المستشار المجاني.....الهجرة فيدرالي

[great expectations]

الصحف المصرية والعربية

اصدقائي الاعزاء
لاحظت توالي حدوث اخطاء بسيطة عند التقديم للهجرة مما يضيع الوقت ويرهق الاعصاب نسبيا

هأحاول اجمع الاخطاء
وايضا الحلول
وبالمرة نتحدث عن ال mythes والاساطير وخرافات المحامين وممكن ايضا نرص الاسئلة الشائعة واجابتها
يمكن اخد وقت في عمل الموضوع بس اهه
صدقوني توفير ثلاثين الف جنيه تكلفة محاميي الهجرة ليس بالمبلغ البسيط
بسم الله نبدأ

 

[somayasaleh]

اقتباس المشاركة الأصلية كتبت بواسطة qenawy اصدقائي الاعزاء لاحظت توالي حدوث اخطاء بسيطة عند التقديم للهجرة مما يضيع الوقت ويرهق الاعصاب نسبيا هأحاول اجمع الاخطاء وايضا الحلول وبالمرة نتحدث عن ال mythes والاساطير وخرافات المحامين وممكن ايضا نرص الاسئلة الشائعة واجابتها يمكن اخد وقت في عمل الموضوع بس اهه صدقوني توفير ثلاثين الف جنيه تكلفة محاميي الهجرة ليس بالمبلغ البسيط بسم الله نبدأ

دكتورنا الفاضل.....قناوي باشا

يا مساء الفل والياسمين

ايوه كده يا دكتور.....ادخل برجلتك........وخد بايد الناس الجداد الغلابة المضحوك عليهم من محامين الهجرة


مش عايز صبي مستشار قانوني معاك؟؟؟؟

 

 

[great expectations]

اول خطأ ممكن تعمله انك تفكر تستعين بمحامي
ليه ؟
اولا ما حك جلدك مثل ظفرك
ثانيا الدنيااتغيرت والانترنت قرب البعيد والابليكشن اللي كنت بتسمع عنه دلوقتي قدامك
ثالثا انت واولادك اولي بالتلاتينالف جنيه تكلفة المحامي
رابعا : محامي ليه ؟ هو انت مرتكب جريمة وهيدافع عنك
اساسا الاسم غلط ده اسمه ولا بلاش
القصة كلها انه صندوق البريد بتاعك واحيانا بيكون مخروم وحيث انه صندوق ليس خاص لك ولغيرك فالاخطاء واردة وبعدين اي ورقة عاوزاها منك السفارة انت اللي بتعملها من ناحية شهادات او فيش
يعني مش هيتفيش مكانك
لذلك بما انك تستطيع ان تقرا جيدا وتكتب جيدا فانت جدير باتعاب المحامي

 

 

[great expectations]

الباشمهندسة سمية

منورة الفيس بوك والله

 

 

[اسكندرية تانى]

أخى العزيز د. قناوى

تسلم يمينك على الموضوع الجميل دا لانى واحد من ضحايا مكاتب النصابين دول

و لهف منى 22000 جنيه

اخر موقف معاه لما جيت ابعت جوازات السفر الى لندن لطبع الفيزا

طلب ما يعادل 4000 جنيه و من هنا لهنا و واسطة واحد صاحب المحامى

ما اخدش غير تمن FEDEX بس اللى كان تقريبا 1200 جنيه
بس باقول يالا الحمد لله الفلوس ما كانتش رزقى و كانت من رزقه هوا

و فعلا محدش بيتعلم ببلاش .... الحمد لله

 

 

[great expectations]

اول خطا ممكن توقع فيه وانت بتقدم للهجرة هو انك عفوا تكون غير مؤهل ليها

اسف بس دي حقيقة يجب الوقوف جيدا وتحسس الخطوات ومعرفة الشروط
قد تكون غير مهيأ الان ويمكن بكرة تفرج
المهم كندا بلد بيروقراطي وما فيهوش الفهلوة بتاعتنا
يعني يقولك خبرة اربع سنين وتكون حضرتك لسة ما تخرجتش يبقي افضل وفر فلوسك دلوقتي


طبعا بعد 28 نوفمبر 2008 وبعد ظهور اللستة للوظائف المطلوبة اصبح لزاما علي كل متقدم ان يفكر جيدا عند التقديم


لاحظت الخطا الاتي

وظيفتك ليست في اللستة وعاوز تقدم
انسي ( اتحدث عن القسم الفيدرالي )


ثواني
ممكن وظيفتك تكون الان مش مطلوبة بس تكون اشتغلت مهنة مطلوبة لمدة سنة خلال العشر سنوات الفائتة يبقي تنفع تقدم


خطا شائع ايضا

وظيفتك في الليستة بس لما جيت تملا طلب الهجرة اخطات في كتابة noc code
يجب الالتزام حرفيا بالكود المطلوب
اي اختيار عشوائي هيرجعواالملف

المهام الوظيفية يجب كتابتها كما يريدون هم وليس كما تريد انت ودعك من المصداقية العربية
اقصد نفذ ما يريدون

كثيرين تحروا الدقة الحرفية في مهام وظائفهم ولم يكتبوا المطلوب فتم رد الطلب

مثال وهاقوله علي نفسي عشان بس ما حدش يفتكر اني اقصده

انا مدير مكان صغيور في قطاع الصحة بس اخصائي جلدية
تفتكروا اكتب اني مدير قسم مكافحة الامراض المعدية وشغلي اني اراقب وافحص واعاين وارسل التقارير للسيد وكيل الوزارة وكل يوم اتخانق مع الموظفين علي الالتزام وبحط رجل علي رجل

ولا اكتب انب اخصاءئ جلدية بكشف علي المرضي واعطيهم العلاج اللازم واطلب الفحوصات اللازمة


وصلت ؟

 

 

[ehabtaher]

ايوه كده
اخيرا دخلت برجلك اليمين
مش عارف ليه اتاخرت كده

بعد ما مدام سميه حجزت كل المغارات البحرى


عموما ملحوقه مكتب المستشار مش عايز مغاره على النيل كفايه يكون فيه تليفون وفاكس

.......................


