شوربة بحرية .. فطر مع كرافس مع كرات مع الكريمة ..

[بندق]

الموضوع سهل خالص ..

جوانح بصل تتدبل فى قليل من الزبدة ..

يضاف لها كرافس مقطع .. ثم فطر .. مع التقليب .. ثم تضاف البحريات على حسب المتوفر .. ممكن كابوريا ممكن جمبرى ممكن ستاكوزا ممكن محار .. سمك أى حاجة .. استخدمت جمبرى بقشره منزوع الرأس وكذلك ستاكوزا .. ومقطوعة نصفين طوليا .. ويضوع فى هذه المرحلة كرات أو leeks ثم يضاف كمية من الكريمة حسب الذوق .. دول كانو طبقين ومعاهم 3 ملاعق كريمة



ودى استاكوزا تتشوى أو تتسلق على البخار بدون أضافات أو تتبيل .. وعند التقديم يمكن تجميلها بالجبنة المبشورة ..
معها حبار محشى بلحم مقدد
الكل على خلفية من ورق الكرات leeks

 

[بندق]

دى اوضح

 

 

[toota]

انا غلطانه...




كشفت راسي ودعيت عليك يا بندق....


روح ياشيخ














ومتجيش تاني....

 

 

[بندق]

اليوم حد من المتابعين الخارجيين بعتلى يسألنى توتا بتدعى عليك ليه ..

ألا صحيح بتدعى على ليه؟

ذنبى؟ اللى بأعملكم اكل؟

 

 

[moka]

اقتباس المشاركة الأصلية كتبت بواسطة toota انا غلطانه...

اقتباس المشاركة الأصلية كتبت بواسطة toota كشفت راسي ودعيت عليك يا بندق.... روح ياشيخ ومتجيش تاني....

.
.

لا حول ولا قوة إلا بالله العلي العظيم

مأساة من مآااااسي مطبخ بندق ..!

الناس بتنهار والستات بيدعوا عليه واحدة تلو الاخرى

وهو لا قلب له .. ليرأف بحالهن ..

وادي النتجية .. واختنا توتا كشفت راسها وبتدعي

واختنا ناش حسب اخر مداخلة ليها في موضوع مماثل من تعبها اصبحت ترزع العيال بالكراسي علشان ترتاح ..

اما ان الاوان ان ترأف بهن اخي الكريم ..!

 

 

[بندق]

لا ممكن أبدا .. الا بعد استنفاذ آخر دمعة ..



يلا لمو فلوس وخلونا نعمل مطعم .. كفاية غربة

 

 

[Badroora]

نفسي اعرف يا بندق انت بتشتغل امتى وتطبخ امتى
دا انا يا اللى باشتغل 13 يوم فقط فى الشهر و17 يوم اجازة وباحس انى معنديش وقت

 

 

[بندق]

اقتباس المشاركة الأصلية كتبت بواسطة badroora نفسي اعرف يا بندق انت بتشتغل امتى وتطبخ امتى دا انا يا اللى باشتغل 13 يوم فقط فى الشهر و17 يوم اجازة وباحس انى معنديش وقت

طيب تصدقى بالله انه الأكل اللى اتحط كله فى الأسبوع اللى عدى كان معمول فى يوم واحد .. مشيت من الشغل بدرى شوية ورحت اشتريت السمك ورحت السوبر ماركت

وعملت شوربة وحبار محشى (وده بياخد وقت طويل فى الحشو) ونوعين سمك واستاكوزا وجمبرى ورز وسلطات ومقبلات .. ورحت مشوار كمان وبعدين كنت فى المطار الساعة 9 تمام كل ده فى حوالى 4 ساعات ..

أهم حاجة تنظمى تفكيرك هتعملى ايه أمتى وترتيب العمل ازاى وايه قبل ايه

 

 

[أم العيال]

متميز


مبدع


يحق له الحصول علي جائزة الصنارة الذهبيه

بس الحاجة الوحيده فى أطباقك يابندق الغير عاطفيه

وبتتعب نفسويتي

هوه طريقة تقطيك للبصل

الطبق بيبقي جميل

لكن مش عاطفي منظر البصل قيه

 

 

[بندق]

اقتباس المشاركة الأصلية كتبت بواسطة أم العيال متميز مبدع يحق له الحصول علي جائزة الصنارة الذهبيه بس الحاجة الوحيده فى أطباقك يابندق الغير عاطفيه وبتتعب نفسويتي هوه طريقة تقطيك للبصل الطبق بيبقي جميل لكن مش عاطفي منظر البصل قيه

هو ده فيه بصل حضرتك؟

شاوريلى على أى موضوع فيه بصل لما نشوف ايه حكاية البصل دى ..