أي سؤال في الخطوات العمليه للهجره لكيبك؟

[savary]

الصحف المصرية والعربية

السلام عليكم جميعا

بكالريوس علوم كيمياء ولسه مخلص ملوش كام شهر شغال وبدأ كورسات مكثف فرنساوى
يقدم امتى ؟
هل يستنى يكمل سنتين خبره ولا ممكن قبل كده ؟
هو ممكن يوصل للمستوى السادس فى غضون سنه من دلوقتى والانجلش بتاعه هايل لانه خريج جامعه اجنبيه

 

 

[savary]

سؤال تانى على بالى من فتره
ايه هى الوظائف المطلوبه فى كيبك و الفيدرال ؟؟
الوظائف المشتركه يعنى لانى بتسأل السؤال دا كتير من زمايلى هنا !

 

 

[shadykamal]

اقتباس المشاركة الأصلية كتبت بواسطة العندليب اكيد هتعمل العقد بتاريخ قديم يعنى تاريخ بداية العمل اللى هتكتبة فى الابليكيشن وتقدر تجيب العقد مع شهادة الخبرة يبقى كدة بتأكد كلامك بكذا شهادة ومافيش مجال للشك وانا هبعتلك صيغة العقد شـكــ وبارك الله فيك ـــرا لك ... لك مني أجمل تحية .

شكرا يا باشا مستنى صيغة العقد

 

 

[savary]

فعلا شهاده الخبره بتتوثق عادى جدا من الشهر العقارى بوجود صاحب الصيدليه ومعاه السجل التجارى
بس بتتوثق بالعربى ,,,
وبكده يبقى الاحسن ان الشهاده تتعمل بالعربى م الاول وتتوثق شهر عقارى وبعدين تترجم
لانى اخدتها من الصيدليه بالانجليزى ومردوش يوثقهالى وعملت نسخه تانى بالعربى

الناس اللى وظيفتها مش فى اللسته هل الديلف بى ان مع 4 سنوات خبره كافيين للنجاح ؟؟
انا داخل ريسك يا نون يا اووول
الانجليزى الحمد لله اجيده بحكم الدراسه و العمل بعد ذلك ومش قلقان منه
ولكن تحسبا للظروف ايلتس بسكور كام يكون كافى لاخد درجات الانجليزيه كامله ؟
اخيرا لو بعد الديلف والايلتس ومدانيش ال 6 درجات بتوع التأقلم زى الحاله اللى كان زميل بيسأل الاستاذ السيد منير عليها
هيبقى ايه الوضع وقتها ؟؟؟
هل الديلف بى دوو هيبقى هو الحل الوحيد ومعلوماتى انه شبه مستحيل يعنى
!!

 

 

[savary]

اقتباس المشاركة الأصلية كتبت بواسطة مهاجر ده اللى و صلنى منهم و معرفش ليه كده و مقدم شهادات delfb1 , ielts و درست كمان للمستوى اللى بعد دفعت دم قلبى على الفرنساوى و برده للتاكيد ورقة الدرجات اهى مرفقة

ياريت الاستاذ مهاجر يطمنا عمل ايه
لان الموضوع كده مقلق بصراحه
المفروض النقط تكون معديه ,, قصه انه ينزلك فى التكيف ومعلومات كيبك قصه رخمه جدا بصراحه
وحضرتك كنت باعت الايلتس بسكور كام
وليه النقطه الى ناقصه لحضرتك متكملهاش بمستوى فرنساوى فى المركز الثقافى الفرنسى ؟

 

 

[اوسكار]

العندليب الفففف الففف شكر يا باشا

 

 

[manh_1234]

انا كنت خدت الdelf a2 وبعدين سألت في السفارة بالتليفون احسن اخد delf b1 ولا tcf pour quebec وقالولي طبعا tcf q احسن

 

 

[manh_1234]

ياريت لو حد عندة كتب تفيد في امتحان الtcf يقدر يساعد وشكرا

 

 

[العندليب]

اقتباس المشاركة الأصلية كتبت بواسطة shadykamal شكرا يا باشا مستنى صيغة العقد

دة نموزج العقد اللى انا وثقته فى الشهر العقارى ( اثبات تاريخ )

عقد عمل ( 1 )

انه فى يوم الموافق / / تحرر هذا العقد بالأتفاق بين كل من :.
1. شركة ويمثلها
السيد / ( طرف أول )
2. والسيد / مصرى الجنسية – تاريخ الميلاد / /
ويحمل بطاقة رقمية رقم قومى الصادرة من ( طرف ثانى )

