معادلة الهندسة في كيبيك (خطوات/مستندات/مراجع/خبرات سابقه)

[trapmaster]

الصحف المصرية والعربية

أنا قلت بلاش نورط مهندس وسيم ونضغط عليه .. وبالمره يبقى ليا السبق فى أفتتاح المغاره الجديده وبالتوفيق للجميع.

أغلب اللى فى المغاره مهندسين أكيد يبقى نخلينا عمليين وندخل فى الموضوع وأبقوا باركولى على المغاره الجديده فى سركوا.

مبدئياً موقع النقابه كالتالى:
https://www.oiq.qc.ca/en/Pages/accueil.aspx

باب الـ Candidate permit-Practicing in Quebec
https://www.oiq.qc.ca/en/Pages/accueil.aspx

لينك اسمها Obtaining a permit
https://www.oiq.qc.ca/EN/IAM/APPLICAN...s/default.aspx

وبعدين Engineer's Diploma obtained in other countries
https://www.oiq.qc.ca/en/Iam/applican...s/profile.aspx

بعد كده حنلاقى الخطوات مكتوبه فى tabs فى أول الصفحه كالتالى:
1- Profile
2- Required documents
3- File evaluation
4- Admission Examinations
5- Entry on the roll

وفى انتظار مهندس وسيم والمجهود المشترك اللى حانبذلوا مع بعض فى عمل ال Flow chart اللى أتفقنا عليها.
وأى عضو يحب يضيف يا ريت، ده إحنا فى عرض فتفوتة معلومه وخصوصاً زملائنا اللى نجحوا فى أنترفيو الهجره أو اللى عملوا المعادله فى كيبيك.

 

[ام فيرو]

ممكن سوال مهم هى فنون جميلة قسم ديكور عمارة داخلية ليها معادلة ولا؟؟؟

 

 

[مايكل]

انا معاكم قلبا و قالبا و مقلوبا
دنا من زمان عمال اقول ياريت حد يفتح الباب دة
انا مهندس ميكانيكا كل ما الاقى حاجة عن معادلة هندسة تطلع فيدرال
عموما انا مستنى flow chart
merci beaucoup

 

 

[eng_mt]

في flowchart معمول على موقع النقابة
الصفحة رقم 3 فى الفايل دة
https://www.oiq.qc.ca/Documents/DAP/a..._permis-an.pdf

 

 

[مهندس وسيم]

ماشي يا بشمهندس (trapmaster) سبقتني في فتح التوبيك

بس طبعا انا وانته .... واحد ياصحبي

ندخل في المفيد

**********************

نقاط مهمة لكل من يريد عمل معادلة كيبك

1- لازم تكون عارف كويس ان المعادلة دي احد اهم نقاط النجاح في الانترفيوا بتاع كيبك

واي خطوة هتعملها في المعادلة هتكون اكبر دليل على اثبات استقرارك في كيبك للمستشار

2- حتى وان كنت مش هتستقر في كيبك ...... وكنت ناوي على مقاطعة تاني انجليزية .... لازم برده

تعرف خطوات المعادلة وتحفظها عن ظهر قلب

3- الاوراق التالية اهم الاوراق اللي لازم تكون معاك عند التقديم للمعادلة

- شهادة التخرج (( بالانجليزي ))

- بيان الدرجات (( بالانجليزي )) ..... ولو عملته عربي وحبيت تترجمه هتلاقي اختلاف في اسماء المواد

فلازم تعمله انجليزي من الكلية من الاول

- المحتوى العملى لكل مادة درستها في الكلية .... وده بيتعمل من شئون الخرجين في الكلية ب 50 جنية

يفضل انك تعمل نسختين ... واحده منهم تكون في ظرف ويتختم على الظرف

- لام تعمل CV بطريقة هما محددينها في الموقع ..... (( ان شاء الله هضيفلكم نموذج ليها))

- كل شهادات الخبرة ..... والتدريبات ..... والدورات لازم تكون موجوده معاك

- لازم اثبات للغة الفرنسية .......... وده طبيعي هيكون معاك ..... لانك مش هتعدي في الانترفيو

غير لما يكون مستواك متقدم في الفرنسي


انتظروني بعد الفاصل

 

 

[maagdyounn]

اقتباس المشاركة الأصلية كتبت بواسطة eng_mt في flowchart معمول على موقع النقابة الصفحة رقم 3 فى الفايل دة https://www.oiq.qc.ca/Documents/DAP/a..._permis-an.pdf

كلنا ايد واحدة يابهجت
وياك يابطل ومجهود عظيم وتسجيل متابعة وساحاول التدعيم

 

 

[مهندس وسيم]

اقتباس المشاركة الأصلية كتبت بواسطة ام فيرو ممكن سوال مهم هى فنون جميلة قسم ديكور عمارة داخلية ليها معادلة ولا؟؟؟

بصي حضرتك افضل حل لموضوعك انك تراسلي النقابة نفسها ...... وتسئليهم

ولو ردوا بان مش ليكي معادلة ..... بتطبعي الايميل ..... وتخليه معاكي ليوم الانترفيوا

اما لو ردوا بان فيه ...... فتابعي معانا علشان تعرفي الخطوات

 

 

[rania]

مبروك التوبيك
بالتوفيق ان شاء الله

 

 

[ام فيرو]

شكرا يا مهندس وسيم بس انا تابعة لنقابة الفنانيين التشكيليين اتابعهم هناك ولا اية؟؟ معلش الموضوع دة عملى قلق

: pullhair:

 

 

[مهندس وسيم]

اقتباس المشاركة الأصلية كتبت بواسطة rania مبروك التوبيك بالتوفيق ان شاء الله

الله يبارك فيك يادكتورة ............. نورتي التوبيك

اقتباس المشاركة الأصلية كتبت بواسطة ام فيرو شكرا يا مهندس وسيم بس انا تابعة لنقابة الفنانيين التشكيليين اتابعهم هناك ولا اية؟؟ معلش الموضوع دة عملى قلق : pullhair:

صدقيني كلنا في توتر وقلق ...... من حوار الهجرة ده

وطبعا يفضل حضرتك تتابعي النقابة اللي فيها تخصصك

تحياتي