اكتءاب الجنسيه الكنديه - منتديات المطاريد
بسم الله الرحمن الرحيم
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ (84) وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِندَهُ عِلْمُ السَّاعَةِ وَإِلَيْهِ تُرْجَعُونَ (85) "الزخرف"

منتديات المطاريد | الهجرة الى كندا | الهجرة الى استراليا

 


DeenOnDemand


BBC NEWS

    آخر 10 مشاركات

    Arabic Discussion Forum with a Special Interest in Travel and Immigration

    Immigration to Canada, Australia, and New Zealand

    Egypt and Middle East Politics, History and Economy

    Jobs in Saudi Arabia, USA, Canada, Australia, and New Zealand

    العودة   منتديات المطاريد > شؤون المغتربين > الهجرة إلى كندا

    الهجرة إلى كندا
    المنتدى بإشراف Ehab Salem,Remon.soliman,Muhammad Gad

    الهجرة إلى كندا

    اكتءاب الجنسيه الكنديه


    الهجرة إلى كندا والولايات المتحدة واستراليا

    مواقع هامة وإعلانات نصية

    إضافة رد
     
    أدوات الموضوع انواع عرض الموضوع
    قديم 16th January 2015, 10:07 AM moamana غير متواجد حالياً
      رقم المشاركة : 1
    Member





    moamana is on a distinguished road

    moamana's Flag is: Egypt

    افتراضي اكتءاب الجنسيه الكنديه

    أنا : moamana




    السلام عليكم
    من حوالى سنه بقرا فى اغلب مواضيع الهجرة الى كندا و لاحظت حاجه غريبه
    اغلب الناس بتروح كندا و تفضل تقريبا حوالى سنه فى شهر العسل تشكر فى كندا و تحضر كندا و اخلاق اهل كندا ...الخ و بالطبع لا يشتكون الا من الغلاء و الشغل الكاجوال
    بعد سنتين من تجربتهم فى كندا بلاحظ ان النظرة اتغيرت و بدات نبرة كندا لها مساؤىء ...كندا مش جنه
    بعد3او 4 سنين او بعد الحصول على الجنسيه بلاقى النظرة بقت متشاءمه جدا و تحولت كلها الى خوف على الاولاد و على مستقبلهم الاسلامى و بحس بنبرة انكسار غريبه فى الكلام و يتحول الكلام كله الى بلاش الهجرة الا لو مضطر اوى اوى ...كندا بلد متحضر بس عنصرى بلد غالى جدا و مفيش داعى للمخاطرة و و و و و بصراحه بتبقى طريقه الكلام منفرة اوى من كندا
    ممكن اعرف سر هذا التحول ...حيث لاحظت هذا الكلام فى كتير من الحالات داخل و خارج المنتدى
    انا جربت الغربه و عشت فى السعوديه 6 سنين الى الان
    انا بدات اتوتر من كتر اللى بسمعه من اللى بقالهم فترة هناك او اخدوا الجنسيه خلاص ...انا كنت فاكرة ان الناس لما تفضل فى البلد فترة و تبدا تنجح نظرتهم بتختلف و الحياه بتبقى اسعد بس من الواضح انها العكس...ممكن حد يساعدنى افهم ايه السبب فى ده

     

    الموضوع الأصلي : اكتءاب الجنسيه الكنديه     -||-     المصدر : منتديات المطاريد     -||-     الكاتب : moamana

     

     


     
    رد مع اقتباس


    Latest Threads By This Member
    Thread Forum Last Poster Replies Views Last Post
    الصيادله ....ماذا بعد؟ الهجرة إلى كندا mody 3 685 12th March 2016 10:03 AM
    اكتءاب الجنسيه الكنديه الهجرة إلى كندا Drmefa 144 31251 16th January 2015 10:07 AM

    قديم 16th January 2015, 02:10 PM Clinical chemist غير متواجد حالياً
      رقم المشاركة : 2
    Clinical chemist
    Golden Member
     





    Clinical chemist has a reputation beyond reputeClinical chemist has a reputation beyond reputeClinical chemist has a reputation beyond reputeClinical chemist has a reputation beyond reputeClinical chemist has a reputation beyond reputeClinical chemist has a reputation beyond reputeClinical chemist has a reputation beyond reputeClinical chemist has a reputation beyond reputeClinical chemist has a reputation beyond reputeClinical chemist has a reputation beyond reputeClinical chemist has a reputation beyond repute

