السلام عليكم ورحمه الله وبركاته
طبعا ده اول موضوع ليا اكتبه هنا واتمني بجد انه يفيد كل الناس اللي متعذبه في موضوع الايلتس
اولا انا مش مدرسه زي ما ناس كتير فاهمه
، انا مجرد اني بس عندي شويه خبرات وتجارب في موضوع الايلتس وحبيت اشاركها معاكم
ثانيا لازم كلنا نكون عارفين ان كل واحد فينا مستواه اللغوي هيكون مختلف من حد للتاني ، مش بس كده ن مستوي الشخص نفسه من مهارة لمهارة ممكن جدا يتفاوت بمعني ممكن تكون هايل في listening and speaking لكن محتاج شغل في باقي المهارات
كمان السكور المطلوب من كل حد فينا هيكون مختلف لان فيه ناس تكتفي بسكور متوسط في اللغه (6 في كل باند ) وفي ناس عايزة تعدي ال 8 في كل باند ، وده علي حسب مجموع الدرجات التوتال بتاعتها
لكن طبعا وبما اننا داخلين علي نظام الاكسبريس انتري واللي بيدي نقاط كتيرة علي عامل اللغه فالمفرض كلنا هنكون عايزين اعلي سكور في الايلتس
انا بس حابه اشارك معاكم بعض المفاهيم الخاطئه اولا عن الايلتس عشان الناس متتوقعش اني هعملها ماجيك بمعني تاني انك عشان تلاقي نفسك فجاه نطيت من باند 5 الي باند 7 فده مستحيل تقريبا من غير ما يكون فيه and dedicationplan للمذاكرة عشان تحس بفرق في أدائك اللغوي
فيه ناس مستواها اللغوي عالي فدول هيكون ليهم شغل لوحدهم لان الاساس اللغوي سليم ، يعني معندوش مشاكل في ال grammar, vocabulary, spelling,
دوول هيكونوا عايزين بس يتدربوا علي نماذج الامتحان نفسه ومعرفه التركات بتاعه كل سؤال علي حده وده اشالله امرة بسيط
نيجي بقه للناس اللي عايزة تضبط اللغة من الاساس ، يعني مثلا حد عنده مشكله في الكلمات ( مبيعرفش يلاقي كلمات مناسبه للموضوع اللي هيتكلم او هيكتب فيه) او حد مثلا عنده مشكله انه يكون جمله ((Sentence structure
ده هيكون ليه برضه طريقه في المذاكرة وماتيريال مختلفه ولازم يكون عنده صبر ويبقي عارف ومحضر نفسه كده انه هيبذل مجهود اكبر لانه بيعمل حاجتين في نفس الوقت ، هيحسن الاساس اللغوي من جرامر وخلافه وهيتدرب علي اسئله الامتحان كمتن 
انا في الحقيقه بصيت سريعا كده علي موضوع كان حد من الزملاء عامله عن الايلتس وحاطط ماتيريال كتيرة اوي فانا في الحقيقه مش ده هددفي لان كل الناس عارفه ان فيه ماتيريال كتييييييييييييييير جدا فمش عايزين نلخبط نفسنا بResoruces ممكن تلخبطنا اكتر ما تفيدنا
بس برضه اللي عايز اي حاجه انا هبعتهاله بصفه شخصيه يعني عل الايميل بتاعه ، انا حاولت ارفع ملف لطيف عن الspeaking لكن كان حجمه كبير شويه فحتي بعد ما عملتله compress برضه مش عارفه ارفعه هنا فلو حد عنده فكرة ازاي اعمل كده يقولي
انا حابه ابدأ بالكلام عن موضوع ال Speaking لانه من اكتر السيكشنز اللي فيها قلق من الناس وطبعا لاننا مش عندنا فرصه نمارس اللغه كل يوم بشكل كويس يخلينا fluent
انا هقولكم علي تجربتي اللي جابت معايا 8 في ال speaking الحمدلله ومكنتش بقل عن 7ونص ابدا في اي امتحان
اول شيئ انا هنصح بيه اي حد يعمله ولسه بيتدرب انه يقرا اجابات اسئله الspeaking من ويبسايت اسمه Simon-ielts
الطريقه الاولي : هتفتح السايت وهتجيب السيكشن بتاع ال speaking وهتشوف الtopics و هتدوس عليcomment وهتشوف اد ايه ناس بتشارك وبتبدا تحط اجابات هتلاقي منها كتير هايله اقرا علي قد ما تقدر عشان تخلي نفسك fameilier بالاسئله وطريقه الاجابات بتاعتها
الطريقه التانيه : حضرتك هتجيب ورقه وقلم وهتبدأ تكتب اجابتك اكتبها وحسن فيها علي قد ما تقدر ، واستلف جمل من الناس اللي كاتبين في الويبسايت ده ، مش عيب ابدأ انك تبدا بالشكل ده، وحاول انك تقولها تاني وتسترجعها لنفسك او لاي حد معاك في البيت ( اختك اخوك، مراتك ) اي حد مهتم
