عزاءا ايها السيدات !

[ديما]

الصحف المصرية والعربية

بسم الله الرحمن الرحيم



نظرا لوجود العقول الواعية
والمثقفة جدا خلف تلك الشاشة الصغيرة
والتي تحوي عالما كبيرا خلفها
وفي منتدى المطاريد الراقي
هنا ساروي لكم معاناتي في اول توبيك لي هنا
ورجاء من اصحاب العقول الراقية ان يدلوا بدلوهم هنا بما فيه من نصح وارشاد

اعمل في مجال ذوي الاحتياجات الخاصة ( مدرسة )
بضم الميم
من فترة طويلة حوالي 12 سنة
حيث ان المدير المباشر لي سيدة للاسف
وما ادراكم بعقول بعض السيدات عندما يحكمن عقولهن الكبيرة جدا
حيث اعاني من تفرقة عنصرية وفروق فردية في المعاملة
باختصار شديد
هناك مسموح للبعض وممنوع للبعض الاخر
عندما صرخت مؤخرا في وجه الظلم مطالبة بجزء بسيط
في بعض من اقل الحقوق من حقوقي
وهي طلب اذن لانهاء معاملة خاصة بي في السفارة
وطبعا كان الرد لآ وحاولت اقناعها بضرورة الموقف ولم تستجيب

ورغم ال لا ذهبت لانهاء اوراقي لانها ضرورية جدا علما اني طلبت اجازة مرضية في اليوم التالي
وكاني اشلعت بجسديها نارا لم تطفا الى الان
علمنا بان هذه الماساه قبل عيد الاضحى باسبوع

بدات اتعرض لضغوط نفسية شديدة جداااااااا
واضطهاد علني امام الجميع
لاني لم انصاغ الى اوامر مديرتنا الموقرة
وبدا عقل السيدة يعمل بالشكل (اللي كلنا عرفينة لما الست تحب تنتقم)
امراة يتعدى عمرها ال 54 سنة
تفكر بعقلية مراهقة ال 16 سنة

بدات الافكار تراودني انا اقدم بها شكوى للمدير العام
او الوزارة التابعة لها
ولكن جميع المدرسات يتبعن مبدا
الجبن سيد الاخلاق
ومن خاف سلم
ولهذا لا يوجد من يشهد معي بالمعاملة التعسفية للاغلبية مننا
علما بأن قرار الاستقالة قائم ولكن لدي مستحقات
وطبعا معظم الاشخاص الذين عاشوا في دول الخليج
عارفين العنصرية شكلها ايه
وهي السبب الرئيس في تفكيري للهجرة الى كندا
دعواتكم انهي اجراءات الهجرة في القريب العاجل
ربنا ما يحكم فيكم سيدة
وحسبي الله ونعم الوكيل

 

[نفرتارى]

يومك سعيد ديما

الحقيقة أنا كنت هقرأ بس وأرد غداً أو وقت لاحق
لكن عايزة أقولك أنك بتشتغلي من وقت طويل
زي ما ذكرتي .وده فى حد ذاته من أهم أسباب هذه المعاملة
لأن لما بيكون فى حد بيشتغل مدة طويلة واتعودو عليه واستفادوا منه
وخاصتاً انك كنتى مثال للخضوع أو الطيبة
طيب هى كامديرة هتلاقى زيك فين طبعاً لازم تمسك فيكي بكل قوة
عموماً أنا شايفه ان ال حصل ده منتهى الخير ليكي
بداية التمرد على هذا الظلم وده حاجة إيجابية
إستمري فى هذا ولا تتوقفى مهما كان من ردة فعل وهى ستخضع لامحال
وده ال هيخرجك من حالتك النفسية صدقنى
وربنا هيدعمك بقوته هيكون معاكي طالما انك مظلومة

تمنياتى لكي بالتوفيق

 

 

[Remooo]

ربنا يتولاكى..للاسف مهما بيوصلوا لمناصب
قلة قليلة جدا اللى بيبقى عقلها كبير وبتكون اد المسئولية
انا اتعرضت لموقف مشابه وكنت شغالة فى شركة كبيرة
ودخلتها بمجهودى من غير ما اكون بنت فلان ولا قريبة علان
وشفت جواها اسود ايام وقمة العنصرية بين واحدة ملهاش ضهر جوه
والباقى المدلعين ولاد علان وترلان وسبتهم ولا فرق معايا

