Arabic Discussion Forum with a Special Interest in Travel and Immigration

فالحة هانم · 28th August 2008, 01:45 AM

طريقة تدميس الفول .. كل سنة وأنتم طيبين

أنا دمست الفول قبل كده بس كل مرة كانت بتحصل حاجة مش ولا بد مرة بيطلع اسود او مش مستوي او أي حاجة غير الفول بتاع بلدنا

المهم اخدت طريقة حلوة وعملتها في الدماسة وطلع لونه وطعمه حلو ..أنا قلت اجرب في كوباية وربع فول ولو نجحت .. أدوس بأة في 2 كيلو .

قلت ميغلاش على اخواني واخواتي في المغارة ... اتفضلوا وبالهنا والشفا

المقادير:

واحد وربع كوب فول مدمس نيئ
معلقة كبيرة عدس أصفر
عدد ا طماطم مقطعة أرباع
عدد ا جزرة مقطعة
نصف ليمونة معصورة على الفول وتوضع معهم القشرة

كمية الماء تساوي 4 أضعاف كمية الفول او اكثر قليلا .. لمقدار الفول اللي هنا انا حطيت حوالي 6 أكواب ماء

الطريقة :

1- توضع كل هذه المقادير في الدماسة أو في حلة لها غطاء.
2- تأخذ غلوة في الأول على نار عادية.
3- ثم تغطى الدماسة جيدا بقطعة قماش سميكة قطنية نظيفة ويوضع عليها الغطاء بحيث تكون محكمة الإغلاق تماماً .
لأن السبب في نضج الفول هو البخار
4- وتوضع على نار هادئة جدا جدا على أصغر عين للبوتاجاز وتترك من 8 إلى 10 ساعات... حتى تتهري القشرة تماما علشان متتعبش القولون .

ورمضان كريم

hoppa · 28th August 2008, 02:15 AM

حبيبتى فالحة هانم
كل سنة و انتى طيبة و رمضان كريم و سعيد عليكى و على اسرتك الصغيرة

اهنئك على الموضوع الجميل ده
الفول هو انسب شئ للسحور لانه بيأخذ طويل فى الهضم و بالتالى اللى بيتسحر بيه مش بيحس بجوع

انا اختى كانت بتحط له بيكنج بودر عشان يستوى بسرعه

سهيلة · 28th August 2008, 05:36 AM

عزيزتى حواء قصدى فالحةهانم

متشكرة اوى على الوصفة الهايلة

اناهجربها يوم الجمعة واقولك

منكن اطلب منك وصفة الكنافة كل سنة وانتى طيبة

اصل اختك بصراحةمالهاش ف الحلويات خالص

تحياتى

oskasan · 28th August 2008, 08:09 PM

أحب أضيف حاجة صغنطوطة
انا بأقشر الطماطم( توضع في مياه مغلية نصف دقيقة فقط ثم تقشر )
أصل العيال مش بيحبوا قشرة الطماطم

الليمونه مش باعصرها بأحطها كما هي
الليمون المعصور لما بيتغلي وبتفضل كام يوم في الفول طعمه بيمرر
علشان كده باسيب الليمونة زي ماهي وبعد ما الفول يستوي بأرميها

ممكن تضيفي معلقتين أرز ونصف كوب فول مدشوش
بيدي لمياه الفول كثافة

وبالشنا والهفا
قصدي بالهنا والشفا علشان الردار

أحمد باشــا · 28th August 2008, 08:54 PM

تصدقوا ....

فكرت انكم بتوصفوا طريقة عمل الفول المدمس

طلع طبيخ فيه طماطم و عدس و أرز و فول مدشوش و ليمون و بيكينج باودر

حتى أنت يا أوسكا:(

oskasan · 28th August 2008, 09:57 PM

جرب بس وادعيلي
تفتكر بتاع الفول بيحط فول وميه بس في الدماسة
ده بيزود كمان نشا علشان مية الفول تبقى تقيلة
انا استعضت عنها بالرز والفول المدشوش