شوف يا سيدى انا بعت للندن اسالهم يبعتولى خطاب لعمل الفيش السعودى

اوم ايه يا سيدى

راحو باعين الرد اللى تحت ده وبيقول دونن عن العالم كلها السعوديه مش بنحتاج منها الفيش الا فى المرحله الاخرانيه
Dear Madam / Sir,

This is in response to your enquiry.

Unlike for police certificates from other countries, we only request police certificates from Saudi Arabia during the final stages of the processing of your application. Please wait until we specifically request that you submit a police certificate from Saudi Arabia. With our request, we will enclose a police certificate request letter that you can submit to the Saudi Arabian authorities to apply for the police certificate. This is not required from you at this time.

Please submit all other ********s requested.

Yours sincerely,

Client Service Unit

Immigration and Medical Services Division | Direction de l'immigration et des services médicaux
Canadian High Commission | Haut-commissariat du Canada
38 Grosvenor Street
London, W1K 4AA | Londres, W1K 4AA
United Kingdom | Royaume-Uni



السؤال
هل معنى كده اننى ابعت الورق على لندن من غير الفيش السعودى

طيب ايه رايك استعبط ومابعتش الفيش المصرى برده واقول لهم فى المرحله الاخرانيه ابقى ابعت الاتنين مع بعض

يعنى اكيد لما انزل اجازه اقدر اعمل الفيش المصرى بسهوله بدل السفاره ووجع الدماغ خصوصا اننى على بعد 400 كيلو من السفاره

الحاجه التانيه
افرض اننى بدل مانزل اجازه ... نزلت نهائى ايه مصير الفيش السعودى
ابعتلهم تانى (بعدين يعنى مش دلوقت ) علشان يبعتولى الجواب قبل مانزل من السعوديه نهائى
والا السفاره ممكن تعمل الحركه دى

انا الورق كله جاهز وفاضل احوش البروف اوف فند والفيش

 

 

[great expectations]

اقتباس المشاركة الأصلية كتبت بواسطة اسكندرية تانى أخى العزيز د. قناوى تسلم يمينك على الموضوع الجميل دا لانى واحد من ضحايا مكاتب النصابين دول و لهف منى 22000 جنيه اخر موقف معاه لما جيت ابعت جوازات السفر الى لندن لطبع الفيزا طلب ما يعادل 4000 جنيه و من هنا لهنا و واسطة واحد صاحب المحامى ما اخدش غير تمن FEDEX بس اللى كان تقريبا 1200 جنيه بس باقول يالا الحمد لله الفلوس ما كانتش رزقى و كانت من رزقه هوا و فعلا محدش بيتعلم ببلاش .... الحمد لله

شكرا يا دكتور ومبروك ثانية

 

 

[great expectations]

هارد عليك يا ايهاب
بس الاول افهم مني الجزئية دي
هناك عدة شروط للحصول علي الفيزا
1 تكون جايب 67 نقطة
2 سليم طبيا
3 سليم جنائيا
4 معاك فلوس
تمام كده

ال67 نقطة ووظيفتك مطلوبة وورقك سليم دي هي اللي بتحدد الخطوة التانية وهي طلب الفيش ومن ثم الميدكال وطبعا بتكون مقدم شهادة ارصدة
بيروح ضابط الهجرة عاوز يعرف انت جايب 67 ولا لآ يعمل ايه
انت تبعتله الورق اللي يخليه يحسب 67 نقطة وهو

شهادة ميلادك 10 نقاط
تعليمك من 20 الي 25
خبرتك 21
اللغة من 12 الي 16
الزوجة وشهادتها 4 نقط

وتبعت ايضا شهادة ارصدة

لو بعت الورق اللي بيثبت الكلام ده يبقي ممكن تاجل الفيش يعني ما ينفعش تقوله استني لما ابعت الاليتس
استني ما فيش شهادة خبرة
عندها هيجمع نقطك ويلاقيها اقل من 67 وساعتها لا هايطلب فيش ويبقي فيش مافيش ولا بقشيش

تمام

 

 

[great expectations]

علي فكرة ما اكتبه به اراء شخصية لك مطلق الحرية في الاخذ بها او العكس
مثلا

انا شخصيا كنت فاكر نفسي دوجلاس هيرد في الانجليزي وان شكسبير وانا ما نفرقش كتير في الانجليزي
وده خلاني اقدم علي الهجرة دون ان امتجن الاليتس باعتبار ان الاليتس تحصيل حاصل هاروح اجيب ال16 نقطة او اكثر وارجع
ففوجئت ان طلب الابديت جالي ورحت امتحن واتعصر واتبهدل واجيب عشرة ايوة عشرة من 16 بسبب غروري
اوبا دخلنا في الغميق وصلت لوقت كان يجب ارسال الورق للسفارة بعد شهر ونصف

تعمل كيف يا عبد الرحيم ؟
تعمل كيف يا عبد الرحيم ؟
تعمل كيف يا عبد الرحيم ؟


اقوم احجز الخمس امتحانات التالية للاليتس نظام هيركليز
الحمد لله جبت 12 و14 بعد كده وبسهولة بس بعد ما اتدبت

الخلاصة
لا تغتر
والافضل ان تقدم للاليتس بمرحلة كافية ويفضل ان تكون ضامنا للدرجة قبل تقديم الطلب من اساسه

الا اذا كنت خايف من اللستة يبقي وضع تاني الصراحة