوله استكمال النواقص لو فيه

 

 

[shah]

بسم الله الرحمن الرحيم

الساده اخصائيين العلاج الطبيعي و الساده الاعضاء الكرام

لو في حد سالني يا شاه يا اخويا ازاي اشتغل اخصائي علاج طبيعي في كندا هاقوله

لو انت دارس في مصر

يبقي امامك خطوات تمشيها بالترتيب

حدد المقاطعه اللي انت رايحها الاول و هتعرف ليه بعدين

1- المعادله credentialig و دي مختص فيها مكان اسمه الاليانس allince of physiotherapy
و ده الموقع بتاعهم
https://www.alliancept.org/

المعادله دي عباره عن انك بتبعت للناس دول تفاصيل المواد اللي درستها بعدد الساعات
و همه يشوفوا اذا كان اللي درسته ده يوازي اللي الكنديين بيدرسوه و لا لا
( ملحوظه ممكن يطلبوا المنهج بتاع ماده معينه )

همه بيتبعوا نظام من خمس نقط راجع الموقع

طيب لو المواد موازيه و زي اللي الكنديين بيدرسوه ( و ده مش بعيد لان في هذا الموقف يجب ان نشكر العلاج الطبيعي المصري لانه له الترتيب الثالث علي مستوي العالم و المناهج متطوره )
يبقي ناقص كورس واحد اسمه canadian health care system النظام الصحي الكندي
و ده لازم هتاخده هتاخده لان انت دارس بره كندا و لان همه دول من دول العالم التالت فبيشددوا ان اللي يشتغل دكتور هناك لازم يبقي علي مستوي معين و فاهم النظام ماشي ازاي

و الكورس ده ممكن يتاخد اون لاين او في الجامعه
و ده رابط لجامعه رايرسون ryerson و الكورس ب 492 $
https://ce-online.ryerson.ca/ce_2009-2010/calendar/default.aspx?id=5&section=course&mode=course&ccode =CHSM%20301
و ممكن كمان تاخدها عند الاليانس

طيب لو المواد مش موازيه يبقي لازم تاخد كورسات في المواد اللي فيها عدد ساعات ناقص
و الاليانس هتدلك علي الاماكن اللي ممكن تاخد فيها بقيه الكورسات

و دي بقي بتاخدلها حوالي من 4 الي 22 اسبوع

و يبقي كده الحمد لله اول خطوه انتهت

لو الموضوع مفيد قولوا كمان

 

 

[shah]

اقتباس المشاركة الأصلية كتبت بواسطة ehabtaher انا ماعرفش سكه الاخصائيين للعلاج الطبيعى ولكن اطباء العلاج الطبيعى لازم يعادلو البكالوريوس الاول بامتحان mcce ثم mccq1 and mccq2 ثم يدور على نيابه فى تخصصه ثم يدخل ال بورد الكندى بعد عدد معين من السنوات وهذا ينطبق على جميع التخصصات اما physiotherapy tech اعتقد موضوعها سهل واكيد ممكن يبقى فيه بريدجينج كورسز ممكن تبقى البدايه من الموقع المختص باعطاء التراخيص والاشتراطات المطلوبه ومن ثم تطبيقها على الحاله ومحاوله استكمال النواقص لو فيه

اللي حضرتك كاتبه ده ممكن يعمل انقلاب
اولا مين همه اطباء العلاج الطبيعي
و مين همه فنين العلاج الطبيعي

انسي جنابك حمدي السيد و تعالي نتكلم زي الدول المتقدمه ما بتقول

اللي في مصر بيسموه اخصائي علاج طبيعي في امريكا اسمه دكتور علاج طبيعي
و هو خريج كليه العلاج الطبيعي

فني العلاج الطبيعي ده مسمي مش موجود لا في مصر و لا في العالم

في مساعد علاج طبيعي assistant و ده في كل الدول المتقدمه و مش موجود في مصر
زي الممرضه بالنسبه للطبيب البشري

الجدل اللي في مصر و عامل اختلاط علي حضرتك همه اطباء الطب الطبيعي و دول مالهمش علاقه من قريب او بعيد بالعلاج الطبيعي المعروف حتي للعامه

 

 

[مدام حاتم]

