ستات....وبنات ...كندا.....كله يجمع هنا

[somayasaleh]

يا صباح الفل علي الجميع.......

احنا هنا عايزين نتكلم عن دور النص الحلو في كندا....وحوار الهجرة ده كله
الموضوع من الوهلة الاولي يبان انه سهل.....بس في الحقيقة ده تحدي جامد قوي قوي.....وكبيييييييير جدا جدا

الكل مدعو للمشاركة في المغارة ده يا بنات....ويا ستات
واكيد طبعا....الشباب....والرجال....مرحب بهم معانا ....لان رأيهم يهمنا جدا

انا ح ابدأ بوضع بعض النقاط اللي ممكن نتكلم ونتناقش فيها؟؟؟؟
واي واحد عندة سؤال....او استفسار...ممكن يقوله والكل يدخل يشارك

1- عائق اللغة....سواء كانت انجليزي....او فرنساوي

2-الدراسة......هل بتفكروا يا بنات انكم تعادلوا....او تدرسوا حاجة جديدة...او تعملوا ايه بالظبط؟؟

3-الاستعداد للانخراط في المجتمع الكندي......هل فيه استعداد لكده....او ح تنضموا فقط للجاليات العربية....وح تبعدوا عن الكنديين؟؟

4-التطوع.....وده كلمة السر في كندا.........فولنتيرنج......هل عندكن الميول التطوعية ده....ولا ايه؟

5-الحنين للوطن والاهل........هل ده بيفرق معاكن ولا لا؟؟؟

6-متابعة الاولاد......ومعرفة اصحابهم....والتواصل معاهم...ده نقطة مهمة

7-متابعة الاولاد في الدراسة....والتواصل مع المدرسة...والمدرسين

8-الحفاظ علي اللغة العربية...والدين...والهوية

ده بعض النقاط اللي عايزين نتناقش فيها.....وبطلب من سيدات كندا....التواصل....لانهن ...دوووووول اللي علي ارض الواقع

سيبا....اكسترا....مهاجرة جديدة....ستريم روك....ندي....جنة....شيري....مدام توتو......

مطلوب انطباعتكن كسيدات المهجر....ونصائحكم لباقي اخواتنا...اللي جايين ورانا

 

[somayasaleh]

المجتمع الكندي قائم علي التعاون بين الرجل والمرآة.....يعني مش مجتمع ذكوري ولله الحمد

وكمان النساء هنا بيشتغلوا كللللللللللللللللللللللللللللللللل حاجة

بداية من سواقة باص.....لحد عاملة نظافة محترمة جدا في مول مثلا

والشغل هنا مهما كان طبيعته مش عيب...بالعكس الناس مش بتبص لاي حد بيشتغل باي دونية

وكمان ممكن يا ستات تاخدوا كورسات سريعة في اي مجال بتحبوه....زي مثلا تجميل....مساج......تدريس....الخ

الكورسات هنا سهلة قوي وكتييييييييير ومتنوعة.....وامكانية ايجاد شغل بالنسبة للسيدات كبيرة ولله الحمد......بس المهم طبيعة الشخصية .....هي تحب كده او لا

مثلا....شخصية اجتماعية
......بتحب تغير الدراسة...وتدرس حاجة جديدة
عندها .....طموح

كمان امكانية عمل مشروع نسائي صغير....متاحة هنا

1-مثلا.....فيه صديقة مصرية اتعرفت عليها هنا في سيمينار سابق....هي اخدت كورس تجميل.....وفتحت مشروع كوافير صغير في بدروم بيتها

وما شاء الله عندها زباين كتير من كل الجنسيات...وده لانها شخصية حبوبة واجتماعية،،،،وشغلها حلو......الخ

2-صديقة اخري.......اخدت كورس ريال استيت.....معاملات عقارية...وبرضة بتشتغل لوحدها وبتأجر للناس.....وكدهوت يعني

