الجزء الثانى : طريقه التقديم فى Saskatchewan - Occupations in Demand - مابعد الحصول ع

[khaled_sabry]

الصحف المصرية والعربية

السلام عليكم
نكمل بإذن الله الجزء الثانى من الرحله الى ساسكتشوان - مرحله مابعد الحصول على نوميناشن من ساسكتشوان تحت برنامج OID
اولا : الف مبروك - انا بجد سعيد جداا جداا ليك رغم انى معرفكشى بس انتا اخدت اول و اهم خطوه على الطريق
ادعى بقى ان ربنا ييسر امورك و يسرلى امورى انا كمان علشان نبقى جيران فى ريجينا

بداية من دلوقتى انتا مش محتاج برنامج التقديم بتاع ساسكتشوان تانى خلاص – انا شخصيا نسيت الباسورد بتاعى كان ايه عليه و مش مهتم
انتا خدت من ساسكتشوان دلوقتى اللى انتا عاوزه "ياقاسى" و هو نوميناشن تخليك تقدم تحت برنامج Economic class \ Provincial nominees class احفظ التعبيرده علشان حتفيدنا لاحقى في ملئ الورق و في التعاملات مع سيستم MyCIC

الأول احب ننوهه على حاجه - طبعا قرائة الجايد من مصدره لاغنى عنه خصوصا في المرحله المهمه دى (مرحلة الوحش و اللعب مع CIC)– اللى انا بكتبه ده مختصر الخطوات و ممكن تقرى الموضوع في اثناء مراجعتك للملف خصوصا انى ححاول اجاوب على بعض الاسئله الشائعه اللى الزملاء بيسألوها في المرحله دى – ولو وجدت اى تعارض بين كلامى و بين الجايد الرسمي يبقى كلام الجايد يمشى طبعا

ده نظام ورقى حتلم ورقك في ظرف زى النظام الفدرالى زمان (ماقبل الاكسبريس انترى) و فى ظرف و ابعت - لازم تاخد وقتك كويس اوى و تراجعها اكتر من مره

هو باختصار للى مستعجلين

• حتملى الوثائق الفدراليه اللى اتمليت قبل كده في التقديم في المرحله الأولى مع تحديث البيانات لو حصل تغيير و تحديث تاريخ التوقيع علشان ماتسيبشى فرصه للتلاكيك
• حتطلع فيش ليك و لزوجتك من كل بلد اقمتو فيها اكتر من 6 اشهر متصله من اول سن 18 سنه - مترجمين من وزارة العدل
• ححتصور صورتين 5X7 لكل فرد فى الاسره بالمواصفات المذكوره فى الجايد
• تجهز شهادات ميلاد و زواج مترجمين من وزاراتهم (احيانا ال CIC بيتلكك و بيرفض ترجمات مكاتب الترجمه و بيطلبو شهادة ترجمه مش عارف اسمها ايه ) ترجمة الوزاره بتبقى معتمده فى حد ذاتها انها وثيقه اصليه لانها بتبقى مختومه بختم نسر
• صور باسبورتات

 

[khaled_sabry]

ندخل على التفاصيل
اولا ده الجايد المفصل على cic
https://www.cic.gc.ca/english/informa...des/EP7TOC.asp

اللنك اللى حتلاقى فيه اخر تحديث للوثائق
https://www.cic.gc.ca/english/informa...pplication.asp
اول حاجه تعملها دون لود هى الاتشيك ليست اللى فيه محتويات الظرف
https://www.cic.gc.ca/english/pdf/kit...s/IMM5690E.pdf
نمسك الاتشيكليست بند بند علشان نجهز الظرف بتاعنا
كل بند مكون من مجموعة ورق جمعه بدبوس مكتب Paperclip و ممكن ماتجمعوش طالما محطوط فى الترتيب بتاعه لكن اوعى تدبسه بالدباسه

1- Generic application Form to Canada (IMM 0008)
لنك تحميلها(تاريخها August 2016)
https://www.cic.gc.ca/english/pdf/kit...0008ENU_2D.pdf
و طريقة ملئها زى المره اللى فاتت و مشروحه بالتفصيل فى المشاركه دى
https://www.almatareed.org/vb/showpos...76&postcount=1
و المشاركه دى
https://www.almatareed.org/vb/showpos...17&postcount=8
مع ملحوظه ان فى السؤال رقم 2 حنختار class Provincial nominees
ورقتين الباركود تخليهم فى الاول