اقتباس المشاركة الأصلية كتبت بواسطة shah اللي حضرتك كاتبه ده ممكن يعمل انقلاب اولا مين همه اطباء العلاج الطبيعي و مين همه فنين العلاج الطبيعي انسي جنابك حمدي السيد و تعالي نتكلم زي الدول المتقدمه ما بتقول اللي في مصر بيسموه اخصائي علاج طبيعي في امريكا اسمه دكتور علاج طبيعي و هو خريج كليه العلاج الطبيعي فني العلاج الطبيعي ده مسمي مش موجود لا في مصر و لا في العالم في مساعد علاج طبيعي assistant و ده في كل الدول المتقدمه و مش موجود في مصر زي الممرضه بالنسبه للطبيب البشري الجدل اللي في مصر و عامل اختلاط علي حضرتك همه اطباء الطب الطبيعي و دول مالهمش علاقه من قريب او بعيد بالعلاج الطبيعي المعروف حتي للعامه

امال انا عاوزة اسيب البلد من شوية ماهو علشان احنا لسة عندنا في مصر ناس مش فاهمانا لحد دلوقتى لكن بلاد زي امريكا وانجلترا والمانيا وغيرهم كتير الاخصائيين العلاج الطبيعي واخدين حقهم تالت ومتلت
اطباء الطب الطبيعي اصلا كانو اسمهم روماتيزم والتاهيل وعلشان مافيش في مصر لا تاهيل ولا دياوله قاموا يدورا على سبوبة ياكلوا بيها عيش وراحوا سارقين مننا تخصصنا لما لاقوا بيجيب فلوس احسن منهم
دى معلومة علشان اللى بيختلط عليه الامر
المهم دكتور shahقال كلام جميل في موضوع المعادلة وياريت يا فندم تكمل بقيت الخطوات

 

 

[Dr-Alrefa3y]

فى السعودية والاردن هناك درجتين

الاولى كلية بتدرس 5 سنوات وبتخرج خرجين بيطلق عليهم اخصائى (اخصائى علاج طبيعى - اخصائى اطراف صناعية -اخصائى علاج وظيفى )

وهناك جامعات بتعطى دبلومة سنتين وبتخرج فنييين TECH.

وهناك خريجى الطب والماستر بعدها فى العلاج الطبيعى وطبعا بيطلق عليهم اسم دكتور

 

 

[shah]

اقتباس المشاركة الأصلية كتبت بواسطة pharma prince فى السعودية والاردن هناك درجتين الاولى كلية بتدرس 5 سنوات وبتخرج خرجين بيطلق عليهم اخصائى (اخصائى علاج طبيعى - اخصائى اطراف صناعية -اخصائى علاج وظيفى ) وهناك جامعات بتعطى دبلومة سنتين وبتخرج فنييين TECH. وهناك خريجى الطب والماستر بعدها فى العلاج الطبيعى وطبعا بيطلق عليهم اسم دكتور

مفيش خلاف في اللي حضرتك بتقوله الا ان مفيش هنا فنيين او مساعدين
و بالنسبه للطب اللي بياخد دبلومه بتبقي 6 شهور
فاحنا بنقول اللي دارس 5 سنين علاج طبيعي و لا اللي دارس 6 شهور افضل

 

 

[مدام حاتم]

في امريكا بيبقى :
physical therapist اخصائى علاج طبيعي
physical therapy assistantمساعد اخصائى علاج طبيعي والتانى عنا عرفت من استاذ عندنا كان في امريكا هناك انه الخريج ساعات بيروح هناك باللقب ده لو مافيش لسة خبرة تملا عينههم هما يعني زي ممارس علاج طبيعي هنا في مصر
في كندا زيادة عن كدة فيه اخصائي علاج وظائفىoccupational therapist
بس المشكلة ان مافيش في مصر علاج وظائفى محترم بمعنى الكلمة ولما بندرسه بيبقى مادة داخل المواد مش تخصص معين
اما اخصائي الاطراف الصناعية دي برده مادة بتدرس مش تخصص
انا بتكلم عن جامعة القاهرة لانى هيئة معاونة هناك

 

 

[مدام حاتم]

اقتباس المشاركة الأصلية كتبت بواسطة pharma prince فى السعودية والاردن هناك درجتين الاولى كلية بتدرس 5 سنوات وبتخرج خرجين بيطلق عليهم اخصائى (اخصائى علاج طبيعى - اخصائى اطراف صناعية -اخصائى علاج وظيفى ) وهناك جامعات بتعطى دبلومة سنتين وبتخرج فنييين TECH. وهناك خريجى الطب والماستر بعدها فى العلاج الطبيعى وطبعا بيطلق عليهم اسم دكتور

على فكرة الكليات اللى في البلدين دول اتبنت على اكتاف الدكاترة هنا في مصر من جامعة القاهرة وانا متاكدة من كلامى كويس جدا