بسم الله الرحمن الرحيم
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ (84) وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِندَهُ عِلْمُ السَّاعَةِ وَإِلَيْهِ تُرْجَعُونَ (85) "الزخرف"

| منتديات المطاريد | اوروبا نيوزيلاندا استراليا العمل الدراسة الهجرة كندا

 



العودة   منتديات المطاريد > شؤون المغتربين > الهجرة إلى كندا > دليلك إلى الهجرة لكندا

دليلك إلى الهجرة لكندا Your A-Z Guide to Canada Immigration

دليلك إلى الهجرة لكندا

مختصر اي سؤال في الخطوات العمليه للهجره لكندا

آخر 10 مشاركات
غزة تحت القصف (الكاتـب : أسامة الكباريتي - )           »          الدين الجديد (الكاتـب : KANE - )           »          وفاة صاحبة المقولة «كثر خيرك يا نتنياهو» (الكاتـب : عالي مستواها - آخر مشاركة : KANE - )           »          قذف في قلوبهم الرعب (الكاتـب : KANE - )           »          خير اجناد الأرض !! (الكاتـب : KANE - )           »          نصف مليون ريال لمن يضع حذاءه بفم عكاشة (الكاتـب : حشيش - آخر مشاركة : يسر - )           »          دعـــــاء يـــــوم الجـمعـــة ... تقبل الله ... (الكاتـب : kokomen - آخر مشاركة : حشيش - )           »          الهجرة إلى نيوزيلاندا (الكاتـب : الأهلاوي الأصيل - آخر مشاركة : om-helween - )           »          ********* ليله القدر ********* (الكاتـب : canada wait me - آخر مشاركة : تكسير - )           »          مشعل: المؤتمر الصحفي البارحة (الكاتـب : أسامة الكباريتي - )

إضافة رد
 
أدوات الموضوع انواع عرض الموضوع
قديم 9th June 2011, 04:13 PM دنتستاوي غير متواجد حالياً
  رقم المشاركة : 1
Silver Member
 






دنتستاوي is a jewel in the roughدنتستاوي is a jewel in the roughدنتستاوي is a jewel in the rough

دنتستاوي's Flag is: Egypt

افتراضي مختصر اي سؤال في الخطوات العمليه للهجره لكندا


تحيه اجلال وتقدير لكل من شارك في الموضوع الاسطوري اي سؤال في الخطوات العمليه للهجره لكندا


























 

الموضوع الأصلي : مختصر اي سؤال في الخطوات العمليه للهجره لكندا     -||-     المصدر : منتديات المطاريد     -||-     الكاتب : دنتستاوي

 

 

 
رد مع اقتباس

قديم 9th June 2011, 04:21 PM دنتستاوي غير متواجد حالياً
  رقم المشاركة : 2
دنتستاوي
Silver Member
 






دنتستاوي is a jewel in the roughدنتستاوي is a jewel in the roughدنتستاوي is a jewel in the rough

دنتستاوي's Flag is: Egypt

افتراضي



السلام عليكم يا جماعة النهردة جالى الفيل نمبر فى جواب رغم انى كاتب الاميل ما علينا المهم دلوقتى معايا الرقم اخش بية ازاى بقة ولا اعمل اية بالظبط
شكرا

Read more: http://www.almatareed.org/vb/showthr...#ixzz1OVTfV0Xj


هو حضرتك بتتكلم عن فايل نمبر لكيبك ام للفيدرال؟
لو لكيبك:يبقى دة مجرد اشعار ان ملف حضرتك تم فتحه وسوف يتم دراسته وماعليك سوى دراسة الفرنسية والاتقان فيها قدر الامكان على ما تيجى المقابلة ولاحظ ان المقابلات عادت بتيجى بسرعة

اما لو للفيدرال يبقى على موقع cic
https://services3.cic.gc.ca/ecas/?app=ecas&lang=en
ودة الرابط للكشف عن حالة الملف مع العلم ان ممكن الملف ميدخلش البروسيسنج الابعد التقديم باسبوعين تلاتة او شهر فلا تقلق لذلك
تحياتى


Read more: http://www.almatareed.org/vb/showthr...#ixzz1OVTjDrHL

معنى كده ان الى نزلت دي نواه للقائمه ولكن ليست القائمه الفعليه الى لسه محل دراسهوهاتنزل 14/10 يعني ممكن تضاف وظائف منها وتتشالوظائف



يا استاذ حمودى دى وظائف متميزة وليست حصرية
الكلام واضح
liste des professions privilégiées
لو هى وظائف حصرية كان قال
liste des professions exclusives
دة بمنتهى البساطة
وكمان السطر الاخير بيقول
Les demandes des candidats dont le domaine de formation n’apparaît pas dans la Liste continueront à être examinées selon l’ordre de leur dépôt.
اصحاب الطلبات التى لاتضم مثل هذه الوظائف سوف يتم يتم فحصها ولكن بالترتيب الزمنى
يعنى كل الحكاية ان المهن المتميزة مش هتقف فى الدور انما بقية المهن هى اللى هتقف فى الدور
لو فيه اى جديد بيظهر فورا على موقع الحكومة الرسمى
تحياتى


Read more: http://www.almatareed.org/vb/showthr...#ixzz1OVTsGCRp


أهلا بكل أساتذتي اللي في المنتدى
أنا مقدم كيبيك ومن ملاحظاتي في منتديات الهجرة لاقيت أنه في معادلة صعبة وهي في اللغة الأنجليزية
1- لو أتكلمت إنجليزي كويس تأخد 5 أو 6 درجات بس ممكن يدخل الشك في نفس موظف الهجرة أني ممكن آخد كيبيك سكة لباقي كندا.

2- وأن أتكلمت وحش الشك يروح و6 درجات برضو تروح. أيه الحل؟

ملحوظة :-
أنا مدرس إنجليزي يعني ما ينفعش أتكلم إنجليزي وحش في المقابلة. ده غير إني معايا إيلتس سكوره عالي. أزاي أقدر أقنعه أني أستمر في كيبيك ؟ أرجوكم أفيدوني لأني محتار.

Read more: http://www.almatareed.org/vb/showthr...#ixzz1OVU113Di


مفيش اى مشكلة عندك ياباشا انت رايح تشتغل مدرس انجليزى لغة تانية للطلاب بتوع كيبك عشان هموا بيدرسوا الفرنسية لغة اولى
يبقى اللى فاضل انك تحسن لغتك الفرنسية بس كدة
يبقى الانجليزى ممتاز عشان دة مهنتك الاصلية والفرنساوى متوسط عشان تعيش فى كيبك وتقدر تفهم الطلبة
ودة سبب مقنع جدا لانه صعب تشتغل مدرس انجليزى فى الاقاليم الانجليزية كلغة اولى
ودة عنوان وزارة التربية والتعليم فى كيبك ادخل ودور على
anglais langue seconde
http://www.mels.gouv.qc.ca/
with my best wishes
مش عارف مكتوبة كدة صح ولا اية؟

Read more: http://www.almatareed.org/vb/showthr...#ixzz1OVU70SYw


السلام عليكم انا يا جماعة لسه لم اقدم فى الهجرة الى كيبك واريد ان اقدم الان فانا حاصل على بكارليوس تجارة قسم محاسبة وانا فى حد علمى انا المحاسب له 5 درجات ولكن الخبرة التى عندى هى مندوب مبيعات 4 سنوات ولها 9 درجات فهل سيتم احتساب لى ال5 درجات بتوع المحاسبة + ال9 درجات بتوع الخبرة ام سيكتفى بال9 درجات فقط لان الخبرة مش فى مجال المحاسبة وجزاكم الله كل خير


الخمس درجات اللى حضرتك بتتكلم عنهم عشان يضافوا لازم شرط من اتنين
ان تكون حصلت على المؤهل فى خلال مدة لاتتجاوز خمس سنين قبل تقديم طلب الهجرة
يعنى ميعديش اكتر من خمس سنين على المؤهل عند تقديم طلب الهجرة

طيب لو اكتر من خمس سنين فاتوا فية شرط تانى
انك تكون اشتغلت فى مجال مؤهلك(المحاسبة) مدة لاتقل عن سنة فى اخر خمس سنين قبل تقديم الطلب

طيب لادة ولا دة يبقى للاسف لن تاخذ هذة الدرجات الزيادة

اما الخبرة درجاتها مضمونة سواء كانت فى مجال تعليمك ام لا طالما هى خبرة شرعية(قادر على اثباتها) وتتقاضى اجرا عليها
تحياتى وبالتوفيق


Read more: http://www.almatareed.org/vb/showthr...#ixzz1OVUC1PCf



في حالة وجود دلف او شهادة من المركز الثقافي الفرنسي هل يمكن للموظف ان يتجاهلهم ويقوم بعملية التقييم هو بناء على مايراه من مستوى لطالب الهجره



شهادات المركز الثقافى الفرنسى يمكن ان يتجاهلها موظف الهجرة لانها ليست من الشهادات المعترف بها من قبل وزارة الهجرة

اما الدلف لكيبك مثل الايلتس للفيدرال معتمد و له تقديرات ودرجات حسب قيمة الشهادة كالاتى

A2اربع درجات
B1ثمانية درجات
B2اثنتاعشرة درجة
C1/C2ستة عشر درجة

ولذلك يعتبرB1هو الحد الادنى من الدلف للنجاح فى اللغة حيث يعادل المستوى السادس من ناحية ونصف الدرجات من ناحية اخرى

قد يرسب طالب هجرة بالرغم من حصولة على دلف او انه يمارس اللغة بشكل جيد (بسبب السن مثلا) هذا ليس بسبب اللغة ولكن الدرجات لم تكتمل لان اللغة جزء رئيسى من الملف ولكنها ليست الملف كله
تحياتى

Read more: http://www.almatareed.org/vb/showthr...#ixzz1OVUIgv00


هل يكتفي موظف الهجرة بشهادة الدلف دون النظر الى الدرجات الحاصل عليها طالب الهجره ؟ اي يتساوى عنده من هو حاصل على 60 مع من حاصل على 90 ام هناك فرق في التقييم؟



يا استاذ حمودى
اثناء المقابلة بيكون الملف جاى بدرجات التقييم المبدئى (اللى موظف الهجرة بتاع مكتب سوريا عمله بناء على المعلومات اللى فى الطلب والوثائق الداعمة
موظف الهجرة بيقيم تانى كل العناصر (بيراجع التقييم المبدئى من خلال الاطلاع على اصول الاوراق وصلاحيتها) ثم شق اللغة والتكيف ودة من خلال المحاورة مع طالب الهجرة وطبعا لو معاه شهادات معتمدة فى اللغة واهم حاجة بعد دة كله يوصل طالب الهجرة الى درجة النجاح 68متزوج و59اعزب
مش فارقة زيادة الدرجات مدام حصلت على الحد الادنى للنجاح هتاخد السى اس كيو

بس فيه ملحوظة
القانون يعطى موظف الهجرة صلاحية منح السى اس كيو لشخص لم يبلغ درجة النجاح ودة لو شاف موظف الهجرة ان فيه عوامل اخرى تؤهله للنجاح فى كيبك ودة بيسموة حقla dérogationويمتلكه موظف الهجرة*
والعكس صحيح بمعنى ان ممكن واحد يكون وصل لدرجة النجاح ولكن موظف الهجرة لايرى انه سوف يتوائم مع الحياه فى كيبك
يعنى موظف الهجرة هو الفيصل فى المقابلة وطبعا معاه كل الصلاحيات
طبعا دة للتوضيح عشان فى ناس تثق بالنجاح 100% لمجرد انهم مع المكتب الفلانى او مع المحامى الفلانى انت اللى بتنجح نفسك بقدر الله طبعا
بس اهم حاجة يكون ورقك مظبوط ليس به اخطاء والابليكشن صحيح واللغة جيدة
كل حاجة عن الهجرة موجودة فى موقع الحكومة الرسمى بما فيها قوانين الهجرة نفسها
وكل حاجة بكتبها من خلاله وخاصة موقع
publications du quebec
تحياتى للجميع

Read more: http://www.almatareed.org/vb/showthr...#ixzz1OVUUt9za

مساء الخير ايزيك يا استاذ سيد انا مش فاهم قصد حضرتك فى الرد دة
انا متخرج من 6 سنين وطول الفترة دى شغال فى مهنة مختلفة تماما عن مجال التخرج


معمى كدة انى فى التقيم هاخد صفر فى الدراسة و مش هاخد اى درجة عن دراستى الجامعية علشان متخرج من اكتر من 5 سنين و مجال العمل غير مجال الدراسة؟ ياريت توضحلى النقطة دية


و شكرا




لايا باشا احنا بنتكلم فى الخمس درجات الزيادة
حضرتك هتاخد11درجة فى التعليم عشان مؤهل جامعى من جهة رسمية معترف بها
وهتاخد9فى الخبرة مادامت خبرة4سنين او اكثر وخبرة شرعية يعنى تقدر تثبتها بشهادات
اما خمس درجات المحاسبة دول للاسف مش هتاخدهم
لان الشرط الاول لم يتحقق: لان فات اكتر من خمس سنين على المؤهل
الشرط الثانى لم يتحقق: انك منذ خمس سنين بتشتغل فى مجال غير الدراسة
هو رقم خمسة هو اللى بيخلى الواحد يتلخبط بس ارجوانك تطمئن ومتقلقش وزبط امورك فى اللغة كويس هتعوضك عن الخمس درجات دول وربنا يوفقك ان شاء الله
تحياتى


Read more: http://www.almatareed.org/vb/showthr...#ixzz1OVUbOC6r

طيب بالنسبة لدرجات الوظائف المطلوبة يا استاذ سيد ....
مثل صيدلة او حاسب الي او كدة بتكون عليها كام درجة ؟؟؟
سمعت من المحامي وائل صالح تقريبا علي ما اذكر بيقول ان صيدلة عليها 5 درجات ...
وسمعت ناس تاني بتقول ان عليها درجة واحدة ؟؟؟
ما صحة هذا الكلام ؟؟؟
تحياتي


الصيدلي له 1 درجه
على فكره وائل صالح ليس بمحامي هجره

الصيدلة فى الفئة الرابعة من الجدول وعليها درجة واحدة
هندسة الحاسب الالى فى الفئة الخامسة ومعلهاش درجات زيادة
تحياتى وبالتوفيق ان شاء الله


كما نعلم انه توجد درجه تمنح لطالب الهجره في حالة وجود اقارب في كيبك عند تقييم الملف؟
فهل توجد درجه في حالة وجود صديق؟
كذلك هل توجد درجات اذا كان هناك اقارب في مناطق اخرى في كندا غير كيبك؟



رسميا لا تعطى الاصدقاء درجات هو البند اسمة
famille et séjour au Quebec
يعنى اما احد افراد الاسرة(اب-ام-اخ-اخت-ابن-ابنة-زوج-زوجة-جد-جدة) غير القرابات دى مفيش درجات زيادة
او الاقامة فىكيبك
اما لو فيه صديق مش هيعطى درجة بس ممكن يحسن الصورة انه هيساعدك فى التكيف والتوائم مع كيبك بس تبقى عارف عنه كل كبيرة وصغيرة لان لو سالك موظف الهجرة سؤال بخصوصة وانت معرفتش تجاوبه طبعا هتفقد المصداقية وتبقى زنقت نفسك من غير داعى

لو مقدم كيبك وقلت ان ليك صديق برة كيبك
طبعا الموظف هيرفضك من غير ما يفكر (انت كدة بتقوله انا عامل كيبك كوبرى لكندا الانجلوفون !!!!!!!!!) واصلا كيبك وكندا عاملين زى ناقر ونقير
تحياتى

Read more: http://www.almatareed.org/vb/showthr...#ixzz1OVV3EXtz

في حالة لاقدر الله حصل رفض اثناء فتره البروسيس وفي اثناء انتظار الميدكال فهل يحق التظلم ؟ وماهي الفتره الزمنيه المحدده للتظلم ( الى هو بتاع البروسيس ) ؟ وهل يوجهه التظلم الى وزارة الخارجه الكنديه ام السفاره الكنديه في القاهره ؟



على حد علمى لا اعتقد ان هناك تظلم من الفيدرال يا استاذ حمودى لان الاسباب فى الرفض واضحة وصريحة
اما سبب امنى
او سبب طبى
او تقديم معلومات خاطئة او وثائق مزورة ودة عقوبته الحرمان من دخول كندا لمدة سنتين
WARNING! It is a serious offence to give false or misleading information on this form.
We may check to verify your responses. Misrepresentation will result in a two-year ban
from entering Canada
.


والكلام دة موجود فى دليل ملئ الابليكشن الخاص بفيدرال كيبك ودة الرابط بتاعه
http://www.cic.gc.ca/english/pdf/kits/guides/EQ7.pdf
ومفاد الكلام ان لازم طالب الهجرة يوفى شروط الحكومة الفيدرالية بعدما وفى شروط حكومة كيبك وحصوله على السى اس كيو وهذا الجزء هو الاوضح فى تاكيد ذلك
3
. Decision
The officer will make a decision based on:
• the number of points that you accumulate in the six factors, based on the documentation
you submit with your application
• your ability to meet the Required Funds amount for the size of your family
During the decision-making process, the officer may contact you if:
• further documentation is required
• a personal interview is required
ربنا يسهل ان شاء الله وميجيش حاجة وحشة يا استاذ حمودى هى فترة انتظار الميديكال اصعب فترة لان بعدها بيبقى خلاص تقريبا المشوار انتهى على خير
ربنا يكرمنا جميعا وتحياتى للجميع


Read more: http://www.almatareed.org/vb/showthr...#ixzz1OVVRjwXH

 

 

 
رد مع اقتباس
قديم 9th June 2011, 04:30 PM دنتستاوي غير متواجد حالياً
  رقم المشاركة : 3
دنتستاوي
Silver Member
 






دنتستاوي is a jewel in the roughدنتستاوي is a jewel in the roughدنتستاوي is a jewel in the rough

دنتستاوي's Flag is: Egypt

افتراضي



تعليقا على الموانع
بالنسبه للامنى هل الاعتقالات في قضايا سياسيه من موانع الهجره ام المقصود الاعمال الاجراميه فقط

وبالنسبه للصحي اى الامراض مانعه للهجره تبعالمعلومات قديمه الايدز والزهري فهل فيرس سي وبي ليسوا من موانع الهجره وكذلك امراض القلب المزمنه والسكر والضغط؟

السؤال الاخير ايضا للإيضاح بخصوص
الاوراق المزوره ربما لاختلاف المعايير تعتقد السفاره ان هذه الورقه او تلك مزوره على سبيل المثال العامل بمكان ولايستطيع احضار شهادة من التأمينات الاجتماعيه نظرا لانه غير مؤمن عليه مع العلم انه عمل بهذا المكان ومعه شهادة خبره وفي نفس الوقت تصر السفاره على وجود تأمينات إجتماعيه فكيفية التصرف في موقف مثل هذا مع ان طالب الهجره كان يعمل فعليا ولكن السفاره لاتعترف الا بشهادة عليها ختم نسر مع العلم ان ماسبق وضع افتراضي لحالات متشابهه ونحن نعلم ان السفاره لاتتعنت مع كل الحالات ولكن بفرضيه وجود حاله مثل السابقه واصر الموظف اللذي معه الملف على التعنت فكيفية التصرف وكيفية الاعتراض

الامنى بيرجع ليهم وتقديرهم حسب خطورة العمل الذى قام به الفرد سواء كان اجرام او ارهاب او انضمام لجماعة محظورة
هو لو الواحد كان فى كندا وعمل مشكلة مثلا او خد حكم بيجيب حاجة اسمها باردون زى عفوا كدة
اما اللى برة كندا بصراحة مش عارف بيتعاملوا معاه ازاى
الميديكال حسب الفيدرال الرفض بيكون للامراض التى تسبب عبء مادى على وزارة الصحة والتى تحتاج الى خدمات صحية من نوع معين ودة كلام غير مفهوم يعنى معندهمش ليستة امراض معينة بيرفضوها انما من خبرة الناس وتعليقاتهم اهم حاجة امراض الايدز والامراض المماثلة له
اما فيروس سى وبى لا اعتقد انه خطر لانه مش منتشر هناك زى عندنا كدة فى مصر