بالنسبة لك انا راييى تصبرى انتى فى غربة
لحد ما تاخدى حقك وبعد كده تسيبيهم غير ماسوف عليهم
الموجودين ياما من اهل البلد ياما موجودين عشان لقمة العيش
وماعتقدش ان حد ها يضحى بلقمة عيشة عشان حد تانى ده بالنسبة للشكوى
لو ادامك فترة مش قليلة حاولى تغيرى مكان العمل لو قدرتى (نقل كفالة على ما اعتقد)
وربنا معاكى

 

 

[monylife]

اقتباس المشاركة الأصلية كتبت بواسطة Remooo ربنا يتولاكى..للاسف مهما بيوصلوا لمناصب قلة قليلة جدا اللى بيبقى عقلها كبير وبتكون اد المسئولية انا اتعرضت لموقف مشابه وكنت شغالة فى شركة كبيرة ودخلتها بمجهودى من غير ما اكون بنت فلان ولا قريبة علان وشفت جواها اسود ايام وقمة العنصرية بين واحدة ملهاش ضهر جوه والباقى المدلعين ولاد علان وترلان وسبتهم ولا فرق معايا بالنسبة لك انا راييى تصبرى انتى فى غربة لحد ما تاخدى حقك وبعد كده تسيبيهم غير ماسوف عليهم الموجودين ياما من اهل البلد ياما موجودين عشان لقمة العيش وماعتقدش ان حد ها يضحى بلقمة عيشة عشان حد تانى ده بالنسبة للشكوى لو ادامك فترة مش قليلة حاولى تغيرى مكان العمل لو قدرتى (نقل كفالة على ما اعتقد) وربنا معاكى

ازيك يا ديما
بصى ريمو عندها حق لو لسه قدامك كتير على الهجرة يبقى مبدهاش انتى كدة معاكى خبرة كويسه حاولى تدورى على شغل تانى وفى نفس الوقت سيرى امورك فى مكانك لحد متلاقى الشغل دة

وربنا يصبرك

 

 

[ديما]

اقتباس المشاركة الأصلية كتبت بواسطة نفرتارى يومك سعيد ديما الحقيقة أنا كنت هقرأ بس وأرد غداً أو وقت لاحق لكن عايزة أقولك أنك بتشتغلي من وقت طويل زي ما ذكرتي .وده فى حد ذاته من أهم أسباب هذه المعاملة لأن لما بيكون فى حد بيشتغل مدة طويلة واتعودو عليه واستفادوا منه وخاصتاً انك كنتى مثال للخضوع أو الطيبة طيب هى كامديرة هتلاقى زيك فين طبعاً لازم تمسك فيكي بكل قوة عموماً أنا شايفه ان ال حصل ده منتهى الخير ليكي بداية التمرد على هذا الظلم وده حاجة إيجابية إستمري فى هذا ولا تتوقفى مهما كان من ردة فعل وهى ستخضع لامحال وده ال هيخرجك من حالتك النفسية صدقنى وربنا هيدعمك بقوته هيكون معاكي طالما انك مظلومة تمنياتى لكي بالتوفيق

حبيبتي نفرتاري
انا فعلا كل ما افتكر الظلم والقهر اللي واقع عليه اتمسك براي اكثر باني اقف امامها
مع انك كتير بيقولولي وطي للريح بس الظلم صعب وانا بكره الظلم جدا مش هتصدقي انها بتكلفني هي وغيرها من المدرسات بشغل اضافي خاص بهم وبعمله محبة لهم ولا اتقاضى منهم اي مبالغ مقابل هذه الاعمال سواء وسائل تربوية او علمية او لوحات خط عربي او كروت دعوات وخلافه وده خارج نطاق عملي
وفي الفترة اللي رفضت تديني فيها الاذن كانت مكلفاني بشغل خيالي
بس الكبرياء اللي فيهم بيديهم الحق انهم يتخيلوا اننا ملكهم وعبد لهم
ورغم من كده بدات اعمل فيها الشغل بعدها طلبت مني ارجع كل حاجة واجيب فواتير للوسائل بصراحة خفت تزور في الفواتير وتطلعني بسمعة سيئة من المكان
رجعتلها الخامات
وقولتلها مفيش فواتير هترجع فلوسك مع الاخصائية
اتجننت اكتر بس اتكلف تمن حاجات كنت هعملها لهم احسن ما تطلعني بسواد الوجه امام الجميع
ولن اتنازل عن حقي من تلك المراة
بالنسبة للبحث عن عمل اخر صعب جدا الفترة القادمة لاننا منتصف العام الدراسي ومفيش كده هنا
التقديم في وقت معين
تسلميلي حبيبتي على نصيحتك الغالية بارك الله فيكي

