قرع العسل بالباشميل

[جدة حبيبه]

الصحف المصرية والعربية

دعوه لموضوعي

كيفية صلاة النبى صل الله عليه وسلم

قرع العسل بالبشاميل

المقادير:
ثمرة قرع عسلي متوسطة الحجم
2 كوب سكر...
2 ملعقة كبيرة زبيب
1/ 4 كوب مكسرات مفرومة

مقادير البشاميل:
3 ملاعق كبيرة دقيق
2 ملعقة كبيرة سمن
كوب مية سلق القرع
1/ 2 كوب سكر
2 كوب لبن
فانيليا

الطريقة:
1- قشّري القرع العسلي، وقطّعيه مكعبات، واخلطيه مع السكر، وسيبيه لمدة 4 ساعات؛ علشان ينزّل الميه بتاعته.

2- بعد كده اسلقيه في كمية مناسبة من الميه، وسيبيه لغاية ما يستوي كويس، وبعد كده صفّيه من الميه بتاعته، واهرسيه، لكن مع الاحتفاظ بمية السلق.

3- لتحضير البشاميل، حمّري الدقيق في السمنة على النار، لغاية ما يبقى لونه دهبي، وبعد كده ضيفي عليه اللبن ومية سلق القرع والسكر مع التقليب المستمر لغاية ما تحصلي على صوص متوسط القوام، وفي الآخر ضيفي الفانيليا.

4- اخلطي القرع مع الزبيب والمكسرات ونصف كمية البشاميل، وحطّي الخليط في صينية مدهونة بالسمنة، وعلى الوش صبّي باقي البشاميل، وادهني السطح بشوية زبدة صغيرين، ودخّلي الصينية في الفرن على درجة حرارة متوسطة، لغاية ما تلاقي الوش بقى لونه دهبي، طلّعيها وقدّميها ساخنة أو باردة

 

[أسامة الكباريتي]

انا باعرف آكلها كويس ..

ابنتي الصغرى هي المختصة بتحضيرها

بس بصراحة
الصورة هنا أجمل

 

 

[جدة حبيبه]

دعوه لموضوعي

كيفية صلاة النبى صل الله عليه وسلم

اقتباس المشاركة الأصلية كتبت بواسطة أسامة الكباريتي انا باعرف آكلها كويس .. ابنتي الصغرى هي المختصة بتحضيرها بس بصراحة الصورة هنا أجمل

بالهنا والشفا

ربنا يخلى لك أولادك ويبارك لك فيهم

أشكرك لمرورك وتعليقك