بزنس عبايات خليجي في مصر

[toota]

عايزة اشوركم...صاحبتي في الامارات بتعرض عليا اني اعمل معاها بزنس عبايات خليجية راقية....هي تبعتلي وانا اسوق هنا...وطبعا بما اني مش بحتك بناس كتير...فأنا محتاجة افهم اكتر عن السوق ده...لاني مش بلبس العبايات دي من سنين طويلة....والموضه في مصر مش حلوة وشكلها غالي بدون ذوق.... والحلو منها بيبقى بالاف الجنيهات....


عايزه اعرف اسوق فين......هل المحلات الواحد يسوق لها افضل....او عمل يوم مفتوح مثلا..؟؟








ده الي لقيته على النت....والعبايات الي بتكلم عليها احلى من دول بكتير....

والعبايه الشيك اوي ....تتباع بكام في مصر...




حد عنده فكرة؟.

 

[O.S.A.M.A]

توتا العزيزة أنا ممكن أحولك على أم يوسف عملت الموضوع ده كذا سنة
بس المشكلة أن العبايات الخليجية الجامدة هاتبقى غالية جداً فى مصر بس ممكن أسألهالك

 

 

[toota]

اقتباس المشاركة الأصلية كتبت بواسطة Abu Youssef توتا العزيزة أنا ممكن أحولك على أم يوسف عملت الموضوع ده كذا سنة بس المشكلة أن العبايات الخليجية الجامدة هاتبقى غالية جداً فى مصر بس ممكن أسألهالك

ياريت يا ابو يوسف...يبقى كتر خيرك والله حابه اعرف عن الموضوع ده لانه اتعرض عليا كتير من ناس في مصر...بس انا مش في بالي ابدا....لاني مش بقدر اسافر كتير ولما صاحبتي الانتيخ عرضته عليا وهي هناك...قلت فرصه اجرب

 

 

[بندق]

أنا بأصمم نظام محاسبى ونظام كمبيوتر لمصنع عبايات هذه الأيام .. الميزة انه بينتج بالطلب كل عباية مختلفة عن الأخرى .. المصنع كبير له 15 معرض فى انحاء المملكة ..


انا على التوريد

 

 

[toota]

اقتباس المشاركة الأصلية كتبت بواسطة بندق أنا بأصمم نظام محاسبى ونظام كمبيوتر لمصنع عبايات هذه الأيام .. الميزة انه بينتج بالطلب كل عباية مختلفة عن الأخرى .. المصنع كبير له 15 معرض فى انحاء المملكة .. انا على التوريد

حلو....نتوسع في الشغل وماله....بس اعرف الاول الشغل ده حيتعمل ازاي

 

 

[O.S.A.M.A]

بصى يا توتا إليكى آخر الأنباء

سألت أم يوسف على المواضيع

انا بقى اللى باسألك انتى هاتفتحى محل للموضوع ده ولا هاتبتدى بالمعارف والقرايب والحاجات دى

لأنى طبعاً عرفت منها الآتى

أن سوق العبايات اللى بيكسب هو للزباين اللى بيكونوا يعنى متوسطى الحال لأن العبايات اللى تمشي معاهم بتكون أصلاً رخيصة ودى بصراحة شوفتها أنا بعينى بس الكلام ده كان من زمان
لكن العبايات المتوسطة والغالية بتكون غالية جداً
معلومة على الماشي كان فيه هنا عباية بحوالى 10000 "فقط عشرة ألاف ريال قطرى" كانت فيه واحدة عايزاها فى مصر بس ماكانتش هى أصلاً مصرية وطبعاً عارفه 10000 ريال يعنى حوالى 15000 جنيه مصري فقط لا غير "تمن عربية مكحرتة فى مصر "
المهم سوق العبايات اللى بيكون جايب همه كويس العبايات الرخيصة مش الغالية عشان هيا أصلاً بره أرخص من تمنها فى مصر لو أتعملت فى مصر
وطبعاً لو هاتعملى محل تسوقى منه لازم تختارى المكان
وباى زا واى مراتى كان ليها معارف عندهم محلات كبيرة فى كرداسة وهيا كانت بتعتمد عليهم فى العبايات الغالية

وبصراحة هيا كانت متحمسة لكام سنة وبقالها دلوقت مبطلة الموضوع ده من سنتين تقريباً يعنى بس لو حد تعرفه طلب منها
ممكن تبقى تجيبله

 

 

[toota]

