كندا كعب داير - منتديات المطاريد
بسم الله الرحمن الرحيم
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ (84) وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِندَهُ عِلْمُ السَّاعَةِ وَإِلَيْهِ تُرْجَعُونَ (85) "الزخرف"

منتديات المطاريد | الهجرة الى كندا | الهجرة الى استراليا

 


BBC NEWS


    ♥♥♥♥ عمار يا كندا ♥♥♥♥
    (الكاتـب : Ehab Salem ) (آخر مشاركة : NazeeH)
    saskatchewan 2016 بدون عقد عمل
    (الكاتـب : eng.ahmed.magdy ) (آخر مشاركة : walid_tawfik)
    سويسرا شعب يقدس احترام الوقت
    (الكاتـب : حشيش ) (آخر مشاركة : اجيسك)

    العودة   منتديات المطاريد > شؤون المغتربين > الهجرة إلى كندا

    الملاحظات

    الهجرة إلى كندا
    المنتدى بإشراف Ehab Salem,canada wait me,Remon.soliman,Muhammad Gad

    الهجرة إلى كندا

    كندا كعب داير


    مواقع هامة وإعلانات نصية


    إضافة رد
     
    أدوات الموضوع انواع عرض الموضوع
    قديم 12th October 2016, 05:40 PM mostafasaad متواجد حالياً
      رقم المشاركة : 1
    Golden Member
     






    mostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond repute

    mostafasaad's Flag is: Egypt

    :Canada: كندا كعب داير

    أنا : mostafasaad






    دعوه لموضوعي


    السلام عليكم ورحمة الله وبركاته،،

    أعزائي قراء المطاريد الكرام،

    بعد غياب طويل عن المشاركة الفعالة في المنتدى بسبب انشغالي بإجراءات الهجرة والاستقرار، ها أنا ذا أعود لأفتح مغارتي الجديدة بعد حوالي ثمانية أشهر وبضعة أيام من وصولي لكندا وبعد وصولي إلى مرحلة استقرار نسبي والحمد لله، والتي سأقوم فيها بإذن الله أولا بسرد تجربتي في الهجرة منذ بداية التفكير الجدي في الهجرة مرورا بسنوات الانتظار والمحاولات المتعددة وصولا إلى مرحلة القبول والحصول على الفيزا، وثانيا تفاصيل رحلة الهجرة منذ وصولي في فبراير الماضي (2016) وحتى الآن ثم سأقوم بعد هذا بسرد يوميات الحياة وانطباعاتي عن مختلف أوجه الحياة في كندا ..

    الحقيقة لسه مش عارف هابدأ منين وهامشي ازاي في الكتابة بس خلونا نبدأ ونشوف الأمور هتمشي إزاي.. سأقوم بتمييز المشاركات التي أكتبها بلون وخلفية مميزتان حتى يسهل للمتابعين قراءة المشاركات الخاصة بي دون التشتت في التعليقات والرد عليها

    أول مشكلة بتواجه أي حد بيبدأ موضوع جديد هو اختيار الاسم.. وبعد تفكير عميق قررت اني أختار الاسم ده "كندا كعب داير".. والسبب في اختيار الاسم هو إني لحد دلوقتي وفي ال8 شهور دول بس قطعت نص كندا بدون مبالغة (سواقة) من أقصى الشرق إلى منتصف البلاد تقريبا.. عاوزين تعرفوا التفاصيل؟ طيب لما أقول التفاصيل هنا هاقول ايه في الموضوع نفسه؟ انتظروني في أول حلقات المغارة عن بداية مشواري في الهجرة ..

