طريقه التقديم فى Saskatchewan - Occupations in Demand - منتديات المطاريد
بسم الله الرحمن الرحيم
وَهُوَ الَّذِي فِي السَّمَاءِ إِلَٰهٌ وَفِي الْأَرْضِ إِلَٰهٌ ۚ وَهُوَ الْحَكِيمُ الْعَلِيمُ (84) وَتَبَارَكَ الَّذِي لَهُ مُلْكُ السَّمَاوَاتِ وَالْأَرْضِ وَمَا بَيْنَهُمَا وَعِندَهُ عِلْمُ السَّاعَةِ وَإِلَيْهِ تُرْجَعُونَ (85) "الزخرف"

منتديات المطاريد | الهجرة الى كندا | الهجرة الى استراليا

 


BBC NEWS


    سويسرا شعب يقدس احترام الوقت
    (الكاتـب : حشيش ) (آخر مشاركة : ارسيسك)
    ♥♥♥♥ عمار يا كندا ♥♥♥♥
    (الكاتـب : Ehab Salem ) (آخر مشاركة : Hi bye)
    مطاريد الكويت
    (الكاتـب : Remon.soliman ) (آخر مشاركة : Omomarzizo)
    المشوار الى امريكا
    (الكاتـب : hanydlt ) (آخر مشاركة : mosayhim)
    المعادلة الكندية للصيادلة
    (الكاتـب : Batman ) (آخر مشاركة : Mohamed.j)

    العودة   منتديات المطاريد > شؤون المغتربين > الهجرة إلى كندا > مقاطعات كندا

    الملاحظات

    مقاطعات كندا Canada Provinces

    مقاطعات كندا

    طريقه التقديم فى Saskatchewan - Occupations in Demand


    مواقع هامة وإعلانات نصية


    موضوع مغلق
     
    أدوات الموضوع انواع عرض الموضوع
    قديم 15th July 2016, 07:43 PM khaled_sabry غير متواجد حالياً
      رقم المشاركة : 1
    Senior Member
     





    khaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud of

    khaled_sabry's Flag is: Egypt

    افتراضي طريقه التقديم فى Saskatchewan - Occupations in Demand

    أنا : khaled_sabry







    مقدمة قصيره جدااا

    مقاطعة ساكسشوان OiD - قدمت فيها فى دفعة يناير 2016 - و للاسف اترفضت بسبب الضمان المادى
    و قدمت فيها تانى فى الدفعه اللى بعدها فى يونيو 2016 - و الحمد لله جالى النوميناشن من 3 ايام سبحان الله المره التانيه دى الملف اتفتح بعد يومين فقط من الارسال و فى المعتاد بيستغرق 4 اشهر
    دعواتكم فى تقديم ال CIC و ادعو يقبلو الورق قبل ما الايلتس بتاعى يخلص
    الموضوع ده انا كنت بحضر فيه من رمضان من بعد ماقدمت فى المره التانيه على طول لانى لاقيت تقريبا كل الناس بيسألو نفس الاسئله و اتمنى ان الموضوع ده يجاوب على الاسئله المتكرره دى


    نصلى على النبى المختار و نبداء كده



    طبعا كندا بعد تطبيق نظام الاكسبريس انترى بقى تقريبا الامل الوحيد فى ترشيح المقاطعات
    تقريبا ترشيحات المقاطعات بتطلب بروفيل اكسبريس انترى - و ده معناه ايلتس فوق ال الاربع ستات
    الوحيدتين حتى الان اللى مش عاوزين اسبريس انترى اكونت هما مانتوبا - و دى لو كان ليك كونكشن فى المقاطعه (قريب/صديق/دراسه سابقه هناك) او قومت بعمل زياره استكشافيه
    المقطاعه التانيه هى ساسكتشوان
    مقاطعة ساسكتشوان حفظها الله ليها نظامين فى النوميناشن
    نظام تبع الاكسبريس انترى و نظام Occupations in Demand و هو ده موضوعنا الناهرده
    انا حتكلم عن شخص تقريبا فى نفس ظروفى متزوج و عنده 34 ايليتس 5.5
    و ان شاء الله حنتناول من اول شروط القبول و حتى الحصول على النوميناشن بإذن الله