    افتراضي

    أنا : Clinical chemist





    شوفى يا ستى

    بناء على تجربة 3 سنين حتى الأن

    1- لا وجه للمقارنة اساسا بين كندا ومصر......فمش هناقش السكة دى.
    2- الخليج فلوس...وبس.....هتقضى هناك 20 سنة ومش هتخرجى غير بالفلوس.....يعنى لا حقوق مواطنة ولا معاملة مواطن ولا حرية رأى وفكر ومهددة بالرحيل فى اى وقت......هذا فضلا عن فكرة المساعدة فى بناء دول تسعى فى خراب بلدى للحفاظ على ملكهم.
    3- كندا:
    أ.حرية رأى وعقيدة لم اجدهم فى الدول العربية ....أنا أمن على دينى ومالى وأهلى هنا 100%.....الأولاد يجب متابعتهم فى البيت لتصحيح أى مفهوم خاطىء يمكن اكتسابه من زملاء المدرسة ولازم الحاقهم بدروس عربى ودين.....بعد كده الله حافظ.
    ب.فى الخليج انت بتتعبى عشان تعملى فلوس لأولادك......هنا بتتعبى عشان تخلى ولادك هم اللى يعملوا فلوس لنفسهم.....بتديهم فرصة اهالينا مدونهاش......شهادتهم وجنسيتهم وخبرتهم الكندية هتفتح لهم ابواب العالم والرزق.....اللغة واللكنة الnative هتوفر عليهم وقت كتير ضيعناه وبنضيعه وهنضيعه فى محاولة الوصول لنفس المستوى (علميا اللى ماخدش اللكنة وهو صغير مش هياخدها بعد كده).
    ج.هنا هتتعاملى كمواطنة من ساعة ماتوصلى.....الجنسية هتفرق معاك فى حق الانتخاب بس.
    د.حصولك على الجنسية قد يحميك من سفالات ابناء جلدتك.....على الأقل هتلاقى مكان تانى تروحيه وقت اللزوم.....وأغلب دول العالم هترحب بك بدون تأشيرة.
    ه.هنا مهما كنت مهمومة .....هتخرجى تلاقى وشوش مبتسمة وطبيعة خلابة وشوارع وبيوت نظيفة ومعاملات حكومية سلسة......أمور كتير هتسرى وتخفف عنك.....راحة النفس ساعات بتكون أهم من المال بكتيييييييييييير.
    و. فى مشكلة واحدة لشخص واحد بس.......الرجل الطموح ذو المؤهل العالى والخبرة الكبيرة......اللى بيجى هنا يتمسح به البلاط......ويجبر على الدراسة والتطوع حتى بستغيث.....أو يجبر على القبول بأعمال بأجور متدنيه عشان يصرف على عيلته.......الرجل ده هو أضعف طرف فى معادلة الهجرة........بس اذا كانت مصلحة الجميع فى الهجرة يجب تغليب مصلحة الجميع....والغلبان ده بقى يتولاه الله برحمته .

    الخلاصة

    كندا جنة الأطفال والنساء....ومقبرة الرجال (بعضهم مش الكل )

     

     


     
    رد مع اقتباس

    قديم 19th January 2015, 05:23 AM moamana غير متواجد حالياً
      رقم المشاركة : 3
    moamana
    Member





    moamana is on a distinguished road

    moamana's Flag is: Egypt

    افتراضي

    أنا : moamana





    يا رب يا clinical chemist يكون الوضع زى ما بتوصف تمام
    لانى بصراحه بعض التجارب هنا فى المنندى و مدونه مهاجر اسمه يونس حسين جابتلى اكتاب الرجل كان منلهر بكندا جدا موت خالص و بعد 4 سنين دلوقتى دلامه كله للناس كندا ديه للمضطرين بس و تشاؤم بشع جابلى احباط
    انا عارفه ان جوزى فعلا هيكون هوه اضعف واحد فى المعادله ديه لانه.هنا مركزه كويس اوى و الحمد لله و مرتبه كويس بس ربنا المهون و مين عارف ممكن يكون كندا لها مستقبل تانى مشرق ليه
    جزاك الله كل خير على جرعه التفاؤل اللى رجعتلى الامل تانى

