جمعية الباقيات الصالحات في حاجة لدعمكم

[فالحة هانم]

جمعية الباقيات الصالحات هي جمعية تترأسها د/ عبلة الكحلاوي وهي دور لرعاية الأيتام والمسنين ونشاطات أخرى .

ويذاع في شهر رمضان المبارك يومياً برنامج (الدين والحياة ) على قناة الحياة في الساعة 9:30 مساء بتوقيت القاهرة أي الساعة 10:30 بتوقيت السعودية ..

يستضيف الدكتورة / عبلة الكحلاوي .. ويستعرض حالات مرضية صعبة جدا تحتاج لتبرعات مادية من الجميع ...

كما ناشدت الناس للتبرع للجمعية حيث ان الجمعية في اشد الإحتياج للمساعدات المادية والعينية .. ولولا انها تستحي أن تعلن عن الجمعية لفعلت.


والحمد لله وفقني في الحصول على رقم حساب البنك ووضعه هنا في المنتدى .. ليكون أمامكم في حال رغبتم في دفع زكاة أو صدقة ..

وقرأت هذا الحديث :

أخرجه مسلم من رواية الأعمش عن أبي صالح عن أبي هريرة
وخرجه في الصحيحين من حديث ابن عمر عن النبي صلى الله عليه وسلم قال المسلم أخو المسلم لا يظلمه ولا يسلمه ومن كان في حاجة أخيه كان الله في حاجته ومن فرج عن مسلم فرج الله عنه كربة من كرب يوم القيامة ومن ستر مسلمًا ستره الله يوم القيامة‏.‏

للتبرع :

البنك الأهلي المصري – مدينة القاهرة – فرع الخليفة المأمون
رقم حساب 14762
جمعية الباقيات الصالحات


رقم تليفون الجمعية من خارج مصر 25056077 / 00202

وكلنا في حاجة إلى الثواب .. رجاء نشر اسم الجمعية ورقم حسابها في المنتديات الأخرى إن أمكن . جعلها الله في ميزان حسناتنا جميعا .

 

[hoppa]

الدكتورة عبلة الكحلاوى انا بحبها جدا جدا
ربنا يجعله فى ميزان اعمالها
الحقيقة الجمعيات الخيرية بقى عليها ضغط كبير بسبب ارتفاع الاسعار
عشان تقدم حاجة كويسة للمحتاج محتاجة تبرعات اكتر
ربنا يعينهم صراحة

و شكر خاص لكى يا فالحة هانم ربنا يجعله فى ميزان حسناتك يارب...الدال على الخير كفاعله
قوليلى اقدر انا اقدملهم حاجة و انا هنا فى اسيوط

 

 

[فالحة هانم]

عزيزتي hoppa

اقتباس قوليلى اقدر انا اقدملهم حاجة و انا هنا فى اسيوط

والله يا هوبا انا معرفش هل لجمعية الباقيات الصالحات فرع في أسيوط ولا لأ

بس لو تحبي ممكن تتصلي بيهم وهم يدلوكي . رقم تليفون الجمعية : 25056077/02

بس انا سمعت كمان عن جمعية رسالة لها فرع في اسيوط ورقم تليفونهم 19140

ولهم موقع على النت وهو :

http://www.resala.org/news.php?type=news&id=51


وفيه كمان مؤسسة مصر الخير وتليفونهم رقم 19540 أو 19450 مش فاكرة بصراحة انهي واحدة

عايزين كلنا نبعت لهم ونتصل بيهم . فيه ناس في مصر محتاجين لقمة حلوة وكوباية شاي وسحور بسيط . ويارب يكتب لنا نصيب ولو صغير في الثواب ده

 

 

[أحمد باشــا]

اقتباس فيه ناس في مصر محتاجين لقمة حلوة وكوباية شاي وسحور بسيط . ويارب يكتب لنا نصيب ولو صغير في الثواب ده

معظم المحتاجين في مصر عاطلين عن العمل او ذوو دخول ضعيفة

لو أمكن تكون المساعدات تشغيل في أعمال او أنتاج للأسر في منازلها يبقى أفضل

 

 

[ابتسامــة]

جزاكِ الله خير عزيزتي
فالدال على خير كفاعله

 

 

[فالحة هانم]

أخي الفاضل/ أحمد باشا

كل عام وأنت بخير ورمضان كريم

اقتباس لو أمكن تكون المساعدات تشغيل في أعمال او أنتاج للأسر في منازلها يبقى أفضل

أنا موافقة جدا على الإقتراح الحلو ده .. وياريت الجمعيات الخيرية توجه جزء من تبرعات الناس لعمل مشروعات صغيرة للشباب العاطل علشان ياكلوا من فلوس تعبهم ومجهودهم

ومتكونش بس مجرد وجبة إفطار ولا سحور .

وأنا شايفة انها تكون في إيد جمعيات كبيرة زي رسالة ومصر الخير وكده .. علشان دي جمعيات معروفة وموثوق فيها

وممكن الجمعيات تعمل دراسة حالة للأسر اللي محتاجة مشروع صغير أو الأسر اللي ليس لديها عائل فيكون لها مبلغ شهري ولو بسيط حتى تتعلم ربة البيت من تعلم الخياطة او التريكو او حاجات تانية

فكرتك ممتازة وربنا يبارك لك