    اول خطوه تشوف هل وظيفتك فى قائمه الوظائف المطلوبه (اقصد تقدر تجيب شهادة خبره بالمواصفات الكنديه بيها)
    افعص هنا

    http://www.saskatchewan.ca/residents...ccupation-list


    لو لاقيتها اقرى الجايد (تاريخ الجايد 16 مايو 2016)
    http://publications.gov.sk.ca/docume...06-May-16).pdf

    طيب ملخص سريع لشروط القبول

    • لازم تحقق 60 درجه على الاقل من 100 درجه
    • معاك أيلتس على الاقل بCLB 4 - علشان تعرف الايلتس بتاعك يعادل CLB كام استعمل اللنك ده http://www.immigratemanitoba.com/cal...calculator.php
    • معاك شهاده جامعيه بسنه واحده على الاقل - زى ماتثبت من تقرير الWES
    • اشتغلت على الاقل سنه واحده فى وظيفه من الوظائف المطلوبه
    • اهم حاجه هى تكون محقق الضمان المادىPOF
    يعنى تقريبا المشكله كلها فى تحقيق ال 60 درجه و الضمان المادى و باقيه الشروط حتبقى متحققه ضمنا
    حساب الدرجات

    طيب نشوف ازاى بنحسب الشروط - طريقتهم قريبه من طريقه حساب الدرجات فى CIC و برضه بتنقسم لعوامل
    1. التعليم - و بيتحسب للمتقدم الرئيسى فقط كالاتى
    i. دكتوراه او ماستر تاخد 23 درجه
    ii. درجه جامعيه بدراسه 3 سنين على الاقل (بكالوريوس) زى معظمنا تاخد 20 درجه
    iii. دبلومه سنتين 15 درجه
    iv. دبلوم سنه واحده 12 درجه

    2. خبرة العمل - و نركز هنا بقى فى المقاطعه دى بالذات مش بيحسبو درجات الخبره غير فى الوظيفه اللى انتا بتقدم عليها فى قائمه الوظايف (ودى انا اتأكدت منها شخصيا عن طريق مراسلات قمت بها بنفسى) يعنى انتا مقدم على الوظيفه X و مقدم شهادات خبره بالوظائف x و y هو مش حيبص غير فى خبره x فقط على عكس بعض المقاطعات الاخرى اللى بتحسبلك خبرتك كلها
    طيب طريقه حساب الخبره بتبقى ازاى - هنا الخبره بتنقسم لنوعين -
    فى فتره اخر 5 سنين
    · لو قدمت خبره سنه تاخد 2 درجه
    · خبره سنتين تاخد 4 درجه
    · خبره 3 سنين تاخد 6 درجه
    · خبره 4 سنين تاخد 8 درجه
    · خبره 5 سنين تاخد 10 درجه
    تجمع عليهم درجات الخبره فى الفتره من 6 الى 10 سنين سابقه
    · خبره سنتين تاخد 2 درجه
    · خبره 3 سنين تاخد 3 درجه
    · خبره 4 سنين تاخد 4 درجه
    · خبره 5 سنين تاخد 5 درجه
    يعنى لو حد معاه خبره 10 سنين ياخد 15 درجه


    3. اللغه الاولى اللى حيختارها المتقدم الرئيسى (انجليزي / فرنسى) باحد الاختبارات التاليه ((IELT, CELPIP, TEF
    i. CLB 8 and higher حتاخد 20 نقطه
    ii. CLB 7 حتاخد 18
    iii. CLB 6 حتاخد 16
    iv. CLB 5 حتاخد 14
    v. CLB 4 (minimum requirement) حتاخد 12