     

     


     
    رد مع اقتباس

    قديم 19th January 2015, 04:41 PM Ehab Salem غير متواجد حالياً
      رقم المشاركة : 4
    Ehab Salem
    Moderator
     





    Ehab Salem has a reputation beyond reputeEhab Salem has a reputation beyond reputeEhab Salem has a reputation beyond reputeEhab Salem has a reputation beyond reputeEhab Salem has a reputation beyond reputeEhab Salem has a reputation beyond reputeEhab Salem has a reputation beyond reputeEhab Salem has a reputation beyond reputeEhab Salem has a reputation beyond reputeEhab Salem has a reputation beyond reputeEhab Salem has a reputation beyond repute

    Ehab Salem's Flag is: Canada

    افتراضي

    أنا : Ehab Salem




    اقتباس
    مشاهدة المشاركة المشاركة الأصلية كتبت بواسطة moamana
    انا بدات اتوتر من كتر اللى بسمعه من اللى بقالهم فترة هناك او اخدوا الجنسيه خلاص ...انا كنت فاكرة ان الناس لما تفضل فى البلد فترة و تبدا تنجح نظرتهم بتختلف و الحياه بتبقى اسعد بس من الواضح انها العكس...ممكن حد يساعدنى افهم ايه السبب فى ده

    كل اللي بتسمعيه صح .. سواء السلبي أو الايجابي .. الاتنين صح .. و السبب إن كل واحد بيوصف تجربته و إنطباعاته الشخصيه .... الناس مختلفين بالضروره و بالتالي حكمهم على الأشياء مختلف ..... أيضا نمط الحياه في كندا لا يناسب كل الناس ... فيه ناس يجدوا راحتهم و إنسجامهم مع نمط الحياه في الخليج .... و ناس مع نمط الحياه في كندا .. و ناس مع نمط الحياه في بلدهم الأصلي .... مفيش one size fits all ....

     

     


     
    رد مع اقتباس

    قديم 19th January 2015, 05:08 PM moamana غير متواجد حالياً
      رقم المشاركة : 5
    moamana
    Member





    moamana is on a distinguished road

    moamana's Flag is: Egypt

    افتراضي

    أنا : moamana




    !For Medical Professionals Only

    بشمهندس ايهاب سالم عندى فى موضوعى ده شرف كبير و الله
    حضرتك و موضوعك اول من قادنى الى هذا المنتدى و الطريق الى كندا
    و زى العاده حضرتك بتدى المختصر الراءع المفيد
    شكرا

     

     


     
    رد مع اقتباس

    قديم 21st January 2015, 04:18 PM حلم كبير غير متواجد حالياً
      رقم المشاركة : 6
    حلم كبير
    Junior Member





    حلم كبير is on a distinguished road

    حلم كبير's Flag is: Egypt

    افتراضي

    أنا : حلم كبير




    حلمى للهجره لكندا بدأ من فتره ..
    وبعد ما اتعرفت على المنتدى متمسكه بحلمى اكتر
    صحيح لسه مش ماشيه فيه و لا خطوه و يا دوب ماسكه اول خيط جمع المعلومات لكن يقينى ان ربنا حيوفقنى بقدر اجتهادى

     

     


     
    رد مع اقتباس

    قديم 22nd January 2015, 12:02 AM M. Yousef غير متواجد حالياً
      رقم المشاركة : 7
    M. Yousef
    Member
     





    M. Yousef will become famous soon enoughM. Yousef will become famous soon enough

    M. Yousef's Flag is: Egypt

    افتراضي

    أنا : M. Yousef




    اولاً احب احييكى انك اخدتى بالك من الظاهرة دى... و بدأتى تفكرى فيها من ضمن مشاكل مشروع الهجرة

    انا كمان اخدت سنة و نص باجمع معلومات و احاول اعرف كل اللى اقدر عليه او حتى اعرف منين اجيب المعلومة الفلانية لما احتاجها. و دا بعد سنة كمان من رفض فكرة الهجرة شكلاً و كندا بالذات موضوعا بس هاقول ايه؟ على رأى العجوز رفعت اسماعيل: "و كالعادة لقد كنت ساذجاً .. ساذجاً .. ساذجا"