     

    الموضوع الأصلي : كندا كعب داير     -||-     المصدر : منتديات المطاريد     -||-     الكاتب : mostafasaad

     

     

    Booking.com

     
    رد مع اقتباس

    Booking.com

    Latest Threads By This Member
    Thread Forum Last Poster Replies Views Last Post
    كندا كعب داير الهجرة إلى كندا mostafasaad 160 6557 12th October 2016 05:40 PM
    المختصر المفيد في نظام الهجرة الجديد لكندا... دليلك إلى الهجرة لكندا issam eldash 279 25542 2nd April 2015 01:47 PM
    كل شئ عن نظام الهجرة الجديد لكندا Express Entry الهجرة إلى كندا مصطفى النحاس 4928 291806 2nd October 2014 07:19 AM

    قديم 12th October 2016, 06:57 PM alaashabana غير متواجد حالياً
      رقم المشاركة : 2
    alaashabana
    Silver Member
     





    alaashabana has much to be proud ofalaashabana has much to be proud ofalaashabana has much to be proud ofalaashabana has much to be proud ofalaashabana has much to be proud ofalaashabana has much to be proud ofalaashabana has much to be proud ofalaashabana has much to be proud ofalaashabana has much to be proud ofalaashabana has much to be proud of

    alaashabana's Flag is: Canada

    افتراضي

    أنا : alaashabana





    اول الصف متابع بشغف
    posted via mobile device

     

     

    Booking.com

     
    رد مع اقتباس
    قديم 12th October 2016, 07:09 PM liketlove غير متواجد حالياً
      رقم المشاركة : 3
    liketlove
    Silver Member
     





    liketlove is a glorious beacon of lightliketlove is a glorious beacon of lightliketlove is a glorious beacon of lightliketlove is a glorious beacon of lightliketlove is a glorious beacon of lightliketlove is a glorious beacon of light

    liketlove's Flag is: Egypt

    افتراضي

    أنا : liketlove





    تاني واحد في الصف

     

     

    Booking.com

     
    رد مع اقتباس
    قديم 12th October 2016, 07:11 PM Hanzmolar غير متواجد حالياً
      رقم المشاركة : 4
    Hanzmolar
    Member





    Hanzmolar is on a distinguished road

    افتراضي

    أنا : Hanzmolar




    متابع
    posted via mobile device

     

     

    Booking.com

     
    رد مع اقتباس
    قديم 12th October 2016, 11:20 PM انجى صابر غير متواجد حالياً
      رقم المشاركة : 5
    انجى صابر
    Junior Member





    انجى صابر is on a distinguished road

    انجى صابر's Flag is: Egypt

    افتراضي

    أنا : انجى صابر




    Top Courses in IT & Software 300x250

    متابعة مع حضرتك

     

     

    Booking.com

     
    رد مع اقتباس
    قديم 13th October 2016, 07:06 AM khaled_sabry غير متواجد حالياً
      رقم المشاركة : 6
    khaled_sabry
    Senior Member
     





    khaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud of

    khaled_sabry's Flag is: Egypt

    افتراضي

    أنا : khaled_sabry




    هييييييييييييييييييييييييه
    ويلكم باك

     

     

    Booking.com

     
    رد مع اقتباس
    قديم 13th October 2016, 12:09 PM Alashkar غير متواجد حالياً
      رقم المشاركة : 7
    Alashkar
    Member





    Alashkar is on a distinguished road

    Alashkar's Flag is: Egypt

    افتراضي

    أنا : Alashkar




    حمد لله على سلامتك .. المنتدى نور برجعوك والله .. بانتظارك بفارغ الصبر

     

     

    Booking.com

     
    رد مع اقتباس
    قديم 13th October 2016, 01:34 PM medoman متواجد حالياً
      رقم المشاركة : 8
    medoman
    Member





    medoman is on a distinguished road

    medoman's Flag is: Egypt

    افتراضي

    أنا : medoman




    متابع صف اول
    يا ريت يا باشا تساعدنا بتفاصيل كتير

     

     

    Booking.com

     
    رد مع اقتباس
    قديم 13th October 2016, 07:31 PM mostafasaad متواجد حالياً
      رقم المشاركة : 9
    mostafasaad
    Golden Member
     






    mostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond reputemostafasaad has a reputation beyond repute

    mostafasaad's Flag is: Egypt

    افتراضي رحلة الكفاح

    أنا : mostafasaad



    دعوه لموضوعي


    أول مشاركة هاتكلم فيها عن رحلة كفاحي المتواضعة في مشوار الهجرة.. وهاقتبس أجزاء من مشاركات سابقة كنت كتبتها هنا في المنتدى قبل كده..