لو كل يوم عملت كده هتبص تلاقي نفسك بقي عنده حصيله كلمات كتير اوي وهتبدا المعلومه تثبت في دماغك
النقطه التانيه انك لازم تكون عارف ازاي تنطق الكلمات دي صح لان النطق pronunciation مهم وعليه درجات في الامتحان
الطريقه التالته : ودي انا سمياها الطريقة الذهبيه
انك تلاقي لنفسك speaking partner
الشخص ده ممكن يكون اي حد ، اي حد بيتكلم انجليزي و ممكن جدا تطلب حد من علي الويب سايت ده وهتلاقي ناس كتير اوي عايزة حد يذاكر معاها ، الموضوع ده سحري بجد ، لو قدرت تلاقي حد مستواه زيك او احسن منك هتقدر تطور نفسك بسرعه الصاروخ
ساعه كل يوم ، لو فيه وقت اكتر يبقي هايل ، هتجيبوا الاسئله بتاعه الحاج سايمون ( لانه دايما بيجيب اسئله الامتحانات اللي اتعملت في كل البلاد وبيحطها ) وتعدوا تتناقشوا فيها
طيب لو معنديش حد اذاكر معاه اعمل ايه
؟؟ هتسجل لنفسك علي الموبايل ، هتبدا تجيب اي توبيك وتتكلم عنه وتتخيل فعلا ان في حد قدامك
لو جنان ان تكلم نفسك عشان تجيب سكور علي في الايلتس ( اتجنن )
دي الطرق اللي انا شايفاها مفيده جدا والصح اننا نطبق التلات طرق مع بعض هبدأ دلوقتي اتكلم عن كل نوع من الاسئله بتاعه الامتحان واللي مش بيزيد وقته عن 15 دقيقه
الامتحان بيتقسم الي 3 اجزاء :
الجزي الاول دي اسئله كده warming up questions اسئله سريعه ولازم تكون اجاباتك عليها سريعه لا تتعدي جملتين وطبعا لما هتتدرب علي اسئله كتير الجزء ده بالنسبه لك هيكون بسيط جدا
الجزء التاني و ده انا بعتبرة اصعب جزء فعلا لانه في الاول هيكون صعب بالنسبه لنا نتكلم دقيقتين عن موضوع يكاد يكون احيانا هابف وممكن جدا متلاقيش كلام تقوله عنه
من نماذج الاسئله االي قابلتني انا شخصيا وحسيت اني مش لاقيه اي كلام اقوله
describe your favorite piece of clothes
لكن مع الوقت وبالتمرين تلاقي نفسك قادر انشالله تتكلم عن اي موضوع
في تكنيك كده بستعمله لما باجي اتكلم في اي توبيك اسمه ال 5 W
When, Who, What, Why, and Where
يعني ابدا اقول الحاجه دي حصلت فين وامته وازاي وليه انا بحبها وعملت ده مع مين مثلا
My favorite piece of clothes is my Levis jeans; I got it from a well-known shop in America when I was there last summer with my family. I got it during Christmas sale in a very reasonable price. I would say I am in love with the cut of my jeans because it makes me look very slim; the color as well is fantastic and it goes very well with everything that I need to wear such as dark or light colors. It is made of cotton so it is pretty soft and comfortable and it does not need a lot of time to clean or iron it.
نموذج بس انا كتبته سريعا كده يديلكم فكرة نرغي في ايه بالضبط بالذات لو الموضوع بسيط لدرجه انك متبقاش عارف هتقول ايه
خليك طبيعي
، اتكلم واغلط عااااااادي ، خليك لطيف وعندك sense of humor اللي بيمتحنك ده بني ادم مش حجر ويحب يشوف انسان بيتكلم طبيعي مش حافظ كلمتين وجاي يقولهم
الجزء التالت : وده برضه محتاج مننا كلام كتير لان ده Discussion questions
في الجزء ده هو مش بيمتحن رايك او وجهه نظرك في الموضوع اللي بتتكلم فيه ، ما عليك غير انك تتكلم وتدي امثله ، كل ما تلاقي نفسك وقفت ومش قادر تكمل ادي مثال for example, such as, blab la bla
اللي عايز اي سؤال يتفضل وانا كل ما هفتكر حاجه هكتبها لكم
آخر 10 مشاركات
23rd December 2014, 11:58 AM
IELTS 7
العرض العادي