أحمد باشــا · 28th August 2008, 11:04 PM

اقتباس


	قتباس: المشاركة الأصلية كتبت بواسطة oskasan مشاهدة المشاركة جرب بس وادعيلي تفتكر بتاع الفول بيحط فول وميه بس في الدماسة ده بيزود كمان نشا علشان مية الفول تبقى تقيلة انا استعضت عنها بالرز والفول المدشوش

بص يا أوسكا أنا مكنتش أحب الفول لأنه كان بيتعبني في الهضم

قوم عم حنا الله يمسيه بالخير قرر أنه يأكلني فول علشان في صيامه ميبقاش وحيد

الراجل تعهد بأحضار أحسن نوع من الفول زراعة أرضه بالصعيد ...كل 6 شهور يجيب لي نصيبي ....من سنين

لأ و صمم أنه يعلم المدام طريقته الخاصة في تدميس الفول

و من حين لآخر يتصل و يطمئن على أن طريقته هي أللي بتتنفذ فعلا

بصراحة المدام عدلت في طريقته بأن أستعملت حلة الضغط بدلا من الدماسة ...لأن معندناش دماسه من أصله

طبعا موضوع حلة الضغط موش داخل دماغه خالص و هو ده سبب قلقه الدائم

حلة الضغط لها ميزة أن وقت التسوية لا يزيد عن 3 ساعات

شوف بقى طريقته ببساطه ....نقع الفول في مياه مع تغييرها لمدة 12 ساعة على الأقل ....طبعا كمية الماء اللازمة للتسوية بتقل كثير لأن الفول أصلا ممتلأ بالماء .....

لي صديق آخر طبيب و باحث في معهد البحوث الطبية أكد لي أنه مهم جدا نقع كل البقوليات و بالذات الفول في الماء و تغيير الماء لأن هذا يخلص البقوليات من مواد سامة توجد بقشرتها قد تسبب المغص و الغازات لبعض الأشخاص

يعني عم حنا طريقته صح الصح و أعتقد أنها كانت طريقة الفراعنه في تدميس الفول

Farida · 14th August 2009, 05:01 PM

بما اننا على ابواب رمضان و الفول صديقى فى السحور ولازم ولا بد و من كل بد يكون ضيف تقيل على السحور .........و انا باسمع و السمع خير ان فيه اصناف كتير للفول ايشى بالبيض و ايشى بالبسطرمه و طرق تدميس كتير .....
الموضوع ده مفتوح علشان كل واحد يقول بيحب الفول ازاى و لو حد عنده طرق مفتكسه للفول و بالمرة طرق تدميسه فى المنزل يبقى كتر خيره و كل سنه و انتم طيبين

hoppa · 14th August 2009, 05:16 PM

اتفضلى

https://www.almatareed.org/vb/showthread.php?t=576

Farida · 14th August 2009, 05:21 PM

ياكسوفى ....................طب ممكن حد من الأدارة يضم الموضوعين على بعض و ينوبه الثواب

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
مدارس جدة العالمية	أبناؤنا فى الخارج	maroshka	42	200222	29th January 2009 04:13 PM
لماذا حدث هـذا في الكمبيوتر ؟؟	أرشيف أبواب الكمبيوتر والإتصالات	فالحة هانم	8	1778	22nd January 2009 01:15 PM
تعرف كتب عن كيفية تربــيــ الأطفــــال ـــة ؟؟	الأسرة والطفل	hoppa	12	3179	21st January 2009 02:00 AM
مساعدة في الفلاش لو سمحتوا يا مطاريد	أرشيف أبواب الكمبيوتر والإتصالات	$الامير المصرى$	5	1829	20th January 2009 01:31 AM
المنتدى في الفترة اللي فاتت	مواضيع شخصية	فالحة هانم	12	2164	30th December 2008 08:00 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رمضان كريم ياغير مسجل	Rapt	ترحيبات ... مناسبات ... علاقات عامة	206	5th July 2012 01:07 PM
رمضان كريم	ramyfathalla	ترحيبات ... مناسبات ... علاقات عامة	19	10th August 2010 03:24 PM
رمضان كريم من اوباما	linux	منقوووووووووووولات	3	21st August 2009 11:22 PM
رمضان كريم	النوبة حبيبتي	تكافل إجتماعى	17	30th August 2008 09:04 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

شؤون المطبخ

طريقة تدميس الفول .. رمضان كريم