    بدأت التفكير الجدي في الهجرة في 2012 وكانت معلوماتي عن الهجرة ساعتها صفر بمعنى الكلمة.. ناس معارف أدوني موقع محامي مشهور في كندا متخصص في مجال الهجرة (ديفيد كوهين وموقعه كندا فيزا) دخلت على الموقع وبعت لهم ردوا عليا قالولي اني ممكن أهاجر (التقييم المبدأي المجاني) وبدأت معاهم المشوار.. ساعتها كانت الهجرة الفيدرالية قافلة والمتاح فقط هي كيبيك .. هم قالولي كده وأنا وافقت .. كيبيبك كيبيك إحنا يهمنا.. جهلي بأمور الهجرة كان لدرجة اني ماعرفش إيه كيبيك دي وانها المقاطعة الفرنسية الوحيدة في كندا.. وده اللي اكتشفته بعد كده لما ابتدوا يطلبوا مني الطلبات عشان يعملوا لي الملف.. طالبين شهادة فرنساوي ليا ولزوجتي.. طيب والانجليزي؟ لأ ليك انت بس ومش عاوزين اكتر من 6 في الأيلتس.. انما الفرنساوي كل ما تزود يبقى أحسن .. قلت مش مشكلة .. نمتحن فرنساوي.. سألت على الامتحانات الموجودة والمتاحة وعرفت ان الامتحان الأشهر والمتاح في مدينتي -الاسكندرية- هو TCF .. وعرفت ان المركز الفرنسي بيعمل كورسات تحضير قبل الامتحان.. قلت تمام.. حجزنا الكورس والامتحان.. ورحنا أول حصة في الكورس.. وكانت الصدمة الشنيعة.. احنا كنا دارسين فرنساوي في المدرسة كلغة تانية وكنا متصورين ان عندنا مبادئ اللغة اللي هتخلينا نقدر نمشي في الكورس.. اكتشفنا ان مستوانا في الفرنساوي ميييييح .. وان الكورس محتاج ناس على مستوى جيد من اللغة ومحتاجة بس تحضير للامتحان وبالتالي أدركنا اننا مستحيل نكمل في الكورس ومستحيل أكتر ندخل الامتحان اللي كان باقي عليه شهر ونص تقريبا.. دورنا وبحثنا لحد ما لقينا مدرسة private أخدنا معاها كورس مكثف لمدة 3 شهور تقريبا.. وأجلنا الامتحان شهر ونص كمان ودخلنا الامتحان.. ربنا وفقنا توفيق غير عادي وجبت سكور أكتر من اللي كنت متوقعه والمدام كمان جابت سكور كويس .. نسيت أقول اني كنت بدأت بالانجليزي قبل الفرنساوي (قلت أخلص من المضون الأول) وامتحنت الأيلتس وجبت الحمد لله سكور كويس يضمن لي الحد الأقصى من الدرجات الممكنة للانجليزي.. كملنا ورقنا.. بعتنا الملف في شهر مايو 2013 .. في الوقت ده كان الفيدرال فتح .. كنت متردد ساعتها طب أكمل في كيبيك وابعت الفايل ولا أحول على الفيدرال.. الFeedback اللي كان عندي في الوقت ده (من كذا حد) ان كيبيك أضمن.. كيبيك أسرع .. الفيدرال كان طالب 300 شخص بس في كل وظيفة (وظيفتي كانت منهم بس كنت شاكك اني هالحق ابقى ضمن ال300.. وكنت محتاج أعيد الأيلتس لأني كنت دخلت أكاديميك وهم عاوزين جينرال) قلت خلاص ما بدهاش خلينا في كيبيك.. وتوالت المفاجآت أو الصدمات بمعنى أصح.. في الوقت ده كنت ابتديت اتعرف على المطاريد وأقرأ فيه.. عرفت ان زمن المعالجة في كيبيك بقى بالتلات وأربع سنين .. كيبيك في الوقت ده كانت تحت حكم بارتي كيبيكواه Parti Quebecois الحزب العنصري اللي بيبالغ في الاعتزاز بالهوية الفرنسية لكيبيك وبيطالب بالانفصال عن كندا واللي سياساته تجاه الهجرة سياسات سلبية انعكست على طول مدة معالجة الملفات والتعنت في المقابلات ورفض الكثيرين، ثم بإصدار تعديلات على قواعد الهجرة صعبت من شروط التقديم بسبب زيادة الاسكور المطلوب للفرنساوي وبالمناسبة التعديلات دي طلعت بعد ما قدمت بشهور وقللت نقاطي وان كانت فضلت معدية الحد الأدني المطلوب.. المهم انتظرت كثيرا وكثيرا.. ولا جديد يحدث في الملف.. في ابريل 2014 الحزب اياه عمل انتخابات مبكرة في كيبيك بهدف الحصول على أغلبية مريحة تمكنهم من تمرير القوانين المنيلة بنيلة اللي كانوا ناويين عليها (هم كانوا مشكلين حكومة أقلية) بس أداروا الحملة الانتخابية بغباء وكسب الليبراليين الانتخابات وشكلوا حكومة.. اتوقعنا الدنيا تمشي بقى بس طبعا حتى لو توجهات الليبراليين أحسن فيما يخص الهجرة فالموضوع محتاج وقت عشان يبتدي يبان أثره خاصة مع تراكم طلبات الهجرة عندهم..