اقتباس المشاركة الأصلية كتبت بواسطة Abu Youssef بصى يا توتا إليكى آخر الأنباء سألت أم يوسف على المواضيع انا بقى اللى باسألك انتى هاتفتحى محل للموضوع ده ولا هاتبتدى بالمعارف والقرايب والحاجات دى لأنى طبعاً عرفت منها الآتى أن سوق العبايات اللى بيكسب هو للزباين اللى بيكونوا يعنى متوسطى الحال لأن العبايات اللى تمشي معاهم بتكون أصلاً رخيصة ودى بصراحة شوفتها أنا بعينى بس الكلام ده كان من زمان لكن العبايات المتوسطة والغالية بتكون غالية جداً معلومة على الماشي كان فيه هنا عباية بحوالى 10000 "فقط عشرة ألاف ريال قطرى" كانت فيه واحدة عايزاها فى مصر بس ماكانتش هى أصلاً مصرية وطبعاً عارفه 10000 ريال يعنى حوالى 15000 جنيه مصري فقط لا غير "تمن عربية مكحرتة فى مصر " المهم سوق العبايات اللى بيكون جايب همه كويس العبايات الرخيصة مش الغالية عشان هيا أصلاً بره أرخص من تمنها فى مصر لو أتعملت فى مصر وطبعاً لو هاتعملى محل تسوقى منه لازم تختارى المكان وباى زا واى مراتى كان ليها معارف عندهم محلات كبيرة فى كرداسة وهيا كانت بتعتمد عليهم فى العبايات الغالية وبصراحة هيا كانت متحمسة لكام سنة وبقالها دلوقت مبطلة الموضوع ده من سنتين تقريباً يعنى بس لو حد تعرفه طلب منها ممكن تبقى تجيبله

كتير خيرك يا بو يوسف على المعلومات القيمة دي....بس القصد اني حجيب عبايات خليجيه سودا عليها خرز وفصوص مع طرحتها .... من الامارات ابيعها في مصر..بسعر ارخص من المتواجد هنا...وحتكون اشيك واحدث الموديلات ...ومش حفتح محل طبعا لاني مش حبقى متفرغه....وحبقى محتاجه معارف وصديقات للتسويق.......وطبعا عمرها ما حتوصل للارقام الفلكية دي...الا لو البلية لعبت بقى

 

 

[O.S.A.M.A]

اقتباس المشاركة الأصلية كتبت بواسطة toota كتير خيرك يا بو يوسف على المعلومات القيمة دي....بس القصد اني حجيب عبايات خليجيه سودا عليها خرز وفصوص مع طرحتها .... من الامارات ابيعها في مصر..بسعر ارخص من المتواجد هنا...وحتكون اشيك واحدث الموديلات ...ومش حفتح محل طبعا لاني مش حبقى متفرغه....وحبقى محتاجه معارف وصديقات للتسويق.......وطبعا عمرها ما حتوصل للارقام الفلكية دي...الا لو البلية لعبت بقى

كده صح يا توتا عشان تجيبى حاجة متباعة على طول وممكن تجيبي كام واحدة كده من الغالين تجرى رجل يعنى

بالتوفيق يا توتا

 

 

[بنت شعنونة]

اقتباس المهم سوق العبايات اللى بيكون جايب همه كويس العبايات الرخيصة مش الغالية عشان هيا أصلاً بره أرخص من تمنها فى مصر لو أتعملت فى مصر

كلام مظبوط
رودا العبايات دي هما اخليجيات فقط
والطبقة الغنية في مصر ما بتلبسهاش تقريبا
زي كدا موضوع العبايات السوري
انما متوسطي الدخل هما اللي بيحبوا العبايات والترتر و البربرق

لو ها تجيبي عبايات كاجوال وشكلها يدي على مش عباية ممكن تمشي مع المحجبات

 

 

[toota]

اقتباس المشاركة الأصلية كتبت بواسطة بنت شعنونة كلام مظبوط رودا العبايات دي هما اخليجيات فقط والطبقة الغنية في مصر ما بتلبسهاش تقريبا زي كدا موضوع العبايات السوري انما متوسطي الدخل هما اللي بيحبوا العبايات والترتر و البربرق لو ها تجيبي عبايات كاجوال وشكلها يدي على مش عباية ممكن تمشي مع المحجبات

العبايات دي بتتلبس كتير في مصر دلوقتي وبحس فعلا انها من المتوسطي الدخل وكمان محدثي النعمة....خصوصا بيحبوا يقلدوا الخليجيين وعارفين انها مميزة عن الموجود في مصر....بس التسويق مش عارفه لسه حبتديه ازاي