فيه فرق بين التزوير وعدم الاعتراف بالخبرة
التزوير ختم مضروب -امضة متقلدة-ورق مضروب ودة مش محتاج كلام لان فية ناس خبراء تزوير فى السفارة يعنى مش محتاجين دليل لان الدليل تحت اديهم خلاص فى الورق
اما عدم الاعتراف بالخبرة ممكن ييجى من انك مثلا مقدم شهادة خبرة سليمة تماما من حيث بياناتها واختامها ولكن ليس هناك ما يدعمها يعنى واحد كان بيشتغل فى مكان من غير تامينات وساب المكان ومفيش دليل واحد انه كان بيشتغل فى هذا المكان لا تليفون ولا فاكس ولا وسيلة اتصال به (يعنى مش قادرين يتاكدوا من مصداقية الخبرة بالرغم من كل الوسائل الممكنة) هنا لن يتم الاعتراف بهذه الخبرة بس لان ملهاش ريفرينس مش عشان هى مزورة وفرق كبير بين الاتنين
خلاصة الكلام
الفيدرال عايز4سنين خبرة مزبوطين للطالب الرئيسى عشان ياخد الدرجة وبالنالى ينجح
ربنا يسهل على الميديكال لان هو مربط الفرس

اي بناء على السابق اذا اعترفت السفاره ب 4 سنين خبره يكون كافي وذلك في حالة عدم وجود تزوير وبالرغم من عدم اعترافها ببقية سنين الخبره اى انه بالرغم من انه توجد سنين اخرى لاتعترف بها الا انها ستكتفي بال4 سنوات والتى وجدت لهم مايؤيدهم

ان شاء الله
مفيش قلق هى كل الحكاية ان فى الفيدرال موظف الهجرة بيسجل فى بند الخبرة
there is reference to this experience
وطبعا دة اعتراف منه بشرعية الخبرة
وعشان يكتب الجملة دى لابد ان يتاكد باى شكل من الاشكال زى ما سبق وشرحنا (تامينات-بطاقة ضريبية لاصحاب المهن الحرة-سجل تجارى لاصحاب المشروعات- اتصال بشركة- تفتيش مباشر من موظف التفتيش لدى السفارة ودة فى حالة الشك الشديد )
مادام الواحد صادق ربنا هينجيه وهى ارادة ربنا فوق كل شئ
احنا بناخد بالاسباب والباقى على ربنا
تحياتى


Read more:


السلام وعليكم وكل عام وأنتم بخير

أرجوا معرفة لو طلبى قوبل بالموافقة أقدر أدرس ماجستير فى جامعة ناطقة بالإنجليزية خارج كيبك؟
وهل من حقى البحث عن عمل فى مقاطعات أخرى ؟

جزاكم الله خيرا




نعم يمكنك العمل بل ايضا يمكنك اللاندنج في اى مكان في كنداولكن يفضل ان يكون اللاندينج في كيبك ثم بعد ذلك الانتقال
اما اذا كانت مشكلة دراسة باللغه الانجليزيه فقط فيوجد جامعات في كيبك ناظقه بالانجليزيه بل ايضا يوجد جامعات فرنسيه ولكن بالاتفاق مع المشرف الخاص بك يمكن الشرح بالانجليزيه طبعا ليس بنسبة 100 % قبول ذلك ولكنها تحدث ويمكنك مراجعة جادوللي في ذلك


طبعا احسن واحد يفتينا فى الموضوع دة هيكون الباشمهندس جادوللى بس طبعا اكيد هو مشغول جدا
زى ما قلنااستاذنا الكبير الاستاذ حمودى ان بالفيزا ممكن تدرس و تشتغل فى اى حتة فى كندا سواء كيبك او غيرها
انما طبعا لو عايز تستفيد بالبدلات اللى بتمنحها كيبك ومنحها الدراسية لابد ان تقيم بها دون الاقاليم الاخرى
دة حتى مصاريف الدراسة بتختلف من مواطن كيبكى الى مواطن كندى غير كيبكى
الاسعار اقل للكيبكيين طبعا لانهم ولاد الاقليم وبالتالى احق بالجامعات بتاعته
وعلى كل هناك شروط للالتحاق بالجامعة تخص اللغة وهى الوصول لمستوى معين
وكمان كيبك هتشترط عليك الوصول الى حد معين من اللغة الفرنسية لكى تمارس مهنتك بها
بمعنى ان الدراس بالانجليزية فى كيبك سيتوجب عليه دخول امتحان فى اللغة الفرنسية لاثبات انه قادر على ممارسة مهنته باللغة الفرنسية وهذا الامتحان يشترط اجتيازه للحصول على رخصة مزاولة المهنة فى كيبك
ودة رابط l'office québécois de la langue française
المسئول عن اعداد هذه الامتحانات لمن يريد مزيد من المعلومات
http://www.olf.gouv.qc.ca/
هذا على حد علمى وطبعا لو حد جرب ياريت يقولنا ويطمنا وله جزيل الشكر


Read more: http://www.almatareed.org/vb/showthr...#ixzz1OVXNJEgZ

في سؤال قد يبدو خارج الموضوع .. ولكنه متعلق

أد إيه المدة اللي ممكن يتعلم فيها الشخص الفرنساوي اللي ممكن يجتاز بيه المقابلة مع العلم إنه أبيض تماماً فرنساوي ... يعني لو أنا مقدم هجرة كيبك النهاردة ممكن خلال أد إيه أصل للمستوى اللي يؤهلني لاجتياز المقابلة ؟ وده من خلال المركز الثقافي الفرنسي ..

أشكركم مقدماً وكل سنة وانتم طيبين


لقضيه مش المستوى الى يخليك تعدي المقابله القضيه انت مؤهلك ايه وسنك كام لان ساعات في ناس مستواها ضعيف وبتعدي مثلا لو كميائي واقل من 35 سنه مش محتاج مستويات عليا

ولكن مثلا هانفترض انك معهد وسنك كبير كده محتاج دراسه ممكن توصل الى المستوى الثاني عشر . عموما الشريحه العظمى من المتقدمين بيبقوا في بداية الثلاثينات ومؤهلات عليا وهافترض انك منهم وبالتالي المستوى السابع جيد وياسلام مع دعم امتحان الدلف بي 1 .

السبع مستويات اذا كنت محظوظ يمكن ان ينتهوا في حوالي 9 شهور في المركز الثقافي على اعتبار انك ستستمر و ان الدورات تبدأ بإنهاء الدوره السابقه

ملحوظه اخرى مستواك في اللغه الفرنسيه لايرفع درجاتك فقط في اللغه الفرنسيه ولكنه يرفعك في الدافعيه والتأقلم ايضا . وكذلك اذا وصلت للمستوى المطلوب فى اللغه الفرنسيه لاتكتفي بذلك ولكن لابد ان تظل تدرس حتى ميعاد المقابله


Read more: http://www.almatareed.org/vb/showthr...#ixzz1OVXbFWk6

حد يلحقنى يا جماعة دلوقتى جالى ورقة تقييم بتقول انى حاصل على 48 نقطة ولازم اقل حاجة 50:25 نقطة اعمل اية بالظبط الخبرة 6/9 دى ممكن اجيب انى كنت شغال فى فترة الدراسة بعدد ساعات معين وتعلى الدرجات ولا اية ؟ الللغة 8/16 فرنساوى ازاى ابعتلهم اقولهم انا اتقدمت من المستوى السادس اللى كاتبة عندهم للمستوى الثامن مثلا هل دة يفيد ولا اية ؟
ارجوا الرد بسرعةةةةة
دة لكيبيك واقل حاجة بيقولوا 50


اخى العزيز
اكيد الجواب اللى جة لحضرتك هو Perm401 intention de refus examen préliminaire
ودة بيجى للناس اللى لم تتخطى درجاتهم الحد الادنى فى المرحلة الاولى لدراسة الملف وهى اسمهاseuil d'employabilite
ودى 50 درجة للعازب وتنطبق على العوامل الاتية
التعليم-الخبرة-السن-اللغة الانجليزية والفرنسية -الاقامة السابقة فى كيبك او العائلة فى كيبك
هنفترض درجاتك كالاتى فى ضوء توضيحك
التعليم11
الخبرة6
السن18
الفرنسية8
الانجليزية5
كدة المجموع48 وانت لازم فى العناصر دى تلم50درجة عشان الدوسية يكمل معاهم
موضوع انك تبعت شهادات خبرة بارت تايم اثناء الاجازة بيبقى مصدر مشاكل فى حساب الخبرة البارت تايم بالاضافة الى صعوبة اثباتها فى الفيدرال ودة حتة مهمة جدا
اذن الواجب عليك وافضل حل انك تبعت شهادة بالمستوى السابع فى اللغة الفرنسية
ودة هيعطيك فى اللغة12بدلا من 8 يعنى 4درجات زيادة وبكدة تكون عديت الى 52درجة وتمشى بقية المشوار من الانتظار وبعدين المقابلة
وخلى بالك ان الفرصة المتاحة60يوم من تاريخ ارسال الخطاب ليك عشان تبعت الوثائق التى تدعم استكمال دراسة طلبك للهجرة والا سوف يتم رفض الملف
طبعا انا مش عاوز اقلقك بس هى دى الطريقة التى سيتعاملون معك بها
طيب لو مفيش فرصة انك تبقى المستوى السابع خلال الفترة دى يبقى الحل الوحيد هو خبرة البارت تايم مع تحفظى الشخصى عليها خليها الحل التانى مش الاول
مع تحياتى وربنا يوفقك



Read more: http://www.almatareed.org/vb/showthr...#ixzz1OVYKTTNK

الى اهل الخبرة الكيبيكية

لو سمحتوا شهادات الخبرة تكون موجهة لمين ولا اخليها لمن يهمة الامر
مش هاتفرق معاهم اذا كانت لهم او لمن يهمه الامر او حتى عامه
ولو عندكو اى ملاحظات تحب تقولولي عليها بالنسبة لموضوع شهادات الخبرة يبقى كتر خيركم

والف الف شكر



ان تكون سليمه لانهم ممكن يسألوا عليك
يفضل طبعا ان يكون هناك تأمينات ولكن بنسبه كبيره يتم تجاهل التأمينات من قبل السفاره لانهم يعلمون ان كثيرا من اصحاب العمل لايؤمنون على العاملين لديهم ولكن مااعنيه على الاقل ان يكون هناك عنوان واضح وتليفون على الشهاده وان يكون العاملون في هذا المكان يعرفونك جيدا لانه من المحتمل ان تقوم السفاره بالسؤال عليك كما حدث مع البعض


Read more: http://www.almatareed.org/vb/showthr...#ixzz1OVZ8Cfyq
تمام وشاكر جداً

لكن أنا أكمل الأربعين هذا العام والزوجة 29

ماذا ترى ؟؟



رأي يجب ان تكون اللغه الفرنسيه اقوى

عموما بص ياسيدي انا هاقول لك طريقة حساب الدرجات والمتبعه حتى الان والله اعلم في 14/10 هايبقى الوضع ايه
التعليم الجامعي ايا كان المؤهل 11 درجه
خبرة العمل طالما تخطت الاربع سنوات 9 درجه
العمر من 18 الى 35 سنه 18 درجه
اللغه الفرنسيه من صفر الى 16 درجه على حسب تقييم موظف الهجره ولكن في حالة وجود دلف من الصعب ان يخرج عن تقييم الدلف الى الاقل
اللغه الانجليزيه من صفر الى 6 درجات تبعا لتقييم الموظف

زوجة او زوج المتقدم الرئيسي
اذا كانت بكالوريوس اى تخصص 3 درجات
ثانويه عامه لادرجات
ثانويه فنيه او معهد فني 2 درجه
الخبره اذا زادت عن 6 شهور ايا كانت 1 درجه اقل من 6 شهور صفر درجه
السن الخاص بزوج او زوجة المتقدم
اذا كان اقل من 18 صفر درجه
من 18 : 35 سنه 3 درجه
36 و37 و 38 سنه 2 درجه
39 و 40 سنه درجه واحده سنه 2 درجه وغير مذكور ماهو فوق الاربعين وتظل اربعون عاما حتى قبل الواحد واربعون بيوم

اللغه الفرنسيه من صفر الى 6 درجه مع العلم ان بونجور واساسيات اللغه يؤخذ عليها 2 درجه وللحصول على ماهو ازيد من ذلك يجب العمل الجاد على دراسه اللغه
توجد درجه اضافيه تمنح لزوج المتقدم الرئيسي اذا كانت مهنته محاسب مثل وضعك اما مخنة الزراعيين ليس لها درجات اضافيه

الاطفال اقل من 12 سنه 4 درجات لكل طفل
ازيد من 12 سنه وحتى 21 سنه 2 درجه لكل طفل
ملحوظه تؤخذ درجات الاطفال بحد اقصى ل 2 طفل

توجد درجه للإقرار المالي وهي ورقه مطبوع تحدد انك قادر على تحمل مصاريفك في الثلاثة اشهر الاولى في كيبك ويتم وضع المبلغ الذي تستطيع دخول كيبك به وطبعا له حد ادنى وفقا لجدول موضوع وفي حالتك ضع التعهد ب 5000 $ كندي

توجد 8 درجات تسمى التأقلم وهي في يد موظف الهجره

الدرجه اللازمه لتجاوز المقابله هي 68 للمتزوج

بناء على السابق قم بتقييم وضعك ووفقك الله
على فكره اذا كان هناك دراسات عليا ( دبلوما - ماجستير - دكتوراه ) لها درجات اضافيه ايضا


Read more: http://www.almatareed.org/vb/showthr...#ixzz1OVZ2ggFQ



السلام عليكم ورحمة الله وبركاته .
عندى انترفيو يوم 29 ستمبر ودرست فى اللغة الفرنسية الى المستوى الثالث فقط لظروف ما ومش عارف اعمل ايه مع العلم اننى قد قمت بالتاجيل قبل كدة من شهرين .ارجو المساعدة.ودة الايميل mah77777ed@yahoo.com
شـكــ وبارك الله فيك ـــرا لك ... لك مني أجمل تحية .



بالنسبة لحضرتك طبعا لم تدرس اللغة الفرنسية الا فى المركز الثقافى الفرنسى وحتى المستوى الثالث فقط طبعا من غير شك دة اقل من المطلوب حيث لا ينبغى الايقل مستوى الطالب الرئيسى عن السادس كى يتم اعتباره متحدث للفرنسية
طبعا ليس معاك شهادات دلف او تى سى اف او خلافه
ولذلك سيكون المعيار الوحيد لتقييمك فى اللغة هى طريقة المحاورة معك من قبل مستشار الهجرة ولذلك انصحك بان تمشى فى الفترة المتبقية على 3 محاور لانقاذ الوقت والاستعداد باسرع ما يمكن
1- معرفة اوراقك جيدا وقرائتها جيدا لان موظف الهجرة سيناقشها معك من تعليم وخبرة وشهادات
2- معرفة معلومات اساسية عن كيبك مساحة-سكان-مناطق-نظام سياسى-نظام اقتصادى...
3- تحضير كل ما تستطيعه من اوراق حول مهنتك- كيف يمكن ممارستها فى كيبك-سوق العمل بها- مؤشرات التوظيف بها- بعض عروض العمل بها من موقعemploiquebec
بالاضافة الى ذلك
من الممكن التحضيرللمقابلة مع بعض المتخصصين فى هذا المجال وهذا سيساعدك فى اكتساب بعض اليات التعامل مع الفترات المختلفة من المقابلة الشخصية
كذلك يجب عليك الاجابة على اسئلة فى محتواك الشخصى مثل هواياتك-انشطتك-خططك فى المستقبل-وصف يوم من العمل واسئلة من هذا القبيل التى يلجأ اليها موظف الهجرة للحكم على مستواك اللغوى بجانب الاسئلة المعتادة فى المقابلة وهذا الموقع يساعدك فى تنمية هذه الجزئية
http://www.ashcombe.surrey.sch.uk/Cu...x_fr_video.htm
حاول ان تسمع هذه الفيديوهات وتفهم كيف يقوم اصحابها بالتحدث عن انفسهم وبدورك قوم بمحاكتهم وتقليدهم فى التحدث عن نفسك
لعل هذه المداخلة قد تساعدك ولو بعض الشئ
تحياتى لك وبالتوفيق


Read more: http://www.almatareed.org/vb/showthr...#ixzz1OVafLjUL

 

 

 
رد مع اقتباس
قديم 9th June 2011, 04:41 PM دنتستاوي غير متواجد حالياً
  رقم المشاركة : 4
دنتستاوي
Silver Member
 






دنتستاوي is a jewel in the roughدنتستاوي is a jewel in the roughدنتستاوي is a jewel in the rough

دنتستاوي's Flag is: Egypt

افتراضي


الاستاذ الفاضل : السيد منير :
أنا قدمت شهر 2 جالى الفايل نمبر فى 3 و ردوا على فى الايميل ان الانترفيو قبل نهاية السنة من غير تحديد تاريخ
انا عمال ابعتلوهم ايميلات علشان ميعاد الانترفيو بالزبط لكن لا حس ولا خبر ! أعمل ايه ؟؟
2- لو كاتب انى مستوى سابع و دخلت خامس فى الانترفيو ؟ فى مشكلة ؟
3- اللى ليه أخ اسة هياخد فيزا كندا فدرال ياخد كام نقطة علشان اخوه مسافر ؟

شـكــ وبارك الله فيك ـــرا لك ... لك مني أجمل تحية .



هو كدة حضرتك عملت اللى عليك وهموا ماشيين بتسلسل زمنى حسب فتح الملفات صحيح احيانا بيحصل بعض الاختلافات يعنى واحد فتح بعد واحد وجاله مقابلة قبله بفترة بس كدة لاداعى للقلق بمجرد تحديد مقابلة هيجيلك فاكس ب3ورقات يقولوا لك على مكان المقابلة وميعادها واصول الاوراق اللى المفروض تاخدها معاك وممكن ييجى على الميل

بالنسبة للمستوى فى اللغة مدام ممعاكش شهادات لغة ستاندرد زى الدلف او التى سى اف يبقى المعيار الوحيد لتقييمك فى اللغة هيكون التحاور معاك(حتى لو معاك شهادات من المركز الثقافى الفرنسى بالمستويات اللى درستها ) من قبل موظف الهجرة وعليك انى تثبت ان مستواك السابع بمعنى ان تجيب على اسئلته بوضوح وتفهم معظم الاسئلة ودة بممارسة اللغة ان شاء الله قدر الامكان
لو علق على ان مستواك الخامس وانت كاتب السابع (دى بتضايقهم شوية؟)عليك بذكر مبرارات ان المقابلة جت بدرى والمستويات يتم تعليمها ببطء فى المركز واشياء من هذا القبيل وله ان يقبل العذر وله الا يقبله(دى فى نطاق سيطرته ) بس لو اثبت انك حابب اللغة وعايز تتطور فيها ممكن هو يتعاطف معاك وبرضة نرجع ونقول ان تقدير اللغة من جانبه فيها ذاتية شوية يعنى مااراه انا جيد قد يراه الاخرون متوسط والعكس ولذلك شهادات الدلف والتى سى اف تلزمه بحد معين لاينزل عنه فى اللغة وذلك على حسب قيمة الشهادة والاسكور
(زى الايلتس كدة فى الفيدرال )اجتهد فى اللغة قدر استطاعتك

لو اخوك مقدم فيدرال من الاساس ومش هيعد فى كيبك اوعى تجيب سيرته فى المقابلة
انت كدة بتقوله انا عاملكوا كوبرى هاخد سى اس كيوبتاع كيبك واروح اقعد فى كندا الانجلوفون
اما لو كان كيبك وفيدرال حاليا وهياخد فيزا وهيعد فى كيبك هتاخدعليه 3درجات بس طبعا هيطلبوا منك كارت البى ار بتاعه وعنوانه فى كيبك
تحياتى لك وبالتوفيق



Read more: http://www.almatareed.org/vb/showthr...#ixzz1OVaoh8eA


وهل معنى هذا ان فرصتى قليلة مع اننى اعمل كمدير مطعم وحاصل على ليسانس اداب E (تعليم مفتوح)وشهادة خبرة باكثر من خمس سنوات.ملحوظة الى الاستاذ السيد منير موقع شيق وسهل ولكن لا يوجد به فيديو لا يعمل. ارجو مزيد من المواقع التى قد تفيد فى فى رفع المستوى الذى يؤهلنى للنجاح فى المقابلة انشاء الله. وللك جزيل الشكر.