    في مايو 2014 الفيدرال فتح تاني.. وبشروط أحسن .. المرة دي طالبين 1000 في كل وظيفة.. ووظيفتي موجودة برضه.. كيبيك ماشية بسرعة السلحفاة .. الناس اللي مقدمة في 2011 لسه ماردوش عليها.. اترددت كتير في التقديم عشان مقدم في كيبيك.. بعت للزفت المحامي اللي لاهف مني فلوس أد كده.. خوفني.. قال لي الملفين ممكن يترفضوا لو عرفوا انك مقدم هنا وهنا.. ده غير انك لو قدمت فيدرال هناخد منك أتعاب تانية.. فضلت كام شهر متردد لحد ما قررت في أغسطس (بعد الاستخارة واستشارة بعض أعضاء المنتدى الله يبارك لهم) اني هاقدم بنفسي من غير محامي.. فصصت مواضيع الفيدرال اللي على المطاريد لدرجة إني بقيت خبير فيها في خلال شهرين (بعد مابقيت خبير في كيبيك في نفس ذات الوقت).. دخلت أيلتس تاني .. وقيمت الشهادات.. وظبطت الأوراق المطلوبة.. وقدمت على فيزا كريدت عشان أدفع بيها.. كنت مستني نتيجة الأيلتس وكارت الفيزا.. النتيجة طلعت والكارت لسه.. وخايف الوقت يعدي والكاب يتملى خاصة ان وظيفتي من الHot NOC's (مهندس ميكانيكا).. فكرت أعمل شيك.. لقيت اني محتاج أجمع دولارات كندي من السوق وهي أصلا مش متوفرة بسهولة.. وأروح البنك عشان أعمل الشيك.. استتقلت السكة دي.. واستعنت بصديق.. عنده كريدت كارد من زمان واستعملته أكتر من مرة في شرا حاجات من ع النت.. وأكد لي ان الكارت ده قوي جدا وعمره ما اترفض في أي معاملة جوا مصر ولا بره مصر.. قدمت وفضلت منتظر.. منتظر.. منتظر.. مافيش حاجة.. الناس اللي قدمت معايا وبعدي فلوسها اتسحبت وبعتولها.. المهم عرفت ان المعاملة اترفضت (بتاعة سحب الفلوس من الكارت) وبالتالي الملف اترفض.. السبب؟ السبب ان البنك حاطط ليميت للسحب اليومي والمبلغ اللي كان مفروض يتسحب كان أكتر من الليميت وصديقي صاحب الكارت مايعرفش القصة دي .. ده غير انهم لما المعاملة اترفضت مابلغوناش رغم ان صديقي كان بيأكد لي انهم كانوا بيتصلوا بيه لو حصل حاجة زي كده بس للأسف الواضح ان كل حاجة في البلد بتتدهور مع العلم ان محاولة سحب الفلوس اتكررت 3 مرات ومع العلم ان البنك ده بنك أجنبي شهير جدا وسمعته كويسة.. المهم كان الكلام ده قبل نهاية السنة (2015) بأيام وده كان معاد بداية العمل بالنظام الجديد.. الاكسبريس انتري..