    4. العمر : للمتقدم الرئيسى
    i. اقل من 18 سنه - صفر
    ii. من 18 - 21 سنه تاخد 8 درجات
    iii. 22-34 سنه تاخد 12 درجه
    iv. 35-45 سنه تاخد 10 درجات
    v. 46-50 سنه تاخد 8 درجات
    vi. 50 سنه فما اكبر (ربنا يديك الصحه) تاخد صفر
    5. اقارب فى ساسكتشوان لمتقدم الرئيسى او لزوجتك (فى حالة لو حتيجي معاك) معاهم الجنسيه الكنديه او ال PR (امحظوظ) تاخد 20 نقطه
    نوعيه القرابه لازم تبقى ( والد / والده او اشقاء او جدود او عم/ه او خال/ه او ابن عم/ه او ابن خال/ه) يعنى تقريبا جميع انواع القرابه المباشره يعنى ماينفعشى تقول اب عم سيلفت اخو حماتى
    6. خبره عمل فى ساسكتشوان سابقه للمتقدم الرئيسى سنه على الاقل فى اخر 5 سنين تاخد 5 نقاط
    7. دراسه سنه على الاقل للمتقدم الرئيسى فى ساسكتشوان ياخد 5 درجات

    تقريبا كده - انا سنى 34 سنه و مؤهل بكالوريوس وواخد ايلتسCLB5 و معايا خبره فى نوك المطلوب 10 سنين مثبتين بشهادات خبره و ماعنديش قرايب هناك و بدون عقد عمل - كان درجاتى 61
    فلو حد ظروفه قريبه منى من حيث السن او الخبره او الايلتس يبداء يجمع درجاته و يشوف

    الضمان المالى

    حتدخل فيها كشف حساب ب 3 اشهر على الأقل فيه الحد الأدنى للضمان المادى حسب افراد اسرتك المبلغ ده بيبقى كالاتى (المبالغ دى حتى تاريخ 12 يوليو 2016 - قيمه المبالغ بالدولار الكندى)
    One person $12,164
    Two people $15,143
    Three people $18,617
    Four people $22,603
    Five people $25,636
    Six people $28,913
    Seven or more $32,191
    يعنى لو عازب يبقى عاوزين منه اثبات $12,164 دولار كندى
    لو متزوج و عندك طفلين مثلا يبقى عاوزين اثبات ب $22,603 دولار كندى

    الاسئله الشائعه بخصوص الضمان المادى
    • الحساب ممكن يبقى بأى عمله و هما بيحولوه للقيمه المقابله بالدولار الكندى– اللى مش حلو بقى هو ان التحويل ده بيحصل وقت ما ربنا يسهل و يمسكو الملف و ده بيبقى في المعتاد بعد 4 او 5 اشهر من التقديم – الكلام ده مش في صالح المودعين بالجنيه المصرى اللى كل يوم بيخسر قيمته اكتر
    • المبالغ ممكن تكون متوزعه على اكتر من حساب بنكى عادى و باى عمله و الحسابات دى ممكن تبقى باسم الزوج او الزوجه فقط – غير مقبول الحسابات اللى باسماء الأطفال او اى شخص بخلاف الزوج و الزوجه
    • كل كشف حساب يتعمله شاشه لوحدها
    • اجمالى المبالغ فى الحسابات اللى مقدمها مايكونشى نقص عن الحد الأدنى و لو دقيقه في فتره الثلاث اشهر ماقبل تاريخ تقديم الطلب – انا شخصيا قدمت في يناير 2016 و اترفضت علشان المبلغ كان مستقر لمده شهرين و 20 يوم - الجزئيه دى تحديدا استحاله يتهاونو فيها
    • افضل الاثباتات هي كشف حساب بنكى لانه الهدف هو اثبات ان المبلغ مانقصشى في خلال فتره زمنيه معينه – الشهاده البنكيه ماتنفعشى لأنها بتثبت ان معاك مبلغ كذا في يوم محدد لكن مش بتحدد الوضع في فتره زمنيه هى مش حترفض بس هيطلب منك كشف حساب برضه فى الابدات
    • ماينفعشى اثبات الضمان المادى بعقود ملكيه عقارات او خلافه حتى لو موثقه
    اللى فات بقى ده شروط التقديم - اقراها براحتك و اقرى الجايد بتأنى علشان ماتضيعش وقت على الفاضى


    قريتها كويس ؟؟؟ حعمل امتحان مفاجئ الاسبوع اللى جاى



    ابقو معنا - فى الجزء القادم حنشرح موقع التقديم بالصور بإذن الله

     