2- Schedule A:Bachground/Declaration (IMM 5669)
https://www.cic.gc.ca/english/pdf/kit...s/IMM5669E.pdf (December 2012)
ده للمتقدم الرئيسى و الزوج/ه
طريقة الملئ فى المشاركه دى
https://www.almatareed.org/vb/showpos...2&postcount=27
و دى
https://www.almatareed.org/vb/showpos...0&postcount=28

3- Additional Dependants/Declaration(IMM 008DEP)
https://www.cic.gc.ca/english/pdf/kit...0008DEPENU.pdf (August 2014)
ده بيعمله المتقدم الرئيسى لو كان عدد افراد الاسره اكبر من 5
يعنى واحد و زوجته و 3 اطفال مش حيعمله - اكتر من كده يعمله
طريقة ملئه فى المشاركه دى
https://www.almatareed.org/vb/showpos...0&postcount=11

4-Supplementary Information - You Travels (IMM 5562)
https://www.cic.gc.ca/english/pdf/kit...s/IMM5562E.pdf ()
للمتقدم الرئيسى فقط
طريقة هنا
https://www.almatareed.org/vb/showpos...2&postcount=30

5- Schedule 4: Economic Class - Provincial Nominees
https://www.cic.gc.ca/english/pdf/kit...imm0008_4e.pdf (October 2015)
للتمقدم الرئيسى
Schedule 4A: Economic Class - Provincial Nominees - Business Nominees وده مالناش دعوه بيه

6- Schedule 5 : Declaration of Intent to Reside in Quebec
ده لاخواتنا الصابرين فى كيبيك - مالناش دعوه "بيهم"

7- Additional Family Information(IMM 5406)
https://www.cic.gc.ca/english/pdf/kit...s/IMM5406E.pdf (September 2013)
ده للمتقدم الرئيسى و الزوج/ه

8- Use of Representative
وده للناس اللى مقدمين من خلال محامى - و دول اصلا مش حيقرو الموضوع ده اساسا
مالناش دعوه بيهم

9- Travel documents and passports
ده صوره لاول صفحتين فى باسبور المتقدم الرئيسى و المدام

10 - Certificat de Selection Du Quebec
للصابرين فى كيبيك - مالناش دعوه بيهم

11 - Confirmation of Nomination
ده ال Nomination Approval Letter.PDFبتاع النوميناشن اللى جالك على الميل بتطبعه و ترفقه

12- Proof of Language Proficiency
ده امتحان الايلتس بتاعك - و لازم يبقى صالح (يعنى معداش عليه سنتين) لغايه اليوم اللى ال CIC يسلمو فيه الظرف
غير كده يبقى تعيد الامتحان تانى

 

 

[khaled_sabry]

13-dentity and Civil Status Documents
و هنا بترفق للمتقدم الرئيسي و للزوجه

- شهادات الميلاد
مترجمه من وزارة الصحه فى لاظوغلى

- شهادات الزواج
مترجمه من وزارة العدل فى لاظوغلى

- شهادات الوفاه لاقدر الله للزوجه
مترجمه من وزارة الصحه

- بطاقات الرقم القومى - و دى اختلف المفسرون فيها لان مكتوب جنبها if applicable فيه اللى بيقول انها مش اجبارى و فعلا بعت من غيرها وورقه اتقبل و حاليا فى مرحلة ال Background check - و فيه ناس بيقولو انها مكتوبه كده علشان فيه بعض الدول مافيهاش رقم قومى اصلا - اانا شخصيا ترجمت البطاقات و بعت صورهم و ماحبتشى اغامر