    قلت قدر الله وماشاء فعل أنا هاقدم في النظام الجديد وربنا يسهل.. أنا أصلا كنت فاتح موضوع عن الاكسبريس انتري من أكتوبر 2014 وكنت مذاكره كويسعشان كده ماكانش غريب اني أفتح الأكونت في الساعات الأولى من فتح النظام الجديد .. وقد كان فتحت الأكونت ودخلت الPool بس كنت حاسس ان سكوري ضعيف (ساعتها كان أقل من 320 وماكانش لسه فيه سحوبات اتعملت فمش عارف أنا كده كويس ولا لأ).. المهم عدت الأيلتس تاني.. وتالت بعدها بكام شهر.. حسنت درجاتي شوية بس للأسف ما وصلتش للمستوى اللي كنت عاوز أوصل له CLB9 .. كان عندي دبلومة درسات عليا ما كنتش عامل لها تقييم وقدمت من غيرها في الفيدرال القديم عشان ما كانتش هتفرق معايا فقمت باعت مقيمها.. وقيمت شهادات زوجتي.. غير انها بدأت تاخد كورس أيلتس هي كمان وتستعد للامتحان .. سكورنا بعد كل ده وصل 377 وفي عيد ميلادي في ابريل نزل 5 نقاط بقى 372 .. سحوبات الاكسبريس انتري تتوالى وتتوالى معها الصدمات.. الاسكور لسه بعيييييد جدا.. مافيش قدامي غير اني أعيد الأيلتس (لخامس مرة) والمدام تدخل الأيلتس .. كان ممكن نوصل ل 430 أو أكتر شوية.. كنا هنبقى لسه مستنيين لحد دلوقتي .. أو الحل التاني في الwild cards.. ترشيح مقاطعة أو عرض عمل.. عرض العمل سكة تقريبا شبه مستحيلة يبقى الحل الوحيد هو ترشيح المقاطعة..

    نرجع لورا تاني وتحديدا لبداية السنة (2015).. في الوقت اللي كنت عرفت ان ملفي راجع وباستعد للتقديم في الاكسبريس.. في الوقت ده شفت موضوع على المطاريد بيتكلم عن نوفاسكوشا بدون عقد عمل.. برنامج هجرة جديد مربوط بالاكسبريس انتري.. دخلت على الموقع .. شفت الشروط.. نفس الشروط بتاعة الفيدرال اللي انا كنت مستوفيها.. تمام.. لستة الوظايف: وظيفتي مطلوبة.. قشطة.. المصاريف:مفيش.. زي الفل.. حتى المستندات كانوا طالبين صور بس مش أصول (كان ساعتها الملف بتاع الفيدرال اللي فيه كل الأصول لسه مارجعش بس كنت محتفظ بنسخة كاملة منه) جمعت الأوراق تاني ومليت الفورم بتاعتهم (كانت أبليكيشن رخمة 25 صفحة قعدت فيها كذا يوم متواصلين عشان أملاها وكانت سبب في اني كنت متردد أبعت) وقمت باعت الملف.. ملفي وصل 19 يناير.. ما كنتش معول كتير على البرنامج ده خاصة ان العدد الإجمالي لي صغير جدا (تقريبا 350 واحد).. كنت متصور انه هيتملي في 3 أيام زي بعض البرامج التانية.. وكان عندي أمل ساعتها في الاكسبريس انتري اني هتاخد من أول سحبة بقى ومش هابقى متقيد بمقاطعة وبتاع.. ما كنتش مهتم أوي وأنا باملا الفورم وباجهز الملف وكنت هاطنشه أصلا بس قلت يا واد مش هتخسر حاجة.. المهم سبحان الله الملف ده كان هو السبب والسكة اللي بسببها اتجدد الأمل في الهجرة.. في شهر أبريل بعتولي ما يسمى AOR يعني افادة بأنهم استلموا الملف وابتدوا يدرسوه.. وطلبوا شوية حاجات بعتهالهم في خلال أيام.. في نهاية يونيه بعتولي الnomination على الايميل وعلى السيستم .. بمجرد قبولها على السيستم اترفع سكوري بمقدار 600 نقطة.. وبالتالي في السحب التالي في 10 يوليو جاتلي Invitation to Apply .. طبعا قدمت وبدأت استكمل المستندات وأرفعها على السيستم لحد ما قدمت الأبليكيشن في أواخر يوليو