    المهم.. انا تقريبا كونت نظرية عن سبب اللى بيحصل دا .. و هى باختصار ان "اللى ايده فى الميا..." ممزوجة مع مشكلة الشعوب العربية كلها (آفة حارتنا النسيان) و الحنين للماضى بشكل غبى و مرضى (بفتح الميم و الراء.. من المرض مش من الرضا)

    المهاجر عامة قبل ما يسافر بيبقى شايف كل الوان العذاب بعينه و عايش فيها صبح و ضهر و ليل. من ساعة ما يفتح عينة الصبح و هو بيفطر و هو رايح الشغل و هو فى الشغل و هو راجع و هو خارج يقضى مصلحة او يخلص معاملة حكومية و هو بيتفسح و هو بيعلم اولاده و لحد ما ينام و ساعات كمان بعد ما ينام.

    ضغط عصبى و نفسى مستمر و مفيش منه هروب الا يا دوب مسكنات ضئيلة التأثير لا تسمن ولا تغنى من الم ... و كل واحد و اللى متعود ي chill out بيه علشان يقدر يواصل.
    فبمجرد ما بيخرج من الجو دا و يعيش الفترة الأولانية (اسابيع او شهور او سنين على حسب كل واحد) بيبقى مستوعب النعيم اللى هو فيه و بيبقى فيه احساس a weight has been lifted... (خلاص مش هيقلق كل يوم الساعة 2 بالليل على صوت التوك توك اللى متركب فيه سماعات 500 وات و سايقينه شباب واخد مخدرات و قاعدين يلفو ف شوارع البلد كلها و محدش عارف يوقفهم مثلاً....)

    دا زائد ان كل حاجة بيشوفها بتتعمل صح لأول مرة و بسهولة و يسر (و ان دا الطبيعى مع الناس كلها بدون واسطة او رشوة) و يقعد يقارن بينها و بين اللى كان مضطر يعانيه علشان يعمل نفس الحاجة ... حتى لو مجرد المشى ف الشارع ع الرصيف (و دى مثلا مهمة مستحيلة ف مصر!) او تعدى الشارع للناحية التانية و الاشارة حمرا و من على ال pedestrian crossing

    كلها حاجت بسيطة او كبيرة بس تأثير التغيير للأحسن فى كل شئ متهيألى بيبقى كاسح و لازم يحط اى حد ف مود معين و هو انه يصحى من النوم مستعد يبوس تراب شوارع كندا (دا لو عرف يلاقيه ههههههه)

    المهم

    بعد تأثير الصدمة و الانبهار دا ما يبدأ يقل... تبدأ المشاكل الحالية (بردو اللى ايده ف النار) تغطى على دا... الفلوس بتخلص.. مش لاقى شغل كويس.. المعادلة و الترخيص (ربنا يكون ف عون الأطباء بجد و احنا معاهم).. الشهادات اللى تعب فيها و بقت ما تسواش الورق اللى مطبوعة عليه... الخبرة اللى قعد سنين يجمعها و فجأه بقت مفيش.. تحويشة العمر اللى كانت تعيشه ملك فى بلده (زى ما بيتهيأله... لأنه وقتها مش هيفتكر انه محدش يعرف يعيش ملك ف مصر حتى لو مليونير) و تقلصت للسبع او التمن بمجرد عبور الحدودو دلوقتى مش عارف يسكن حتى سكن كويس زى بتاع مصر او الخليج.

    دا طبيعى ف أى بشر ان المشكلة الحالية هى اللى بتعمل هم و حزن و خوف و ترقب اكتر من المشاكل المستقبلية او حتى الماضية

    المصيبة الأكبر بأه و دى شعوبنا العربية بتتميز فيها بشكل غير عادى هى حتة الحنين للماضى و البكاء على الأطلال و مدح الناقة و التعصب للقبيلة و كل الـ(آسف على التعبير) الهبل و العته اللى متأصل فى جيناتنا دا من أيام البادية. و بنتوارثه اباً عن جد مش عارف ازاى!
    للأسف كلنا عندنا تشوه نفسى و أخلاقى يتلخص فى بيت الشعر (و نشرب ان وردنا الماء صفواً... و يشرب غيرنا كدراً و طيناً) Enough Said! و المشكلة ان دا عمره ما هيتغير لأننا لسا لحد دلوقت بندرس بيت الشعر دا لأولادنا على انه دليل على العظمة و فخر الأجيال الماضية!

