مبرمجون و مهندسي شبكات وصيانه حاسبات مهاجرين الي كندا

[nasrfathy]

الصحف المصرية والعربية

السلام عليكم ورحمه الله
بسم الله وعلي بركه الله نبدا موضوع لمناقشه الفرص المتاحه في كندا للعاملين في موضع الكمبيوتر من برمجه وتصميم وصيانه وتركيب وشبكات الخ..
وعلي غرار موضع( زراعيين وكيميائيين مهاجرين الى كندا ) مع تقديري الشديد للدكتور ايمن هنبدا موضوعنا كالاتي: الاسم- الوظيفه- سبب الهجره-موقفك حتي الان من الهجره..طبعا مع الاحتفاظ بحقوق النشر لدكتورنا الفاضل ان شاء الله عايزين الموضوع يشمل كل العاملين في مجال الكمبيوتر وارجو كل من لديه معلومه صحيحه الا يبخل بها علينا كلنا هنا في المنتدي اخوه ناخد بايد بعض ولزوم الاحتياط هعمل رقيه في السريع رقيتك واسترقيتك وانتم عارفين الباقي عليه الصلاه والسلام.. طبعا هطلب من الاخ م/ ايهاب ان يشرفنا ويتولي قياده التوبيك وان شاء الله تعم الافاده للجميع وتحياتي لكم جميعا

 

[nasrfathy]

الاسم: نصر فتحي
الوظيفه:فني صيانه كمبيوتر ومبرمج مبتدا
سبب الهجره: الحمد لله الظرف كويسه جدا معايا في مصر بس بدور لمستقبل افضل لاولادي وحد يسالي عليا لو تنظيم القاعده خطفني
موقفي من الهجره:منتظره شهر 11 ومفاجاته
والله الموفق

 

 

[nona alawaal]

استاذ نصر .. احنا محتاجين برضه نعرف ايه المجالات البسيطة و السهلة التى يمكن ان يدخلها او يمارسها المهاجر هناك ... مش شرط يكون مبرمج كمبيوتر هنا .. و ايه امكانية هذا

 

 

[nasrfathy]

السلام عليكم
اسف يا مدام نوانا اني اتاخرت في الرد عليك
اولا في مجالات سهله ولذيذه وموجوده في كل مكان وسلة التعلم وهي التركيب(install) والسوفت وير وده مجال سهل التعلم ومطلوب في كل مكان ..تحت امرك مدام نونا

 

 

[nasrfathy]

السلام عليكم
ا/ ياسر اللي كنت خايف منه حصل احيانا بشعر اني الوحيد اللي شغال في المجال ده .. عشان كده ترددت في اني افتح توبيك لاني مش عايزه مجرد توبيك والسلام .. كنت اتمني مشاركات اكتر من كده ومشاركه م/ ايهاب ده لو وقته حضرته يسمح بكده وتحياتي لكم جميعا

 

 

[yassir]

اقتباس المشاركة الأصلية كتبت بواسطة nasrfathy السلام عليكم ا/ ياسر اللي كنت خايف منه حصل احيانا بشعر اني الوحيد اللي شغال في المجال ده .. عشان كده ترددت في اني افتح توبيك لاني مش عايزه مجرد توبيك والسلام .. كنت اتمني مشاركات اكتر من كده ومشاركه م/ ايهاب ده لو وقته حضرته يسمح بكده وتحياتي لكم جميعا

أخى الفاضل نصر , هناك هدوء محمود فى المشاركات فى كل المواضيع , ليس فى موضوعك فقط ....و أقول محمود لأن الأعضاء يشاركون فى كل المواضيع و ليس فى باب كندا فقط و هو شىء طيب و لايثير المشاكل كما حدث من قبل , ثم لاتنسى أننا كما ذكر أخى حشيش منذ يومين لازلنا أعضاءا فى اماكن أخرى و يتوزع وقتنا بنها جميعا ....صبرا جميلا ...و يكفيك أنك صاحب الفضل فى فتح موضوع له أهميه كبيره ....تحياتى و تقديرى ...

 

 

[nona alawaal]

اقتباس المشاركة الأصلية كتبت بواسطة nasrfathy السلام عليكم اسف يا مدام نوانا اني اتاخرت في الرد عليك اولا في مجالات سهله ولذيذه وموجوده في كل مكان وسلة التعلم وهي التركيب(install) والسوفت وير وده مجال سهل التعلم ومطلوب في كل مكان ..تحت امرك مدام نونا

شكرا لك اخى الفاضل
و لا تقلق ... كلنا فى حالة ترقب للوظائف المنتظرة الشهر القادم و ما سوف تفرضه علينا
بالتوفيق للجميع

 

 

[great expectations]

الاخ الفاضل نصر فتحي شكرا لموضوعك واريد ان استفسر عن قوة شهادة زي icdl وما شابهها ام انها شهادات مضروبة ولا قيمة لها
ومادا عن data entry بيقولوا انها مجال عمل بسيط
عموما ربنا يوفقك

 

 

[nasrfathy]

السلام عليكم
ا/ياسر شكرا لدعمك المعنوي
مدام نونا ان شاء الله يكون لنا حظ في الوظائف دي وربنا الموفق.. وكل اللي يجيبه ربنا خير
د/قناوي شهاده icdl دي شهاده دوليه وتسمي رخصه قياده الكمبيوتر زيها زي رخصة العربيه يعني دليل انك بتعرف تسوق وICDL ملخص لجمله
international computer driving licence
الرخصه الدوليه لقياده الحاسب وطبعا ليه قوه في كل مكان لان منهجها مش من مصر واخد بالك انت وبخصوص data entry ده برضه ضمن منهج
ICDL وهي سهله بس محتاجه سرعه في الكتابه واحتراف جميع برامج الورد لان في كندا مش بيستخدموا ويندوز مايكرسوفت بس لا عندهم آبل وعندهم لينوكس وبرامج الاوفيس بتاعته غير ويندوز مايكروسوفت بس في تشابه وعلي العموم انا تحت امر حضرتك لاي استفسار وانا ارفقت لحضرتك ملف في المرفقات PDf بتعريف عن شهاده ICDL وتحت امرك في اي وقت تحياتي لكم جميعا

 

 

[حسام]

الأخ العزيز نصر فتحى
مش عاوز أتقل عليك فى الأسئلة
وأغير رأيك فى المشاركات وكثافتها
ممكن بس أسأل على فرص مجال تطوير المواقع
web development
ياترى أخبار الشغل للناس دى اية؟
فية معادلة؟
اية الخبرات اللى بيحتاجوها؟
المرتبات كويسة ولا لأ؟
وربنايكرمك دايما