حسب فهمى من المداخلة ان حضرتك قلقان اما من اختلاف المؤهل عن الخبرة واحب ان اطمئنك لا مفيش مشاكل فى الجزئية دى بس فى المقابلة ممكن هو يقولك ليه مشتغلتش فى مجال تخصصك طبعا لابد يكون عندك اسباب مقنعة وصريحة لان الصراحة اقصر الطرق فى الاقناع

الاحتمال الاخر الذى استنتجته ان مؤهلك تعليم مفتوح ودى هموا بيشترطوا فى المؤهل ان يكون معترف بيه من قبل الدولة بتاعتك ليس الا فلو كان هذا المؤهل معترف به من قبل المجلس الاعلى للجامعات ووزارة التعليم العالى باذن الله مفيش مشاكل

بالنسبه للمواقع التى تساعد فى فهم اللغة سماعا للمبتدئين الرابط دة فيه مجموعة كبيرة من التمارين
http://www.lepointdufle.net/audio.htm
يلا شدوا حيلكوا
Bon courage

Read more: http://www.almatareed.org/vb/showthr...#ixzz1OVauiAW2


السلام عليكم
كنت عاوز اسال عن نظام الهجرة لكيبك و نظام حساب النقاط هيتغير مع القائمة الجديدة اللى هتنزل فى شهر 10
كمان قائمة الوظايف اللى موجودة على الموقع هتبقى حصرية ولا هتكون ليها الافضلية عن باقى الوظايف؟؟؟
ارجو الرد سريعا علشان انا لسة بجهز الورق و مش عارف هلحق ابعت قبل شهر 6 لا لا؟؟؟؟



لم يتم تحديد شكل القائمه الجديده حتى الان والنموذج الذي تفضل ا /سيد منير بإدراجه هو مبدئي ولكن الوضع النهائي سيتضح بعد 14/10
بالنسبه اذا كانت حصريه او الافضليه للوظائف فتبعا لرؤية ا /سيد منير هي افضليه وليست حصريه مثل القائمه الفيدراليه اى لهم افضليه في تسريع الاجراءات


تمام كدة يا استاذ حمودى القائمة ليست حصرية ولكنها للتخصصات المفضلة وسوف يتم تطبيقها على الطلبات التى ستقدم من 14اكتوبر2009
هذه التخصصات سوف يكون لها اولوية التعامل مع ملفاتها اما بقية التخصصات الاخرى ستقف فى دورها الزمنى حسب ترتيبها
عليك بسرعة التقديم اخى العزيز ومن متابعتى لاحدث طلبات هجرة لبعض الاصدقاء ارسل مكتب الهجرة اليهم ان المقابلة تكون بعد3او6شهور وهذا مؤشر على سرعة غير مسبوقة فى تسريع اجراءات الهجرة
زمان كان الجواب ييجى يقول المقابلة فىخلال24او36شهر شوف الفرق قد اية
قدم بسرعة وابدأفى دراسة الفرنسية فورا
تحياتى



استاذ منير هو خريج التربية الرياضية مطلوب فى كيبك



بالنسبة للمدرسين عموما فى الفئة الاخيرة للتصنيف فى جدول المهن المطلوبة بس دة مش معناه انك متقدرش تهاجر
ضابط الهجرة بيقيم لغتك وملفك معا لو كانوا ملائمين بيقبلك
اما لو اللغة سيئة طبعا لن يقبلك لو مهنتك مطلوبة جدا
انا مدرس وقبلت وغيرى كمان مدمرسين وتم قبولهم اهم حاجة تكون مستعد باللغة لاجتياز المقابلة ويكون مشروع هجرتك مقنع لضابط الهجرة
تحياتى

Read more: http://www.almatareed.org/vb/showthr...#ixzz1OVbJFnfK



كل سنة وكل أساتذتي وأخواتي في المنتدى بألف خير وسعادة
انا سوف أخبركم ببعض البيانات الخاصة بي وبعد ذلك أثقل عليكم ببعض الأستفسارات :-
1- أرسال الملف لسوريا 9\5\2009
2- تاريخ فتح الملف ( حسب ما مكتوب في أعلى الصفحة ) le 13 mai 2009
3- تاريخ votre entrevue de selection هو ( حسب ما مكتوب في أعلى الصفحة ) le 21 juin 2009
ملاحظة هامة :-
أنا لي صندوق بريد خاص في مكتب بريد في عاصمة المحافظة ومع ذلك إلى يومنا هذا لم يصلني أي شئ !!!!!!!!!!!!!!!! ولكن كل البيانات السابقة عرفتها عندما أرسلت لهم فاكس فقاموا بارسال فاكس بكل الأوراق السابقة وذلك يوم السبت الماضي . بناء عليه ....

1- أخاف خوف عظيم أن يتم إرسال موعد المقابلة عن طريق البريد المصري المبجل ولا تصلني وإنننننن وصلت فسوف تصلني بعد دهر. فما العمل؟
2- في رأي حضراتكم في خلال متى سوف تكون مقابلتي ( مع العلم أنهم كتبوا في الورقة بتاريخ 21 يونيو أن المقابلة سوف تكون من 3 إلى 6 شهور )
3- أنا حاليا أذاكر بشدة لدخول أمتحان delf b1 في شهر ديسمبر القادم في المنيرة ولكن مع هذه السرعة هل تعتقدون أن نتيجة الأمتحان سوف تظهر قبل المقابلة أم أكتفي فقط بتحديد مستوى؟

وكل عام وأنتم بخير




اهلا بك اخى العزيز
1- متقلقش هو مكتب سوريا خلاص عرف مشكلة البريد ولذلك عاد بيبعت مواعيد المقابلات فايل اتتش على الايميلات طبعا لو كاتب ايميل فى الابليكشن بتاعك دة اللى حصل مع اخر ناس فى الميشن اللى هيقابل فى 10و11
2- استعد كويس ممكن تجيلك فى صيف2010 5 او 6
3-شهادة الدلف مهمة جدا حاول بكل قوة انك تجيبها احسن من المستويات بكتير وهتفرق معاك
تحياتى

Read more: http://www.almatareed.org/vb/showthr...#ixzz1OVbROKeW

سؤال يا جماعة .. بالنسبة للخبرة انا عارف ان الواحد علشان ياخد الدرجة كاملة 9 / 9
لازم يكون عندة خبرة 4 سنوات فيما فوق
سؤالي انة لازم يكون 4 سنين خبرة خلال اخر 5 سنوات و لا اية - يعني ينفع تكون الخبرة 4 سنوات متقطعين في خلال اخر 7 سنوات .. ارجو الايضاح
[COLOR="rgb(255, 0, 255)"]
و حاجة كمان .. لو حد عندة خبرة بموضوع شهادات الخبرة من التربية و التعليم .. بتترجم فين .. في وزارة العدل و لا مكتب ترجمة معتمد و لا فيـــــــــــــــــــــــــــن
1000 1000 1000 شكر
[/COLOR]


هموا طبعا فى طلب الهجرة الحديث من 2007 بيطلبوا الخبرة فى اخر 5سنين بس

كان الاول على فكرة بيطلبوها من10سنين فى نموذج الطلب القديم

حضرتك احسب الفترة اللى هتعدها من فتح الملف للمقابلة حوالى9شهور +الفترة الفعلية من اخر5سنين للطلب لو كدة يجمع 4سنين يبقى خلاص

لو ميجمعش اكتب فى الابليكشن زى ما هموا عايزين فى اخر 5سنين وودى كل شهادات خبرتك عادى جدا (عشان تثبت انك اشتغلت4سنين)
وهموا فى كل الاحوال بيسالوا على اخر خبرة سواء فى الفيدرال او فى كيبك
وبرضة فى الفيدرال هتودى كل شهادات خبرتك
لان زى ما احنا عارفين ان الفيدرال بيتتبع طالب الهجرة من سن18 حتى تاريخ اصدار الفيز
بالنسبة لشهادات التربية والتعليم بترجمها فى المكتب عادى جدا اللى بيترجكلك مش محتاجة اى توثيق دى بيبقى عليها ختم الادارة والميرية والمحافظة يعنى 3نسور واطمن شهادات الحكومة طبعا مفهيش شك انا شخصيا موثقتش ولا ورقة ومحدش اتكلم لا فى كيبك ولا فى الفيدرال
متكلفش نفسك وتتعب اعصابك فى الجرى ورا الموظفين
تحياتى



Read more: http://www.almatareed.org/vb/showthr...#ixzz1OVbackwq


ترتيب الورق كالاتى
الطالب الرئيسى
1- صورة جواز السفر
2- اصل السى اس كيو (النسخة اللى بتروح السفارة)مكتوب عليها من تحتimmigration-canada
3-ورقة بتيجى مع السى اس كيو اسمهاavis de transmission
4-نموذج ابليكشن الفيدرال
5- الباك جراوند ديكلارشين
6- اقرار الاقامة فى كيبك
7-معلومات اضافية عن الاسرة
8- شهادة الميلاد
9-شهادة الثانوية
10-شهادة الجامعة
11- بيان الدرجات بتاع الجامعة
12- شهادة الخبرة ومعها (عقد عمل لو موجود-تامينات لو موجودة-بطاقة ضريبية-سجل تجارى)يعنى اى دليل مادى للخبرة غير شهادة الخبرة نفسها لو موجود بيكون افضل بكتير
13-عقد الزواج للمتزوجين
14 - شهادة الجيش لمن خدم الجيش
15- شهادات اللغة
16- الفيش والتشبية
17-القيد العائلى
18- الصور 6صور مقاس تلاتة ونص فى اربعة ونص دة مقاس صغيرجدا على خلفية بيضة
طبعا الصور ليها حكاية شوية هتكتب على ضهر صورة من الست صور الاسم والطول ولون العينين وبعدين تحط الست صور فى ضرف صغير وتكتب على الظرف الاسم-تاريخ الميلاد ومتدبسش الصور فى الابليكشن
طبعا كل فرد من الاسرة له ظرف وفيه صوره بنفس الكيفية
بالنسبة للزوجة نفس الترتيب ماعدا
الارقام الاتية فى الترتيب السابق
3-4-6-13-14-
بالنسبة للاولاد
صورة جواز السفر
السى اس كيو
شهادة الميلاد
افضل طريقة للدفع غى السفارة (يكون معاك الفلوس دولار كندى وتدفع كاش)
الورق بيروح من غير اى دوسية فى السفارة هى بتحط الورق فى دوسية خاص بيها يعنى خدة فى اى شنطة وخلاص لغاية ما توصل
العنوان بمنتهى السهولة بتكتب عنوانك فى الخانة المناسبة للابليكشن فية عنوان اقامة وعنوان مراسلات
انا روحت كاتب عنوانى عربى فى ورقة وضمتيها فى الورق عشان لو حبوا يبعتولى والموظفة معلقتش عليها ولا حاجة وخدتها
دة كل الموضوع ببساطة


Read more: http://www.almatareed.org/vb/showthr...#ixzz1OVbmRc5f




الاوراق والمستندات
1-صورة جواز السفر (لكل فرد من افراد الاسرة- الاطفال ممكن اضافتهم على جواز الام بس فى الفيدرال لازم يبقى لكل طفل جواز منفصل)
2-شهادة الميلاد (لكل فرد من افراد الاسرة)
3-شهادة الثانوية (للزوج والزوجة)
4-شهادة الجامعة(للزوج والزوجة)
5-بيان الدرجات بتاع الجامعة(للزوج والزوجة)
6-شهادة الخبرة ومعها (عقد عمل لو موجود-تامينات لو موجودة-بطاقة ضريبية-سجل تجارى)يعنى اى دليل مادى للخبرة غير شهادة الخبرة نفسها لو موجود بيكون افضل بكتير
( للزوج والزوجة اذا كانت تعمل)
7-عقد الزواج للمتزوجين
8-شهادة الجيش لمن خدم الجيش
9-شهادات اللغة(ان وجد)
10- الصور: 6صور عادية على خلفية بيضا زى صور جواز السفر
فى ابليكشن الطالب الاساسى بيتم تدبيس صورة لكل فرد من افراد الاسرة
اما فى ابليكشن المرافق بيدبس صورتة بس وبقية الصور ترسل عادى جدا فى ظرف صغير مرافق للدوسية اللى رايح سوريا
11-حساب البنك (ان كان موجود دلوقتى ) لان هموا بيحتاجوة ساعة المقابلة بس انما اللى لازم تمضى علية وتبعته هو العقد المالى ودة ابليكشن بيرسل مع الطلب وهنتكلم فى الابليكشن دلوقتى
فيه حاجات تانية زى لو اقمت فى كيبك فترة تجيب اثبات الاقامة-لو درست فيها او اشتغلت او معاك عقد عمل موثق او ليك قريب هناك بتجيب الاثبات دة دة لو الاحتمال دة قائم
[COLOR="rgb(255, 0, 255)"]الابليكشن باكاج
ابليكشن الطالب الرئيسى
ابليكشن المرافق
عقد الفلوس
اقرار الزوج للمتزوجين
اقرار المعادلة للناس اللى شغلها مرتبط بالحصول على رخصة من نقابة مهنية هناك فى كيبك زى مهندس-صيدلى-طبيب- مدرس.....

افضل طريقة للدفع اللى من مصر بيروح بنك نوفا اسكوتيا بيدفع شيك بنكى باسمMinistre des finances du Quebec البنك دة فى الجيزة شارع احمد نسيم بتاخد معاك20دولار عمولة البنك عشان تاخد الشيك فى نفس اليوم وبتاخد كعب الشيك بتبعته مع الورق كاثبات انك دفعت الفلوس

افضل طريقة لارسال الملف الاى ام اس او دى اتش ال او شركات البريد العالمية المحترمة سيبك من البريد العادى الورق ممكن يضيع والشيك معاه كمان تبقى طبلت
[COLOR="rgb(255, 0, 255)"]العنوان

[/COLOR]Bureau d'immigration du Québec à Damas
a/s de l'Ambassade du Canada
38, Autostrade Mezzeh,
C.P. 3394
Damas SYRIE

دة عنوان مكتب كيبك فى سوريا على اساس انك مقدم هجرة عمال مش مستثمرين لان المستثمرين عادوا بيبعتوا على مونتريال مباشرة دة للعلم واتخاذ اللازم
كدة بيتهيالى كل حاجة تمام لغاية ما الورق يوصل بعد كدة بتاعهم فى دراسة الملف وشغلك فى اللغة واستعدادك للمقابلة
تحياتى وبالتوفيق

[/COLOR]
Read more: http://www.almatareed.org/vb/showthr...#ixzz1OVbvqK16


سلام عليكم
معلش يا جماعة انا عارف ان السؤال استاذ منير جاوب عليه قبل كدة بس مش لاقي الاجابة

احد معارفي حيقدم باذن الله, بس عشان معندهوش فرصة لدراسة الفرنساوي, انا شايف ان الملف يتقدم باسم الزوجة و هي عندها الفرصة لدراسة اللغة الشهور اللي جاية
السؤال: الزوجة خريجة تجارة بس كانت تعمل مدرسة لفترة 5 سنوات, هل الخبرة محسوبة ؟ هل من الممكن الحصول علي ال5 درجات الاضافية الخاصة بالمحاسبين ؟
شكرا لاستاذي العزيز السيد منير و حمودي و القائميين علي المنتدي, و اعتذر عن عدم تواجدي في الفترة الماضية لانشغالي.



الخبرة محسوبة طالما هناك ما يثبتها مش شرط تكون فى نفس المجال الدراسى
الخمس درجات الزيادة للمحاسبة لن يتم اضافتهم لسببين
الاول: ان المؤهل الدراسى فات عليه5سنين
الثانى: انها لم تعمل فى مجال المحاسبة من خمس سنين
الحل: تشتغل فى مجال المحاسبة لمدة سنة كاملة كى يتم احتساب هذه الدرجات لها
استفسار: هو حضرتك جادوللى بتاع كيبك ولا تشابه اسماء
تحياتى


Read more: http://www.almatareed.org/vb/showthr...#ixzz1OVcAYaeX



Read more: http://www.almatareed.org/vb/showthr...#ixzz1OVcOp2aA

 

 

 
رد مع اقتباس
قديم 9th June 2011, 04:49 PM دنتستاوي غير متواجد حالياً
  رقم المشاركة : 5
دنتستاوي
Silver Member
 






دنتستاوي is a jewel in the roughدنتستاوي is a jewel in the roughدنتستاوي is a jewel in the rough

دنتستاوي's Flag is: Egypt

افتراضي




السلام عليكم اخواني انا متابع الموضوع من فترة لكن حبيت اجمع اسئلتي كلها مرة واحدة

اولا بياناتي: اخوكم عمره 33 سنة بكالوريوس كيمياء دفعة 98 ومعايا دبلوم دراسات عليا وماجستير في العلوم 2006

لدي سنة واحدة خبرة في الكيمياء من سنة 2000 وبعدين تفرغت للدراسات العليا

في سنة 2004 غيرت المجال واشتغلت في الترجمة وحاليا عندي خبرة حوالي 5 سنوات في الترجمة عربي – انجليزي

بالنسبة لمهنة الترجمة شغلي كان فريلانس
Freelance

لكن اقدر اجيب شهادات خبرة بالاربع سنوات من مكاتب الترجمة اللي اشتغلت معاها في مصر وخارج مصر

بالنسبة للغات الانجليزي مستوى متقدم محادثة وكتابة وكنت امتحنت التوفل من فترة واخدت 570

بالنسبة للفرنسي انا كنت في مدرسة فرنسية من الطفولة وعندي دبلوم لغة فرنسية اخدته مع شهادة الاعدادية بتسع سنين دراسة للغة الفرنسية زائد دراسة الفرنسي في المرحلة الثانوية ومع شوية تكثيف للجهد هنقول هوصل لمستوى متوسط

بالنسبة للمدام هي ليسانس اداب وعمرها 29 ومعاها خبرة سنتين في مجال الترجمة وايضا فريلانس

مستوى الانجليزي متقدم ومستوى الفرنسي مبتدئ

مفيش اولاد

بعتذر عن الرغي الكتير لكن حبيت اوضح كل النقاط عننا

حاليا انا قررت البدء في مشروع الهجرة ولسة هبدأ من اول الخطوات بس معلش لو ممكن تلخصوا الخطوات في نقاط بسيطة اكون شاكر جدا

بالنسبة للأسئلة الأخرى

هل خبرة الفريلانس مقبولة؟ في حالة وجود شهادات خبرة وصحيحة؟ ومفيش مانع طبعا من التواصل مع أي من اصحاب العمل لتأكيد صحة المعلومات مع العلم ان معظم المكاتب من خارج مصر


اية نوعية الوظائف المتاحة اللي الواحد ممكن يبدأ بيها هناك بالنسبة ليا وللمدام؟

هل من السهل العثور على مهنة في مجال الترجمة (عربي - انجليزي)؟

هل من الأفضل تعديل المسار والتركيز على مهنة الكيمياء مع العلم ان مفيش غير سنة خبرة واحدة مرة عليها اكتر من خمس سنوات؟

هل المدام بتحضر معايا المقابلة بتاعة سوريا؟

هل من السهل العثور على وظيفة ولو حتى مؤقتة بمجرد الوصول الى كيبك؟

ما هو الحد الادنى للمبلغ اللي الشخص لازم يجي بيه كيبك؟ انا بسأل من الناحية العملية اللي بالفعل هيحتاجه

ما هو متوسط المصاريف الشهرية لشخصين؟

متوسط تكلفة الانترنت الشهرية ؟ وما هو افضل طرق الاشتراك واوفرها؟

هل من الممكن في المستقبل استدعي امي كزيارة مثلا؟ هل في شروط محددة لكدة من حيث الدخل وخلافه؟ وهل لازم اكتب اسمها في الابلكيشن الاولاني والا مش شرط؟

