مايخص المحاسبين ومعادلتهم في كندا

[شينكاوي]

الصحف المصرية والعربية

نااااااااااااش سيبي إبنك هو اللي يقرر وكمان خليه يدور علي فرصة في مصر قبل ما يدور خارجها وأنا بندم لأني مدورتش علي فرصة في مصر وقررت الفرار مع العلم بأن أكتر من ثلثي دفعتي إشتغلوا في أماكن محترمة جداً وبراتب كويس جداً , أنا إستسهلت وقلت أفكني من مصر ومن الشغل في مصر وللأسف كانت اكبر غلطة ممكن يغلطها شاب , علي فكرة دفعتي كانت أقل من 60 طالب وكل اللي كان تقديرهم جيد إشتغلوا شغل كويس قوي , سيبي إبنك يشوف فرصته في مصر ولما ييأس يبقي يدور علي الهجرة ولو عاوزة تفيديه أكتر خليه يسافر يتعلم هناك ودا هيفيده أكتر من انه يترك المحروسة كمهاجر

(من مذكرات شاب يائس بائس مطرود من مصر )

 

 

[dr-amira]

اقتباس المشاركة الأصلية كتبت بواسطة MOHAMED HASSAN نااااااااااااش سيبي إبنك هو اللي يقرر وكمان خليه يدور علي فرصة في مصر قبل ما يدور خارجها وأنا بندم لأني مدورتش علي فرصة في مصر وقررت الفرار مع العلم بأن أكتر من ثلثي دفعتي إشتغلوا في أماكن محترمة جداً وبراتب كويس جداً , أنا إستسهلت وقلت أفكني من مصر ومن الشغل في مصر وللأسف كانت اكبر غلطة ممكن يغلطها شاب , علي فكرة دفعتي كانت أقل من 60 طالب وكل اللي كان تقديرهم جيد إشتغلوا شغل كويس قوي , سيبي إبنك يشوف فرصته في مصر ولما ييأس يبقي يدور علي الهجرة ولو عاوزة تفيديه أكتر خليه يسافر يتعلم هناك ودا هيفيده أكتر من انه يترك المحروسة كمهاجر (من مذكرات شاب يائس بائس مطرود من مصر )

 

 

[nash]

شنكاوي ودكتورة أميرة... طبعا سعيده جدا بكلام شينكو وأسعد بتأكيدك عليه..

صدقني يا شينكاوي .. أنا بحاول أشوف الأفضل من وجهه نظري القاصرة ... الفساد والمحسوبيه والرشاوي في مصر بتقهر الواحد... أكيد هاكون سعيده جدا لما أولادي اللي تعبت بجد زي أي أم فيهم حواليا .. لكن الصورة مش حلوة وطبعا عندي أمل في رب العالمين ...

كل اللي بطلبه فرص عادله في الحياة للشباب مش بس أولادي .. لا والله .. بس حرام يعني كفاءات وتعليم وتعب يروحوا علي الأرض علشان شويه مفسدين ....

نصيحتك إن شاء الله في عين الإعتبار ... وبجد يعطيك ربي ألف عافيه علي نصيحتك اللي حسيتها من قلب شاب مقهور خايف علي الآخرين

 

 

[ايجيكويب]

اقتباس المشاركة الأصلية كتبت بواسطة Mohamed Hassan نااااااااااااش سيبي إبنك هو اللي يقرر وكمان خليه يدور علي فرصة في مصر قبل ما يدور خارجها وأنا بندم لأني مدورتش علي فرصة في مصر وقررت الفرار مع العلم بأن أكتر من ثلثي دفعتي إشتغلوا في أماكن محترمة جداً وبراتب كويس جداً , أنا إستسهلت وقلت أفكني من مصر ومن الشغل في مصر وللأسف كانت اكبر غلطة ممكن يغلطها شاب , علي فكرة دفعتي كانت أقل من 60 طالب وكل اللي كان تقديرهم جيد إشتغلوا شغل كويس قوي , سيبي إبنك يشوف فرصته في مصر ولما ييأس يبقي يدور علي الهجرة ولو عاوزة تفيديه أكتر خليه يسافر يتعلم هناك ودا هيفيده أكتر من انه يترك المحروسة كمهاجر (من مذكرات شاب يائس بائس مطرود من مصر )

تضمنله يلاقى شغل وعيشه كويسه ؟؟؟؟؟؟؟؟؟؟
مكناش احنا دورنا على هجره من الاول احنا بقالنا اكتر من 8 سنين من ساعه التخرج لحد دلوقت انا قصدي هو ال يقرر الموضوع ده من نفسة عاوز ................او ............؟
محدش يتدخل فى قرارة ولا حتى السيده الفاضله والدته ، بس كلنا بنهاجر عشان ندرو على الحياه ال احنا عاوزنها بالطريقة ال احنا بنحلم بيها

 

 

[نهر النيل]

السلام عليكم ورحمة الله وبركاته

انا كمان عندي خبر حلو

هو مش هينفع محاسبين كندا(المهاجرين )

لكن انا هكتبه هنا بما ان ده بيت المحاسبين عشان تعرفوا زملاؤكم او اقربائكم المهتمين


