لاشاعات دي مش مؤكدة وما تخوفش ولا تخض.نوارة نجم

[مودة]

الصحف المصرية والعربية

دعوه لموضوعي

مدونة مودتي بلا حدود

الاشاعات دي مش مؤكدة وما تخوفش ولا تخض

ده مجرد ميل بيتم تداوله واحنا مش عارفين اذا كان فيه اي شيء من الصحة ولا لا، ولو فيه شيء من الصحة، او حتى كله على بعضه صحيح، فهو ما يخوفش وما يخضش، هو بس يستلزم منا اننا نفضل ماشيين في طريقنا مع مزيد من الالحاح
طيب.. انا بتجيلي ميلات كتير كلها هلاوس سمعية وبصرية، اشمعنى ده اللي نشرته
1- لأني سمعت امبارح على الجزيرة الضابط اللي قال ان فيه خطة اغتيالات لاشاعة الفوضى وانا مصدقة لانها جات لي من كذا مصدر
2- لأن فيه صديقة متصلة بعلية القوم، وصديقة شخصية لجيهان السادات، قالت لنا ان سوزان مبارك بتيجي القاهرة كتير هي وجمال مبارك وشافتها كذا مرة وبتعمل عزايم غدا وعشا مغلق في الاماكن اللي عمري انا وانت ما نخشها عشان احنا جرابيع
حنعمل ايه حيال الميل ده؟
ولا حاجة، حنعمل اللي بنعمله
حنقبض على الناس دي... حنلم توقيعات باعداد مهولة عشان الناس دي يتقبض عليها وتتحط في السجن، ويفوقوا كده لنفسهم ويحاولوا يصدقوا بقى ان اللي بيعملوه ده حيضحك الناس عليهم ويجيب لهم الاذية، وانهم لو قعدوا في حالهم ما كانش حد جه جنبهم بس مدام بيتشاقوا فاحنا حنوريهم جزات اللي ما يسمعشي كلمة الشعب يقولها
احنا اقوى
اليكم نص الميل، انا لا اؤكد ولا انفي الكلام لأني ما عنديش معلومات به، وباكرر، لو جزء او كل الكلام ده صحيح، مافيش حاجة تخوف اي حد غير المذكور اسماءهم في الميل ده

ترددت كثيراً ان اكتب الخطة التاليه التى تسربت من احد صغار الأعضاء بالحزب الوطنى ترددت ان اتكلم لأنه لا يوجد مستندات لأثبات ما تم الأتفاق عليه فى لقاء جمال وعلاء مبارك وسوزان مبارك بقادة الحزب الوطنى اول امس الأثنين 7 مارس لأنهم اتفقوا انهم لن يوثقوا اى اجتماع او تحضيرات حتى لا توجد اى مستندات يتم ادانتهم بها




هام وخطير :: الخطة الرباعية للحزب الوطنى




اطراف الأجتماع الرئيسية
سيدة مصر الأولى السيدة سوزان مبارك
الرئيس المصرى جمال مبارك
السيد علاء مبارك
السيد زكريا عزمى
السيد صفوت الشريف
السيد فتحى سرور
السيد على الدين هلال
السيد مفيد شهاب
السيد محمد ابوالعنين
السيد حسن راتب
السيد عبد السلام المحجوب
السيد ممدوح مرعى
السيد محمد فريد خميس
السيد سيد مشعل
السيد احمد شفيق
السيد ابراهيم كامل
سبعة ظباط من امن الدولة
ثلاثة وثلاثين شاباً من شباب الحزب من جميع المحافظات


اتفقوا على الكثير من الخطوات وتم تسميه الأتفاق بالخطة الرباعية وستعرفون سر التسميه لاحقاً


الخطوط العريضة تنقسم الى تفاصيل يقررها السيد زكريا عزمى والسيد صفوت الشريف والسيد فتحى سرور




اولاً
اشغال الرأي العام الثائر في متابعة محاكمة مسؤولين كبار في الدولة ورجال أعمال بارزين وظباط ليبدو الأمر وكأن هناك خطة إصلاح حقيقية تحظى بتأييد شعبي واسع النطاق على ان تكون محاكمات صورية ويتم الأفراج عن من يتم سجنهم على مراحل مع تولى السيد عمرو موسى او السيد احمد شفيق رئاسة الجمهورية