بعتذر جدا لو في اسئلة مكررة بس انا عايز احدث اجابات لاني لسة هبدأ المشوار

الشكر لكم مقدما



بالنسبة للتقديم والاوراق والابليكشن المداخلة فى الصفحة10 فيها كل الاوراق والابليكشن وخلافة ومراحل التقديم ودفع الفلوس وكيفيتها
بالنسبة لبروفيلك الكلى كويس جدا ومبشر جدا بس تشدوا شوية فى الفرنساوى انت والمدام
الخبرة مادامت يمكن التحقق منها وواقعية يمكن احتسابها وكونها من خارج مصر تزيد من فرصتك ولا تقلل منها بس المهم التحقق من الخبرة زى ما اتفقنا
بس موضوع خبرة الفرى لانس دى بصراحة مش عارف هيحسبوها ازاى وهيشيكوا عليها ازاى يعنى معنى كدة انهم هيتصلوا بكل الشركات اللى اشتغلت معاها طيب ما تقدرش تجيبها من مكتب واحد او بمعنى اخر ترتب شهادات الخبرة زمنيا فى الفترة من كذا الى كذا مع مكتب كذا وهكذا كى يمكن احتسابها عمليا لان هتواجهك صعوبة انك هتكتب كام ساعة عمل فى الاسبوع وهتحسبها ازاى وبعدين مين المعيار اذا كان انت ليك اكتر من مدير ومين هيمضى شهادة الخبرة لو فيه امكانية فصلها وترتيبها زمنيا بيتهيالى هيكون افضل واكثر واقعية
اى حد بيشتغل فى شغل الكاجوال الى ان يعادل مؤهلة وهو طبعا مجال الخدمات
الترجمة ليها نقابة يعنى لازم تتطلع ترخيص ممارسة المهنة منها ودة مشوار طويل ومش سهل خاصة انك مش خريج ترجمة اصلا
طبعا الافضل التركيز على مجال الكيمياء بالرغم من صعوبته بس لسبب بسيط انك مؤهلك فى الكيمياء يعنى هتحتاج معادلة فقط اما الترجمة هتدرس من الصفر بالنسبة للخبرة العبرة للخبرة الكندية اكثر بمراحل من الخبرات السابقة فى الوطن الام يعنى شهر واحد فى كندا خبرة احسن من10سنين براها
طبعا المدام جزء لايتجزأ من التقييم وهتدرس اللغة تماما زيك وتكون جاهزة بس طبعا بمستوى اقل شوية
الشغل فى الفترة الحالية صعب شوية ودة بشهادة بعض الاصدقاء هناك نظرا للظروف الاقتصادية الا ان المؤشرات تنبؤ بانفراجة قريبة
المبلغ 4000دولار كندى دة اللى لازم تاخدة معاك وهتمضى علية اما عمليا كل مازاد كان احسن طبعا
المصاريف مقدرش افتى فيها لانى مجربتش
الاب والام بتعملهم اسبنسور بس دة ليه شروط متعلقة بدخلك وعملك والا تتقاضى من الحكومة بدل بطالة وان يكون دخلك ثابت وفى حدود معينة يعنى فيه ضوابط للموضوع
فى الفيدرال طبعا بتكتب اسماء كل عائلتك الكبيرة(الاب-الام-الاخوة) اما فى كيبك بتكتب عائلتك الصغيرة انت والزوجة والاولاد ان وجد
تحياتى




مساء الخير يا شباب

أخيرا كملت كل أوراقى و هقدم لهجرة كيبك بعد العيد مباشرة إن شاء الله بس فيه كام نقطة كده

أول سنه عندنا فى الشركة بتعتبر تحت الإختبار و الشركة مبتدفعش تأمينات فيها على الموظف الجديد غير لما يكمل سنة بنجاح يعنى أنا إشتغلت اربع سنين بس برنت التامينات مطلعهم 3 سنين بس انا اتصدمت و اتخانقت معاهم فى الشركة فعملولى شهادة الخبرة باربع سنين و كدتبوا فيها ملحوظة ان اول سنه كانت خارج التغطية بتاعت التامين

ايه رايكم ارفق برنت التامين دلوقتى و لا ممكن يلخبطلى الدنيا و موظف الهجرة يقيمنى على اساس 3 سنين بس بدل اربعة

تانى حاجة انا شغلى فى مجال بعيد عن شهادتى يعنى الشغل فى العلاقات العامة والشهادة محاسبة الشهادة معداش عليها خمس سنين بس يمكن لما تيجى المقابلة يكون خلاص الخمس سنين عدوا هما بيحسبوا الخمس سنين دول من تاريخ الحصول علىالمؤهل لتاريخ التقديم و لا منتاريخ المؤهل لتاريخ الانترفيو ؟؟

تالت حاجة كشف حساب بنكى بمبلغ 4000 دولار كندى لشخص مفرد مقدم لوحدة كفاية ولا لا ؟؟

الف شكر للجميع و عذرا للإطالة



مفيش مشاكل فى الخبرة مدام الشركة نفسها معترفة بالفترة اللى ساقطة من التامينات بس خلى الشركة تنوه انك تحت التمرين فى السنة دى يعنى تذكر سبب عدم التامين عليك عشان يبقى الموقف واضح
وفيه حل تانى افضل من وجهة نظرى انك تبدأ الخبرة والتامينات مع بعض وانت قدامك لايقل عن 9شهور عن المقابلة يبقى برضة دخلت فى 4سنين شغل عند المقابلة وتاخد الدرجةالنهائية فى الخبرة وتبعد بعد كدة عن مضايقات الفيدرال فى حتة الخبرة
هيحسبوا من تاريخ التقديم طبعا لان الملف بيتقيم نظريا من تاريخ التقديم
بس طبعا لعدم ممارستك للمهنة ممكن يكون فيها كلام يعنى متعتمدش عليهم اوى هى دايما بترجع لمستشار الهجرة اللى بيعمل معاك المقابلة
4000حلوين اوى وزيادة عن المطلوب بشوية كمان
تحياتى



Read more: http://www.almatareed.org/vb/showthr...#ixzz1OVcYnqeg


الاستاذ الفاضل / السيد منير

شكرا جزيلا على الاهتمام وسرعة الرد

بالنسبة لخبرة الفريلانس كل اللي هقدر ادرجه في الشهادة هو فترة التعامل بيني وبين المكتب وعدد المشاريع (الصفحات) اللي قمت بيها ومجالات الترجمة

طبعا صاحب المكتب (CEO) هو الشخص المسئول وهو اللي هيقوم بالتوقيع وختم الورق مع ارقام الاتصال الخاصة به والايميل

مع العلم ان جميع الخبرات سليمة بدون أي احتيال وهي خبرات كويسة جدا على ما اعتقد

وهحاول ارتب الشهادات زمنيا مع المكاتب بتسلسل السنوات وخاصة ان في بعضهم ما زلنا على تعامل حتى الان

معلش ممكن حضرتك تديني امثلة على الشغل الكاجوال دة ونظامه والعائد الشهري منه

هل عند حضرتك فكرة عن طريقة معادلة المؤهل (ماجستير العلوم) بما يتناسب مع كيبك؟

هل من الافضل التقديم فورا والا الانتظار بعد قائمة 16-10؟

وهل اذا تقدمت باعتباري احد الوظائف اللي في القائمة (كيميائي) هل ممكن يقبلوني في هذا المجال مع العلم انني لم اعمل في هذا المجال الا سنة واحدة وكانت من اكثر من خمس سنوات؟

وهل في هذه الحالة يكون من الافضل لي ان اقدم فيدرال هروبا من شرط اللغة الفرنسية لكيبك؟

ايضا سمعت من بعض الأخوة انه من الافضل القيام بكشف طبي سريع قبل الشروع في اجراءات الهجرة؟ فما هي الامراض التي تعتبر عائق او قد ارفض بسببها طبيا؟

شكرا جزيلا لتعاونك.



طيب ستف على قد ما تقدر شهادات خبرتك عشان تبقى سهله فى المقابلة ان تكون عامل قوى فى صالحك
الشغل الكاجوال ياباشا اللى مش عايز معادلة فى نطاق الخدمات يعنى-فى مطعم-فندق-بنزينة-كدة يعنى وهو طبعا ساعتةب9دولار يعنى يادوب
كيبك مبتشترطش الخبرة فى المجال زى الفيدرال بس فى المقابل الفرنساوى يكون كويس
على حد علمى لازم تعادل البكالوريوس الاول وبعد كدة تعادل مافوقه لان هو الاساس
طبعا التقديم بسرعة افضل قبل تغيير القوانين
ماهو الفيدرال عايز خبرة من ناروديوتيز زى ما الكتاب بيقول وايلتس بس مضمون مية فى المية
كيبك عايزة فرنساوى ومش مضمونه مية فى المية لان كيبك هى المقابلة بس ليس الا
الامراض التى تمنع على حد علمى هى الامراض الجنسية زى الايدز والزهرى والامراض المزمنة المكلفة بس بصراحة معرفش ولا حالة اترفضت بسبب الكشف الطبى
تحياتى

Read more: http://www.almatareed.org/vb/showthr...#ixzz1OVce4BX5

استاذ سيد كل سنه وانت طيب وكل االاخوة
سوال لو تكرمت انا دلوقتى شغال فى السياحه من 2002
حتى الان بسى فى الخليج منهم سنه وكام شهر محاسب فى مصر ومعايا شهاده خبره بكدا وتامينات هل فى المقابله هخد ال5 درجات بتاعت اليسته ولالا انا خريج تجاره محاسبه 2001
والسنه وشويا الخبره بتاع محاسب كانت من فبراير 2008 الى مايو 2009

ايه رايك يمشى الموضوع ولالا
شكرا



كدة من حقك قانونا انك تاخدهم يا استاذ محمد لان الخبرة فى المحاسبة فى اخر خمس سنين يسبقوا الطلب بس طبعا لازم تقنعها انك محاسب محترف من خلال مناقشتها معاك فى الديوتيز بتاعتك فى الشركة وانك بتعمل تقارير محاسبية وميزانية والكلام الكبير بتاع المحاسبين
بالتوفيق ان شاء الله


Read more: http://www.almatareed.org/vb/showthr...#ixzz1OVckpH1y


استاذ سيد عايز نصيحتك انا الان معايا خبره اكتر من 5 سنين ونصف فى السياحه
واصلا انا محاسب خبره سنه وكام شهر بس دلوقتى انا راسلت الاوردر بتاع المحاسبين
وبعتوا ليا الرد وجهزت كل حاجه بالنسبه للوظيفه دى بسى المشكله ان الممحتحن هيركز معايا على السياحه لانى مازلت واكتر خبرتىفيها
وطبعا المجال دا مش ليه اوردر تقريبا ولا حاجه

ياريت تقولى اعمل ايه لما الممتحن يسالنى اعمل ايه علشان الاقى شغل فى المجال دا واكون جاهز ليه ولا اقول للمتحن انا هشتغل كامحاسب انا محتار ادخل ازاى ليه بالاجابه لو سوال كان بطريقه دى لانه ممن يسالنى سوال يلخبط بين الوظيفتين دول

ايه رايك؟



طبعا دة موضوع محير جدا اختلاف مجال الخبرة عن مجال التعليم لكن
المفروض تبدأ طبعا بالمحاسبة لان انت مؤهل دراسيا فيها يعنى هناك هتعادل شهادتك بس انما عشان تشتغل فى السياحة لابد تحصل الاول على دبلوم العمل فى السياحة وبعدين تشتغل فى المجال دى جزئية
الجزئية التانية ممكن تقول مبرارتك بكل صراحة انت ليه فضلت السياحة عن المحاسبة لان وضع المحاسبة فى مصر مش قد كدة يعنى ظروف سوق العمل هى السبب مش قدراتك العلمية فى المحاسبة هى السبب
الجزئية التالتة حاول تستشف هو لو حاول يوجهك لمجال معين امشى معاه اهم حاجة السى اس كيو الشغل هناك دة موال يطول شرحة يعنى وافق عليك محايبة ماشى سياحة ماشى
الجزئية الرابعة حاول انك تحول نطقة ضعفك لنقطة قوة انك ممكن تشتغل مؤقتا فى السياحة فى فترة المعادلة للمحاسبة وكدة تشتغل مؤقتا وانت بتعادل شهادتك
واخيرا ودة الاهم كل دى اسباب احنا بناخد بيها اما القدر فهو نافذ نافذ لو ربنا كتبهلنا محدش هيقدر يحوشها ولو ما اردش مش هنروح كندا لو معانا الفيزا حتى
تحياتى وبالتوفيق




Read more: http://www.almatareed.org/vb/showthr...#ixzz1OVcvStYw



أساتذي ومعلمي مسيو سيد منير :.
أغلي تحية وسلامات لشخصكم الكريم
معلش يا باشا السؤال ده مهم جداً جداً فياريت تقدح زناد فكرك وترد لنا عليه الرد الشافي العافي بإذن الله
السؤال : لو واحد كان مقدم فيرال قبل كيبك وطبعاً ذكر الكلام ده في الأبليكيشن وسأله الممتحن ليه ؟
وهل ممكن يفيد في الرد أنه يقول أنه ماكنشي يعرف الفرق بينهم أو أنه كان فاكر إن كيبك بتاخد بال nominee زي ولايات كتير في كندا وهوه مايعرفشي حد يزكيه في كيبك
ويحاول يأكد للممتحن أنه ممكن يمضي علي إقرار حالاً بأنه لن يغادر أراضي كيبك ويقيم في كندا وأنه علي أستعداد أنه يكون في الأقرار ده أنه لو عمل كده تلغي تأشيرته يكم ده يطمن الممتحن شويه وعلي فكرة حته أني ماكنتش أعرف الفرق دي صحيحة وكمان أنا كنت أيامها مستوايا ضعيف في الفرنسي وبصراحة أستسهلت كندا علشان الفرنسي وخصوصاً إن في الأبليكيشن بتاع الفيدرال كنت كاتب أني مستوي مبتدأ في الفرنسي علشان أرفع درجاتي
معلش يا باشا السؤال ده يكاد يكون أهم سؤال أكيد هتسأله في المقابلة وبالتالي الرد أهم شيء في التحضير للمقابلة دي
عايز يا باشا الردود الجميلة اللي أتعودنا عليها من حضرتك وخد وقتك في التفكييييير
طبعاً ده مايمنعشي من مشاركة باقي الأخوة الأعضاء وعرض مقترحاتهم وبكده الفايدة تعم
شكراً جزيلاً



بمنتهى البساطة يا دكتور احمد قول الصدق بس
هيطلع من لسانك الى قلب الممتحن
الناس دى بتفهم كويس جدا اللى بيجى دوغرى معاهم وبيحترموا الصدق والصراحة
قول اسبابك الحقيقية من غير زيادة ولا نقصان هيصدقك من غير كلام مش محتاج تبتكر اسباب مش واقعية لانه مش هيصدقها وكمان ممكن يبقى عدائى معاك لو فهم انك بتحاول تخدعه
على راى دكتور قناوى الصدق منجى
والفيصل على صدقك واخلاصك لكيبك هو مستواك فى اللغة الفرنسية ومعلوماتك عن الاقليم
يعنى كل ما تجود فى الفرنسية وتعرف عن كيبك معلوماتها وقيمها وتؤمن بها وتحاول توصل الاحساس دة للمتحن هيصدقك من غير ما تذكر اسباب التحول من الفيدرال الى كيبك
وممكن كمان ميسالكش انت كنت مقدم فيدرال قبل كدة ولا لآ
هو يحكم بموضوعية على مستواك وجاهزيتك للهجرة الى كيبك
ودة مش صعب عليه ان يميز واحد عايز كيبك بجد وواحد واخدها كوبرى لكندا
متقلقش ومتحطش الموضوع دة فى دماغك
ركز فى اللغة والمعلومات على كيبك وبس والباقى دة بتاع ربنا وحده سبحانه وتعالى
بالتوفيق ان شاء الله


Read more: http://www.almatareed.org/vb/showthr...#ixzz1OVdoWHS3

يا مسيو سيد كلامك طبعاً صح مية في المية فعلاً الصدق منجي وفراولة كمان لكن برده دي حاجة هاتقلق أي ممتحن من الشخص اللي مقدم كيبك وعلشان كده هيلف ويدور في الأسئلة لما يتأكد منها وخصوصاً إن الكل شهد بإن بتوع كيبك خايفين من إنها تكون كوبري لكندا بعد اللستة الجديدة للوظايف أنا عايز بس منك بناء علي اللي قلتهولك لأنه هوه ده الموقف بصراحة أنك تكتبلي بأسلوب سهل وسلس الرد بالفرنساوي وأهوه دماغ مع دماغ تانية تكون الأفكار مرتبة بشكل أفضل وخصوصاً إنك أدري منا بالناس دي وبدماغهم
مع خالص تحياتي وشكري



ماشى يا باشا انا تحت امرك
بس حتة معرفش الفرق بين كيبك والنومنى مش مبرر لان الكاتيجوريز بتاع الهجرة معروفة ومشروحة بالتفصيل على موقع السى اى سى يبقى مش من صالحنا نقول معرفش دة حتة
الحتة التانية بتاع انك تمضى اقرار يلزمك الاقامة فى كيبك عشان تثبت حسن النية دة برضة مش هو اللى هيشفع لك عنده لسبب بسيط جدا انك فعلا بتمضى على اقرار الاقامة فى كيبك عند تقديم الملف فى الفيدرال وبلاش تسبق انت بالشك وتوجيه الانظار الى نقطة ضعفك انك قدمت كيبك بعد رفض الفيدرال
انت بس ابعتلى رسالة على الخاص انت عايز تقول اية فى النقطة دى وانا هاقراه وافهمه واعرف وجهة نظرك وبعدين امنتجه بشكل ملائم عشان فى النهاية انا عايز تفكيرك انت اللى يوصل وعلى لسانك انت عشان يبقى صادق وانت مقتنع بيه وانت بتقوله وبالتالى يصل بسهوله للمتحن
انا والله مش ببخل عليك بس عايز نشتغل ونفكر صح
منتظر الرسالة يا باشا
وان شاء الله مش هيكون فيه اى مشاكل والموضوع هيبقى تمام باذن الله
واحب اقولك ان المستشارين ان كان واحد شكاك هتلاقى تسعة كويسين جدا وبيتعاملوا بانسانية ورفق وذوق وكفاية ان الناس دى هموا الوحيدين اللى لسة فاتحين بابهم لينا فى وقت العالم كله مبيعترفش بينا ولا يهموا امرنا من قريب او من بعيد
وانا كلى ثقة انك ناجح باذن الله


Read more: http://www.almatareed.org/vb/showthr...#ixzz1OVeP5ehI

 

 

 
رد مع اقتباس
قديم 9th June 2011, 04:56 PM دنتستاوي غير متواجد حالياً
  رقم المشاركة : 6
دنتستاوي
Silver Member
 






دنتستاوي is a jewel in the roughدنتستاوي is a jewel in the roughدنتستاوي is a jewel in the rough

دنتستاوي's Flag is: Egypt

افتراضي



Read more: http://www.almatareed.org/vb/showthr...#ixzz1OVduBPQI

بسم الله الرحمن الرحيم
الاخوة الكرام اعضاء المنتدى والمشرفين
بعد التحية
بعد اطلاعى على بعض المشاركات واعترف انها قد استوفت جزء كبير من تساؤلاتى ولكم جزيل الشكر والتقدير على مجهوداتكم فى نشر روح التعاون والخير بين الاعضاء
لى بعض الاستفسارات بالنسبة لهجرة مقاطعة كيبك :
1-ماهى العوامل التى تحكم تحديد مكان المقابلة اما بسفارة كيبك بسوريا او بسفارة كندا بمصر(طبعا هذا فى حالة متقدم من مصر)
2-بالنسبة للاقرار الخاص بامتلاك المبلغ المالى المحدد لفترة اول ثلاث شهور
هل اعلانى انى امتلك اضعاف المبلغ المطلوب يزيد من نقاطى ام انه لا فائدة ؟
3-هل توجد مشكلة فى ارسال شهادة بيان المواد التى تم دراستها فى المرحلة الجامعية بالتقديرات وليس بالدرجات حيث ان الجامعة تتعلل بعدم امكانية اصدار الدرجات فى الوقت الحالى
ولكم منى جزيل الشكر والتقدير



أهلاً وسهلاً بحضرتك معانا في المنتدي
بعد إذنك يا مسيو سيد سيبلي الطلعة دي
بالنسبة للأسئلة : مكان المقابلة مكتب الهجرة اللي بيحدده وليس للمتقدم أي دخل في تحديد مكانه ولم يعلن المكتب عن أي عوامل تحدد مكان المقابلة
المبلغ المطلوب حسب عدد أفراد أسرتك هو فقط المطلوب وزيادة المبلغ ليس لها تأثير علي الدرجات ولكن في المقابلات لبعض الزملاء كان مستشار الهجرة بينصح الشخص اللي بيقابله أنه يزود المبلغ شوية لأن الأسعار غليت وتكاليف الحياة زادت ولكن ذلك أثناء المقابلة فقط ومش هايضر أنك تزود المبلغ لو عايز
بالنسبة لشهادة أو بيان الدرجات بالجامعة أنا لما بعت ملفي بعت بيان الدرجات تقديرات فقط وعدد الساعات الدراسية ومع ذلك لم يطلب مني مكتب الهجرة بسوريا أرسال أي درجات فإن شاء الله مفيش مشكلة
تحياتي



Read more: http://www.almatareed.org/vb/showthr...#ixzz1OVe5uJ00


المفروض إنه لا يتم الرفض إلا للحالات الجنائية أو الطبية ولكن تم رفض أحد المتقدمين وكان تعليقهم علي الرفض experience missing أي أنه أتضح لهم أنهم لم يتأكدوا من مصداقية شهادة الخبرة المرفقة بالطلب
بس دي حالات قليلة لكن إذا كان الورق كله سليم وسألوا عليك في شغلك يتأكدوا أنك عملت في هذا المكان وكانت بالإيجاب والشهادات سليم يبقي إن شاء الله مفيش مشكلة
وعامة أحنا مابنطمنشي غير لما ناخد التأشيرة علي الباسبور ونوصل كيبك بإذن الله
وربنا يوفق الجميع





1- الأوراق المطلوبة من السفارة في مرحلة الفيدرال بعد ال CSQ بتختلف من مكتب لآخر
يعني الورق اللي بيطلبوا مكتب القاهرة غير مكتب لندن غير بافلو في أمريكا
ودي أنا أتاكدت منها بنفسي من موقع الهجرة...كل مكتب له متطلبات مختلفة عن الآخر
على سبيل المثال مكتب لندن مش بيطلب منك شهادات الخبرة إطلاقاً بخلاف مكتب القاهرة...وهكذا
عشان تقطع الشك باليقين ادخل على موقع الهجرة هتلاقي check list خاصة بكل مكتب نزلها والتزم باللي مكتوب فيها حرفياً بدون أي نقص ، لكن لو زودت محدش هيقولك زودت ليه...لكن انت ملزم فقط باللي مكتوب فيها ومش لازم تصعب الدنيا على نفسك
حسب معلوماتي الإثبات البنكي مش مطلوب في مرحلة الفيدرال بعد ال CSQ

2- ابعت الورق بالإنجليزي أو بالفرنساوي سواء لكيبك أو الفيدرال ...الاتنين سيان
أنا بعت ورقي لكيبك كله بالانجليزي حتى الأبليكشن كتبتها بالإنجليزي ومكنش فيه أي مشكلة

3- كل الورق تبعت صور فقط ومش محتاج توثق أي ورقة على الإطلاق سواء لكيبك أو للفيدرال، ومش محتاج تبعت أي أصل ما عدا الفيش والتشبيه ، وده مش كلامي ده كلام موقع الهجرة ، وباكرر مرة تانية ما تصعبش الدنيا على نفسك وما تسمعش كلام حد بيصعب الدنيا عليك.