    الموضوع الأصلي : طريقه التقديم فى Saskatchewan - Occupations in Demand     -||-     المصدر : منتديات المطاريد     -||-     الكاتب : khaled_sabry

     

     

    Booking.com


    التعديل الأخير تم بواسطة khaled_sabry ; 15th July 2016 الساعة 07:49 PM
     

    Booking.com

    Latest Threads By This Member
    Thread Forum Last Poster Replies Views Last Post
    الجزء الثانى : طريقه التقديم فى Saskatchewan -... مقاطعات كندا khaled_sabry 26 1020 26th October 2016 01:19 PM
    الهجره الى سلوفاكيا - ب 6000 يورو فقط الهجرة إلى أستراليا ونيوزيلاندا والسويد حشيش 11 1087 5th October 2016 09:24 AM
    خطاء فى ملف ال generic application form الهجرة إلى كندا khaled_sabry 2 187 17th August 2016 06:25 PM
    طريقه التقديم فى Saskatchewan - Occupations in... مقاطعات كندا Moderator01 114 5558 15th July 2016 07:43 PM
    Self-Employed Worker Program فى كيبيك الهجرة إلى كندا Remon.soliman 6 708 21st October 2015 12:58 PM

    قديم 15th July 2016, 09:26 PM ماتريكس دوت نت غير متواجد حالياً
      رقم المشاركة : 2
    ماتريكس دوت نت
    Member






    ماتريكس دوت نت is on a distinguished road

    ماتريكس دوت نت's Flag is: Kuwait

    افتراضي

    أنا : ماتريكس دوت نت





    تسلم يا خالد وربنا يوفقك في مشوارك ان شاء الله
    متابع معاك وفي انتظار باقي الموضوع
    posted via mobile device

     

     

    Booking.com

     
    قديم 15th July 2016, 10:04 PM shawi متواجد حالياً
      رقم المشاركة : 3
    shawi
    Platinum Member
     





    shawi has a reputation beyond reputeshawi has a reputation beyond reputeshawi has a reputation beyond reputeshawi has a reputation beyond reputeshawi has a reputation beyond reputeshawi has a reputation beyond reputeshawi has a reputation beyond reputeshawi has a reputation beyond reputeshawi has a reputation beyond reputeshawi has a reputation beyond reputeshawi has a reputation beyond repute

    shawi's Flag is: Canada

    افتراضي

    أنا : shawi





    جهد كبير تشكر عليه
    هو ده الشيء اللي الناس حتدعيلك بسببه
    وتذكر
    لو ربنا رايدلك في شيء حتاخده حتى لو في بؤ الاسد
    بالتوفيق ان شاء الله
    صاحبنا عبد الرحمن موجود في ساسكاتون..ربنا يهدي سره ويرجع يكتب من تاني
    posted via mobile device

     

     

    Booking.com

     
    قديم 15th July 2016, 10:08 PM محمود عبد الوهاب متواجد حالياً
      رقم المشاركة : 4
    محمود عبد الوهاب
    Senior Member





    محمود عبد الوهاب is a jewel in the roughمحمود عبد الوهاب is a jewel in the roughمحمود عبد الوهاب is a jewel in the roughمحمود عبد الوهاب is a jewel in the rough

    محمود عبد الوهاب's Flag is: Egypt

    افتراضي

    أنا : محمود عبد الوهاب




    ربنا يكرمك ويكتب لك الخير ، فعلا مجهود كبير من حضرتك وجزاك الله كل خير.
    posted via mobile device

     

     

    Booking.com

     
    قديم 16th July 2016, 08:38 AM Maple غير متواجد حالياً
      رقم المشاركة : 5
    Maple
    Junior Member





    Maple is on a distinguished road

    Maple's Flag is: Egypt

    افتراضي

    أنا : Maple




    Top Courses in IT & Software 300x250

    الف مبروك ...ربنا يكرمك ويوفقك فى مشوارك

     

     

