مائدة رحمن..حد عاوز يشترك ب اي شيء؟؟؟

[بنت شعنونة]

الصحف المصرية والعربية

مدام سناء
تصدقي بالله
جامدا جداااااااااااا الفكرة دي
انا شوفتها فعلا في رمضان اللي فات حد كان عاملها بس كان سحور

 

 

[dr-amira]

اقتباس المشاركة الأصلية كتبت بواسطة nash والله يا إبتسامه مش عارفه النظام بالظبط هي قالتلي ممكن أشترك بحاجات عينيه أو فلوس وهما هايظبطوها عند منطقه أسمها الكيلو 4 ونص فأنا أستسهلت موضوع التبرع وهما يختاروا براحتهم ...

جربى بقى يا ناش تطبخى وتجهزى وجبات لافراد مثلا الوجبة مكرونة و ربع فرخة و تمر و عصير و تنزلى او تنزلى الولاد يوزعوها بنفسهم ...و ابقى ادعى لى بعد ما تخلصى
و ممكن تعملى وجبات عائليىة ...صينية مكرونة بشاميل و عليها فرخة او كفتة و معاها عصير و تمر واى فاكهة ..و انزلى وديهم لاسر فى بيوتهم قبل الفطار ...ممكن توزعى بالبركة فى منطقة شعبيه او فى قرية قريبة وكل واحد و رزقة و ممكن تاخدى لستة من اى جمعية خيرية

 

 

[sanaa]

ممكن كمان اكل مش جاهز يعني مكرونه ارز لحمه احيانا عدس فول وجبات تتعمل

 

 

[sanaa]

اقتباس المشاركة الأصلية كتبت بواسطة dr-amira جربى بقى يا ناش تطبخى وتجهزى وجبات لافراد مثلا الوجبة مكرونة و ربع فرخة و تمر و عصير و تنزلى او تنزلى الولاد يوزعوها بنفسهم ...و ابقى ادعى لى بعد ما تخلصى و ممكن تعملى وجبات عائليىة ...صينية مكرونة بشاميل و عليها فرخة او كفتة و معاها عصير و تمر واى فاكهة ..و انزلى وديهم لاسر فى بيوتهم قبل الفطار ...ممكن توزعى بالبركة فى منطقة شعبيه او فى قرية قريبة وكل واحد و رزقة و ممكن تاخدى لستة من اى جمعية خيرية

انا شايفه ان حكايه ان تعمل الاكل وتنزل حتكون دوشه بالنسبه لها حتزهق بسرعه

المهم مساعده الناس باي طريقه وبكده تساعد ناس اكتر وماتتعبش كتير

 

 

[dr-amira]

اقتباس المشاركة الأصلية كتبت بواسطة sanaa انا شايفه ان حكايه ان تعمل الاكل وتنزل حتكون دوشه بالنسبه لها حتزهق بسرعه المهم مساعده الناس باي طريقه وبكده تساعد ناس اكتر وماتتعبش كتير

و الله يا سناء احنا بنعمل كده فى مجموعات ...10 كل راحدة تعمل 10 وجبات اسرية ..يبقى معانا فطار ل 100 اسرة ...بس اللى بيطبخ مش هو اللى بيوزع ..غالبا ولادنا اللى بينزلوا و يوزعوا ...بس بصراحة بيبقى يوم مميز

 

 

[بنت شعنونة]

الغاية اهم من الوسيلة في اللحظات دي
اياكش نوزع لحمة نية زي العيد

 

 

[sanaa]

اقتباس المشاركة الأصلية كتبت بواسطة dr-amira و الله يا سناء احنا بنعمل كده فى مجموعات ...10 كل راحدة تعمل 10 وجبات اسرية ..يبقى معانا فطار ل 100 اسرة ...بس اللى بيطبخ مش هو اللى بيوزع ..غالبا ولادنا اللى بينزلوا و يوزعوا ...بس بصراحة بيبقى يوم مميز

بسم الله ماشاء الله ربنا يكرمك


ماهو ده يااميره اللي بتكلم

عاوزه مجاميع واحد يطبخ وحد يوزع


لكن شانا لوحدها ومعها البنت الحماس واخدها بس الامكانيات في التنفيذ حيبقي صعب

عشان كده بقول السهل نوعا ليها عشان تكمل

 