3-صديقة تالتة.....اخدت كورس......سوسيال ورك......اخصائية اجتماعية.....وربنا وفقها لشغل في كوميونتي سنتر

4-صديقة رابعة......فضلت انها تعمل فولنتيرنة في مدرسة اولادها.......منها تبقي قريبة منهم....ومنها تاخد الخبرة الكندية المطلوبة.....وربنا وفقها بعد كده لشغل في نفس المدرسة

5-صديقة خامسة......فضلت العمل التطوعي مع الفقراء........وتطوعت مع جامع الاسنا......وبتوصل الاكل الخاص بالفود بنك للناس الغلابة المحتاجين

والامثلة كتير .....بس المهم .....نبدأ ازاي

وكمان اي عمل تطوعي.....بتعرف ناس.......ويبقوا دول الريفرنسيس بتوعك....في حالة السؤال عليك من طرف اي جهة عمل

 

 

[حسام]

والله ياباشمهندسة سمية
موضوعاتك كلها أحلى وأهم من بعض
فيه ستات دورها ايجابي فى حياة أزوجاهم وأسرهم
وفيه ستات العكس طبعا
عندي استفسار لستات وهوانم الكنادوة
الكلام اللى عن المشروعات القصيرة اللى فى موقع
http://sbinfocanada.about.com/
وأفكار مشروعات طبخ وشغل نسائي
ياترى الكلام ده ينفع يتطبق فعلا فى كندا؟
ولا كلام نظري ابن عم حديت؟

 

 

[somayasaleh]

اقتباس المشاركة الأصلية كتبت بواسطة حسام والله ياباشمهندسة سمية موضوعاتك كلها أحلى وأهم من بعض فيه ستات دورها ايجابي فى حياة أزوجاهم وأسرهم وفيه ستات العكس طبعا عندي استفسار لستات وهوانم الكنادوة الكلام اللى عن المشروعات القصيرة اللى فى موقع http://sbinfocanada.about.com/ وأفكار مشروعات طبخ وشغل نسائي ياترى الكلام ده ينفع يتطبق فعلا فى كندا؟ ولا كلام نظري ابن عم حديت؟

اهلا دكتور حسام......

انا كتبت فوق بعض تجارب سيدات اعرفهم شخصيا....والحمد لله ماشيين

نسيت تجربة واحدة معرفة اخويا برضه

انسانة طموحة ....ما شاء الله....اخدت كورسات....واشتغلت اكتر من شغل....بعد كده حولت علي العمل الحر

بدأت بمشروع اكل جاهز......وانتهت بمشروع مغسلة كبيرة في مكان حلو....وما شاء المشورع شغال كويس

انا اعرف تجارب كتييييييييييييير لسيدات هنا....منهم الناجح والرائع

ومنهن اللي تقوقعت علي نفسها....ورفضت التعليم،،،او الاندماج مع الناس

ومنهن اللي ما استحملتش الغربة....وحولت حياة البيت لجحيم

 

 

[مدام واحد تاني]

السلام عليكم ورحمة الله وبركاته.. انا متابعة حضرتك من فترة و معجبة بحضرتك جدا جدا ربنا يكرمك و يوفقك للخير دايما ان شاء الله. ممكن اشارك معاكم و استفيد من خبرة حضرتك

 

 

[somayasaleh]

اقتباس المشاركة الأصلية كتبت بواسطة مدام واحد تاني السلام عليكم ورحمة الله وبركاته.. انا متابعة حضرتك من فترة و معجبة بحضرتك جدا جدا ربنا يكرمك و يوفقك للخير دايما ان شاء الله. ممكن اشارك معاكم و استفيد من خبرة حضرتك

اهلا بك يا فندم......

منورة المغارة الجديدة.....