    في نفس الوقت ده وتحديدا في أغسطس جالي ما يسمى Intention to refuse أو ما يطلق عليه هنا في المنتدى طلب الأبديت من كيبيك.. برضه اترددت ابعت لهم ولا أطنشهم.. بس قررت أبعت لهم خاصة ان ملف الاكسبريس انتري لسه ما وصلش لنهايته وممكن يطلع لي فيه أي خازوق كالعادة استنيت لحد آخر وقت وبعت الأوراق المطلوبة (كانوا عاوزين دوابات خبرة جديدة ووورق تأمينات جديد) ووصلت قبل نهاية المهلة بأيام .. بتوع مكتب المحامي كوهين قالولي ان ورق التأمينات مش زي ما هم طالبين وممكن يرفضوا الملف بسبب كده.. قلت خلاص بقى زي ما تيجي تيجي

    من يوليو لحد ديسمبر فضلت عايش في قلق لاحسن يحصل أي مشكلة في الملف وفضلت متابع الأبليكيشن على السيستم يوم بيوم.. طلبوا أكتر من أبديت كنت باعمل الأبديت المطلوب في ظرف يوم أو يومين وأرجع استني ان الحالة تتغير.. الحالة فضلت معلقة فترة طويييلة جدا على مرحلة الBackground Check اللي هي مرحلة مراجعة المستندات المقدمة قبل اتخاذ القرار.. لحد ما في يوم سعيد في بداية ديسمبر 2015 جالي إيميل طلب الباسبورات.. وبعدها بحوالي أسبوعين كان معايا الباسبورات وفيها الفيزا

    مش عاوز أقول لكو خلال الفترة دي كلها اللي تعدت التلات سنين مريت بأوقات توتر وترقب وانتظار وقلق أد إيه.... ومش عاوز أقول لكم برضه تعبت أد إيه سواء في مذاكرة لغات وتجهيز أوراق وخلافه.. ومش عاوز أقول لكو صرفت فلوس أد إيه بعضها للأسف راح ع الفاضي.. بس اللي أقدر أقوله الحمد لله على كل شئ وقدر الله وما شاء فعل.. ما حدش بيتعلم ببلاش وما حدش عارف الخير فين ولا هييجي امتى ولا من أنهي سكة..

    تكملة القصة بقى إني بعد ما وصلت لكندا بشهر تقريبا وتحديدا في مارس 2016 قررت أبعت لمحامي الهجرة أطلب منه انه يسحب ملف كيبيك بما إني خلاص في كندا تجنبا لأي مشاكل.. بعد أيام رد عليا بأن إدارة الهجرة الكيبيكية وافقت على ملفى وتم إصدار الCSQ لي ولأسرتي بدون انترفيو (بعد حوالي سنتين و10 شهور من استلام الملف) يعني من حقي الاقامة في كيبيك والتمتع بكل المزايا اللي بتديها للمهاجرين