14- Children's Informations
- شهادات الميلاد للاطفال
مترجمه من وزارة الصحه

15- Police Certificate and Clearances
ده للمتقدم الرئيسى و للزوجه
ده بتجيب الفيش لكل دوله اقمت فيها 6 اشهر او اكتر من اول سنه 18 سنه
بالنسبه للفيش المصرى بيترجم برضه فى وزارة العدل
فيه ملحوظه ان الفيش مش اجبارى انه يتبعت مع الظرف فى الاول و انه ممكن يتبعت بعد كده كأبديت - بس فعليا انا عمرى ماشفت حد عمل كده و الكل بيحضر الفيش من الاول حتى الهنود و الباكستنيين اللى الفيش بتاعهم بيطلع فى 3 اشهر بيستنو و بيبعتو كله مع بعضه
صلاحية الفيش مدتها سنه حسب اللى مكتوب

16- Photo Requireents
بترفق صورتين لكل فرد فى الاسره - صوره منهم بتبقى كاتب عليها من ورا و التانيه لا
اللى بيتكتب على ضهر الصوره - الاسم و تاريخ الميلاد / تاريخ التصوير و اسم الاستوديو و عنوانه
مواصفات الصور حتلاقيها بالتفصيل هنا
https://www.cic.gc.ca/english/informa...f/5445EB-e.pdf
من نماذج الصور المقبوله و المرفوضه
https://www.cic.gc.ca/english/pdf/photospecs-e.pdf
حط الصور فى ظرف صغير او حتى فى الظرف الصغير اللى جايه بيه من الاستوديو

 

 

[khaled_sabry]

17 - Fee Payment in an acceptable format
ده اثبات الدفع - و ده من غيره حيترفض عملة التقديم علشان كده تعتبر اهم ورقه على الاطلاق

كل اللى شفتهم تقريبا بيدفعو اونلاين عن طريق كارت الفيزا و بيتبعتلك وصل الدفع فى وقتها على الميل
لاينصح بالطرق الاخرى للدفع لان فيه احتمال انها تترفض
لنك الدفع الاونلاين :
https://eservices.cic.gc.ca/epay/welcome.do?lang=en
حتدوس Continue
الشاشه اللى بعدها حتختار اللنك Immigration
بعدها حتختار لنك Provincial Nominee
حتلاقى جدول - - حتكتب 1 قصاد Principal applicant (حتكلفك $550.00)
لو متزوج يبقى حتكتب 1 برضه فى الخانه اللى بعدها بتاعت Spouse (حتكلفك $550.00)
لو عندك اطفال تحت ال 19 حتكتب عددهم فى الخانه اللى بعدها ($150.00 للطفل )

اخر خانه من تحت Right of Permanent Residence Fee دى مصاريف اصدار الاقامه الدائمه و دى مش اجبارى انها تدفع مع معالجه الملف - لكن لو مادفعتهاش حيطلب منك انك تدفعها قبل ما تاخد التأشيره على الباسبور -
يفضل طبعا انها تدفع دلوقتى لسبب اخر و هو للانخفاض المستمر لسعر الجنيه فادفع دلوقتى و اخلص
لو اعزب حتكتب فيها 1 ولو متزوج حتكتب 2 (بتتحسب للمتقدم الرئيسى و الزوجه فقط) - تكلفتها $490.00 للفرد

بعد كده حتدوس Submit حيجيبلك شاشه فيها ملخص الدفع بعد كده حتدوس على زرار Login and Pay - لو مكنتش مسجل على النظام اعمل تسجيل و فى الاخر حتلاقى نفسك رجعت لنفس الصفحه تانى
بعد كده حتدفع بالفيزا و حيتبعت على الميل اللى انتا سجلت بيه فايل PDF على باركود - هو ده وصل الدفع اللى اتعمل
بتطبعه و تحطه مع الورق فى الترتيب بتاعه

 

 

[khaled_sabry]

18-Mailing Your Application
حتظبط الملف بقى بالترتيب ده
اول حاجه الاتشيك ليست و تعلم على كل حاجه ارفقتها
بعد كده بتحط الورق بتاعك بنفس الترتيب المذكوره بيه فى ال Checklist
بعد كده حتحط اتنين mailing labels دى بتكتب عليها عنوانك واحده بالعربى و التانيه بالانجليزي - يفضل طبعا لو تطبعها على ورقه استيكر A4 من اى مكتبه عادى