 

 

[ديما]

اقتباس المشاركة الأصلية كتبت بواسطة Remooo ربنا يتولاكى..للاسف مهما بيوصلوا لمناصب قلة قليلة جدا اللى بيبقى عقلها كبير وبتكون اد المسئولية انا اتعرضت لموقف مشابه وكنت شغالة فى شركة كبيرة ودخلتها بمجهودى من غير ما اكون بنت فلان ولا قريبة علان وشفت جواها اسود ايام وقمة العنصرية بين واحدة ملهاش ضهر جوه والباقى المدلعين ولاد علان وترلان وسبتهم ولا فرق معايا بالنسبة لك انا راييى تصبرى انتى فى غربة لحد ما تاخدى حقك وبعد كده تسيبيهم غير ماسوف عليهم الموجودين ياما من اهل البلد ياما موجودين عشان لقمة العيش وماعتقدش ان حد ها يضحى بلقمة عيشة عشان حد تانى ده بالنسبة للشكوى لو ادامك فترة مش قليلة حاولى تغيرى مكان العمل لو قدرتى (نقل كفالة على ما اعتقد) وربنا معاكى

ريمو الغالية
معاكي حق في كل ما ذكرتي هنا
احساس مؤلم جدا التفضيل والتفرقة
انا فعلا لازم اصبر الفترة دي لحد ما احصل على حقوقي منهم بس لازم يكون في رادع لها
وللاسف مش هقدر اغير مكاني
زي ما قولت لنفرتاري في المشاركة السابقة
انا طالبة دعواتكم لي
تسلمولي يا رب ربنا يبارك فيكم جميعا

 

 

[ديما]

اقتباس المشاركة الأصلية كتبت بواسطة monylife ازيك يا ديما بصى ريمو عندها حق لو لسه قدامك كتير على الهجرة يبقى مبدهاش انتى كدة معاكى خبرة كويسه حاولى تدورى على شغل تانى وفى نفس الوقت سيرى امورك فى مكانك لحد متلاقى الشغل دة وربنا يصبرك

اهلا بيك موني لايف
نورتي التوبيك بصراحة لسه مش عارفة امتى هتخلص اجراءات الهجرة وهنا التقديم للشغل بشروط
في نقل الاقامة مش بس الخبرة معاكي حق لازم احاول اتحمل مع اني في ماساة ووضع مزري
اللي انا فيه مفيش عقل يتخيله
الست دي بتاذني بالاطفال الابرياء اللي ملهومش ذنب بتكدس عندي اصعب القدرات وتجمعهم من صفوف تانية على امل ان حد ينصاب منهم او يقع لانهم حالات صعبة جدا عشان توقعني في الغلط
ادعولي ربي ييسر امري
تسلمي حبيبتي على النصيحة الغالية
ربي يحفظكم من كل سوء

 

 

[ديما]

واخيرا بحمدالله تمت الاستقالة
والسفر عن قريب باذن الله

 

 

[Remooo]

اقتباس المشاركة الأصلية كتبت بواسطة ديما واخيرا بحمدالله تمت الاستقالة والسفر عن قريب باذن الله

ربنا يرزقك بالاحسن ان شاء الله

 

 

[ديما]

اقتباس المشاركة الأصلية كتبت بواسطة Remooo ربنا يرزقك بالاحسن ان شاء الله

تسلميلي يا حبيبة قلبي
ربنا يرزقنا بالاحسن جميعا
ويوفقك ويوفقنا Remooo