    النهارده وأنا بافتكر الأيام دي باقول يااااااه يا عبد الصمد .. كانت رحلة طويلة وشاقة بس الحمد لله تستاهل.. انا مش باحكي القصة دي على سبيل التفاخر ولكن على سبيل التحفيز وعلى فكرة فيه ناس عافرت وتعبت أكتر مني 100 مرة. فالخلاصة: إذا أردت شيئا بقوة فاعمل واجتهد وحتما ستصل إلى هدفك في يوم من الأيام طبعا بعد إرادة الله وتوفيقه

    انتهت حلقة النهارده وان شاء الله هاحاول امشي بمعدل مشاركة واحدة يوميا (يا رب أقدر أواصل على كده) واحتمال في يوم ياخدني الحماس واكتب مشاركتين تلاتة.. في الحلقة الجاية هاتكلم عن الأسباب اللي خلتني أفكر في الهجرة وأمشي في السكة

     

     

    Booking.com


    التعديل الأخير تم بواسطة mostafasaad ; 13th October 2016 الساعة 07:52 PM
     
    رد مع اقتباس
    قديم 13th October 2016, 07:49 PM alaashabana غير متواجد حالياً
      رقم المشاركة : 10
    alaashabana
    Silver Member
     





    alaashabana has much to be proud ofalaashabana has much to be proud ofalaashabana has much to be proud ofalaashabana has much to be proud ofalaashabana has much to be proud ofalaashabana has much to be proud ofalaashabana has much to be proud ofalaashabana has much to be proud ofalaashabana has much to be proud ofalaashabana has much to be proud of

    alaashabana's Flag is: Canada

    افتراضي

    أنا : alaashabana




    فكرتنا بايام السى اس كيو والابديت يا بشمهندس
    ربنا يعوض تعبنا خير يارب وكل اللى منتظر وتعب يعوض تعبهم خير يارب
    posted via mobile device

     

     

    Booking.com

     
    رد مع اقتباس
    إضافة رد

    مواقع النشر (المفضلة)

    الكلمات الدلالية (Tags)
    مذكرات, مصطفى سعد, الحياة في كندا, تجارب هجرة, يوميات, كندا


    أدوات الموضوع
    انواع عرض الموضوع

    الانتقال السريع


    IP




    Powered by vBulletin® Version 3.8.8
    .Copyright ©2000 - 2016, Jelsoft Enterprises Ltd
    (جميع الأراء والمواضيع المنشورة تعبِّر عن رأي صاحبها وليس بالضرورة عن رأي إدارة منتديات المطاريد)

    منتديات المطاريد   Follow us on Google   موقع الأحمد   لشراء مساحة إعلانية بالمطاريد  

    تنبيه هام

     يمنع منعاً باتاً نشر أى موضوعات أو مشاركات على صفحات منتديات المطاريد تحتوى على إنتهاك لحقوق الملكية الفكرية للآخرين أو نشر برامج محمية بحكم القانون ونرجو من الجميع التواصل مع إدارة المنتدى للتبليغ عن تلك الموضوعات والمشاركات إن وجدت من خلال البريد الالكترونى التالى almatareedorg@gmail.com وسوف يتم حذف الموضوعات والمشاركات المخالفة تباعاً.

      كذلك تحذر إدارة المنتدى من أى تعاقدات مالية أو تجارية تتم بين الأعضاء وتخلى مسؤوليتها بالكامل من أى عواقب قد تنجم عنها وتنبه إلى عدم جواز نشر أى مواد تتضمن إعلانات تجارية أو الترويج لمواقع عربية أو أجنبية بدون الحصول على إذن مسبق من إدارة المنتدى كما ورد بقواعد المشاركة.

     إن مشرفي وإداريي منتديات المطاريد بالرغم من محاولتهم المستمرة منع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات وإن وجدت اى مخالفات يُرجى التواصل مع ادارة الموقع لإتخاذ اللازم إما بالتبليغ عن مشاركة مخالفة أو بالتراسل مع الإدارة عن طريق البريد الالكترونى التالى webmaster@almatareed.org