انا حالاً باجيب اللينك اللي تنزل منها ال check list بتاعت الأوراق عشات تنزلها بنفسك وتتأكد من صحة الكلام اللي باقوله


Read more: http://www.almatareed.org/vb/showthr...#ixzz1OVeWjAvv


الزميل الأهلاوي الأصيل تحية خاصة لحضرتك
أنا قريت حتة غريبة شوية مع ملحوظة أن أنا لسة في مرحلة أنتظار المقابلة يعني في الأول فامعرفش عن الفيدرال لسة حاجة
الحتة دي اللي بتقول فيها إن مكتب لندن مابيطلوبشي شهادة الخبرة والحكاية دي عملت مشاكل لبعض المتقدمين لما بعتوا للفيدرال بعد ال CSQ والفيدرال معرفشي يثبت شهادة الخبرة فعلي هذا ليه الأخوة مايقدموش للندن ويريحوا نفسهم من وجع الدماغ وموظف يرد وأخر لأ ويرفض الملف علشان الشهادة
أرجوا الإفادة
تحياتي


Read more: http://www.almatareed.org/vb/showthr...#ixzz1OVejTKhi


اضافة بسيطة جدا بالاضافة الى كلام اخوانى واصدقائى الاحباء
هناك شرطان اساسيان للنجاح دون مقابلة
الاول: الا يحتاج ملفك الى اى تاكد من اى عامل من العوامل بمعنى ان الخبرة يكون لديها مايدعمها مثلا دون ادنى شك وكذلك بقية المستندات
الثانى وهو الاهم ان يكون مستواك المثبت بالطلب فى اللغة الفرنسية مدعم بشهادات معترف بها من قبل وزارة الهجرة بمعنى ان لو كنت كاتب المستوى السادس مثلا فى افرنساوى وباعت شهادة دلف B1مع الطلب وعشان تنجح لازم 8درجات فى الفرنسية فقط اى بمعنى اخر ان بقية العوامل بتجمع 60درجة عدا اللغة الفرنسية كدة يبقى مش محتاج مقابلة اولا لان مستواك فى اللغة والدرجات اللى انت محتاجها عشان تنجح مدعمين بشهادة الدلف الرسمية وثانيا انت مش محتاج درجات التكيف يبقى برضة مفيش لازمة للمقابلة
ياريت تكون الفكرة كدة قريبة
كلمة السر فى الشهادات الرسمية للغة بالاضافة الى بقية العوامل طبعا
انا حدث معى هذا الامر بفضل الله طبعا
كان معى شهادة الدلف B2وارسلوا لى خطابا انا احتمال نختارك بناء على الملف وتمت المقابلات
ولم يرسلوا لى ولكن عند اضافة ابنى وصل جواب الاضافة لهم يوم18يناير جات السى اس كيو يوم19يناير بفضل الله وبتوفيقه ويارب يوفق الجميع ويفرح الجميع ونستفيد كلنا من خير الهجرة ونتقى شرها ان كتبها الله لنا



Read more: http://www.almatareed.org/vb/showthr...#ixzz1OVf179Vp
[COLOR="rgb(255, 0, 255)"]
شكرا الاستاذ حمودى
ممكن سؤال رخم تانى
السن ده يتم تحديده بوصول الملف ولا بوصول رقم الملف ولا فى تاريخ المقابلة
اصل انا فى يناير القادم 37 سنة ما تقولش لحد
يبقى ممكن التقدير يقل يعنى ال 14 دى تبقى كام ؟؟؟
و شكرا ليك مقدما
و جزاك الله خيرا لإفادتى بكل مواضيعك و ردودك الجميلة
[/COLOR]


العفو ياأخي الع . ولكن لاتقلق يتم احتساب العمر في وقت تقديم الطلب الأشياء الوحيده القابله للتغير خبره زياده او تعليم اكثر ويجوز تحسين لغه ايضا


Read more: http://www.almatareed.org/vb/showthr...#ixzz1OVfd7Cqt

بسم الله الرحمن الرحيم
تحياتى الى الاساتذة الكبار القائمين على الرد والاجابة
واستفسر:
بالنسبة الى السؤال الخاص بالمدينة التى تخطط العيش فيها فى مقاطعة كيبك؟؟؟؟؟
ماذا اختار؟
اعلم انه من المفترض ان يكون اختيارى مسببا حيث انه سؤال وارد بشدة اثناء المقابلة
ولكن اذا كنت ساختار بناءا على توافر فرص العمل فكيف هذا وانا اعلم انى لن اعمل كمتخصص فى وظيفتى الا بعد اجتياز المعادلة واعتقد ان مدتها ثلاث سنوات
لذلك ما رايكم
ما اهم عوامل الاختيار ؟
هل هى فعلا توافر فرص العمل (سواء لوظيفتى (كيميائى) او اى وظيفة مؤقتا حتى اتمام المعادلة)
ام هل هى تكلفة المعيشة عامة (السكن -المأكل-المواصلات)؟
ام هل هى توافر الخدمات الاجتماعية والتجمعات للمهاجرين العرب ودور العبادة ؟
ام كل ما سبق ؟
ام توجد اعتبارات اخرى لا اعرفها؟
بالنسبة لى اعتقد ان اهم عامل هو اكثر المدن اعتدالا فى درجات الحرارة
وشكرا



انا شايف انك تقول انك هتستقر مبدئيا في مدينة كيبيك

هتقولي ليه

لانها اولا مدينه هاديه

ونسبة البطاله فيها منخفضه عن مونتريال بسبب كثرة المهاجرين في مونتريال

وده حسب الاحصائيات المنشوره من مؤسسة احصاء كندا

ده بالاضافه الي توافر كل الخدمات الاساسيه فيها مثلها مثل مونتريال

فيها جامعه عريقه زي لافال

فيها مستشفيات ونوادي واماكن للترفيه

ده بالاضافه للمهرجانات الصيفيه

ده رأيي الشخصي وممكن يكون في رأي مخالف يقول ان مونتريال افضل
وبردو له اسبابه

المهم انك تقول كلام خارج من قلبك

نصار


Read more: http://www.almatareed.org/vb/showthr...#ixzz1OVfoMkZB


بس برده لازم الواحد يعرف مستشار الهجرة هايسألها في إيه يعني في أسباب الهجرة و وتعرف إيه عن كيبك ولا عن الأولاد وهواياتهم وأعمارهم كده ولا إيه أو ياريت نحاول نجمع الأسئلة اللي أتسألت لزوجة كل واحد فينا علشان برده يبقي في مرجع للزوجات
وياريت نبتدي بحضرتك وأنت طبعاً سباق بالخير دايماً
ياريت كل الناس تشارك يا جماعة علشان الفايدة تعم والثواب أيضاً





بالنسبه لي

كانت اسئله زوجتي عن

بتعملي ايه في شغلك يوميا

اختارتي كيبيك ليه

عاوزه تسيبي مصر ليه

اطفالك اعمارهم ايه

هتعملي ايه لما توصلي كيبيك - السؤال ده زوجتي مفهمتوش كويس لانها قالته باللهجه الكيبيكوا

فلما جاوبتاها في سكه تانيه

ردت علليها المستشاره

الاجابه دي مش بتاعت السؤال بتاعي

وكررت السؤال بشكل مبسط

وكانت تقصد هتعملي ايه علشان تشتغلي شغلتك حسب المؤهل

طبعا الاسئله دي تعتبر عويصه شويه

وخصوصا ان انا المقدم الرئيسي

لكن زوجتي كان مكتوبلها في الابلكيشن الثامن وكان معاها كورسات للسادس فقط
وانا كان مكتوبلي التاسع وكان معايا كورسات للسادس ايضا

وطبعا زوجتي عرفت تجاوب لانها كانت بتذاكرلي الكلام ده

وحفظته زيي بالضبط

والتوفيق من عند الله

احنا مش بايدينا حاجه

نصار


Read more: http://www.almatareed.org/vb/showthr...#ixzz1OVg7sYft

هاى HAMOUDI
شكرا لردك - كيبك - انشاءلله
من ناحية الاجابة على اسئلتى فقد تفضل الاستاذ و الاخ / منير بالاجابة على اسئلتى واعطانى المعلومات اللازمة (يا رب يخليك ويطول عمرك يا ا/ منير)
بس عاوزة اعرف مبلغ التامين ال هو المفروض 5000 $ او اكثر اللى بتحكو عنه داه كضمان لى فى اول 3 شهور هناك - صورة الضمان البنكي ال تثبت ان المبلغ معايا فعلا - تكون جاهزة مع الاوراق ال حتتبعت بال DHL ولا ممكن خطوة اخيرة قبل المقابلة او قبل السفر مباشرة ( اعادة سؤالى مرة تانية -بمعنى امتى يكون الورق ال يثبت ان معايا هناك ف اول 3 شهور مبلغ 5000 دولار - امتى يطلب منى اثباته فى اى مرحلة ) فهمتونى يا مطاريد الجبل ؟؟؟؟؟؟؟؟؟؟؟
كمان سؤاااال الله يخليكم
الابليكيشن اكتبه بخط اليد ولا طباعة كمبيوتراى طريقة- وباللغة انجليزي ولا الفرنسية - وانا افضل الانجليزية بس ال بعتهولى ا/ منير لينك اللغة الفرنسية وانا عاوزة لينك اللغة الانجليزية -؟؟؟؟؟؟


[COLOR="rgb(255, 0, 255)"]
ال5000 $ خطوه اخيره بل يمكن الا يطلب منك الاثبات ولكن من باب الاحتياط جهزيه قبل المقابله
بالنسبه للابليكيشن امليه عادي من على الكمبيوتر لانه اصلا بيديكي الخاصيه دي ولو حتى باليد مش هاتفرق مافيش تعليمات بغير كده
في تجربة لاحد الناس انه عمل الابليكيشن بالانجليزي لكيبك بس انا احبذ الفرنساوي والموضوع سهل ومن ابسط مايكون

[/COLOR]

Read more: http://www.almatareed.org/vb/showthr...#ixzz1OVgjPBtU


على حد علمى ان التاجيل مرة واحدة بس
هو يعمل اللى علية ويبعت ليهم الظروف وتعنت كفيلة معاه ويشوف هيردوا باية
وهموا طبلعا لو هيقفلوا الملف هيخطروه بكدة
ولو فتح ملف تانى ميغيرش اى بيانات عن الملف الاول والا يعتبر تغيير وخاصة فى الخبرة
لان هموا عندهم طبعا داتا فى السيستم بالملف السابق يعنى مينفعش يغير وميقلقش من موضوع التامينات طالما هو كان بيعمل فى هذا المكان والشهادة منه سليمة



أ. سيد هل أنت متأكد من موضوع ال داتا سيستم ده ولا ده من قبيل الحذر لأني بصراحة مش متخيل أن الناس دي تحتفظ بكل بيانات اللي قدموا عندهم وأغلقت ملفاتهم علشان يمكن يقدموا تاني وساعتها يبقي يقارنوا بالملف القديم وخصوصاً إن من الطبيعي إن ظروف الناس بتتغير سواء في الخبرة أو الأولاد أو ممكن الحالة الأجتماعية بالتالي في المقارنة بين الملف القديم والملف الجديد لازم هيكون هناك أختلافات وكمان مع كتر الطلبات تبقي حكاية المقارنة صعبة ولا إيه ؟
تحياتي


Read more: http://www.almatareed.org/vb/showthr...#ixzz1OVh8KBjU

معلش لو حد يفهمني اية المقصود و المطلوب اعمل اية

9. Stay in Québec
• Enclose proof of your stay in Québec with your application (certified true copy of the original visas or residence permits or photocopies of appropriate passport pages) and state the length of your stay.
و ده موجود في اللينك
http://www.immigration-quebec.gouv.q...documents.html




الى اقام في كيبك فتره في السابق تزيد عن 6 شهور له درجات اضافيه
ولاثبات ذلك للحصول على الدرجات يجب ان ترفق الاقامه او الفيزا او صوره من الباسبورالخ.....


Read more: http://www.almatareed.org/vb/showthr...#ixzz1OVhysD1O


السلام عليكم
لو سمحت يا استاذحمودى و يا استاذ سيد انا جهزت كل الورق المطلوب و هبعت قريب بس عاوز اتاكد من حضرتك عن مستوع الانجليزى و الفرنساوى اللى هكتبة فى الابليكشن

انا 29 سنة بيطرى عندى 5 سنين خبرة بس في غير مجال الدراسة نصهم فى الدعاية و نصهم فى صيدلية واعزب انا عاوز المستوى الى بس يعدى درجاتى انا خايف اكتب مستوى مقدرش اوصلة انا لسة بدرس فى المستوى التانى فرنساوى

كمان مقاس الصور اللى عاوزينها كام فى الابليكشن 4*6 ولا غير كدة

كمان فى اى تغيرات حصلت بعد يوم 14 / 10

يا ريت حضرتك ترد عليا و تنصحلى اقدم دلوقت ولا استنى شوية

و يا ريت حضرتك تدينى مواقع نت تساعدنى فى دراسة الفرنساوى


شكرا



مستواك لابد ان لايقل عن المستوى السادس ده نظريا ولكن عمليا الى يوم المقابله لاتمنع دراسة الفرنسيه الا اذا قمت بالحصول على الدلف b1


Read more: http://www.almatareed.org/vb/showthr...#ixzz1OVlUwD4d




يا جماعة الخير ..

1 - بالنسبة لشهادة البنك هي لازم تكون باسم المتقدم الرئيسي و لا ينفع باسم التابع
لان انا مراتي هي المتقدم الرئيسي لكن الفلوس كلها في البنك باسمي.
لاأستطيع الرد على هذا السؤال لعدم الخبره السابقه به ولكن بشكل مؤقت حتى نجد اجابه سليمه على هذه النقطه يمكنك تحويل الحد الادنى قبل المقابله يعني لو اسره 4 افراد ضع في البنك 5000 $ كندي
2 - بالنسبة للخبرة الخاصة بي كمتقدم تابع عندي عليها ملاحظات :-

من 7 / 2002 حتي 7 / 2007 داخل مصر و موجود شهادة خبرة و تامينات

من 8 / 2007 حتى 1 / 2009 باحد دول الخليج و لايوجد شهادة خبرة و مستحيل الحصول عليها .. بس عندي حاجات تانية ممكن تساعد مثل : تاشيرة الدخول على الباسبور بتاعة اول سنة و بتاعة تاني سنة و طبعا اختام الدخول و الخروج بالتواريخ
واصل الاقامة ( البطاقة للاجانب ) و اصل كارت التامين الطبي
و عندي كمان اصل العرض بتاع الشركة مختوم بختم النسر بتاع وزارة القوى العاملة و دة فية اسم الشركة و المرتب و الوظيفة و المزايا ... الخ
و كمان الـ business card
و كمان صورة جواب مختوم بختم الشركة اني بشتغل فيها بوظيفة كذا و مرتب كذا و دة كان هناك موجه للجوازات هناك علشان استقدم مراتي
و كمان شهادة كورس حصلت علية و انا هناك من الشركة نفسها و مكتوب فية التاريخ و الوظيفة و اسم الكورس
و كمان عندي شهادة شكر من المركز الرئيسي في دبي
هل دة كفاية و لا هيعمل مشاكل اثناء المقابلة و اثناء الفيدرال ايضا هيكون اية الوضع ( قلقان )
مش الاقيهم في الاخر باعتينلي جواب شكر مكتوب فية
désolé.
l'expérience est manquant

من 4 / 2009 حتى الان داخل مصر و يوجد شهادة خبرة

مع خالص الشكر للجميع سلفا
التوقيع
دون كاملو الحيران




بالنسبه للخبره انا شايف انها كافيه ويكفي كل ماذكرته واخطار موظف الهجره في المقابله بصعوبة الحصول على شهادة خبره مره اخره ولكن عندك دلائل اخرى وعلى اسوء الفروض سيتم عدم الاعتراف بها ولكن سيكونهذا عدم الاعتراف غير مؤثر


Read more: http://www.almatareed.org/vb/showthr...#ixzz1OVldzbr3

 

 

 
رد مع اقتباس
قديم 9th June 2011, 05:02 PM دنتستاوي غير متواجد حالياً
  رقم المشاركة : 7
دنتستاوي
Silver Member
 






دنتستاوي is a jewel in the roughدنتستاوي is a jewel in the roughدنتستاوي is a jewel in the rough

دنتستاوي's Flag is: Egypt

افتراضي



يا استاذ حمودى الله يكرمك رد عليا واحسب لى الدرجات كويس وبالنسبة للزوجة انا كتبت لها انها

فى المستوى الاول فى الفرنساوى وهى يا دوب تقدر تذاكر للمستوى الاول بالعافية اما انا فانت شايف

انى ممكن اوصل للمستوى السادس فى اقل من 35 يوم انا جايب كتب كتير من النت ومن غير النت

انا اخدت فرنساوى فى الثانوية العامة 3 سنين يعنى انا اخدت فكرة عن الفرنساوى

انا ماشى بطريقة مراجعة القواعد ثم حفظ كلمات ثم حفظ الاسئلة المتوقعة هل دة يكفى

ولو عندك اى كتب للمستويات 1و2و3و4و5و6 يا ريت الله يكرمك تبعتهالى معنديش وقت الله يكرمك

انا هنا عايش فى الخليج ومعتمد على الله ثم نفسى لانى معنديش مدرسين فرنساوى

وجزالك الله خير الجزاء ويتم هجرتك وهجرة كل الاخوة على خير


الفاضل مازن مان الرجاء عدم كتابة السؤال في اكثر من توبيك حتى لاتشتت الاعضاء وقد تمت الاجابه على مداخلتك في التوبيك الاخر
تقبل تحياتي


Read more: http://www.almatareed.org/vb/showthr...#ixzz1OVlkOcZf

انا النهاردة كانت المقابلة في جاردن سيتي وكانت مع المستشارةآان وحصل ان هي قالتلي ان مستواي في اللغة مش التاسع هو الرابع ولازم احسنوا واخليه السادس وبعدين قالتلي امضي علي ورقة القلوس وورقة القيم الكيبيكية وبعدها توقعت ان تطبع شهادة ال CSQ لكن هي قالتلي النهارده لا وقالتلي ان في حاجة نزلت يوم 14/10/2009 ( قوانين جديدة او لسته وظائف جديدة مفهمتش كويس) وقالتلي ان شغلتي كويسة جدا ومطلوبة قوي وواخد النقاط كاملة ولازم ترجع ليها تاني ووصلتني وسلمت عليا وقالتلي لازم احسن اللغة الفرنسية وقلتلي هترد عليا قولتلها هقدم في السنتر ممكن ابعتلك شهادة اللغة من السنترالسنتر لما اخده قالتلي ربما بس انا هرد عليك ووصلتني وهو ده الي حصل.
هو انا كده اترفضت ولا اتقبلت ولا ايه انا حاسس اني مابين السما والارض ومش فاهم حاجة
ارجو من المشرفين الي عندهم خبرة يردوا عليا ويقولولي اعمل ايه .
ارجو الرد من السيد منير
شكرا جزيلا



هو حضرتك الوقتى هى هتعيد التقييم مرة اخرى وبناء عليه تقرر
ولذلك هى مضتك على عقد الفلوس وورقة القيم عشان لو قررت الموافقة هتبعتلك السى اس كيو وخلاص
اما لو رات ان درجة اللغة الفرنسية غير مناسبة من الممكن ان تعلق النجاح على شرط الحصول على شهادة فى اللغة معترف بها وغالبا ستكون TCFاو DELF B1
وهى طلبت منك السادس تحديدا لان هو الحد الادنى للطالب الاساسى للنجاح فى المقابلة الشخصية
حيث يعتبر ما دون الساسnon francophone اى غير متحدث للفرنسية
ربنا يسهل ان شاء الله وتوافق عليك
ولو لاقدر الله لم يحدث ذلك اجتهد فى اللغة للوصول الى المستوى السادس وياريت يكون بشهادة دلف لان هى ادتك تشجيع بان مهنتك مطلوبة بس مستواك فى الفرنسية محتاج يزيد
تحياتى وبالتوفيق


Read more: http://www.almatareed.org/vb/showthr...#ixzz1OVlr7hlx


لو سمحتم
ممكن حد يقولى شهادة B1 بنمتحنها فين وبكام
وهل لازم دراسة كورس قبلها
مع العلم انى فى المستوى السادس
والانتر فيو فى شهر 12



معلوماتي عن الدلف : الامتحان من خلال المركز الثقافي الفرنسي ت 27915800
المستوي السادس دة بداية B1 السعر في حدود 600 جنية تقريبا
مش لازم تاخد كورس تحضير بس لازم تتعرف على الامتحان كويس عشان مايكونش مفاجاة ليك الموقع دة هيساعدك www.ciep.fr
اخر ميعاد للتسجيل 2 / 11 / 2009
الاختبارات هتكون اول 10 ايام من شهر 12
بالتوفيق........