أقر المتعاقدان بأهليتها للتعاقد وأتفقا على الاتى : .
1- قبل الطرف الثانى العمل لدى الطرف الاول وتحت اشرافه بوظيفة ........................
وذلك نظير مبلغ وقدرة ............... ( فقط .................................................. ........)
شامل البدلات وأى مبلغ يدفع غير ذلك يعتبر هبة تشجيعية من الطرف الاول ولا يترتب علية أى حقوق للطرف الثانى أيا كان نوعها كذلك يتم خصم الضرائب المستحقة من الطرف الثانى من راتبه كما يتم خصم التأمينات طبقا لقانون التأمين الأجتماعى رقم 79 لسنة 1975

2- تبدأ خدمة الطرف الثانى من تاريخ استلامة العمل يوم / /
وينتهى بأحد الاحوال الأتيه :.
· سنة من تاريخ تسليمة العمل ويجدد العقد تلقائيا دون الحاجة الى اخطار مسبق او اعلان
· رغبة الطرف الثانى فى الاستقالة من العمل

3- يعمل الطرف الثانى تحت الأختبار مدة ثلاث أشهر غير قابلة للتجديد او الزيادة ابتداء من تاريخ استلامة العمل ويحق لصاحب العمل أن ينهى العقد قبل انتهاء فترة الأختبار مع اخطار قبلها ولا يحق للطرف الثانى الرجوع على صاحب العمل باى شيئ من هذا الخصوص .

4- تعتبر لائحة نظام العاملين بالشركة والتعليمات واللوائح والقرارات الادارية التى تصدرها الشركة فيما يتعلق بتنظيم العمل جزاء متمما لهذا العقد ويقر الطرف الثانى باطلاعة على لائحة الجزءات المعمول بها بالشركة وعملة بما جاء بها.

5- يقر الطرف الثانى فى حالة الرغبة فى الاستقالة من العمل لسبب أو لأخر فأنه ملتزم بأن يخطر الطرف الأول برغبته فى الاستقالة قبل الموعد المحدد بشهر على الاقل حتى يتمكن الطرف الاول من تعيين البديل وتدريبة حتى لا يضر العمل بالشركة وفى حالة مخالفة ذلك يلتزم الطرف الثانى بسداد مهلة الأخطار وهى مرتب شهر ويكون من حق الطرف الأول خصمها من مستحقاتة لدية دون أى اعتراض من الطرف الثانى وذلك أعمالا بنص المادتين ( 694 ، 695 ) من القانون المدنى.

6- يقر الطرف الثانى بصحى البيانات والمحل المختار بالعنوان المذكور الموقع والمسلم لصاحب العمل ويكون مسؤلا عن سلامتها وصحتها وأختار الشركة فى حالة حدوث أى تغيير بها .

7- يلتزم الطرف الثانى بالمحافظة على سرية المعلومات الخاصة بالشركة أو بعملاءها يترتب على افشاء هذة الاسرار فسخ هذا العقد فورا بدون تنبيه أو انذار ودون أن يكون للطرف الثانى الحق فى الرجوع على الشركة بأى تعويضات وعلى أن يكون للشركة الحق فى الرجوع علية بالتعويض والأضرار التى لحقة لها من جراء ذلك .

8- يلتزم الطرف الثانى بتسليم صاحب العمل بكل ما يكون لديه من أموال أو عهد أو مستندات وذلك فور انتهاء هذا العقد.

9- يعتبر احكام القانون 137 لسنة 81 مكملة لهذا العقد وتطبق احكامة فيما يرد به من نص فى هذا العقد .

10- المحاكم المختصة فى الفصل فى المنازعات المتعلقة فى تطبيق هذا العقد الواقعة فى دائرة منطقة العمل .

11- حرر هذا العقد من نسختين بين كل الطرفان نسخة .

الطرف الاول الطرف الثانى

 

 

[ايجيكويب]

اقتباس المشاركة الأصلية كتبت بواسطة manh_1234 ياريت لو حد عندة كتب تفيد في امتحان الtcf يقدر يساعد وشكرا

فى كورسات بتتاخد فى المركز الفرنسي بالقاهرة للأعداد لل tcf الخاص بالهجرة لكيبيك راجعهم لانهم بيعملوا الدورات الدي للأعداد لكيبيك ................. ربنا معاك