لما تبعت الظرف ابعته بالكارير بلااااااااش البريد العادى الفاشل ده - بالنسبه لكارير انا شخصيا افضل UPS لان ليه فرع فى كندا و انا لما بعت الملف بتاعى من 3 اشهر تقريبا وصل فى اسبوع (كان ساعتها فيه مشاكل امنيه علشان الطياره الروسيه اللى انفجرت و بالتالى الظرف اتأخر فى رحلته فى المانيا شويه) و كلفنى فى حدود 340 جنيه
برضه قريب كان احد الزملاء على جروب مطاريد استخدم DHL وورقه راح المطار و رجع تانى علشان كانت كندا عملت حظر على مصر بس اللى استخدمو UPS ورقهم عدى عادى

بتحط الورق ده كله بالترتيب السابق فى ظرف A4
و تكتب على ظهر الظرف فى الركن العلوى على الشمال اسمك بالكامل
تحتيه عنوانك بالكامل
تحتيه رقمك البريدى
و فى نص الظرف حتكتب العنوان ده (ده العنوان للى حيبعت بالكارير زى ما اتفقنا)
Citizenship & Immigration Canada
Provincial Nominee Class
Centralized Intake Office
49 Dorchester Street
Sydney, NS
B1P 5Z2
Canada

و تقفل الظرف و تبعته

و تدعيلى ان امورى تمشى مع ال CIC وابقى فى كندا فى اول الصيف القادم

فى الحلقه القادمه حنعرف ازاى نعمل لينك للابليكاشن اللى اتبعت من موقع ال CIC - بس الخطوه دى بتتعمل فى المعتاد بعد ما ال CIC يستلمو الملف بتاعك بعد 3 اسابيع مثلا مع شرح مبسط لخطوات المعالجه بعد كده

 

 

[bassamfox]

الله ينور عليك ياريس- شغل 100/100
ربنا يتممهالك علي خير

 

 

[khaled_sabry]

اقتباس المشاركة الأصلية كتبت بواسطة bassamfox الله ينور عليك ياريس- شغل 100/100 ربنا يتممهالك علي خير

الله يخليك يافندم
مشكله الفتره دى ان المعلومات عنها قليله اوى لان تقريبا كل المقاطعات بتستخدم الاكسبريس انترى و ساسكتشوان و مانتوبا هما فقط اللى شغالين بالملف الورقى

 

 

[khaled_sabry]