Read more: http://www.almatareed.org/vb/showthr...#ixzz1OVm7Oomi


السلام عليكم
لو سمحت يا استاذحمودى و يا استاذ سيد انا جهزت كل الورق المطلوب و هبعت قريب بس عاوز اتاكد من حضرتك عن مستوع الانجليزى و الفرنساوى اللى هكتبة فى الابليكشن

انا 29 سنة بيطرى عندى 5 سنين خبرة بس في غير مجال الدراسة نصهم فى الدعاية و نصهم فى صيدلية واعزب انا عاوز المستوى الى بس يعدى درجاتى انا خايف اكتب مستوى مقدرش اوصلة انا لسة بدرس فى المستوى التانى فرنساوى

كمان مقاس الصور اللى عاوزينها كام فى الابليكشن 4*6 ولا غير كدة

كمان فى اى تغيرات حصلت بعد يوم 14 / 10

يا ريت حضرتك ترد عليا و تنصحلى اقدم دلوقت ولا استنى شوية

و يا ريت حضرتك تدينى مواقع نت تساعدنى فى دراسة الفرنساوى


شكرا
شكرا يا استاذ حمودى على ردك عليا يا اريت ترد على باقى الاسئلة بالنسبة لمستوى الانجليزى اللىمطلوب بالنسبة لحالتى و مقاس الصورة اللى مطلوبة فى الابليكشن

و لو كان فية تغيرات بعد 14 /10 و لا لا؟

و شكرا خالص لاهتمام حضرتك

كمان لو عندك مواقع تساعدنى فى دراسة الفرنساوى



بعد اذن الاستاذ حمودى
المستوى المفروض ما يقلش عن السادس فى الفرنساوى عشان تكون فى الامان ولا ترفض بسبب اللغة
الانجليزى بيتم تقييمه من خلال سؤالين تلاتة وطبعا معظم العلميين مستواهم كويس فى الانجليزى بسبب دراستهم ممكن تكتب التامن عشان تاخد4 درجات فى الانجليزى ولو انت افضل من كدة اكتب التاسع
الصور زى الجواز عادى مفيش مشالكل على خلفية بيضا
بالنسبة لتغييرات 14/10لن يتم تطبيقها الا على الملفات التى سوف تفتح من هذا التاريخ
اما الملفات التى تم البدء فى علاجها قبل ذلك سوف يطبق عليها ليستة26 اكتوبر2006 يعنى اللى جالة فتح ملف ما يقلقش
هى الليستة الجديدة لها هدفين الاول تشجيع الناس اللى درست فى كيبك تستقر بشكل دائم ولذلك شريحة كبيرة من التخصصات الكيبيكية فى الليستة
الهدف التانى قلب هرم الهجرة بمعنى جلب عدد كبير من الحرفيين والفنيين وذلك باضافة درجات اضافية لمساعدتهم والحد نوعا من التخصصات التى كانت مسيطرة على الهجرة سابقا مثل الاطباء والصيادلة ومحدش يزعل منى دى مجرد قراءة للواقع
انا بشكر كل الناس اللى بتحيينى بس غيابى غصب عنى السبب الاول النت سئ جدا اليومين دول
السبب الثانى مشغول شوية مع بعض اصدقائنا ادعولهم ربنا يكرمهم ونفرح كلنا باذن الله بالنجاح وتحقيق اهدافنا من الهجرة
تحياتى للاستاذ حمودى -استاذ محمد نصار-استاذ دون كاملو- استاذ شادى كمال- استاذ حامد وكل حبايبنا



Read more:
صحيح يا اخ دون كاملو انا لى استفسار
بيتطلب توثيق شهادة الخبرة من وزارة الخارجية ولا كل الاوراق تتوثق ولا اصلا مفيش توثيق كفاية صورة انت عملت ايه ايه من الاوراق اتوثق وايه لاء - مع تحياتى




ليس بالضروره التوثيق من الخارجيه ولكن تقدم اصول في المقابله


Read more: http://www.almatareed.org/vb/showthr...#ixzz1OWCkHCd7

يا جماعة اى حد يساعدنى بسرررعة فى السؤالين دولا
اولا
بالنسبة لشهادة الثانوية العامة الكلية قالوا انهم ادوهلنا مع ملف التخرج زمان وده محصلش لانهم اعطوا لنا فقط شهادة التخرج وواضح انهم ضيعوا شهادات الثانوية العامة
منين اقدر اجيب بديل ليها هل ارجع لمدرستي الثانوية واعمل بدل فاقد ولا مش مهم شهادة الثانوية اصلا او ازاى الحل ؟؟؟؟؟؟؟؟
ثانيا
استلمت شهادة التخرج بالدرجات وهى باللغة الانجليزية لكن فيه مشكلة حصلت فى استخراج شهادة التخرج اسم ابراهيم بالانجليزي وهو الاسم الرابع مختلف فى حروفه عن الباسبور مكتوب فى الباسبور
ibrahim
لكن فى شهادة التخرج
ebraheem
فما الحل هل ينفع اقدم بيهم باختلاف اسم جد الاب عن الباسبور - مش عارفة هل ينفع اقدم بيها ولا اعيد التعب من الاول
ولا اطلعها باللغة العربية واوديها مكتب ترجمة يترجم بطريقتي حسب الباسبور ولا ايه ؟؟؟؟؟؟
تحياتي




شهادة الثانوية العامة ممكن تطلعها تانى انجليزى على طول من مدرية التربية و التعلية الى مدرستك الثانوية تابعة ليها

شهادة الكلية طاعها تانى من الكا\لية انجليزى بس بالاسم الانجليزى المظبوط زى جواز السفر

انت لسم مقدمتنش برضة

انا زيك بجهز الورق و هقدم قريب ربنا يوفقك و يوفقنا كلنا
انت كاتب المستوى الكام انجليزى و فرنساوى؟؟ و عامل اية فى كورسات الفلرنساوى


يا أفندم حضرتك تاخدي معاكي صورة الباسبور وأصل الباسبور وتروحي الكلية وتقوليلهم عايزة الأسم في الشهادة يكون زي الباسبور بالظبط هايعملوهالك علي طول مفيش مشكلة وأنا عملت كده وياريت لو الظروف خدمتك وكنتي واقفة علي إيد الموظف وهو بيكتب الأسم يبقي تمام علشان ماتتعطليش لو طلع في غلطة في الأسم أنت عرفة الموظفين في الحكومة عاملين إزاي
بالنسبة لشهادة الثانوية تروحي للإدارة التعليمية اللي تابعة ليها المدرسة وتدوري علي شؤن الطلبة وتقوليلهم أنا عاوزة بيان نجاح ويكون بالأنجليزي وياريت يكون مستعجل علشان السرعة وهايطلوبوا منك تعملي حوالة في البريد أعتقد لوكيل الوزارة أو وزير التعليم المهم هما هايقولولك تعمليها لمين وبعد يومين لو الطلب مستعجل تأخدي البيان ومترجم وكله تمام وطبعاً راجعي وراهم في الأسم بالذات وأكتبيلهم الأسم زي ما قلنا في شهادة الكلية وحاولي تعملي البيان لأنه ممكن يطلب منك ولو مش معاكي هايتأجل الرد عليكي في المقابلة
ربنا يوفقك


Read more: http://www.almatareed.org/vb/showthr...#ixzz1OWDIaVK0
Read more: http://www.almatareed.org/vb/showthr...#ixzz1OWD1hq6f


هو ينفع اخد معايا الانتر فيو الورق الاصلى عربى وصورة من الترجمة الانجليزى لكن مش الاصل



ياسيدي الفاضل ماتنقل نفس الترجمه على الكمبيوتر بتاعك وتطبعها هايبقى اسمها اصل انتهى الموضوع عايز تضيف شرعيه للموضوع اعمل اى ختم عليه اى حرفين انجليزي
for translation
ذا اصول الترجمه موجوده في السفاره ارفق الصور مع شهاداتك وفي المقابله قول لهم الاصول الى عندكم

Read more:
http://www.almatareed.org/vb/showthr...#ixzz1OWDAlO2D


شكرا ايا استاذ سيد على ردك عليا و ربنا يعينك
بس انا خقدم طبعا بعد 14/10 هيبقى فية اختلاف فى التقييم

ان حاولت اعمل ايفاليوشن الملف مكانش بيقبل الا لما ختار مستوى متوسط فرنساوى 5-6 و مستوى متقدم انجليزى 9-12 معنى كدة انى لازم اكتب 6 فرمساوى و 9 انجليزى علشان البوينت تعدى؟؟؟؟؟
انا على فكرة اخترك الاختيار دةUndergraduate diploma of university studies - 3, 4 or 5 years (in Québec, the diploma is obtained after completing 16 to 18 years of full-time education) فى مجال الدراسة علشان البيطرى مش دة صح؟؟؟

و لما اكتب مستوى الانجليزى اكبر من الفرنساوى مش هيعمل مشكلة عندهم؟ و لا يشكوا انى هروح فيدرال بعد كدة؟؟؟؟

و بالنسبة للابليكشن فى الاسم الول اكتب اسمى و اسم العئلة اكتب الرابع فى جواز السفر طيب واسم الاب و الجد مش بيتكتبوا؟؟؟؟

و بالنسبة للمراحل التعليمية اكتب الكلية و الثانوى بس ولا لازم اكتب المرحلة الاعدادية كمان؟؟؟

يا ريت يا استاذ منير ترد عليا انا عارف ان حضرتك مشغول خالص ربنا يعينك



اكتب السادس فى الفرنساوى لان ما دون السادس يعتبر غير متحدث للفرنسية بوجهة نظرهم وبالتالى قد يتم رفضه بسبب اللغة
اكتب فى الانجليزى التاسع او الثامن لان اكيد انت كويس فى الانجليزى بحكم دراستك ومتخافش من انهم يشكوا فى انك هتروح اقليم تانى هو المستشار بيتناقش معاك لو لاقاك واخد الفرنساوى وكيبك جد هيقتنع لو العكس مش هيقتنع وهيرفض وطبعا مش هنقدر نضحك عليهم فى شغلهم
فى خانةnomتكتب الاسم التانى والتالت والرابع
اما فى خانةprenomتكتب اسمك الشخصى
فى المراحل التعليمية تبدأ بالجامعة وبعدين الثانوية العامة ومتذكرش الاعدادى
تحياتى

 

 

 
رد مع اقتباس
قديم 9th June 2011, 05:12 PM دنتستاوي غير متواجد حالياً
  رقم المشاركة : 8
دنتستاوي
Silver Member
 






دنتستاوي is a jewel in the roughدنتستاوي is a jewel in the roughدنتستاوي is a jewel in the rough

دنتستاوي's Flag is: Egypt

افتراضي


حبيبي وأستاذي السيد منير
يارب تفتكرني انت والأستاذ حمودي والأستاذ نصار
عندي استفسار بس أنا قلقان شوية ودا القلق الطبيعي اللي بيشوب مرحلة الفيدرال
ياريت تردوا علي
علشان بس أطمن شوية
ودا استفساري من أحد المطاريد

هل لو السفارة اتصلت بمكان الشغل اللي كنت مقدم من خلاله شهادة الخبرة
وعند الأتصال قالهم المدير اني معرفش الراجل ده ؟
والكلام ده من خلال شهادة خبرة حكومية
يعني أنا كنت في مدرسة حكومية معينة في ادارة وكنت مقدم شهادة الخبرة للفيدرال من خلال هذه المدرسة التابعة لتفس الإدارة التعليمية
وسبحان الله تم نقلي الي أدارة تعليمية جديدة علشان المدرسة تبقي قريبة من بيتي
المهم هل السفارة لو اتصلت بالمدرسة القديمة وأي واحد رد عليهم ومكانش يعرفني وقالهم منعرفش الشخص ده هيبقي ايه الوضع مع ان أوراقي كلها سليمة
وبرده خايف أبعت ليهم شهادة الخبرة الجديدة بالمدرسة الجديدة التابعة للإدارة التعليمية الجديدة علشان ميتأخرش البروسيس والميدكال علماأني ان بروسس من يوم5 فبراير 2009 وفي انتظار الميدكال
هل أبعت شهادة الخبرة الجديدة ولا أستني ممكن ميتصلوش ولا أعمل ايه بالظبط؟؟!!!!!!!
فياريت حبايبي وكل من له الخبرة وخصوصا الأستاذ نصار والأستاذ السيد منير والباشا حمودي يردوا عليا علشان يهدوني شوية
مع تحياتي
مطرود من المطاريد



اولا لا داعى للقلق
ثانيا : مش اى شهادة بيشكوا فيها ويدوروا وراها لانك موظف حكومى ومعين من قبل الحكومة وليك درجة مالية وتامينات وكمان اكيد جواز سفرك وبطاقتك بيهم المهنة مدرس
كل اللى عليك انك تبعت شهادة الخبرة الجديدة ورقمك التامينى بس
ومتقلقش البروسيسنج ماشى بالدور
اما انهم يطلبوا شهادات او لآ بعد كدة دى هتتوقف على وجهة نظر الاوفيسر لو خبرتك وصلت4سنين ممكن يقول خلاص انا مش عايز منه حاجة وميطلبش شهادات
وممكن يبصلها من الناحية الامنية بمعنى ان عندك فرق بين التقديم والميديكال اما يجيلك 7او8شهور فيطلب منك ايضاح بالفترة دى
يبقى خليك فى الامان وابعت الشهادة الجديدة وخلاص ودعمها برقمك التامينى لو مكنتش بعته قبل كدة اما لو كنت بعته يبقى خلاص متقلقش من اى حاجة ابعت الشهادة بس
تحياتى وبالتوفيق



Read more: http://www.almatareed.org/vb/showthr...#ixzz1OWDmMX00


بسم الله الرحمن الرحيم
حد يا جماعة عنده فكرة عن خطة الهجرة لمقاطعة كيبك لعام 2010 ؟



يمكنك مراجعة الرابط التالي المداخله رقم 16 راجع الرابطان احدها لكيفية حساب الدرجات والاخر للدرجات الاضافيه للمهن المفضله
http://www.almatareed.org/vb/showthr...?t=8843&page=2


Read more: http://www.almatareed.org/vb/showthr...#ixzz1OWEi8XYz


عمنا سفارى اخبار معاليك ايه دى عنوايين وتليفونات المركز
المركز الفرنسي للثقافة و التعاون ، 1 شارع مدرسة الحقوق الفرنسية،المنيرة – القاهرة تليفون : 00 58 791 2 (02) - فاكس48 71 795 2 (02)

للاتصال بفرع المركز الفرنسي للثقافة و التعاون بمصر الجديدة
عنوان الفرع 5 ش شفيق الديب ، أرض الجولف ، مصر الجديدة، القاهرة.
ت : 57 38 419 (02) / 24 48 417 (02) فاكس : 43 91 419 (02)
للاتصال بـ
«-فرانسوا برادال» مدير فرع المركز الثقافي بمصر الجديدة
«سهير عزيز» مساعدة إدارية
«جاييل لي بورني» مساعدة الدورات والأنشطة الثقافية
«منى المصري» المسئولة عن المكتبة
الاتصال بالبريد الالكتروني : cfcc@link.net

انما بالنسبه لختبارات الديلف هو فى الشهر دا فامش هتلحق الديلف بيكون فى شهر 5 وشهر11 او12 على ما اتذكر ممكن تتاكد منم بنفسك بالايميل او التليفون وكمان بالنسبه لاختبار التيف
لو عايز كتب لديلف من عنيا دى اهم كتب ل3مستويات الاولى بتاعت الديلف


Read more: http://www.almatareed.org/vb/showthr...#ixzz1OWFOMxM0

ماكنش لها لازمه حسبنا الله نعم الوكيل
مساء الخير إلى الجميع . أريد من حضرتكم تقديم النصح .
أنا شاب أريد التقدم إلى الهجرة إلى كيبك . ولن متردد أريد منكم النصح .
أولأً : أنا متخرج من معهد تابع للأمم المتحدة في سورية ( UNRWA ) معهد متوسط بعد البكلوريا العلمية في سورية والإختصاص : تحكم إلكتروني وتطبيقات الحاسب.المدة سنتان.
العمر : 8/10/1986 . أي 23 سنة .
عضو في اتحاد الكتاب والصحفيين الفلسطينين منذ سنتين وفي عام 2010 سوف أدخل في السنة الثالثة. وأعمل منذ عامين في مجلة لبنانية كعضو في هيئة التحرير الثقافية.فأنا صحفي وأكتب الشعر أيضأ ولكن بدون دراسة وإنما كهواية وأصبحت أستخدمها كمصدر لكسب المال في الأونة الأخيرة لأنني أكتب كأي صحفي آخر.
أعمل منذ عام 2007 في الحكومة كموظف فئة ثانية . حيث نقوم بعمل دورات لتدريب الموظفين على استخدام الحاسب وحتى الآن.
أعمل في مزود خدمة انترنت من عام 2008 وحتى الآن في فريق الدعم الفني .
والآن أكملت دراستي بعد المعهد في الجامعة حيث تم القبول في السنة الثالثة فوراً. وأدرس الآن تكنولوجيا المعلومات IT . وبقي لي مادة واحدة حتى أتخرج في شهر 2 أو 3 السنة القادمة 2010.
الحالة الإجتماعية : أعزب.
اللغة الإنكليزية : كما العربية تماماً. أتكلم الإنكليزية وأكتبها بطلاقة .
اللغة الفرنسية : ببداية عام 2010 سوف أبداً بالمركز الثقافي الفرنسي.

أريد النصيحة منكم هل أتقدم بطلب الهجرة فوراً . وهل الشروط ملائمة ويمكن أن أنجح بسهولة.
خطوة الكليه خطوه جيده ولكن نصيحتي لك الانتظار حتى تنهى دراستك الجامعيه ثم بعد ذلك تقوم بدراسة اللغه الفرنسيه لتنال الدرجات القصوى


Read more: http://www.almatareed.org/vb/showthr...#ixzz1OWFoaSBJ



هل ممكن يتم ارسال scq بدون مقابله علما بانى درجاتى تقريبا 62 بدون القدرة على التكيف و اللغه سواء الفرنسيه او الانجليزية للمقدم الاساسى و التابع
والمؤهل من الوظائف المطلوبة فى اليسته الجديده لكيبيك
ولا لابد من المقابلة
المشكلةفى انه مكتوب فى الموقع الخاص بكبيك ان الوظائف المطلوبه سوف يتم تسريع الاجراءات علشان كده انا خايف ان يكون الجواب ضاع فى البريد
ولو كلمت السفاره المحامى بتاعى قالى ممكن يبعتولك المقابلة خلال شهر وانا لسه مش جاهز



ممكن ان يرسل السي اس كيو بدون مقابله ولكن اعتقد انه من الصعب في حالتك حدوث ذلك ان لم يكن من المستحيل
ولكن اذا ارسلت اثبات للغه مثل الدلف او التيف او ربما ولكن بإحتماليه ضعيفه شهادات المركز الثقافي الفرنسي يجوز اختيارك بدون مقابله


Read more: http://www.almatareed.org/vb/showthr...#ixzz1OWG6VIdF

السلام عليكم
اولا انا بشكر جميع القائمين على المنتدى اللى الواحد عرف عن طريقة معلومات كتييير
ثانيا انا عندى كام سؤال غبى شوية بس انا عارف انكم هتستحملونى
هو الواحد المفروض يقدم على الهجرة الاول ولا المعادلة (طب بيطرى)؟
وهل يتم الحصول على النقاط الخاصة بالمؤهل قبل ام بعد الحصول على المعادلة
انا طالب فى اخر سنة تنصحونى اعمل اية بعد الانتهاء والحصول على البكالريوس ان شاء الله وازاى اقوى موقفى عند الطلب للهجرة ...... جزاكم الله خيرا



طبعا الواحد يقدم على الهجرة لأنو المعادلة حتم هناك بعد السفر ...وبالنسبة لتقوية وقفك .اولا لازم تحدد انت حتقدم كيبك ولا فيدرال ...لو حتقدم كيبك تقوي لغتك الفرنسية ..ولو حتقد فيدرال تقوي لغتك الانكيزية ..ده البداية ..انت حدد ..وكمل بقية اسئلتك حول الخبرة ...وخلافو ..