لأول مرة

امتحان ال CPAخارج الولايات المتحده

ان شاء الله هيكون بالإمارات العربيه المتحدة
واليابان

الحمد لله

ده خبر اكثر من رائع وخاصة للي كان نفسه ياخد الشهادة ومنعه انه لازم يسافر امريكا



ده اللي انا قرأته في منتدى المحاسبين

تم الاعلان عنها بجهاز الرقابة والمحاسبة بصنعاء للترشيح للحصول على الزمالة cpa بشرط ان يكون المتقدم حاصل على التوفل بدرجة لاتقل عن550 درجة


ادعوا يكون الخبر صحيح فعلا ويطبق واول ما اعرف جديد هبلغكم ان شاء الله


بالتوفيق

 

 

[victorian2010]

الظاهر شغلانة المحاسب فى كندا دى فاشششششششلللللللةةةةة

فعلا الواحد حاسسس باحباط شديد

 

 

[Mzohairy]

اقتباس المشاركة الأصلية كتبت بواسطة victorian2010 الظاهر شغلانة المحاسب فى كندا دى فاشششششششلللللللةةةةة فعلا الواحد حاسسس باحباط شديد

فعلا فاشله في حالة عدم حصولك على شهاده كنديه من التلاته اياهم دول

انما لو حصلت على واحده منهم فحتبقى من الأحرار و من ذوي الدخل الجبار

 

 

[nash]

ياااااارب يا زوهيري تشوف الرد ده

دلوقتي بعد شهاده البكالوريوس ... يبدأ في أيه علي طول....

كمان أيه أحسن تخصص في المحاسبه بالنسبه لسوق العمل سواء في الدول العربيه أو كندا؟

كمان لو هاياخد كورسات في الصيف ... ياخد أيه؟

معش أختك ضايعه خالص

 

 

[Mzohairy]

اقتباس المشاركة الأصلية كتبت بواسطة nash ياااااارب يا زوهيري تشوف الرد ده دلوقتي بعد شهاده البكالوريوس ... يبدأ في أيه علي طول.... كمان أيه أحسن تخصص في المحاسبه بالنسبه لسوق العمل سواء في الدول العربيه أو كندا؟ كمان لو هاياخد كورسات في الصيف ... ياخد أيه؟ معش أختك ضايعه خالص

شوفي يا نيش

صلي ع النبي

لو بتتكلمي على استقراره في الدول العربيه يبقى احلى شهاده يحاول ياخدها بعد تخرجه هي ال CPA الأمريكيه
و دي تخليه من المتميزين جدا داخل الخليج و حتى في مصر من ناحية الشركات اللي حتوظفه و المرتب اللي حياخده
و يليها ال CMA (دي غير الكنديه)

بالنسبه لكندا فمفيش غير ال 3 شهادات الكنديه اياهم
CGA
CMA
CA
و دول بيتاخدوا من كندا مش من بره (يعني لازم يكون عايش في كندا)

و أي شهاده ياخدها من مصر قبل ما يسافر كندا بتخليه ياخد اي شهاده من التلاته اللي فوق دول في وقت اقصر كتير
يعني لو عرف ياخد ال CPA قبل ما يسافر كندا مثلا فبالتأكيد وقت الدراسه للحصول على شهاده كنديه لن يتجاوز العام بأي شكل من الاشكال


و انا تحت امرك يا نيش في اي استفسار محاسبي

باشكاتب Mzohairy
دايرة عبود باشا
السنبلاوين
كندا

 

 

[nash]

اقتباس المشاركة الأصلية كتبت بواسطة Mzohairy شوفي يا نيش صلي ع النبي لو بتتكلمي على استقراره في الدول العربيه يبقى احلى شهاده يحاول ياخدها بعد تخرجه هي ال CPA الأمريكيه و دي تخليه من المتميزين جدا داخل الخليج و حتى في مصر من ناحية الشركات اللي حتوظفه و المرتب اللي حياخده و يليها ال CMA (دي غير الكنديه) بالنسبه لكندا فمفيش غير ال 3 شهادات الكنديه اياهم CGA CMA CA و دول بيتاخدوا من كندا مش من بره (يعني لازم يكون عايش في كندا) و أي شهاده ياخدها من مصر قبل ما يسافر كندا بتخليه ياخد اي شهاده من التلاته اللي فوق دول في وقت اقصر كتير يعني لو عرف ياخد ال CPA قبل ما يسافر كندا مثلا فبالتأكيد وقت الدراسه للحصول على شهاده كنديه لن يتجاوز العام بأي شكل من الاشكال و انا تحت امرك يا نيش في اي استفسار محاسبي باشكاتب Mzohairy دايرة عبود باشا السنبلاوين كندا

يعني أنا قولت نسينا الماضي لكن أبدا مافيش فايده

إلهي يكرمك يا زوهيري ياااارب ويفتحلك كل ابواب الخير

طبعتها أهو ... بس ماجاوبتش علي الكورسات الصيفيه... عايزة أشغله بحاجه مفيده .. يا إما هاسرحه بعلب كلينيكس علي الإشارات .. بدل الفضاوة وقعدت النوادي والكافيهات

تعبينك معانا معلش يا باشا ..دي عشرة منتديات برضه