طيب نتكلم دلوقتى عن مراحل التقديم (على حد علمى حتى الان - لانى انا شخصيا لسه فى الخطوات دى - معظم معلوماتى مستمده من تجارب السابقين مش من موقع رسمى علشان كده اعذرونى لو قلت معلومه غلط و ياريت تصححوها )
1- اعداد الملف و ارساله ... و هى اللى اتكلمنا عليها فى الخطوات السابقه
2- بعد وصول الملف بالسلامه الى CIC - حتسجيل على موقع MyCIC لمراقبة حالة الملف :
بتدخل على الموقع
https://www.cic.gc.ca/english/e-services/account.asp
و بتدوس على Continue to GCKey
بتظهر ليك شاشه تانيه حتدوس على Sign Up و تعمل ليك يوزر و 3 اسئله سريه و تدخل بيه و دمتم
3- بتعمل link للملف الورقى اللى انتا عملته - افضل حاجه دوكيمنت بتشرح الكلام ده بالصور عاملها واحد هندى على اللنك ده
https://drive.google.com/file/d/0B4C...9JaFpERzQ/view
و خدو بالكم فى الصفحه الثالثه دايما تكتبو عدد افراد الاسره 1 - لو كتبتو عدد الافراد الحقيقى مش بيظهر الملف - دى bug فى السيستم و مش عارف حتتحل امتى لكن الهنود اكتشفوها
4- بعد لما بتعمل لينك للملف بتاعك حتلاقى الحاله بتاعته انه Submited - يعنى يادوب هما استلموه و بيناته اتقرت من الباركود اللى كنا حاطينه فى الاول لكن لسه ما ابتدوش شغل فيه - يعنى مافيش فايده مباشره من خطوه ال linking دى غير انك بتتطمن ان كله تمام
5 - المفروض بعدها بفتره ( الفتره دى كانت فى اول السنه شهر - لكن دلوقتى وصلت ل 108 يوم - انا اهه وصلت ل 90 يوم و لسه ما استلمتش حاجه ) حيفتحو الملف و يراجعوه - لو لاقو ورقك كامل حيبعتو AOR ( acknowledge of receipt)على الميل - غير كده حيرجعو الملف بتاعك لاقدر الله لو الملف ناقص او لو فيه مشكله فى استمارة الدفع المصاريف
ملحوظه بس هما شغالين بنظام First in First out - علشان كده متابعه المنتدى الهندى بتبقى مفيده فى المرحله دى علشان تعرف هما وصلو لتاريخ كام (تاريخ استلام ال CIC للملف)
6- حيطلب منك Medical request و ده فى المعتاد من شهر الى 3 اشهر بعد ماتاخد AOR - حتحجز معاد بالتليفون و تروح تكشف و المركز ده نفسه هو اللى بيخاطب ال CIC الرئيسى فى نوفاسكوتشيا و بيبعتله التقرير و ال CIC بيحدد اذا كنت Passed و لا لاء فى مده تقريبا شهر من استلام التقرير
6- اه الخطوه رقم 6 برضه دى مش غلطه لان الخطوه دى مش شرط تحصل فى الترتيب بعد الخطوه اللى قبلها - الخطوه دى هى ان ملفك حيروح لمكتب الفيزا المحلى local visa office الخاص بدولتك و ده بيحصل فى المعتاد من شهر الى 4 من استلام ال AOR - المفروض ان مصر تبع مكتب Cairo visa office حسب ما مكتوب فى الويب سايت و ده مكتب بطئ اوى بس غالبا ملفات مصر بتروح مكتب ottawa visa office و ده ارحم شويه
7- بعد كده بتدخل مرحلة ال Background check الفتره دى فى المعتاد فى مكتب القاهره 6 اشهر لكن لو مكتب اوتاوا بتبقى فى المتوسط 4 اشهر - و بيتم فيها تحريات عنك من امن الدوله ووزارة الداخليه علشان يتأكدو بس انك مش ارهابى و لا تبع داعش و القاعده - و الناس اللى ليهم نشاطات سياسيه مايقلقوش لان فيه ناس زمايلنا هنا و معروفين دون ذكر اسماء من 6 ابريل و من الاخوان و هاجرو عادى السنه اللى فاتت
بس خد بالك ان المكتب المحلى ممكن يطلب منك مستندات اضافيه - و كل حد حسبب حالته يعنى من امثله المستندات دى

• لو حد كان فى الجيش فى اخر 10 سنين غالبا بيطلبو منه يملى فورمه معينه و يوقع عليها
• لو شاكين فى جواب الخبره ممكن يطلبو منك اثباتات زى ال payslip لسنين سابقه
• ممكن يطلبو منك POF و يقولك ورينا كشف الحساب علشان يضمنو انك مانزلتش عن حد ال pof لسه

بعد مابيلم المستندات اللى عاوزها الاوفيسر بيقيم حالتك و يحدد اذا كنت تنفع تروح كندا حسب المعاير اللى قصاده و لا لاء - لو وافق عليك بتتنقل للخطوه اللى بعدها (ولو ماكنتش دفعت ال Right permanent resident fee من الاول بيطالبك بيها فى الخطوه دى )
8- اخر خطوه ppr - بيطلبو منك الباسبور - بتبعته ليهم و يرجعولك الباسبور منور بالتأشيره الكنديه
9- دلوقتى معاك باسبور بالتأشيره - مستنى ايه - سافر بقى

اهم سؤال كل الناس بتسأله - الموضوع كله بياخد كام شهر من اوله لاخره - مكتوب على الموقع انه 15 شهر - بس عمليا بيبقى من 8 اشهر الى 10 اشهر بس طبعا فيه استثناءات و ده بيتوقف حسب مكتب الفيزا اللى حيمسك ملفك و حسب الحاله بتاعتك

 

 

[Remon.soliman]

دعوه لموضوعي

مطاريد الكويت

رائع يا خالد مجهود جبار

استمر يا زعيم

 

 

[dentist mohamad]

الله يبارك لك , و بالتوفيق ان شاء الله