 

[yasovinas]

السلام عليكم يا هوانم انا رجعت والحمد لله من المعسكر
الاول حمداً لله على سلامة بنوتك يا شانا والله انا فتحت الموقع امبارح وقلبي وجعني وللاسف مش بعرف ادخهل من اي كمبيوتر غير كمبيوتر البيت لاني حافظ عليه اليوزر والباص ورد (اظن انا قلت لك مالحكاية دي قبل كده ) ما علينا
شوفي يا شانا طنطك ام محمد (مراتي مش مرات البواب ) بتعمل الحكاية دي كل سنة ولله الحمد، تحت بيت العيله في المنشية في قهوة كبيرة ومشهورة وكل اسبوع بتعمل مائدة الرحمن تنزل للعمال بتوع القهو والمنادي بتاع السيارات والبياعين السريحة واللي بيبقى موجود وبتعمل صواني مكرونة او رقاق باللحمه المفرومه وفراخ وصواني بطاطس يعني اللي بيقدرها عليه ربنا وبيبقى يوم رائع للعيله كلها لان الكل بيشارك في هذا الخير كبير وصغير حتى عمر بيعبي التمر والبلح وساعات بيصر انه يشيل صينيه او دورق العصير وينزلة بنفسه وبيبقى سعيد جداُ ولما بيروح النادي بيلم كل اللاولاد اللي في سنه ويفضل يحكي لهم
الحاجه التانية انها برضه هي واختها واتنين من صحبانهم كل واحده بتتولى حاجه واحد الرز وواحده الفراخ وواحده اللحمه وواحده المكرونه والبطاطس والرقاق وواحده عليها الخروب والتمر هندي وهكذا وبرضه يتلموا في بيت العيله ويعبوا وجبات في اطباق فويل وبرضه الكل بيشارك وبعدين لو انا موجود بنزل انا والمدام ولو مش موجود بتنزل هي وواحده من الفريق نلف على الناس الغلابه في بحري والمنشية ونوزع على حسب العائله كل بيت بعدد افراده ودي برضه بتبقى لها طعم ولذه جميله جدا
الحاجه التالته هي موضوع شنطة رمضان برضه بيتلموا الهوانم ذيكوا كدا وكل واحده تتبرع بمبلغ وبيروحو يعملوا شنطة رمضان فيها
كيلو رز وكيلو سكر وكيلو مكرونه وزجاجة زيت وكيلو عدس او لوبيا وكيس بلح وكركديه او قمر الدين وجوز الهند وكيلو فول وبيوزعوها برضه على الناس المحتاجه

صدقيني يا شانا من بعيد هتحسي انها تعب وحوسه ومش عارف ايه بس اول ما هتدخلي في الموضوع دا مش هتبطليه
الجماعه بدأوه من كام سنه وحاليا بيعملو الموضوع تقريبا كل شهر مره (مائدة رحمن ومرة توزيع وجبات ومرة توزيع نواشف )
شدي حيلك وانويها لو كنت في مصر او لو كنتي انت في اسكندرية كنت وصلتك لتانت ام محمد (مراتي مش مرات البواب )
واجدع تحية للحاجه فاطمه تعلبه واسمع سلام رمضان جانا وفرحنابه

 

 

[بنت شعنونة]

ماشاء الله تبارك الله يا ياسو

دا حاجا جميلة اوي
وبرضه فكرة شنطة الخيير دي كامن ممتازة من حيث السهولة و حضور الاتسمتاع بالعمل نفسه
اصل انا اجدع واحدا تعمل الخير السهل "مؤخرا" نظام اروح لجمعيه وخلاص


بس لحد دلوقتي عجبتني اوووووووووووووووووووووووي فكرة الشنطة دي
ها اعتمدهامؤقتا لحد ما الاقي حلول اخرى
وتحياتي ل والدة عمر
وبطل تقول مش مرات البواب
احسن ها اقولها

 

 

[ابتسامــة]

اقتباس المشاركة الأصلية كتبت بواسطة sanaa ممكن كمان اكل مش جاهز يعني مكرونه ارز لحمه احيانا عدس فول وجبات تتعمل

دي بتتوزع من قبل رمضان يا مدام سناء
وبدأ توزيعها فعلا من النهاردة
وبتتوزع تاني في منتصفه