ثانياً
اعادة ترتيب الاوراق داخل امانات الحزب على مستوى الجمهورية على ان يكون الشباب هم الركيزه ويرشحوا منهم ثلاثة لكل دائره بحيث لايزيد السن على 50 عام ولا يقل عن 30 عام ليتم تجهزيهم لأنتخابات مجلس الشعب القادم ولا يشترط ان يكونوا رجال اعمال بل يجب ان يكونوا من عامة الشعب والطبقة المتوسطة والتمويل للأنتخابات سيتولى امره السيد الرئيس جمال مبارك


ثالثاً
زيادة المرتبات بنسبة 150 % فى كل امانات الحزب على مستوى الجمهوريه


رابعاً
في إطار عملية الإصلاح المزعومة سيتم تقديم دلائل على تورط جهات في الدولة ( لاحقاً سيتم تحديدها ) بتلقي دعم وأموال من دول خارجية تهدف لتخريب مصر ( اسرائيل وايران وامريكا وحركة حماس ) وهذه التهم ستركز على قيادات في جماعة الإخوان المسلمين وعدد كبير من القيادات الشابة التي قادت المظاهرات في كافة محافظات مصر ( شباب الأئتلاف وحركة 6 ابريل والفنانيين والمثقفين المرفق اسمائهم ) وسيتم تقديمهم للمحاكمة بتهمة الخيانة العظمى


خامساً
استخدام المواقع الأخبارية والرياضية الموجود بها تعليقات على الأخبار والمواقع الاجتماعية وعدد من الفضائيات بالأتصالات التليفونيه المجهزه مسبقاً للأيقاع بين الشباب وبين الشباب وقادة الثورة والشباب والحكومة الحالية والتأكيد على الفوضى التى سببتها الثورة وان الرئيس السابق قد حذر من هذه الفوضى الموجودة الأن


سادساً
القيام بحملة إعلامية يترأسها السيد عبد اللطيف المناوى على ان يرشح ثلاث معاونين له بميزانية مفتوحة تركز على الإصلاح وتفتح المجال للتعبير عن الرأي بحرية بحيث اظهار الرأى الأخر المتمثل فى الحزب والدعوة الى فض اى اعتصام او مظاهرات وتفعيل دور برنامج مصر النهاردة بالأبقاء على السيد تامر امين وخيرى رمضان وابعاد السيد محمود سعد والتصدى لأى محاولة للتعاقد مع اعداء الحزب مثل حافظ الميرازى او ابراهيم عيسى او حمدى قنديل او اى اعلامى معارض


سابعاً
إرضاء بعض رموز المعارضة خاصة خاصة حزب الوفد ومساعدته للتواجد الفترة القادمة وسيتم تحديد دوره لاحقاً




ثامناً
التحضير والتجهيز للأستفتاء على الدستور على وجه السرعة بمساعدة المحليات بحيث يتم الموافقة عليه بنسبة تتراوح بين 52
%و65 % لأنه سيكون النواه التى سيتقلد الرئيس جمال مبارك مقاليد الحكم فى انتخابات 2015 وهى التى ستساعد السيد عمرو موسى او السيد احمد شفيق بالفوز بأنتخابات الرئاسة هذا العام
على ان تكون الأستعدادات بالطريقة المعتادة
ولو أدى ذلك لتأجيلها عدة أشهر أخرى بعد موعدها


تاسعاً
يجب ان يتمكن شباب الحزب من وضع يده على ميدان التحرير بحيث يكون الميدان هو عودة للحكم كما كان سبب فى ترك الحكم وذلك بفض اى اعتصامات مستقبليه تحدث فيه وذلك بزرع عناصر من السوابق فى اى تواجد فى المستقبل حتى يعتاد الناس على وجوههم ويكونوا جاهزين لتنفيذ ما يطلب منهم فى المستقبل مع البدء فى وضع خطة شراء عدد 20 الى 30 شقة بالميدان حتى تكون مراكز للحزب فى المستقبل


