عندك سؤال عن كندا؟ إتفضل إكتبه هنا

[Badroora]

الصحف المصرية والعربية

اهم حاجة فى الهجرة هو اتخاذ القرار .ودى لازم تكون خطوة اولى ومهمة جدا .

عند اخذ القرار يجب نضع فى الاعتبار عدة اشياء .

الهدف من الهجرة ..........

هل تخصصي مطلوب وهقدر اشتغل هناك شغلانة محترمة ولا لاء مش معقول تهاجر عشان تشتغل عامل .!!!

الاولاد وتربيتهم ومدارسهم والمجتمع اللى هيعيشوا فيه !!!

المناخ فى كندا

واكيد فى امور تانية كتيرة كل واحد مننا على دراية بنفسه ولازم تكون قدامة اثناء اتخاذ القرار .

خلاص اخدت القرار ونويت على الهجرة وصليت صلاة استخارة ..........

يبقي نبدأ فى الخطوات العملية .

الأوراق المطلوبة ........لتقديم طلب الهجرة .




الاوراق المطلوبة

كل شهاداتك سواء

الدراسية

الكورسات

الميلادية

الجيش ان وجد

عقد الزواج ان وجد.

كل دا مترجم بالانجليزية

وكل شهادات الاولاد ان وجد تترجم للانجليزية

والزوجة ايضا

شهادتها الداراسية

وعقد الزواج

عقد عمل او رسالة من الشركة التى تعمل بها ويكون مكتوب فيها مدة العقد وال Annual salary


فيش وتشبيه من اى بلد قعد فيها اكثر من 6 شهور ودا لكل افراض الاسرة فوق سن 21 سنه.

بنك statement ...........مش مهمة اوى بس لوموجودة يبقي كويس.

Curriculum vitae with reference letter - up to date one .

الخطوة القادمة هنتكلم عن الابليكيشين .!!!

يُتيع

 

[Badroora]

الابليكيشين .


اقراى الويب سايت دا للتعرف على كيفية التقديم والاجراءات

How to Submit an application؟

الابليكيسن بقي

استعنى عالشقي بالله


دا الارشادات عن كيف تمليء الاستمارة وازاى تحسب المبلغ المطلوب اقراه كويس


application guids

الابليكيشين

خد بالك وانت بتملاه كويس

Principal application

ولو الاستمارات مكفتش على عدد الاولاد ممكن تطبع نسخ زيادة

الفورمة دى لو يعنى حبيت توكل محامى

بس المحامى مالوش لزمة لو مليت الابليكيشن صح والباياانات صحيحة وواضحة

Authority release letter

للعاملين فى الخليج فقط .ترسل الملف الى هذا العنوان .

Canadian High Commission
Immigration Section
38 Grosvenor Street
London
W1K 4AA, United Kingdom
مكتب لندن

 

 

[deemuck]

احب اضيف على الفاضلة بدرية

اثناء ملء الاستمارة، عادة يحدث لبس حول النقاط المخصصة لبند التعليم

* اذا كان مؤهلك بكالوريوس من جامعة بحد ادنى دراسة اجمالية 14 سنة fulltime فلك 20 نقطة
سواء كان البكالوريوس 4 ، 5، 6، أو 7 سنوات
اذا كان مع البكالوريوس دبلوم سنتين فلك نفس ال 20 نقطة


* اذا كان معك 2 بكالوريوس فلك 22 نقطة

* اذا معك ماستر MA أو دكتوراه PH.D فلك 25 نقطة وهم الحد الاقصى

 

 

[Muhammad Zidan]

ربنا يباركلك على الموضوع ده يابدرية والله

وياريت لو ممكن .. لو تترجمي الأسئلة الصعبة في الاستمارة

أو تترجميهالنا كلها يبقى كتر خيرك

وهل في إمكانية إننا نفتح استمارة أو صورة منها هنا في الموضوع ونملاها صفحة صفحة بالراحة

عشان الفايدة تعم والأمور تبقى أسهل شوية

متابع

 

 

[حسام]

تحياتى لمنتدانا الجديد
والف شكر للمشرفين على مجهوداتهم
هخش فى الموضوع اهو
اكتر حاجة مقلقانى لما نروح كندا
هنشتغل اية عمال ما نخلص المعادلة؟

 

 

[أحمد فاروق]