    Booking.com

     
    قديم 16th July 2016, 10:18 AM khaled_sabry غير متواجد حالياً
      رقم المشاركة : 6
    khaled_sabry
    Senior Member
     





    khaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud of

    khaled_sabry's Flag is: Egypt

    افتراضي

    أنا : khaled_sabry




    شكرا لكل الاخوه اللى بيشجعونى
    طبعا بعتزر عن سوء التنسيق لانى كنت محضر الموضوع على وورد و لما اخدته هنا طلع بالشكل العجيب ده

    سؤالى بقى - حد يعرف موقع رفع صور كويس - علشان الاجزاء التانيه انا محضر الصور بتاعتها بس مش عارف ارفعها ازاى

     

     

    Booking.com

     
    قديم 16th July 2016, 10:34 AM khaled_sabry غير متواجد حالياً
      رقم المشاركة : 7
    khaled_sabry
    Senior Member
     





    khaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud of

    khaled_sabry's Flag is: Egypt

    افتراضي

    أنا : khaled_sabry




    هو كمان للمهتمين فى معلومه نسيت اقولها
    هى ان OID فى المعتاد بتفتح مرتين فى السنه - مره اساسيه فى يناير و المره الثانيه بتبقى فى النصف الثانى من السنه بس غالبا بتبقى فى شهر 6 او شهر 9
    كل مره فى المعتاد بتاخد 500 لكن فى يونيو اللى فات اخدو 600 و فى ستمبر 2015 اخدو 1000 على ما اذكر
    طبعا الهنود عينهم عليها و هما الله ينور شغالين و بيبلغو بعض بسرعه على جروبات الواتس
    و بالتالى المقاطعه بتتملى فى غضون ساعات فلازم تبقى مجهز البروفيل من قبلها و تبقى واقف على السبميت
    فلو حد شايف ان ليه فرصه فى المقاطعه دى يظبط الايلتس و الويس و الضمان المادى و يجهز البروفيل بتاعه براحته من دلوقتى - علشان يلحق تقديمه يناير 2017 اللى جايه بإذن الله

     

     

    Booking.com

     
    قديم 17th July 2016, 04:31 AM zorro غير متواجد حالياً
      رقم المشاركة : 8
    zorro
    Junior Member





    zorro is on a distinguished road

    zorro's Flag is: Egypt

    افتراضي

    أنا : zorro




    posted via mobile device
    ماشاء الله مجهود عظيم شكرا ياخالد ومبروك النومنيشن وربنا ييسرلك امرك في اللى جاي

     

     

    Booking.com

     
    قديم 17th July 2016, 11:47 AM khaled_sabry غير متواجد حالياً
      رقم المشاركة : 9
    khaled_sabry
    Senior Member
     





    khaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud of

    khaled_sabry's Flag is: Egypt

    افتراضي

    أنا : khaled_sabry




    طبعا احب اوجهه الشكر الى الساده الزوار و الى كل المتفاعلين و السيد رئيس الـ... و لا بلاش دى
    يلا نكمل الجزء الثانى
    عديت من كل الكلام اللى فات فى الجزء الاول - اشطه حندخل بقى على طريقه التقديم و عمل البروفيل
    شويه ملحوظات علشان ما كررهاش اثناء الشرح :
    • انتا تقدر تنشئ البروفيل فى اى وقت و تحط بياناتك و تسجلها - بس مش حتقدر تعمل سبمت غير وقت ما المقاطعه تفتح و فى المعتاد فى المره الواحده اللى بتفتح فيها بتاخد فى حدود ال 500 واحد و الهنود مركزين معاها اوى لانها تعتبر اسهل مقاطعه بالنسبه للى وظيفته في القائمه بالتالى بتتملى فى وقت قليل مش بيعدى اليوم و فيه مره اتملت في ساعتين فلازم تبقى مجهز بروفيلك من قبلها وواقف على شهاده البنك فقط
    • ماحدش بيبقى عارف المقاطعه دى حفتح OID امتى بس بالخبره كده هى بتفتح مرتين كل سنه مره اساسيه فى اول يناير و مره تانيه فى النص التانى من السنه و غالبا فى شهر 6 او شهر 9
    • السنه دى فتحت مرتين و بالتالى صعب انها تفتح تانى (لكن ممكن تفتح تانى اكسبريس انترى ) - لكن غالبا حتفتح فى يناير القادم
    • افضل طريقه تعرف بيها ان المقاطعه فتحت هى انك تشترك فى جروب الواتس بتاع الهنود الخاص بساكشوان او بجروب الواتس الخاص بالمطاريد اللى عملاه مدام نهى و حتلاقى الخبر وصلك فى وقتها لو بتابع جروب الواتس حتلاقيهم غيرو اسم الجروب الى SINP OID opened ( في المره التانيه اللى قدمت فيها عرفت انها فتحت من الجروب اثناء ماكنت بفطر فى رمضان اللى فات - سبت الفطار و سبت مسلسل ونوس و قومت عملت سبمت ( دعواتكم تكمل على خير و اخد النوميناشن ) و لاقيت صديقنا العزيز المهندس احمد ميجو من المنتدى هنا اتصل بيا برضه يعرفنى .. شكرا يا عم ميجو )
    • جميع الوثائق من شهادات ميلاد وخلافه اللى حتقدمها حتاخدها اسكان و تجمع الصور دى و تحطها فى فايل PDF و ترفعه و لازم تبقى بالانجليزي او مترجمه مع ارفاق الاصل العربى و شهاده اعتماد المترجم نفس الفايل – شهادة اعتماد المترجم بتطبع على ورق مكتب الترجمه و المكتب هو اللى بيملاها و يختمها الشهاده دى بتتحمل من http://publications.gov.sk.ca/redirect.cfm?p=76058&i=85134
    • كل وثيقه فى فايل PDF من الموقع بتعملها دون لود و تملاها ( يفضل من الكمبيوتر- لكن لو بقلم جاف شغال برضه) و بعد كدده بتوقع عليها و تعملها اسكان و تحولها ل PDF
    • فيه تعبير حقوله قدام شويه "الشاشه اتقفلت" اللى اقصده ان بعض الشاشات حتدخل فيها بيانات فيText box او Dropdown list - بعد ماتخلص و تدوس على زرارCheck حيتحول الكلام اللى اخترته و كتبته الى مجرد كتابه على الصفحه و مش حتقدر تعدل فيه غير بالضغط على زرارMake Change to - و بعد السبمنت بإذن الله كل الشاشات حتلاقيها اتقفت و مش حتعرف تعدل فيها نهائى
    • الخبره: ارجع تانى و ااكد على ان كل مقاطعه ليها نظامها فى حساب سنين الخبره – في ساسكشوان تحديدا حنلاقيهم مش بيدو درجات غير على النوك المطلوب فلو انتا بعت كذا شهادة خبره بكذا نوك هما مش حيحسبو درجات غير على النوك اللى انتا مختاره في Intended Occupation NOC - دى انا متأكد منها لانى بعتلهم ميل و هم ااكدو عليا المعلومه دى
    • في معظم الشاشات الخاصه بالوثائق الفدراليه او وثائق المقاطعه حتلاقىCheckbox اسمهاHave you scanned and attached the document* تعلم عليها صح و ترفع الوثيقه المطلوبه
    • الوثائق تنقسم لنوعين وثائق فدراليه ووثائق تبع المقاطعه – في الموضوع ده انا مش حشرح ازاى تملى الوثائق لكن كان فيه موضوع ممتاز بيشرح ازاى تملى الوثائق الفدراليه http://www.almatareed.org/vb/showthread.php?t=601677 و ثائق المقاطعه سهله و بسيطه برضه – و بشكل عام لو عملت غلط في اى وثيقه هما بيبعتو الأخطاء اللى عملتها و بيطلبو منك ابديت بيها – بس طبعا ركز قدر المستطاع علشان ماتقرفشى عم الاوفيسر معاك
    ملخص للشروط الاساسيه و لنكات جميع الوثائق
    http://www.saskatchewan.ca/residents...ions-in-demand
    موقع التقديم
    https://immigration.saskatchewan.ca/