    لما تحطى بأه كل العوامل دى مع بعض و تتخيلى المهاجر دا بعد ال Flip-side دا بقى بيفكر ازاى:

    اتعود على النضافة و النظام و الجمال الموجودين و ما بقاش فعليا يلاحظهم.. بس قاعد يفتكر تجمعات الأهل و جو رمضان و الأعياد و الجيرة و اللمة و الألتزام الأخلاقى و الجو المتدين و العفة و الطهارة و الجوامع اللى ف كل شارع...
    نفس الأهل اللى هو عامل مشاكل معاهم و حالف طلاق على مراته من خمس سنين ان ماحدش منهم يدخل بيته تانى... و نفس الجيران اللى كل شهر خناقة معاهم على مصاريف تصليح الأسانسير و نضافة العمارة و الركنة جنب الرصيف ... و نفس اللمة اللى بتنتهى بخناقة مع مراته طول الطريق من ساعة ما يرجعو ف الطريق لحد ما ينامو.. و نفس رمضان اللى تحول الى موسم استهلاكى و استغلالى بشع بدون اى تلاتين لازمة و التليفزيون اللى بيتولى سد العجز فى الشياطين اللى اتكبلت... و كله كوم و ختام الصيام من سهرة بانجو العيد بالليل و تحرشات العيد ف الصبح... اما عن الألتزام الأخلاقى و التدين ف مش هاتكلم!

    المخ البشرى عنده حاجة اسمها Defense Mechanisms و دى عبارة عن ادوات بيستخدمها غصب عن الواحد علشان يخفف عنه و يساعده على التغلب على البلاوى اللى هو عايش فيها. اهمها و اشدها تأثرياً هو النسيان. و بتوصل ساعات لفقدان الذاكرة بعد الصدمة النفسية (مش ف حادثة عربية او بخبطة على الدماغ زى ما كدبوا علينا ف كل الأفلام العربى السخيفة بتاعة التسعينات)
    النسيان ساعات بيكون هو الحل الوحيد اللى بيلجأ ليه المخ علشان الواحد ما يفضلش شايل جروح و آثار الماضى طول الوقت. دا هيمنعه من انه يعيش حياته بشكل سليم.

    و بكدا تبدأ تظهر اعراض التعب و الزهق و يتغير المود زى ما بنشوف.. و طبعا كل ما كان ال stresses الجديدة ف البلد اكتر كل ما ساعدت على سرعة التحول دا.

    الخلاصة علشان ما اطولش :
    انا عن نفسى باجمع من دلوقت حاجة زى البوم كدا او mini-blog بكل حاجة باكرهها او باتدايقنى ف البلد هنا (و ما اكترها)... مجرد صورة مختلسة بالموبايل لمنظر و انا ماشى ف الشارع... موقف حصل لى و انا باخلص الورق بتاع الفايل.. خبر هنا على المنتدى (بطلت اتابع اخبار علشان صحتى النفسية).. اى حاجة و كل حاجة
    باجمعهم و هاخليهم لوقت ما ابدأ ادخل فى المرحلة اللى ناوى اسميها PISM: Post-Immigration Stress Syndrome و لسا هاقدم على تسجيل حقوق الطبع و النشر هههههههههههههه

    زائد طبعا انى باحاول اعرف كل المميزات و العيوب من كل وجهات النظر (حتى لو مختلفة عنى) و اكون مستعد للمشاكل اللى هتقابلنى علشان اخفف من الصدمة دى... باتجنب الكلام عن الأحلام الوردية لأنه ما بينفعش قد ما بيضر بعدين

    و بردو ك Proactive Measures بدأت ادخل نفسى ف مود العيشة هناك... عاوز ادور على سكن.. عاوز اشوف حاجة ادرسها.. مصاريف التعليم.. المعيشة .. ركود سوق العمل و اسعار البترول اللى ف النازل .. حتى الجو حاطط على موبايلى ف ابلكيشن ال weather كالجرى و ادمنتون علشان كل يوم و انا باشوف الجو هيبقى عامل ايه يبقى عندى فكرة عن المقابل ليه هناك علشان اتجنب صدمة البرد الشهيرة.. (مع انى مش خايف منه خالص... بالعكس انا باكره الحر جدا و لما درجة الحرارة بتعلى عن 25 بابقى مش طايق هدومى)

    بس كدا... معلش انا طولت جدا ... بس اهو ادينا بنفضفض مع بعض

    و كمان مرة ... تحياتى

     

     


     
    رد مع اقتباس

    قديم 22nd January 2015, 03:14 AM jemkarry غير متواجد حالياً
      رقم المشاركة : 8
    jemkarry
    Member






    jemkarry is on a distinguished road

    jemkarry's Flag is: Egypt

    افتراضي

    أنا : jemkarry




    Well said sir , Thanks.

