اللي له مدخرات مش هياخد منها غير 30% بس!

[حشيش]

الصحف المصرية والعربية

قال عمرو أديب خلال برنامجه القاهرة اليوم، أن مصر في وضع إقتصادي صعب جدًا وأنها لا تحتمل أن تنفق جنيهًا واحدًا من أجل زيادة المبلغ المرصود للتعليم في الموازنة الجديدة .

و وجه "أديب" رسالة للحكومة : يا جماعة كلموا الناس بالحق .. الدين الداخلي بقى كام ؟ والخارجي بقى كام؟ وفوائد الديون اللي علينا بقت قد ايه؟ .. دة انت طالب من الصندوق النهاردة 8 مليار .. انت مش بتستلف للسنادي دنت بتستلف لـ "100 سنة" قدام ".

وأضاف: "هو يعني احنا اعظم من اليونان ولا البرتغال ولا اسبانيا؟ .. دول في يوم قالوا مش دافعين .. وانا هقول جملة وأرجو الناس تاخد بالها منها ومحدش يترعب .. قبرص قامت في يوم الصبح وقالت اللي له مدخرات مش هياخد منها غير 30% بس .. هو احنا احسن من دول يعني؟ .. انا اسف بقولها نيابة عن هذه الدولة ; نحن في وضع اقتصادي صعب.

رابــــــــــــــط الخبر

 

[حشيش]

أتوقع أن تقدم الحكومة بالفعل على هذا العمل مع من لهم مدخرات فى البنوك بالعملات الأجنبية فقط ... الجنيه المصرى مش حيكون فيه مشكلة بالنسبة للمدخرين لأن الماكنة بتطبع كل يوم!

 

 

[زحل]

كلامك صحيح مليار الميه و كنت متوقع ده و اتصور هيحصل قريب و متراهن عليه مع اختي و امي

و هضحكك انا كل فلوسي بالدولار و برغم من كده متراهن انهم هيخبطوها و يديوهالي جنيه على افتراض حسن النية كمان
ههههه

 

 

[حشيش]

اقتباس المشاركة الأصلية كتبت بواسطة زحل كلامك صحيح مليار الميه و كنت متوقع ده و اتصور هيحصل قريب و متراهن عليه مع اختي و امي و هضحكك انا كل فلوسي بالدولار و برغم من كده متراهن انهم هيخبطوها و يديوهالي جنيه على افتراض حسن النية كمان ههههه

عمرو أديب ما يقدرش يتكلم فى موضوع زى ده بدون ما يكون عنده تعليمات واضحة ومباشرة من زعيم العصابة شخصياً ... العد التنازلى بدأ بالفعل لتعلن مصر عن إفلاسها وعدم قدرتها على سداد ديونها المستحقة خارجياً وداخلياً ... الأسباب معروفة ومفهومة:

1- إنهيار قطاع السياحة.
2- هروب المستثمرين.
3- هبوط حاد فى تحويلات المصريين بالخارج.
4- إنخفاض عائدات قناة السويس.
5- فاتورة إستيراد باهظة فى مقابل صادرات هزيلة لبعض الخضروات والفاكهة.
6- فساد وسرقات لموارد الدولة بالمليارات.
7- ترهل الجهاز الإدارى.

إفلاس الدولة مسألة وقت ليس أكثر