    حتدخل الموقع و تسجل بالطريقه المعتاده في التسجيل لدى اى موقع فمافيش داعى اكتب التفاصيل
    بعد التسجيل
    حتلاقى شاشه فيها المعلومات المبدئيه عنك
    اهم جزئيه فيها هو الجزء اللى تحت ده و اللى حتختار فيه I am a skilled worker who wants to work and live in Saskatchewan
    لازم طبعا تختار دى - لو اخترت اى حاجه تانى حتدخلك فى مجموعه شاشات انا معرفهاش و حيعتبرك حاله مختلفه عن اللى احنا بنتكلم فيه

    بعد كده بدوس Continue to Next Section
    حيطلعلك تحذير انك واثق فى نفسك ومش حترجع فى كلامك و كدهون قولهم اه ياعم انا قد كلمتى
    حنتنقل لاول شاشه فى انشاء الملف



    حتلاقيه بيسألك - معاك Do you currently have a job offer? - حتقولهNo مافيش كلام فارغ من ده طبعا
    حتلاقى سؤال مهم بيظهرلكHave you been accepted into Immigration, Refugees and Citizenship Canada's Express Entry pool and have an Express Entry Profile Number and a Job Seeker Validation Code? *
    اجابة السؤال ده بتحدد البروفيل بتاعك حيبقى تبع Occupation in demand و لا تبع الاكسبريس انترى EE
    طبعا فى الحاله بتاعتنا OID تبقى الاجابه ب NO بعد كده حتدوسSave اللى هو زرار حتلاقيه فى ركن الشاشه اللى على اليمين من فوق
    تاب بتاعته شاشه حساب الدرجات Points grid الخاصه ب OID
    حتظهرلك تملاها بظروفك و هو حيحسب نقاطك طبقا للقواعد القبول اللى قولناها فى الاول خالص - نقول تانى بالنسبه للخبره مش حيتحسبلك نقاط غير على سنين الخبره اللى انتا حتقدم بالنوك بتاعها - يعنى لو خبرتك متقسمه على نوكين مش يتحسبلك غير خبره نوك واحد حتختاره انتا فى شاشه لاحقه
    لو ماعرفتش تعدى 60 درجه من 100 يبقى للاسف ماينفعشى تكمل

    سجل و حتلاقى تاب بعدها طلعت Current Residency and Settlement Destination






    شويه بيانات عن البلد اللى انتا مقيم فيها
    مجرد تسجلSave حتلاقى كميه من التابات فتحو ليك
    الاول خلينا نفهم ايه معنى الالوان اللى التاب Tabبتاخدها -
    · بتاخد برتقالى لو تجاوزت التاب دى و فيه بيانات مهمه ناقصه ما ادخلتشى
    · بتاخد لون اخضر و عليه علامه صح - لو كل البيانات دخلت و اتسجلت بشكل صحيح و كامل
    · بتاخد لون اسود لو لسه ماوصلتش للتاب دى اصلا
    · بتاخد لون ابيض للتاب اللى انتا واقف عليها دلوقتى

    التابات الجديده دى اسماءها كما يلى



    Applicant Details

    اهم حاجه في الشاشهدى هى النوك اللى حشتغل فيها Intended Occupation NOC*دى النوك اللى انتا حختارها و لازم تبقى في القائمه بتاعت الوظائف اللى حطينا اللينك بتاعها قبل كده و اللى حيحسبولك درجات سنين الخبره عليها فقط - فيه مقاطعات تانيه زىكيبيك بتحسبلك سنين الخبره فى كل الوظائف اللى اشتغلتها مادمت محقق سنه على الاقل فى نوك مطلوب - الكلام ده مش موجود فساسكشوان هما مش بيحسبو غير بالنوك اللى انتا حتختاره من القائمه دى
    و الكلام ده انا متأكد منه لانى بعتلهم ميل واضح استفسر فيه عن الجزئيه دى بالذات
    - Ethical Conduct