     

     


     
    رد مع اقتباس

    قديم 22nd January 2015, 05:54 AM DrHala غير متواجد حالياً
      رقم المشاركة : 9
    DrHala
    Member





    DrHala is on a distinguished road

    افتراضي

    أنا : DrHala




    M.Yousef كلامك رائع وانا كنت مستمتعه جدا وانا بقراه يا ريتك طولت

     

     


     
    رد مع اقتباس

    قديم 22nd January 2015, 10:31 AM Miki غير متواجد حالياً
      رقم المشاركة : 10
    Miki
    Senior Member
     






    Miki is a jewel in the roughMiki is a jewel in the roughMiki is a jewel in the roughMiki is a jewel in the rough

    Miki's Flag is: Egypt

    افتراضي

    أنا : Miki




    اقتباس
    مشاهدة المشاركة المشاركة الأصلية كتبت بواسطة M. Yousef
    هاقول ايه؟ على رأى العجوز رفعت اسماعيل: "و كالعادة لقد كنت ساذجاً .. ساذجاً .. ساذجا"



    المصيبة الأكبر بأه و دى شعوبنا العربية بتتميز فيها بشكل غير عادى هى حتة الحنين للماضى و البكاء على الأطلال و مدح الناقة و التعصب للقبيلة و كل الـ(آسف على التعبير) الهبل و العته اللى متأصل فى جيناتنا دا من أيام البادية. و بنتوارثه اباً عن جد مش عارف ازاى!

    و كمان مرة ... تحياتى


    اسيادنا راضيين عليك

     

     


     
    رد مع اقتباس

    إضافة رد

    مواقع النشر (المفضلة)

    الكلمات الدلالية (Tags)
    الجنسيه, الكنديه, اكتءاب

    اكتءاب الجنسيه الكنديه

    « الموضوع السابق | الموضوع التالي »
    أدوات الموضوع
    انواع عرض الموضوع

    الانتقال السريع

    Currency Calculator
    Your Information
    RSS RSS 2.0 XML MAP HTML


    Powered by vBulletin® Version 3.8.8
    .Copyright ©2000 - 2024, Jelsoft Enterprises Ltd
    (جميع الأراء والمواضيع المنشورة تعبِّر عن رأي صاحبها وليس بالضرورة عن رأي إدارة منتديات المطاريد)
    SSL Certificate   DMCA.com Protection Status   Copyright  


    تنبيه هام

     يمنع منعاً باتاً نشر أى موضوعات أو مشاركات على صفحات منتديات المطاريد تحتوى على إنتهاك لحقوق الملكية الفكرية للآخرين أو نشر برامج محمية بحكم القانون ونرجو من الجميع التواصل مع إدارة المنتدى للتبليغ عن تلك الموضوعات والمشاركات إن وجدت من خلال البريد الالكترونى التالى [email protected] وسوف يتم حذف الموضوعات والمشاركات المخالفة تباعاً.

      كذلك تحذر إدارة المنتدى من أى تعاقدات مالية أو تجارية تتم بين الأعضاء وتخلى مسؤوليتها بالكامل من أى عواقب قد تنجم عنها وتنبه إلى عدم جواز نشر أى مواد تتضمن إعلانات تجارية أو الترويج لمواقع عربية أو أجنبية بدون الحصول على إذن مسبق من إدارة المنتدى كما ورد بقواعد المشاركة.

     إن مشرفي وإداريي منتديات المطاريد بالرغم من محاولتهم المستمرة منع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات وإن وجدت اى مخالفات يُرجى التواصل مع ادارة الموقع لإتخاذ اللازم إما بالتبليغ عن مشاركة مخالفة أو بالتراسل مع الإدارة عن طريق البريد الالكترونى التالى [email protected]