نباتات الصبار

[FINETOUCH]

تتكون نباتات الصبار من مجموعات متنوعه لانهايه لها وذلك بسبب التهجين الذى يعطينا انواعا كثيره ذات صفات مختلفه دائما عن الاصل وزهورا بديعه خلابه المنظر والالوان و لذلك فان من يهوى الصبار يصبح كالمدمن الذى لايستطيع ان يفارقه ويسعى دائما لاستكمال مجموعته بالاصناف الجديدة والنادرة مهما كلفته من مال وسعى.
وللتنوع الكبير فان علماء النبات قسموا الصبار الى عائلات وانواع ومعظم التقسيمات كانت تعتمد على الشكل اولا ثم شكل الزهرة واين مكان الزهره فى النبات لان بعض الزهور تكون على القمه وبعضها كالدائره اسفل القمه وبعضها جانبى . وطرق تكاثر الصبار متعدده فمثلا من الخلفات التى تنمو من اسفل النبات غالبا او الجوانب احيانا او من البذور وهى حساسه عند نموهااو من العقل لبعض الانواع.
ومعظم انواع الصبار موطنها امريكا الجنوبيه وتتوزع انواعها اما على قمم الجبال اوسفوحها او الصحارى والوديان وتختلف ايضا صفاتها باختلاف المكان الذى تنمو فيه.
و انشاء الله احاول وضع بعض الصور لبعض الانواع. كما نلاحظ انه لما كان نمو الصبار بطئ فانه كلما كان النبات كبيرا فى العمر كلما ارتفعت قيمته الماديه عند الهواه.

 

[FINETOUCH]

 

 

[ابتسامــة]

لم أكن أعلم كل هذا التنوع لنبات الصبار ولم أتوقع وجود محبين له ... بالفعل معلومات جميلة جدا .... فكل الشكر لك أخي الكريم
أما الصورة التي أضفتها فأقل ما توصف به هو رائعة ... وليتك تضع لنا صور لأنواع مختلفة من الصبار

 

 

[FINETOUCH]

الصبار من اكبر المجموعات النباتيه ومن يهواة كالمدمن يجرى وراء الاصناف الجديدة بالنسبه له و لوسمعتم اثنين من هواة الصبار يتحدثون عن ان فلان عندة الصنف الفلانى بس بشوكه سوداء واللى عندنا بشوكه حمراء ..كدة طيب ياللا بينا نروح له بكرة ..ممكن فلان دة فى بلد تانيه ..طبعا من يسمعهم يقول ايه الناس المجانين دى.
المهم هذة صورة من مجموعه صور لمجموعه عرضتها فى احد المعارض منذ دهرا من الزمان وستتبعها صور اخرى

 

 

[hoppa]

الصبار تزرعه الاسر المصرية فى صوبات و تضعه على اسوار البلكونات حقيقى بيعطى منظر جميل

لكن سمعت ان الناس ممكن تستخدمه كمان فى استخلاص الزيت منه
اشك ان دى ميعرفش لها الا شخص خبير
عندك فكرة يا عمو حسن؟؟؟

 

 

[FINETOUCH]

الصبار الذى يستخرجون منه المادة اللتى تستخدم فى مستحضرات العنايه بالشعر دة مش صبار وهو تابع لمجموعه نباتيه تانيه اسمها العصاريات وهى قريبه الشبه بالصبار.
واسم النبات دة: الوى فيرا.
ان شاء الله ابحث عن صورة له وهو معروف ومنتشر والمادة المستخرجه منه ليست زيتيه.

 

 

[Badroora]

بابا تاتتش ايه صور الصبار الغريبة دي ..جدى الله يرحمه كان عامل جنينة قدام الدوار بتاعنا وكان زراع فيها صبار بس نوع تانى ..

وحاليا انا عندى صبارة رزعتها عند قبر جدى الله يرحمه بردوا شكلها غير الصور دى ..



دا الصبار اللى اعرفه ..واعتقد دا المصري اما اللى انت جيبه دا جنسيته ايه

موضوع جميل فكرنى بالجنينة بتاعتنا اللى كانت

وبأصرية زرع اخويا اللى وقعت على راس جارنا من تانى دور والصبار يا حرام انخلع من جدره

وقبر جدى الحبيب الله يرحمه ويعفوا عنه هو وجميع موتى المسلمين.

 

 

[hoppa]

و انا كمان قصدى على الصبار اللى بيزرع فى البيوت زى اللى جابت صورته بدرية و اعتقد منه بياخدوا زيت الصبار ( و هو اسمه كده يبقى اكيد بيستخرج من صبار)

 

 

[Badroora]

منتجات ال ALOE VERA
من اجود واحسن واغلى الانواع كمان و صحية جدا ومفيدة وخصوصا فى مجال التجميل والمستحضرات التجميلية ..وفى منها بيتشرب لانه مادة ALOE VERA تحتوى على 200 عنصر غذائي ومضادة للاكسدة وبتقاوم السرطان.

يا ريت يا هوبا تشوفيلك كدا اى اصرية زرع صبار وتخديها ع البيت وتستفردى بيها وانحتيها حته حته وابقي ادعيلي بعد كدا من الجمال والصحة والحيوية اللى هينزولوا عليكي بمفعول السحر.

كمل يا بابا تاتش مش عاوزين نشنتح الموضوع

 

 

[FINETOUCH]