عاشراً
لايوجد اى محاكمات لأى عضو من اللجنة العليا وما يقال فى الأعلام هو لتهدئة الرأى العام ولن يتجرأ احد على التحقيق او محاكمة السيد الرئيس السابق حسنى مبارك او احد من عائلته او القادة الموجودين هنا فى الأجتماع لأننا خط احمر والدليل اننا لم يتم توجيه اى اتهام لنا حتى اليوم ولن يحدث والسبب سنعلنه فى المستقبل
------------
والله الكلام ده يليق على غبائهم.. اصلهم اغبيا قوي
وممكن يجيبوه لنفسهم
زي ما مبارك جابه لنفسه بغباوته، هم حيجيبوه لنفسهم بغباوتهم
رجاء التوقيع هنا
او جمع التوقيعات على هذا النموذج

والاتصال برقم
0101044264
او ارسال التوقيعات او تسليمها الى
1 ش سوق التوفيقية - مركز هشام مبارك للقانون
------
لو كان الاهبل بينفع كان نفع نفسه.. ما كنتوا في حالكم، لازم تيجيبوه لنفسكم؟ طب التوقيعات الجاية حتبقى مخصصة للحيزبون وابنها عشان تبقى تعمل شقاوة تاني
الشعب يريد يا امورة

 

[brain]

الواضح ان الناس في مصر جالها هسهس اسمه الثوره المضاده
ولولا ان احمد عز و العادلي كانوا محبوسين
كانوا حطوا اسمهم ضمن الخطه
لا وواخدين بالكم من الحبكه
الرئيس المصري جمال مبارك
ايه الافلام الهابطه دي

 

 

[مودة]

دعوه لموضوعي

مدونة مودتي بلا حدود

اقتباس المشاركة الأصلية كتبت بواسطة brain الواضح ان الناس في مصر جالها هسهس اسمه الثوره المضاده ولولا ان احمد عز و العادلي كانوا محبوسين كانوا حطوا اسمهم ضمن الخطه لا وواخدين بالكم من الحبكه الرئيس المصري جمال مبارك ايه الافلام الهابطه دي

برين ماتوقعتش الكلام ده منك لاني وانا بقرا المقال ده جه في بالي ردك ده

اقتباس المشاركة الأصلية كتبت بواسطة brain لماذا قلت نعم لانني تعلمت من درس اوكرانيا و صربيا ماذا حدث في اوكرانيا و صربيا ثورات شعبيه صادقه ازاحه للانظمه الحاكمه و تولي المعارضه التي قادت الثورات زمام الامور في البلاد و لكن .............. بعد 4 سنوات في الحكم و في اول انتخابات تاليه بعد الثوره سقط الثوار سقوطا مريعا شاملا و عادت الوجوه السابقه الى الحكم مره اخرى هذا الامر حدث بشكل صارخ و بشع في اوكرانيا لدرجة ان زعيمة المعارضه التي اسقطت النظام و الرئيس عادت و سقطت في الانتخابات التاليه امام نفس الرئيس التي اسقطته كارثه و الله نفس الرئيس و بنفس البرنامج هذا الامر حدث بالظبط في معظم الدول الشيوعيه سقط النظام الشيوعي و بعد فتره عادت الاحزاب الشيوعيه - اللي بقى اسمها اشتراكيه - الى الحكم مره اخرى عارفين السبب في ده ايه ؟ ان الشعب حس انه عمل اللي عليه و ساب الموضوع في ايدين بتوع المعارضه يعملوا اللي هم عايزينوا فعندما حدثت المشاكل انقلب الشعب على ثورته انا اريد الشعب ان يظل متفاعل مع المسأله السياسيه و الدستوريه لمده 4-5 سنوات لا اريد للشعب ان يقول "لقد اديت ما علي و الان اترك الامر للساسه ليقرروا مصيري و مصير البلد " عدم الحصول على الحق كاملا يقدم لي هذه الفرصه عندما نقول نعم سيتعامل الشباب الثورث مع الامر على انه لا يزال هناك شيئا ناقصا نحن في حاجه الى اتمامه و سينقلوا هذا الاحساس الى الناس في الشوارع ربما في الوقت الحالي نحن ننظر الى الامر بشكل مختلف و لكن عند التطبيق الفعلي سنرى عيوب و مميزات ما اخترناه في هذه الحاله و في وجود التحفز الثوري النابع من احساسنا ان الامر لم يكتمل بعد سيكون الشعب على استعداد للعوده مره و ثانيه و ثالثه الى الشارع للتعبير عن حقه بدون هذه الطريقه سنستمر في نفس الحاله التي كنا عليها كنت قرأت للاستاذ احمد باشا راي ملت اليه جدا و كاد ان يجعلني اميل الى موضوع التصويت بلا و هو موضوع ال 50% عمال و فلاحين و لكني تذكرت شيئا الان و بعد سنه و بعد 5 سنوات في القرى المصريه من سينتخب الفلاحون ؟ انا اجزم من الان ان من سينجح في قرى و محاقظات مصر هم نفس الوجوه سواء كانت حزب وطني او اخوان او وفد او حتى شيوعيين كبير البلد العائله الاكثر نفوذا في البلد الاغنى هل سيحل هذا الموضوع تغيير الدستور ؟ هل سيحل هذا الموضوع الهيئه الرئاسيه ؟ ابدا لكن من سيعالج هذا الموضوع هو استمرار الحاله الثوره بين المصريين هذه الحاله الثوريه هي المدرسه لكل المصريين بمعنى السياسه و اهميتها المصريون يرون في السياسه و الانتخابات شر مستطير و السلطان من لا يعرفه السلطان عندما لا نحصل على كل شئ هذا سيجعل الشعب لا يركن الى الهدوء و السكينه و العوده مره اخرى الى المربع الاول تاريخيا كلامي صحيح دستور 23 هو واحد من افضل الدساتير في التاريخ ماذا كانت نتيجه هذا الدستور ؟ من وجهه نظري يكفي هذا الدستور اثما اننا سمعنا من يقول " لو رشح الوفد حجرا لانتخبناه " ليه ؟ لان الناس تركت مقدراتها في ايدي الوفد و رجاله و بغض النظر عن كونهم على قدر الامانه ام لا الا انني ارفض هذا الشئ في هذا التوقيت الشعب المصري يجب ان يكون معجون سياسه حتى لا يحدث ان يسرق احد ثورتنا بعد ذلك انا لا اشكك في اي واحد من الناس العظماء الموجودين الان على الساحه و لكني ارى ان دستور قوي يجب ان يبنى على شعب واعي و فاهم و هذا الشعب لن يعي و لن يفهم اذا كان مطلوب منه ان يقول لا و يترك للهيئه الرئاسيه او اللجنه التاسيسيه فعل كل شئ نيابه عنه

