بخصوص أجهزة قياس الضغط الديجيتال

[النجم الثاقب]

السلام عليكم و رحمة الله و بركاته

باختصار يا جماعة اذا سمحتم عايز أعرف ايه هى انواع اجهزة قياس ضغط الدم الديجيتال و افضلهم من حيث الاداء و يا ريت لو فكرة عن الاسعار فى مصر او السعودية او ما يعادلها فى الدول الاخرى .

جزاكم الله خيرا

 

[oskasan]

انا اشتريت واحد من 10 سنين
والدكتور قالي مفيش احسن من جهاز الضغط التقليدي
ممكن تستعمله لبيان الحالة فقط وليس لمعرفة الرقم بالظبط لانه بيتأثر بعوامل كتير منها ضعف البطاريه وحرارة الجو

 

 

[حسام]

مفيش أحسن من الزئبقى التقليدى فى عنصر الدقة
وباقى الاخوة الصيادلة فى الخليج ممكن يفيدوا أكتر منى

 

 

[هاني مليجي]

رغم أن أكثر الناس يستعملون أجهزة قياس الضغط الإليكترونيه بإنتظام

ولكن من الضروري أن تتم مراقبته بشكل دوري عند الطبيب

وأفضل جهاز من وجهة نظرى هو الزئبقى العادى Sphygmomanometer

 

 

[Farida]

لسه شاريه واحد من يومين ب 370 جنيه نوعه المانى وفيه انواع يابانى اغلى و الكل اجمع ان الجهاز اللى بالسماعه ادق و افضل

 

 

[sanaa]

اقتباس المشاركة الأصلية كتبت بواسطة النجم الثاقب و افضلهم من حيث الاداء

معظم الديجتال الغير مستعمل في المستشفيات غير دقيق

عن تجربه اكثر من مره رحت المستشفي بعد قياس الضغط واجد قياس المستشفي مختلف تماما عن اللي انا اخدته بنفسي عن طريق الديجتال وغيرت النوع ومازال غير دقيق


فدلوقتي بشوف الفرق بينه وبين المستشفي كام درجه واحاول اقربها وبرضه مش واثقه فيه

 

 

[حشيش]

إشتريت من كام سنة جهاز من شارع القصر العينى فى مصر ألمانى إسمه ClOCk كان بحوالى 260 جنيه مصرى وقتها ... الجهاز كويس لأنه دايماً بيطلع ضغطى طبيعى ... فيه زى ما فريدة قالت أجهزة يابانى ناشيونال وتوشيبا اعتقد إنهم أفضل من الألمانى لأنهم أغلى شوية ... قول بسعر النهارده حوالى 600-700 جنيه مصرى

 

 

[Farida]

اقتباس المشاركة الأصلية كتبت بواسطة حشيش إشتريت من كام سنة جهاز من شارع القصر العينى فى مصر ألمانى إسمه ClOCk كان بحوالى 260 جنيه مصرى وقتها ... الجهاز كويس لأنه دايماً بيطلع ضغطى طبيعى ... فيه زى ما فريدة قالت أجهزة يابانى ناشيونال وتوشيبا اعتقد إنهم أفضل من الألمانى لأنهم أغلى شوية ... قول بسعر النهارده حوالى 600-700 جنيه مصرى

اليابانى كان اغلى بس مش قوى حوالى ب 500 او 600
لكن انا قلت الألمانى افضل و اجمد

 

 

[Badroora]

معظم اجهزة الضغط الالكترونك والسكر مش بتكون دقيقة بنسبة 100% بس على الاقل للمتابعة كويس.
مريض الضغط هو نفسه بيكون قادر يفرق بين ضغطه لما يكون عالى او منخض.
اهم حاجة فى اجهزة الضغط الالكترونك هى طبعا البطاريات فى منها ريتشارجابول يعنى اعادة شحن البطارية او تغيرها .معظم الشركات مثلا تشترى جهاز الضغط او السكر وبعدين تحتاس على البطاربات مش بتلاقيها.عموما فى الاجهزة الطبية اليابانى والالمانى طبعا الافضل بس اهم شيء توافر البطاريات.
وبخصوص القرايه هى مش دقيقة اوى ولكن للاستعمال اليومي كمتابعة شغالة لاننا مش لازم نقيس الضغط يوميا. ممكن لمريض الضغط مرة مرتين فى الاسبوع و خلاص وممكن مرة فى البيت ومرة فى اى مستوصف طبي .
ولو عاوز طريقة الجهاز العادي ابقي قولى وانا اشرحهالك.

 

 

[النجم الثاقب]

اخوانى الأفاضل و اخواتى الفضليات Oskasan ، حسام يوسف ، هانى مليجى ، Dr.Farida ، sanaa ، حشيش ، بدرية .. و الله يا جماعة انا شاكر افضالكم جميعا .. و الله ما جصرتوا .

من الواضح ان حضراتكم اجمعتم ان أجهزة قياس ضغط الدم الديجيتال بتكون غير دقيقة و ان الاجهزة العادية أفضل و أدق .. لذلك هيكون استخدام الجهاز الديجيتال إن شاء الله للمتابعة فقط .. وان شاء الله يا بدرية لو احتجت الطريقة هطلبها اقولك على طول .

شاكر ليكم مرة اخرى نصايحكم و أراءكم و الأسعار طبعا

تقبلوا تقديرى