طيب ياريت تقولي لنا....ايه طموحاتك الشخصية لما توصلي كندا ان شاء الله؟؟؟هو مش انت مقدمة برضه؟؟؟؟ ولا لسه؟؟؟

يعني شايفة نفسك ازاي هناك.....مجرد تخيل

واللي لسه ما هجروش....برضوا....يدخلوا ويقولوا وجهة نظرهم النسائية ايه؟؟؟

مين عايزة تكمل وتعادل الشهادة....وتشتغل بشهادة كندية
مين ناوية تغير الكاريير وتدرس حاجة تانية بتحبها
مين بتحب الشغل التطوعي....وح تلاقي فيه نفسها هنا اكيد
مين بتح تبقي جنب اولادها....في مدرستهم....وتتابعهم عن قرب
مين عندها طموح....وناوية علي مشروع صغير....وبعد كده يكبر ان شاء الله
مين تحب تكمل في دروس القرآن والحفظ والتجويد....برضه موجود
مين ممكن تساعد....تطوعي....في مدارس السبت او الاحد....لتعليم اولادنا العربي...والدين


كل واحدة تدخل وتقول هي شايفة نفسها ازاي.......والكل يقول رأيه ولو فيه اي خبرة نقدمها لها

وطبعا الرجال....مرحب بهم وبأراءهم دايما.......

 

 

[حرم ولاء]

مدام سمية مبروك على المغارة الجديدة و يسعدنى ان اكون من اوائل المشاركين طبعا انتى عارفة انا اخصائية علاج طبيعى و ناوية اعمل المعادلة ان شاء الله بس بصراحة نفسى اشتغل اى كاجوال وورك اة فولنتير عشان اندمج واعرف اكتر عن المجتمع انا طبيعتى مغامرة و بحب اعرف حاجات جديدة و على فكرة موضوع الهجرة انا اللى سعيت فيه من الاول للاخر رغم معارضة زوجى اللى ماقتنعش بيها الا لما رحنا اللاندينج و ساعتها بس قاللى عندك حق انا باقول الكلام ده لان فيه ناس حاطة فى دماغها ان الستات مفعول به يعنى سلبيين بالعكس احنا قوة فاعلة جدا و ممكن نكون نقطة الانطلاق لكل العائلة بالنسبة للغة انا المين ابليكانت و معايا تويفل و ايلت و بواقى فرنساوى من ايام النوتردام و ناوية ادرسه تانى عشان ابقى باى لينجيوال و الاولاد ها ادخلهم مدارس بابليك عشان يندمجوا لكن لو مش ارتحت راح انقلهم مدارس اسلامى و عموما انا اولادى لسة صغيرين اما الحنين للوطن متهيألى مش جامد لانى عشت 11 سنة فى الخليجو مش بانزل كل سنة اهم حاجة قلقانى هى اللغة و الدين و خصوصا للنونو اللى ها تتولد ان شاء الله الشهر الجاى فى كندا وربنا يستر طبعا الاندماج فى المجتمع الكندى مهم جدا بس الاهم الاختلاط مع الجالية العربية و المصرية عشان الهوية و توافر الصداقات المناسبة لكل واحد فيهم بحيث ما يعتمدوش على صداقات غريبة الطباع و بس خلاص

 

 

[مدام واحد تاني]

فعلا حضرتك معاكى حق ان دور الزوجة مهم جدا خاصة فى الفترة الاولى من الحياة الكندية احنا الحمد لله مقدمين للهجرة وفى انتظار الخطوات اللى بعد المديكال ان شاء الله... انا ان شاء الله ناوية الكمل دارستى و اعادال شهادتى فى الصيدلة

 

 

[somayasaleh]