Read more: http://www.almatareed.org/vb/showthr...#ixzz1OWGHOiok

 

 

 
رد مع اقتباس
قديم 9th June 2011, 05:20 PM دنتستاوي غير متواجد حالياً
  رقم المشاركة : 9
دنتستاوي
Silver Member
 






دنتستاوي is a jewel in the roughدنتستاوي is a jewel in the roughدنتستاوي is a jewel in the rough

دنتستاوي's Flag is: Egypt

افتراضي


شكرا اخى مازن على الاجابة
افهم من كلامك انى ساحصل على النقط الخاصة بالمؤهل دون حصولى على المعادلة سواء كيبك او فيدرال (هل التقدير التراكمى بيفرق يعنى اللى جايب مقبول زى اللى جايب امتياز )ولا كلة زى بعضة
طيب بالنسبة للخبرة هل لازم تكون فى نفس المجال ولا عادى فى اى مجال تانى عشان اخد نقاط الخبرة
بالنسبة لوظيفتى مش موجودة على الليستة بتاع الفيدرال هل دة معناة انة صعب انجح ولا اية والافضل بعد كدة ان شاء الله اقدم كيبك واية مميزات وعيوب التقديم فيدرال او كيبك .... وجزاكم الله خيرا



شوف عزيزي ايمن ...نقط المؤهل طبعا تحصل عليه من غير المعادلة ...وبالنسبة للعلامات ما تفرقش بالنسبة للتقدير ..بس تفرق بالنسبة لنوع الشهادة ...يعني الدكتوراه مثلا تاخد علامة توب ...الماجستير تاخد علامة ...بعتقد كمان توب او قريبة جدا ..وهكذا ...الخبرة يفضل طبعا تكون بنفس المجال ...خاصة لو كان المجال مش ينفع فيه خبرة تانية ..يعني مثلا مش ينفع انو طبيب ..ومعاه خبرة بصناعة مواد غذائية ...أعتقد هما بيقبلو الخبرة ولو كانت بعيدة عن المجال ...(انتبه لكلمة اعتقد ) ...بس اوعى من شهادت الخبرة المضروبة ...وكون وظيفتك مش موجودة على الليستة مش معناها انك مش حتنجح ..معناها انك تبذل مجهود مضاعف بموضوع اللغة ...مميزات التقديم لكيبك (كوني كيبيكاوي ) ان المعاملة تستغرق وقتا اقصر ...مابين تقديم الملف حتى الفيز نقول سنة ونصف ..الفيدرال ...اعتقد اكثر ..كيبك مش ضروري تقدم شهادة تثبت مقدرتك اللغوية ..من خلال المقابلة الممتحن بيحدد مستوى الشخص المتقدم ..بس كيبك لازمها فرنساوي ده اساسي ..والسن الصغير بيلعب دور ..يعني حتى 35 بياخد الواحد اعلى علامة بالسن وبعد كده ببتناقص العلامات ...مميزات التقديم للفيدرال ..السن مش مهم زي كيبك ..العلامة كاملة حتى سن 49 ...بس الانجليزي هو المهم ..ولازم تجيب شهادة ايلتس بمستوى معين عشان تنجح ..ولا يوجد مقابلة ...ده اللي عندي


Read more: http://www.almatareed.org/vb/showthr...#ixzz1OWGNXwYE


سؤالين ع السريع

هل فى وسيله لاعاده فتح ملف بعد غلقه ؟؟ حتى لو الواحد دفع التكاليف مره تانيه او الاستعانه بمحامى
كنت قريت على المحاورات ان اكتر من حد فتحوا ملفاتهم تانى بعد ما كانت اتقفلت بعد غلطات لمحامى او حاجه كده
الى ان يرد عليك احد الزملاء بما يخالف ذلك الملف يغلق ولايفتح الا اذا كنت تتظلم بحدوث شيء في احد اجراءات التعامل معه او تعرضك للظلم في حسابات درجاتك او حدوث تجاوز في المقابله
السؤال التانى ,,
هل من الممكن الوصول لاجتايز الدلف بى 1 بالمذاكره الذاتيه او الاستعانه بمدرس فرنساوى ,, يعنى من غير مركز فرنسى
ولا الموضوع صعب ؟؟

تقريبا المستوى الان يؤهل لاجتياز الدلف اه دوو
في ناس عملوا كده واجتازوا البي ان بالمذاكره الذاتيه ومتابعة القنوت الفرنسيه والمواد على النت المهم النفس
جديا بفكر فى العوده لمصر والتفرغ لدراسه الفرنساوى بالمركز الفرنسى لغايه لما اوصل لاجتياز الدلف بى ان وبعد كده اقدم ملف جديد لو معرفتش افتح القديم تانى

و من وقت التقديم لمعاد المقابله ان شاء الله افضل فى المركز ,, كده ممكن ادخل المقابله وانا فى العاشر مثلا

المشكله ان الريسك عالى لان لو ربنا مكتبش النجاح ,, يبقى خسرت شغلى وصرفت اللى عملته و مهاجرتش برده !!!
فكره جيده وايضا لك حق في التفكير فيما تفكر به من مخاوف بس انا لو مكانك اعمل كده وعلى فكره يعني شد حيلك واوصل للسادس على المقابله برنا كرم وجبت احسن من كده خير وبركه
والخوف من الانتظار ان الموضوع كالعاده يتصعب اكتر واكتر

النصيحه يا كيبكاويه

شكرا



اذا كنت افكر لنفسي وبالتالي انا غير مسئول عن اى عواقب سلبيه او ايجابيه فالقرار لك وانت اعلم باحوالك انا اذا كنت في حالتك واستطيع التحكم في وقت نزولى مصر اقوم بمحاولة المذاكره هناك ومتابعة المركز الثقافي الفرنسي الموجود في الرياض واعتقد ان الإمتحان
يعقد في الخبر
اذا كان يصعب عليك التحكم في اجازتك ومتابعة المركز الثقافي الفرنسي انا لو مكانك اغامر وانزل مصر وياطابت يااتنين عور على فكره في صيادله غير متوجين تم قبولهم هذا المشن بمستوى 3 في الفرنساوي بس برده مافيش مقياس لحاجه



Read more: http://www.almatareed.org/vb/showthr...#ixzz1OWGXaOQT

يا جماعه انا عندى كام سؤال وعاوزكم تستحملونى
1- انا كنت شغال فى الاول كجوال لمدة سنة وصاحب شغل امن على بعدها اشتغلت فى شركة فى مجالى اشتغلت فيها 3 سنين وصاحب شركة امن على سنة واحدة بس من 3
وبعدها روحت شركة تانى شغال فيها من سنة ونصف وروحت اشوف التامينات لقيت اسمى مش ظاهر على كمبيوتر قال ايه شركتنا عليها فلوس ولازم تدفعها
المهم سالت عندى قالولى احنا مامنين عليك وكمان ادى استمارة واحد اننا مدخلينك تامينات
دلوقت انا عاوز اعمل حاجة انا مش عاوز فترة التامينات شغل الكجوال تظهر عندى وكمان هاكتب فى الابليكشن انى كنت بدون عمل لانها امتدت 3 سنين وهى اصلا سنة (عاوز اشيلها عشان هى مش فى مجالى ) وانا مجالى واخد عليه درجات زيادة
ثانيا شركة تانية شهادة الخبرة بتاعتها ب3 سنين فى حين تاميناتها بسنة
ثالثا شركة اللى انا فيها دلوقت تاميناتى مش ظاهرة على كمبيوتر انا فكرت انى اخد استمارة واحد اللى بيقولوا انهم مداخلينى بها تامينات واترجمها وابعتها
ايه رايكم فى كلامى واللى عنده راى كويس يقولى وهل تامينات مهمه فوى لدرجة دى اريد حلا



دى
قبل ما تعمل الابليكشن وقبل ما تجيب شهادات الخبرة
تروح التامينات وتجيب شهادة بيانات بموقفك التامينى
فى الفترات المختلفة
وبعدين تستف شهادات الخبرة بالتنسيق مع التامينات
بالفترات الزمنية
شغل الكاجوال مش عيب انك تظهره مادام متامن عليك
وماتخافش منه ولا تتكسف
استمارة واحد ليست دليلا على استمرار التامينات بمعنى ان صاحب العمل ممكن تانى يوم يروح يشيلك من التامينات
الاثبات الرسمى هو البرينتر اللى بيجى من الكمبيوتر بتاعهم ودة مبيرضوش يدوه لحد فى القطاع الخاص
او شهادة البيانات وشهادة البيانات بيبقى فيها الرقم التامينى للعامل والمنشاة وبداية العمل ومازال مستمر ولا لآ
الخلاصة تظبط موقفك التامينى فى اخر5سنين وتستف الخبرة عليهم بحيث تجمع4سنين خبرة على الاقل
كدة تبقى فى السليم
هتاخد درجات الخبرة كاملة ولو شيكوا وراك يبقى مفيش مشاكل
بس طبعا كدة فترات التامين مش مكفية 4سنين
انت عندك سنة كاجوال مضمونة
وسنة تامين من تلاتة
والموقف فى الشركة الحالية مش واضح
يبقى الوقتى فيه سنتين مضمونين
تحل مشكلة الشركة الحالية الاول وتشوف هل هما فعلا مامنين عليك ولا لآ
ودى هتبان انك تروح تجيب شهادة بيانات او شهادة خبره بس والاخيره دي رسومها في حدود 13 جنيه والاولى اعتقد رسومها ابسط من كده اسمها شهادة بيانات مؤمن عليه بس لازم تكون المنشأه مسدده تكون عارف رقمك التامينى ورقم الشركة مش عارف هات بيانات مؤمن عليه من الكمبيوتر بس يستحسن تروح ببياناتك علشان توفر وقت
فى الحالة دى هتبان لو التامينات اعطتك
شهادة بيانات من غير مشاكل تجيب شهادة خبره
من الشركة بنفس بيانات شهادة بيانات التامينات وتبقى كدة اتحلت بشكل قانونى
مع العلم انك تقدر تجيب شهادة خبره من التأمينات بجميع الاماكن الى انت اشتغلت فيها
والفيدرال كمان ما يضايقكش بعد كدة



Read more: http://www.almatareed.org/vb/showthr...#ixzz1OWH02ng6

برجاء المساعدة انا ارسلت اوراقي و الابليكشن الى سوريا في شهر سبتمبر و لكن لم ارسل بيان الدرجات او شهادة التخرج او شهادات اللغة مع الاوراق للآنها لم تكن جاهزة وقتها و قررت اني ارسلها في استكمال وفي شهر اكتوبر ارسلوا لي الفايل نمبر واليوم وصلني منهم جواب وبيبلغوني اني لازم ابعت الورق المطلوب في خلال شهرين هو الورق كله جاهز بس شهادات الدلف سوف استلمها في شهر فبراير وليس معي شهادات اثبات مستوى في اللغة الانجليزية المشكلة ان انا مش عارف ابعت شهادة التخرج وبيان الدرجات بس ولا لازم ابعت شهادات اللغه كمان وهذا نص من الجوابles candidates ne peuvent satisfaire les exigences a l'examen preliminaire car meme s'ils obtiennent 57 au seuil de passage. le requerant principal n'a aucun point pour sa formation:il n'a fourni aucune preuve documentaire de sa scolarite. le niveau de connaissance linguistique tant en francais qu'en anglais n'est pas documente:aucun test


Read more: http://www.almatareed.org/vb/showthr...#ixzz1OWHIg7W9

ابعت على الاقل شهادات الخبره والتخرج ممكن اللغه يتم تقديمها عند المقابله ولكن لها ميزه اذا قدمتها الوقتي وذلك لاحتمالية اعفائك من المقابله


Read more: http://www.almatareed.org/vb/showthr...#ixzz1OWHMU200

شكرا استاذ Hamoudi على الرد انا عندي استفسار آخر لو سمحت , هما حاسبنلي 0 في التعليم لاني لم ارسل اي شهادات انا بكالوريوس صيدلة هل بعد ما ارسل الشهادات هيحسبولي 12 درجة الخاصة بالتعليم ولا هيحسبولي كام؟ هم لو ضافوا ال12 درجة كاملين انا سوف يكون مجموع درجاتي 69 هل دة كافي على النظام الجديد ولا مش كافي وهل عدم ارسالي لشهادات اللغة الآن بعد ما هما طلبوها ممكن يسبب رفض الملف و آسف على ازعاج حضرتك بكل هذة الاسئلة



إبعت فورا شهادة الجامعة وبيان الدرجات
وشهادات اللغة اول ما تحصل عليها إبعتها بعد كدة المهم تنقذ الملف الاول لان الملف ممكن يترفض لو عدت المهلة بتاع60يوم
لان لازم الملف عشان يتقبل لازم تاخد2فى التعليم من الاول
وطبعا إنت ماأخدش حاجة ولذلك هما بيقولوا حتى لو وصلت للنجاح فى الفحص المبدئى برضة الملف هيترفض عشان الحد الادنى لدرجات التعليم
المهم تبعت فورا شهادة الجامعة وبيان الدرجات
وبعدين لما تاخد الدلف إبقى إبعته


Read more: http://www.almatareed.org/vb/showthr...#ixzz1OWHU4YoP

بالنسبة لتوثيق العقد اعتقد من اى مكتب لوزارة الخارجية و الترجمة بتكون من اي مكتب ترجمة معتمد وتقدر تترجمه فى السعودية لأنه موجود مكاتب ترجمة معتمدة كتير



أخي العزيز تيتو....شكرا للمساعده...بس حسب علمي ان مش كل مكاتب الترجمة معتمده من السفارة الكندية.... وبالنسبه للتوثيق من الخارجية برضه لازم جهه معينه مصرية مفوضه بالتوثيق وخصوصا لعقود الزواج أو أي مستخرج من الشؤون المدنية قبل ما تروح الخارجية للتصديق على صحة التوثيق....
من بعض مداخلات الاخوان والاخوات هنا جزاهم الله كل خير عرفت ان الكلام ده ممكن يتعمل في القاهرة من وزارة العدل بس مش عارف ايه البديل ليها هنا في السعودية في جده أو حتى في الاسكندريه وده اللى عمال أدور عليه.....شكرا جزيلا لمداخلتك اللى بتنم عن استعدادك المشكور للمساعده وياريت أكون أنا بأه اللى فدتك شويه

Read more: http://www.almatareed.org/vb/showthr...#ixzz1OWHjP9Cl

لو هاتهاجر كيبك مش مهم التوثيق واعتقد الفيدرالي ايضا
يكفي ان يكون مترجم فقط بل بعض الزملاء كان يقوم بالترجمه بنفسه
بخصوص الفيدرال برده اتقبل بالشكل ده مع ان الكلام الرسمي الموجود في الويب سايت بتاع الحكومه الكنديه ان يكون مترجما وموثق من وزارة العدل في لاظوغلي
بخصوص التوثيق عموما من الخارجيه في مصر يجب ان توثق من الجهه التابعه لها الجهه المصدره للورقه او المستند المراد توثيقه اى ان اذا قمت بإستخراج شهادة الكليه يجب ان تكون موثقه من الامين العام للجامعه
شهادة من معهد عالي يجب ان توثق من وزارة التعليم العالي
ميزانيه يجب ان توثق من نقابة التجاريين الام في القاهره
ورق صادر من الشهر العقاري يجب ان يصدق عليها اولا من الامين العام للشهر العقاري وهكذا.... وبناء على ماسبق وبعد ان توثقها من الجهه الام التابع لها المستند المراد توثيقه تقوم بتوثيقها من الخارجيه ثم تستطيع ان توثقها من اى سفاره داخل جمهورية مصر العربيه في خلال سنه من تاريخ تصديق الخارجيه عليها وبناء على ماسبق تصبح موثقه ومعتمده او على الاقل مقبوله من البلد التابعه له السفاره


Read more: http://www.almatareed.org/vb/showthr...#ixzz1OWHqR52d


[SIZE=×4]يا جماعة بليييييييييييز لو حد يقدر يفدني انا بعت الملف لهجرة كيبك من شهر لسه ما ردوش عليا.
[SIZE=×4]انا صيدلانية 39 سنه وزوجي صيدلي 41 سنة وعندي طفلانز وليا اخت هاجرت كندا من شهر.

[SIZE=×4]هل في امل من قبولي ولا السن ده الموضوع مستحيل .ارجوكم افيدوني ......علي فكرة اناmain applicant ارجوكم حد يرد عليااااااااااااااااااااااااااااااااا[/SIZE]
اقتباس:


هو فى الاول و فى الاخر موضوع نقط
اللى نقطه معديه بيتقبل
يمكن هما بيفضلوا السن الصغير ,, بس هو اللى بيعمل المقابله فى ايده 6 نقط ودرجات اللغه ,,
ولو فى شهادات للغه بتجبره يحط الدرجات دى
زى الدلف والايلتس
[/SIZE]

شيرى
على حسب معلوماتى البسيطة ان وجود اخ او اخت ليكى يضيف نقط ليكى و كذلك لو عادلتى شهادتك و اختك جابتلك عقد عمل برضو الدنيا هاتفرق فى النقط




بالنسبه للاجابه على هذا السؤال وجود الاخ في كندا يفيد في حساب النقاط ولكن مهنة الصيدله غير مطلوبه فيدراليا
ولكنها مطلوبه كيبكاويا ففي حالة وجود الاخ في كيبك فوجوده سيساعد ولكن وجوده في المنطقه الانجليزيه لن يساعد على الاقل في الفتره الحاليه الى ان تظهر قائمه جديده مع العلم ان السن يعد مقبول في كندا الفيدراليه ولكن بالنسبه لكيبك سيتم خصم بعض الدرجات نظرا لان السن كبير نسبيا
لو الزوجة تخصصها فى ادارة الفنادق او خبرتها فى المجال دة يكون الافضل التقديم باسمها
لان دة افضل من الارشاد السياحى حيث متطلبات الارشاد السياحى اصعب لغات كثيرة وخبرة بتاريخ البلد يعنى صعبه شوية
وعلى كل سواء الزوج او الزوجة الدراسات السياحية فى الجزء الاخير من جدول المهن يعنى لا درجات زيادة
بس دة ما يمنعش انهم ميتقنوا اللغة ويقدموا
وممكن ربنا يكرمهم يعنى لو فيش بدائل فورية للسفر يتوكلو على الله ويقدموا ويذاكروا فرنساوى

وكل شئ قسمة ونصيب فى الاول وفى الاخر


Read more: http://www.almatareed.org/vb/showthr...#ixzz1OWIHpnfS
[/SIZE]

 

 

 
رد مع اقتباس
قديم 9th June 2011, 05:25 PM دنتستاوي غير متواجد حالياً
  رقم المشاركة : 10
دنتستاوي
Silver Member
 






دنتستاوي is a jewel in the roughدنتستاوي is a jewel in the roughدنتستاوي is a jewel in the rough

