هل من نصائح، أخوكم محتار

[Saidd]

الصحف المصرية والعربية

السلام عليكم اعزائي المطاريد

انا اخوكم من المغرب 28 سنة هاجرت الى فرنسا قضيت فيها وقت قصير 10 اشهر ثم انتقلت الى المانيا و انا الان هنا منذ سنة
قبل ان اغادر المغرب كنت قد ارسلت ملف للهجرة لكندا (هجرة الكيبك) والان تحصلت على التأشيرة
انا الان حائر ما بين واقع المانيا و اوربا و حلم كان يراودني للهجرة لكندا
هل ابقى هنا قريبا من المغرب (60 دولار يمكنني ان استقل بها حافلة او طائرة و ازور بلدي) او الهجره والمغامره للوطن الجديد، مع العلم اني اتقن الالمانيه و الفرنسيه و الانجليزيه يعني اللغة ليست مشكل.

المرجو يا اخوان لا تبخلو بآرائكم او تجاربكم و نصائحكم

شكرا مسبقا

 

[khaled_sabry]

انتا فى نعمه ياعم
و علشان تفهم اللى بقوله تعالى مصر لمده شهر بس

 

 

[ahmed_fouad]

ده يتوقف عليك انت والدومين بتاعك اللى تخدم فيه
المانيا المجتمع متهرم ومحتاج مهاجرين وهما بيشجعوا على الهجره ..لو انت مستقر اجتماعيا واللغه معاك مفهاش مشكل والدومين اللى تخدم فيه كويس يبقى خليك على وضعك

لكن لو مش مستقر وتخدم كاجوال مش هتخسر حاجه لو روحت كندا
عموما الاوضاع السياسيه فى كندا وظروف المهاجرين احين واهدا بكتير من اوروبا الكل

اما فرنسا سامحنى خويا طفى عليها الضو..

وربنا ييسرلك الخير
posted via mobile device

 

 

[shawi]

المانيا حلم
فيها عدد كبير من المسلمين
تعليم وحياه
قربك من الوطن
الزق بالغراء في مكانك
الله يوفقك
posted via mobile device

 

 

[Saidd]

شكرا على النصائح يا اخوان
هل من آراء اخرى

 

 

[al mohager]

أخي الكريم
الموضوع فيه عوامل كتير ممكن تؤثر على القرار انت ادرى بها
زي رغبتك في زيارة الوطن هل مرة او مرتين في السنة و لا محتاج تتواجد هناك اكثر
يعني ممكن تكون لك احد في بلدك ترعاه و محتاج تواجدك بشكل اكبر او لأ؟؟
هل مهنتك و تخصصك فرص عمله في ألمانيا أفضل أم في كندا؟؟
هل لك أقارب و أصحاب في أي من البلدين يهونوا عليك الغربة أم لا ؟؟

كل العوامل دي انت ادرى بها

لكن هقولك رأيي بعيد عن العوامل دي
الفرق في الحياة مش كبير بين البلدين الاثنين بلاد متقدمة و الاثنين بلاد تحترم حقوق الانسان
لكن بعض النقاط الجوهرية قد تشكل فارق زي الفترة اللازمة للحصول على الجنسية و من ثم الاستقرار و حرية التنقل بعد الجنسية في أي بلد أخر
كندا ممكن تاخد الجنسية بعد اربع سنين إنما ألمانيا اعتقد الفترة دي هتمتد ل 10 أو 11 سنة
كمان كندا فيها diversity تعدد ثقافي و حضاري هيقلل بنسبة كبيرة من العنصرية اللي بتظهر بشكل قليل في أوربا خاصة مع الأحداث الأخيرة و طبعا العنصرية في أوربا قليلة نسبيا و لا تقارن مثلا بالعنصرية في الخليج.
و أعتقد كمان ان الخدمات اللي بتقدمها الحكومة للمهاجرين في كندا اكتر من ألمانيا لأن كندا دولة مهاجرين عكس ألمانيا اللي أغلب سكانها من الألمان.

في النهاية احسب أولوياتك و قبل أي شئ استخير ربنا و ادعي له يوفقك للاختيار الصحيح.
و ربنا يوفقك

 

 

[Saidd]

شكرا ايها الاخ المهاجر على النصائح شكرا لكم كلكم يا طيببين

 

 

[Mariamy]

اولا مبروك علي الفيزا. انا رأيي متخسرش حاجة، انزل لاندنج شهر وخد جولة اتفرج علي البلد.

 

 

[Ahmedyousry]

روح كندا اعمل لاندنج وارجع تانى المانيا وبعدين لو مرتاح ف المانيا خليك بس خلى عندك باك يارد
وسيبك من التشويش دا اللى انت مرتاح فيه اعمله بس جرب كندا الاول وبعدين قارن انت بنفسك موضوع المسافة البعيدة مش عائق المهم انك تعمل اللى انت مرتاح فيه

 

 

[Saidd]

شكرا جزيلا لكم يا اخواني