اقتباس المشاركة الأصلية كتبت بواسطة حرم ولاء مدام سمية مبروك على المغارة الجديدة و يسعدنى ان اكون من اوائل المشاركين طبعا انتى عارفة انا اخصائية علاج طبيعى و ناوية اعمل المعادلة ان شاء الله بس بصراحة نفسى اشتغل اى كاجوال وورك اة فولنتير عشان اندمج واعرف اكتر عن المجتمع انا طبيعتى مغامرة و بحب اعرف حاجات جديدة و على فكرة موضوع الهجرة انا اللى سعيت فيه من الاول للاخر رغم معارضة زوجى اللى ماقتنعش بيها الا لما رحنا اللاندينج و ساعتها بس قاللى عندك حق انا باقول الكلام ده لان فيه ناس حاطة فى دماغها ان الستات مفعول به يعنى سلبيين بالعكس احنا قوة فاعلة جدا و ممكن نكون نقطة الانطلاق لكل العائلة بالنسبة للغة انا المين ابليكانت و معايا تويفل و ايلت و بواقى فرنساوى من ايام النوتردام و ناوية ادرسه تانى عشان ابقى باى لينجيوال و الاولاد ها ادخلهم مدارس بابليك عشان يندمجوا لكن لو مش ارتحت راح انقلهم مدارس اسلامى و عموما انا اولادى لسة صغيرين اما الحنين للوطن متهيألى مش جامد لانى عشت 11 سنة فى الخليجو مش بانزل كل سنة اهم حاجة قلقانى هى اللغة و الدين و خصوصا للنونو اللى ها تتولد ان شاء الله الشهر الجاى فى كندا وربنا يستر طبعا الاندماج فى المجتمع الكندى مهم جدا بس الاهم الاختلاط مع الجالية العربية و المصرية عشان الهوية و توافر الصداقات المناسبة لكل واحد فيهم بحيث ما يعتمدوش على صداقات غريبة الطباع و بس خلاص

ايوه كده يا جميل.....هو ده الكلام اللي انا مستنياه......

كده اقدر اقولك.....انك مش ح تتعبي خالص هنا باذن الله....بالعكس ح تكوني نموذج مشرف للمرأة العربية المسلمة....وده اللي انا نفسي فيه لنا كلنا

بالنسبة لحضرتك......سهل قوي المعادلة لك....بس فيه حل تاني....واعتقد افيد لك....انك تعادلي المواد اللي درستيها في كليتك....ويتبقي لك كام مادة،......تاخديهم...ويبق معاكي شهادة كندية اصلية

كده ح تلاقي شغل بسهولة جدا ان شاء الله

تجربتي مع العلاج الطبيعي

لظروف صحية.....اضطريت لاخذ جلسات علاج طبيعي.....

اولا.....مش داخل التامين الصحي للاسف....يعني علي حسابنا الشخصي
ثانيا....الاجهزة الموجودة عادية جدا
ثالثا....الاسعار غالية...علي الخدمة المقدمة....يعني الجلسة ب 50 دولار 50 دقيقة......وجهاز نبضات خفيفة....وجهاز تسخين....وشوية تمرينات هبلة

وده كمان مشروع حلو قوي قوي قوي....للي عايز يكسب هنا

 

 

[somayasaleh]

اقتباس المشاركة الأصلية كتبت بواسطة مدام واحد تاني فعلا حضرتك معاكى حق ان دور الزوجة مهم جدا خاصة فى الفترة الاولى من الحياة الكندية احنا الحمد لله مقدمين للهجرة وفى انتظار الخطوات اللى بعد المديكال ان شاء الله... انا ان شاء الله ناوية الكمل دارستى و اعادال شهادتى فى الصيدلة

اهلا بك مرة تانية....

شوفي يا ستي......انت كمان ممكن تدرسي كورس مساعد صيدلي.......وتاخدي الخبرة الكندية....وتشتغلي به....لحد ما تخلصي امتحاناتك الاصلية.

وممكن تقدمي علي كورس اسمه.....ELT........وده ليه اسماء مختلفة في كل مقاطعة....بس بيوفر لك مكان تتدربي فيه بدون فلوس طبعا.....بس يبقي اسمك اخدتي الخبرة الكندية المطلوبة