فيه معلومة سمعتها وكسلت أبحث عن مصداقيتها ... مش عارف هتكون مفيدة هنا واللا ايه

اللي بيشتغل في أمريكا بفيزا h1 ، ممكن يقدم على هجرة لألبرتا وبيتقبل خلال شهور وبيبقى مطلوب أوراق أقل من الحالات العادية . حد عنده فكرة ؟

 

 

[Muhammad Zidan]

اقتباس المشاركة الأصلية كتبت بواسطة حسام يوسف تحياتى لمنتدانا الجديد والف شكر للمشرفين على مجهوداتهم هخش فى الموضوع اهو اكتر حاجة مقلقانى لما نروح كندا هنشتغل اية عمال ما نخلص المعادلة؟

مساء الخير حسام بك

أكيد مفيش حد فينا هايسافر ويشتغل بتخصصه في مصر

متهيألي كلنا بنفكر في شغل مؤقت لحين انتهاء المعادلة

والشغل المؤقت متوفر كتير في كندا وفي مواقع كتير للموضوع ده على النت

وكمان عاوز أقولك زمايلنا كتير سافروا واللي سبقوهم هناك ساعدوهم كتير في إيجاد عمل مؤقت

وربنا يوفقنا جميعاً لأننا بندور على مستقبل أفضل لأولادناتحياتي

 

 

[فــيــروز]

سؤال فى السريع
ممكن الواحد يطبع ال application و يملاه و يطلّع الشيك البنكى و يبعتهم من غير الأوراق الخاصّه بيه؟ شهادة الميلاد و شهادات الدراسه و الخبره وما شابه يعنى .. و يبقى يجهّز الأوراق على مهل؟

 

 

[Badroora]

اقتباس المشاركة الأصلية كتبت بواسطة فــيــروز سؤال فى السريع ممكن الواحد يطبع ال application و يملاه و يطلّع الشيك البنكى و يبعتهم من غير الأوراق الخاصّه بيه؟ شهادة الميلاد و شهادات الدراسه و الخبره وما شابه يعنى .. و يبقى يجهّز الأوراق على مهل؟

العزيزة فيروز ..كل سنه وانتى طيبة

NO. The application and all certificates plus work experience considered as a basic requirements

تجهيز الورق مش صعب ابدا .جمعى كل شهاداتك اللى بالعربي لو فيه مع شهادة الميلاد ترجميهم فى اى مكتب ترجمه معتمد .هيبقي باقي شهادة الخبرة اعتقد دى اكيد بالانجليزي يبقي كدا خلصتى جزء كبير فى وقت مافيش .و فيش وتشبيه دا ضرورى جدا اعمليه مستعجل هيطلع تانى يوم بس نبهي عليهم بالانجليزية .مش هيبقي باقي غير

Annual salary .and salary slip .As you‘re working in Egypt and if there is no contract between you and your employer you can just write an explanation letter to clear that.
My advice to you no hurry at all so take your time and send your application completed it‘ll reflect a good reflection in your evaluation.
Incomplete application or missing documents mainly recommended in the immigration guide it ‘ll delay your process or returned back to you.
So take your time and complete it won’t take time maximum a week .
I’m here and I can go among you step by step.
GOOD LUCK

 

 

[فــيــروز]

شكرا جزيلا يا "بدريه" على الاهتمام و الرد الفورى

معلش سؤال قد يبدو غبى حبّتين

هو مطلوب شهاداتى الدراسيه قبل شهادة الجامعه !!
يعنى مش معقول يكونوا عاوزين شهادة الثانويه و الاعداديه و الابتدائيه كمان !! ما طالما فيه شهاده جامعيه يبقى كل ده موجود ضمنيا !! بس بردو فيه حاجات مش بتمشى بالمنطق بس ..

أظن شهادة الخبره إن شاء الله مفيهاش مشكله بس سؤالى هو مكاتب الترجمه المعتمده دى بتبقى علامتها إيه يعنى !! أعرف منين ده معتمد ولاّ لأ ولاّ فيه حته أسأل فيها؟

الحقيقه أنا كنت مديّه لنفسى فرصه لحد أوّل السنه عشان أبدأ أجهّز الأوراق و قلت خلال الفتره دى أذاكر المطاليب كويّس بس قلت لو ينفع أقدّم الطلب و أدفع الفلوس لغاية الوقت ده يبقى كويّس لو مش هينفع مفيش مشاكل ..

شكرا جزيلا و أعتذر لو الأسئله غريبه شويه بس عشان يبقى الورق متظبّط بقدر الإمكان