 

 

[nash]

هو فيه ملحوظه غريبه شويه في موضوع الإشاعات

كل مرحله ليها نوع معين من الإشاعات يناسبها وأحداث فئويه كمان

المرحله دي إشاعتها تنحصر فيما يخص العائله المالكه السابقه...

زي جمال ونادي رجال الأعمال وظهور سوزان غير بروبوجندا ترشيح علاء للرئاسه وأن مبارك ما أستقالش من الحزب الوطني يبأة لسه رئيس للحزب وكلام كتير .... فايده الإشاعات الوحيده من النوع ده رواج أدويه الضغط والسكر .... لإن كل دي احلام واوهام وهما عارفين كده بس بيحرقوا دمنا مش أكتر....


خطه الإغتيالات ... فكرتني بموضوع لو أغتالوا شرف .... إحتماليتها كبيرة جدا وهي دي اللي فعلا ممكن تسبب فوضي لا يعلمها إلا الله....

وربنا يحفظ مصر

 

 

[brain]

اقتباس المشاركة الأصلية كتبت بواسطة مودة برين ماتوقعتش الكلام ده منك لاني وانا بقرا المقال ده جه في بالي ردك ده

يا استاذه موده
الاحزاب الشيوعيه رجعت في هذه البلاد من غير خطط ولا ترتيبات جيمس بوند المكتوبه فوق دي
رجعت باخطاء الثوار
مش عايزين نلاقي نفسنا زي دون كيشوت
و نحارب طواحين الهوا

 

 

[مودة]

دعوه لموضوعي

مدونة مودتي بلا حدود

اقتباس المشاركة الأصلية كتبت بواسطة brain يا استاذه موده الاحزاب الشيوعيه رجعت في هذه البلاد من غير خطط ولا ترتيبات جيمس بوند المكتوبه فوق دي رجعت باخطاء الثوار مش عايزين نلاقي نفسنا زي دون كيشوت و نحارب طواحين الهوا

الى الامام
ثورة ثورة