دنتستاوي's Flag is: Egypt

افتراضي


[COLOR="rgb(255, 0, 255)"]
طيب لى سؤال اخر لو الزوج ارشاد و الزوجة دراسات سياحية و مش فنادق او ارشاد - فما العمل مع العلم انها لا تعمل ؟؟؟؟؟؟
طالما الزوج هو اللى بيشتغل يبقى طبعا يقدم باسمة
لان خبرتة عليها 8درجات لو اربع سنين
سؤال اخر انا سمعت ان لو ليهم حد جابلهم عقد عمل بيسهل الموضوع صح الكلام ده ؟؟
عقد العمل بيعطى درجات زيادة بس اعتقد الموضوع دة صعب جدا
وعموما عقد العمل بيعطى
6درجات لو كان فى منطقة مونتريال
وبيعطى10درجات لو فى مكان تانى زى كيبك او سان لوران او منطقة غير مونتريال
اكيد طبعا عقد العمل بيسهل كتير جدا وبيسرع كمان معالجة الطلب بس هل فعلا هموا عندهم اللى يقدر يبجيب عقد عمل موثق ليهم؟؟؟؟؟ اشك في ذلك ولنا في موضوع الزميل ناصف عبره والخاص بعقود الفنادق في مونتريال وايضا الشركات التي كانت تعلن عن وجود عقود عمل في كندا في الاهرام والتى لم نعد نرى اى منهم الان
سؤال تالت (معهلش اعذرنى و تحملنى) سمعنا ان الفيدرال بس مشكلته الفلوس يعنى او عندهم حساب بمية الف مصرى يبقى سهل النجاح - ياترى صح الكلام ده ؟؟
الفيدرال فيه3 مشاكل
ان يكون وظيفتك فى الليستة
بتاع وظائف الفيدرال
ان يكون معاك رصيد فى البنك
انك تجيب اسكور يكمل درجاتك فى الايلتس
اخر حاجة عاوزة اقولها مش عارفه احساسى من ردك انك مش متفاؤول من موقفهم صح يا ترى و لا انا غلطانة ؟؟؟
[/COLOR][COLOR="rgb(255, 0, 255)"]
الموضوع مش تفاؤل او تشاؤم
الحكاية كلها مبنية على توقعات
هموا وظائفهم ليست فى ليستة الوظائف المطلوبة بشدة فى كيبك
يبقى كدة كارت ليس موجود يتبقى الكارت الاخر وهو
اتقان اللغة بشكل كبير ومحاولة اثبات ذلك بشهادات
واخيرا لاشئ فى الهجرة مضمون
خاصة هجرة كيبك لانها بتعتمد على تقييم شخصى من المستشار وهو سيد القرار فقط
اما الفيدرال
لو تخصص مطلوب فى الليستة+ورق سليم+ايلتس باسكور عالى=فيزا غصب عن استيفن هاربر نفسه
تقبلي تحياتي
[/COLOR]

يا جماعه كل اللى هيبعت ورقة فى 2010 يقول عشان نتابع مع بعض ربنا يخليكم انا هقولكم على الورق وانتوا تقولى ايه اللى ناقص اتفقنا يالا نبداء

1- شهادة التخرج الموقت + بيان الدرجات
2- شهادة الجيش مترجمة وهبعت منها صورة وعليها ختم طبق الاصل
3- شهادة الخبرة مختومة وعليها للوجو شركة وامظاء المدير (دى شركتى القديمة) + شهادة من الاتش ار فى شركة انى بشتغل عندهم حتى تاريخ واللوجو بتاع الشركة والعنوان وكارت المدير
4- شهادة الميلاد مترجمة من لاظوغلى (كان يوم صعب روحت هناك اخدت دور برد محترم وقالولى دا اشتباه فى انفلونزا خنزير بس الحمد لله جات سليمة)
5-شهادة من النقابة تثبت انى انا متسجل فيها وهتترجم وهبعت صورة من الترجمة
6- شهادة من تامينات ا(نا عملتها متامن على من سنة كذا حتى الان وكتبت الشركات اللى انا اشتغلت فيها ومحددتش كل شركة كام سنة ومكتوب المسمى الوظيفى وخلاص ) طلعو عينى عشان يطلعوها 3 شهور وحياتكم
7-ترجمة البطاقة شخصية وفيها المسمى الوظيفى
8- ترجمة كارنية النقابة
9- شهادة كورسات بقا وشوية شهادت تدريب من شغل تحبيشة يعنى
10- شهادة من البنك انى انا راجل غنى ( لسه هاعملها لما استلف الفلوس :big_b هههههههه بس اقوله عاوز شهادة حساب ولا اقولهم ايه )
11-قيد عائلى
12-باعت كمان شهادة لغة فرنسية بس مش من سنتر بتاع النبى دانيال انا عارف انه مش معترف بيها بس انا فعلا كنت دراستها سنة اللى فاتت ايه رايكم ابعتها ولا اخليها هى بالمستوى السادس . وان شاء الله اول شهر هروح امتحن فى سنتر واشوف انا المستوى الكام بعد المذاكرة : لو حد عنده نصيحة يقول فاهمين
13- الباسبور دا بقا هغيره عشان اكتب مهنتى لان مكتوب فيه حاصل على لانى انا سمعت انى فى مطار سوريا بيمسكوا الناس اللى زاى مهنتى ويعلقوهم فى المطار معاى واحد صاحبى حجزوه 22 ساعه فى مطار . وانتوا مترضوش ليا البهدلة . ثانيا الباسبور فيه فيزا مهمه وانا عاوز اصورها وابعتها. مش عارف هيعملوا تعديل الوظيفى فى الباسبور القديم ولا هيعملولى واحد جديد انا مش عارف صراحة ايه الافضل بس متنسوش الباسبور القديم فيه فيزا مهمه وكمان صورة الباسبور حلوة وانا مصدقت ليا صورة حلوة
دا كل الورق اللى هقدمه شوفوا انتوا بقا لو فيه ورق ناقص هقدمه تانى قبل ما ابعت تكسبوا فيا ثواب



Read more: http://www.almatareed.org/vb/showthr...#ixzz1OWIlZily

عندى استفسار من فضلك
انا اصلا خريجة مدرسة فرنساوى ومعى بكالوريوس تجارة وزوجى مدرس ومعة مجستير من انجلترا.
المشكلة اولا انى اعمل بخدمة العملاء منذ 8 سنين لكن ابى عندة شركة صغيرة وممكن اخد منه جواب باى وظيفة لكن طبعا الشركات اللى كنت بشتغل فيها كانت مأمنة علي
فهل ممكن اقدم بالطريقة دى؟ علما بان زوجى ضعيف بالفرنسية وكمان بنتى كان عندها سرطان بالمخ وهى الان عمياء وعنها سنتان. عندنا كمان طفل عندة 9 شهور.
ارجو المساعدة لان زوجى عمرة 39 عام ولذلك يجب ان نقدم بسرعة. شكرا.



الحل المبدئي قبل التفكير فى اى شئ هو التوجة الى طبيب امين من الاطباء اللذين يتعاملون مع السفارة وشرح الموقف له وبعد ذلك يتم
التفكير فى التقديم عشان الميديكال فى نهاية المطاف لة دور حيوى ايضا
حيث انه يمكن ان يتم الرفض من قبل الفيدرال لان الاعاقة قد تسبب الرفض لانها ستسبب بتكاليف زائدة على الحكومة
المهم زيارة الطبيب اولا ثم بعد ذلك الباقى سهل ان شاء الله


Read more: http://www.almatareed.org/vb/showthr...#ixzz1OWIxc1lI


مرحبا ممكن اعرف اين اجد نموذج الهجرة الى كيبك الخاص فئة رجال الاعمال وذلك في موقع الهجرة ارجو من يعرف ان يعطيني الرابط وكذاك اريد ان اعرف ما هي اول خطوة اقوم بها حيث انوي الهجرة الى كيبك وانا اعيش في الكويت ولدي مبلغ 100 الف دولار , ارجو منكم التوضيح لي وشكرا



ده رابط لكل الفورمز

http://www.immigration-quebec.gouv.q...ple/index.html

بس لازم تراجع الصفحة دي قبل ما تقدم بالشكل ده

http://www.cic.gc.ca/english/immigra.../apply-who.asp


Read more: http://www.almatareed.org/vb/showthr...#ixzz1OWK63NaM

بسم الله الرحمن الرحيم
الاخوه الافاضل لكم منى كل تحيه واحترام..سدد الله خطاكم..وبارك لكم فى وقتم ومجهودكم
لى استفسار فارجو منكم ان توجهونى عسى ان يغير الله حالنا من حال الى احسن حال
....
انا بكالوريوس طب وجراحه..وسنى كبير نظرا لانى مررت بفترات تعثر طويله فى الكليه نتيجه ظروف تاره ونتيجه اهمال تاره..عشان كدا انا لسسه ان شاء هابتدى امتياز فى شهر 9 سنه 2010..يعنى بعد 9 شهور وهايكون سنى 31 سنه و 6شهور ...هاخلص الامتياز هايكون سنى 32سنه و 6 شهور
كدا هاعمل كممارس عام ...مناول الصفر ومافيش سنين خبره
بس فى الفرنسى انا ان شاء الله ممكن اجيب سكور كويس
طبعا الوضع فى البلد حدث ولا حرج..والواحد نتيجه التعثرات مليىء بالاحباطات..وانا بحلم بحياه جديده فى مكان جديد...يمكن يكون فيه مستقبل احسن
عشان كدا فكرت فى موضوع كويباك
بس انا مش عارف ظروفى ووضعى ده..وسنى ...مع عدم وجود خبره طويله فى مجال عملى ممكن يأهلنى لموضوع الهجره
والا انا خلاص القطار فاتنى......والعمليه اضربت من كلله
انا بس مش عارف خايف امشى فى الاتجاه ده ويكون الامل ضعيف جدا ..وساعتها هاتزيد خسايرى
الله اعلم الخير فين
بس ارجو النصيحه لوجه الله
دمتم فى رعايه الله



والله يا دكتور هانى الوضع مش سئ ولا حاجة بس فعلا يجب اولا ان تحصل على حد ادنى من الخبرة ولتكن سنة على الاقل كى تستطيع التقديم
ممكن حضرتك تبدأ دراسة الفرنسية بجدية وتحصل على شهادات معتمدة من المركز الثقافى الفرنسى خلال سنة العمل وبعدين تقدم
كدة فرق درجات الخبرة يمكن تعويضه باللغة بس لازم تبقى ممارسة جيدة للغة مدعمة بشهادات تقوى موقفك وبالنسبة للسن مش متخر ولا حاجة انت معاك رنج 4سنين تتحرك فيهم
بالتوفيق ان شاء الله


Read more: http://www.almatareed.org/vb/showthr...#ixzz1OWKJMtYR


لو سمحت يا سيد منير هو لازم التامينات الاجتماعية علشان يعترفوا بالخبرة
انا قدمت لكيبك و مبعتش ورقة التامينات علشان مش متامن عليا الا من فترة بسيطة حوالى كام شهر و خبرتى 5 سنين كمان كان متامن عيا كام شهر تانين فى محل تبع ابن عمتى غير الصيدلية اللى انا شغال فيها
علشان كدة شهادة التامينات لو طلعطها هتبقى ملخبطة
اية الحل
؟؟؟
بس هما بعتولى جواب الفايل نمبر و مطلبوش منى شهادة التامينات هل ممكن يطلبوها بعد كدة ؟؟
ولو طلبوها و مش عوز ابعتها هل ممكن يبقى ليها بديل
زى رخصة الصيدلية اللى شغال فيها ؟ او كعب العمل؟ او شهادة خبرة موثقة من الشهر العقارى؟؟
يا ريت حد يرد عليا



اهم حاجة وقت المقابلة اثبات الخبرة بمعنى ان موظف الهجرة بيطلب شهادة التامينات اذا شك فى خبرتك ولو حس بصدقك فى الكلام مش لازم يطلبها
ولكن هى مهمة جدا لانها لا تعطى ذرة شك فى الخبرة حيث تثبت وجود وشرعية المكان الذى تعمل به من خلال رقم التامينى للمنشأه (الشركة- المصنع- الصيدلية-....) وكذلك تثبت دون ادنى شك انك تعمل بهذه المنشأة من خلال رقمك التامينى الملحق عليها
حاول تجيب جواب او شهادة بيانات بفتراتك التامينية وان سالك ليه الفترات مش مغطية كل الخبرة هتقول بمنتهى الصراحة ان دة نظام القطاع الخاص فى مصر
هناك بدائل قد يسمح بها الموظف مثل درافت لمفردات المرتب ومختوم بختم الشركة او شيك باسمك من الشركة يعنى اى اثبات رسمى او مالى انك تعمل بهذا المكان
بالنسبة لرخصة الصيدلية لاتعتبر دليل انك تعمل بها الا اذا كانت هذه الصيدلية ملكك او مأجرها وفى الحالة دى هتكون الرخصة طبعا باسمك وهنا تبقى دليل على عملك بها
فى المقابلة خد معاك كارنية النقابة وترخيص مزاولة المهنة بجانب شهادات الخبرة لتدعيم موقفك
تحياتى وبالتوفيق



Read more: http://www.almatareed.org/vb/showthr...#ixzz1OWMKJVDd

يا جماعة و اللى عايش فى الخليج يعمل ايه بالنسبة للتأمينات اذا كان مفيش تأمينات للوافدين
هل شهادة الخبرة ستكون كافية



الخبرة فى الدول العربية سهلة جدا لكن يتوجب عليك تقديم صورة التاشيرة التى سافرت بها وذلك لاثبات اقامتك بهذه الدولة ثم تقديم شهادة الخبرة وترخيص مزاولة المهنة(ان وجد) وصورة من عقد العمل بس كدة
تحياتى


Read more: http://www.almatareed.org/vb/showthr...#ixzz1OWMROULu

ألف شكر السيد منير على معلوماتك القيمة جداً ..

لي استفسار عن شهادة الخبرة

هل شهادة الخبرة من الجهات الحكومية بتحتاج لشهادة تأمينات كمان ؟

يعني مثلاً شهادة خبرة من إحدى الإدارات الزراعية لمدة خمسة سنوات مختومة بخاتم النسر .. هل لابد من استخراج شهادة تامينات واللا بتمشي كده ؟

كمان ياريت لو في نموذج لشهادة الخبرة من حيث الصياغة والتوقيعات تقدر تكتبها .. يبقى كتر خيرك ؟

ألف شكر على جهودك وحبك لمساعدة الجميع




يا سعادة الباشا هموا هيعطوك شهادة الخبرة بمعرفتهم متحاولش تجيب شهادة مختلفة
انت بس ممكن تطلب بشكل ودى لو يقدروا يكتبوا فيها المهام الوظيفية بتاعتك والمرتب وعدد ساعات العمل اسبوعيا (ودة طبعا مش هيحصل نظرا للروتين المصرى ) يبقى خد منهم الشهادة زى ما هى اهم حاجة التوقيعات والاختام ومعروف ان شهادات الحكومة مفيش فيها مشاكل نظرا لكثرة التوقيعات عليها واختام النسر
بالنسبة للتامينات مفيش فيها اى مشكلة حضرتك موظف حكومى يعنى متامن عليك من الحكومة هتروح هيئة التامينات والمعاشات التابع لها شغلك ومعاك صورة من شهادة الميلاد الكمبيوتر وتقول للموظف انا عايز رقمى التامينى مختوم هياخد منك صورة شهادة الميلاد ويضرب على الكمبيوتر وهيعطيك ورقة صغيرة برقمك التامينى وتقوله عايز اختمها هيقولك روح للموظف المختص اللى معاة الختم وهيختمها وتترجمها وترفقها مع ورقك كدة يبقى ارتحت من الخبرة حتى فى الفيدرال خلصت الحكاية بدرافت التامينات الصغير دى
تحياتى وبالتوفيق


Read more: http://www.almatareed.org/vb/showthr...#ixzz1OWNgV9q0

حمدالله على سلامتك يا استاذ سيد نورت المنتدى و شكرا على ردك
المشكلة غى شهادة التامينات انى متامن عليا فى الصيدلية 6 شهور بس و خبرتى اكبر من 5 سنين
كمان اثناء فترة عملى فى الصيدلية كان متامن عليا فى مكان تانى لمدة كام شهر و الكلام دة مش كاتبة فى الابليكشن ممكن اطبع شهادة بالفترة الاخيرة بتاعت الصيدليةاللى هى 6 شهور بس و اروح بيها فى الانترفيو؟

بس انا خايف لو نجحت و قدمت الشهادة دى فى الفيدرال ممكن يسالو فى التامينات يلاقوا انى كان متامن عليا فى مكان تانى اثناء عملى فى الصيدلية و يرفضونى

فممكن اقدم الشهادة دى فى الانترفيةو وماقدمهاش فى الفيدرال لو نجحت؟

ولا لو قدمتها فى الانترفيو لازم اقدمها فى الفيدرال؟؟

كمان ممكن فىالانترفيو و الفيدرال لو فى كعب عمل مثبت فية مدة الخبرة كلها او شهادة خبرة موثقة فى الشهر العقارى تحل محل شهادة التامينات؟؟؟

كمان انا بيطرى و شعال فى صيدلية يعنى ماعتقدش ان كارنية ممارسة المهنة و كارنية النقابة هيثبت الخبرة؟ ولا انا لازم برضة اقدمهم؟؟

و شكرا طولت عليك





خلاص طلع شهادة التامينات بتاع شغل الصيدلة اللى مدتها6شهور كاثبات للخبرة الحالية وممكن ربنا يكرم والمستشار ميسألش عليها ولو اصر على التامينات قدمها وربنا يكرمك ويمشيها (احسن ما يعطيك انذار بالرفض لاقدر الله اما تخلص نفسك وانت قاعد احسن ما ترجع تبعت ويقعدوا يفلوا فى الورق تانى) وتدخل فى دوامة الانتظار
بالنسبة للفيدرال انت هتحسب حسبة تانية انت هتتبع مسار حياتك من سن18سنة الى الان
بالنسبة للخبرات فى الفيدرال ستف شهادتك حسب التامينات وكدة تبقى ماشى صح ومبتكدبش ومش مخالف للواقع لو دوروا وراك
تحياتى وبالتوفيق



Read more: http://www.almatareed.org/vb/showthr...#ixzz1OWNm8u4G

 

 

 
رد مع اقتباس
إضافة رد

مواقع النشر (المفضلة)

الكلمات الدلالية (Tags)
الخطوات العمليةللهجرة لكندا, الهجرة لكندا, الهجرة الى كيبك, الهجرة الى كندا, كندا

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أي سؤال في الخطوات العمليه للهجره لكيبك؟ السيد منير الهجرة إلى كندا 6058 اليوم 12:00 PM
توبيك المقابلات لكيبيك مختصر و منقح المتنبي دليلك إلى الهجرة لكندا 337 3rd June 2014 11:03 PM
مختصر كورسات تهم المهاجر الى كندا دنتستاوي دليلك إلى الهجرة لكندا 44 19th December 2013 10:57 AM
تكنولوجيا المستقبل الحياه العمليه Bassam الموبايل والإتصالات وتكنولوجيا المعلومات 2 15th March 2011 09:53 PM
العمليه رقم 7--- مـصـــيده رئيس الموساد في القاهره د. يحي الشاعر المخابرات والتجسس والجاسوسية 0 9th September 2008 07:45 PM



IP

Almatareed Visitor Counter

Protected by Copyscape Duplicate Content Tool


Powered by vBulletin® Version 3.8.4
Copyright ©2000 - 2014, Jelsoft Enterprises Ltd.
(جميع الأراء والمواضيع المنشورة تعبِّر عن رأي صاحبها وليس بالضرورة عن رأي إدارة منتديات المطاريد)

منتديات المطاريد   Follow us on Google   لشراء مساحة إعلانية بالمطاريد  

تنبيه هام

 يمنع منعاً باتاً نشر أى موضوعات أو مشاركات على صفحات منتديات المطاريد تحتوى على إنتهاك لحقوق الملكية الفكرية للآخرين أو نشر برامج محمية بحكم القانون ونرجو من الجميع التواصل مع إدارة المنتدى للتبليغ عن تلك الموضوعات والمشاركات إن وجدت من خلال البريد الالكترونى التالى almatareedorg@gmail.com وسوف يتم حذف الموضوعات والمشاركات المخالفة تباعاً.

  كذلك تحذر إدارة المنتدى من أى تعاقدات مالية أو تجارية تتم بين الأعضاء وتخلى مسؤوليتها بالكامل من أى عواقب قد تنجم عنها وتنبه إلى عدم جواز نشر أى مواد تتضمن إعلانات تجارية أو الترويج لمواقع عربية أو أجنبية بدون الحصول على إذن مسبق من إدارة المنتدى كما ورد بقواعد المشاركة.

 إن مشرفي وإداريي منتديات المطاريد بالرغم من محاولتهم المستمرة منع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات وإن وجدت اى مخالفات يُرجى التواصل مع ادارة الموقع لإتخاذ اللازم إما بالتبليغ عن مشاركة مخالفة أو بالتراسل مع الإدارة عن طريق البريد الالكترونى التالى webmaster@almatareed.org