    دى صفحه بتختار منها Representation* و حتختارNo Representative ده فى حاله عدم استعمال محامى
    و بعد كده حتحمل الفورمه من هنا و تطبعها و تمضى عليها و تعملها اسكان
    الفورمه دى مهمه جداااا عندهم معرفشى ليه و ممكن لو نسيتها ملفك يترفض حتى لو بعت ليها ابديت
    لما حتمضى حتمضى على Section B فقط اقراه و حتعلم صح على الاتشيك بوك بتاعI declare that I have completed my SINP application on my own ....
    و حتمضى عليها انتا و زوجتك لو كنت متزوج ولو ماكنتش حتكتب مكانها None و باقيه الخانات الفاضيه حتكتب فيها NONE
    و بالنسبه ل Section C ده خاص المحام فحتكتب فى كل الخانات فيه None وSection A برضه خاص لو حد موظف في ساكشتون هو اللى ساعدك فى ملئ الوثائق فهو حيمضى - طبعا مافيش فبتكتبNONE و خلاص
    بعد ما تاخده اسكان لازم تجمع الصور فى فايل PDF - الفايل ده ترفعه ازاى - حتلاقى فى نفس الشاشه على اليمين زرار اسمه Files و عليه صوره ملف ازرق - تدوس على الزرار ده حيفتحلك شاشه من الجنب ترفع فيها فايل ال PDF اللى انتا عملته








    Applicant Disclosure Form

    دى صفحه فيها دش كتير من الدش اللىماحدش بيقراه و الكل بيوافقعليه و بعد كده سؤال Agree to Terms and Conditions?* تعلم على yes و خلاص
    - Citizenship -

    دى صفحه حتختار منها الجنسيهبتاعتك
    و تفعصSave و خلاص كده
    طيب المحظوظين اللى عندهم جنسيه تانيه (مزدوج الجنسيه) – حتلاقى زرار فى ركن الشاشه العلوى على اليمين اسمه Create another Citizenship screen - تدوس عليه حتلاقيه زود لك شاشه زى الشاشه اللى انتا فيها دى تختار الجنسيه التانيه بتاعتك و تدوس Save و دخل على الخطوه اللى بعدها
    - Birth Document -

    بتدخل فيها اسمك عند الميلاد
    اهم حاجه فىالصفحهدىانك بترفع صوره من شهادة الميلاد بتاعتك من زرارFiles
    هنا فيه ملحوظه صغيره : لو شهادة ميلادك عربى يبقى لازم تترجم - و اى حاجه مترجمه لازم تحط بعديها شهادة اعتماد لمكتب الترجمه اللى قولنا عليها قبل كده و تطبع على ورق المكتب الترجمه و يتاخدو اسكان كالمعتاد و يتعملوPDF و يترفع

    Passport -

    نفس القصه حتدخل بيانات الباسبور بتاعكو رقمه و تاريخ الاصدار و تاريخ الانتهاء
    و ترفع صورة الباسور بعد ماتعملها اسكان و تحولها pdf و ترفعها من من زرارFiles
    لو معاك باسبور تانى بتضيف شاشه تانيه من الزرارcreate another passport screen
    Marital Status -

    بتدخل حالتك الاجتماعيه - لو كنت متزوج بترفق شهادة الزواج من زرارFiles
    طيب لو واحد اتجوز و اتطلق و اتجوز تانى






    ساعتها بتعمل شاشتين واحده تخليها لحالة الطلاق من الزوجه الأولى و ترفق شهاده الطلاق
    و الشاشه التانيه للزواج من الزوجه التانيه و ترفق شهادة الزواج
    يعنى من الاخر بتعمل شاشه لكل واحده ارتبط بيها رسمي (ارتباط رسمي مش حب مراهقه ) باخر و تحدد حالة اخر علاقه ليك بيها من Marital Status* و ترفق الشهادة الزواج او الطلاق من زرارFiles
    طبعا اللى Single ده اشترى دماغه من الأول و مش حيرفق حاجه
    طيب اللى متجوز اتنين – أصلا القانون الكندى مش حيعترف غير بزوجه واحده بس فمش حينفع تدخل زوجتين كندا كلها باى طريقه كزوجتين ليك (اختار واحده بس) – بس انا فاكر قبل كده انى قريت ان لاجئ سورى متجوز اتنين و طبعا رفضت كندا دخول زوجاته الاتنين فسجل واحده كزوجه و التانيه كرفيقه / شريكه سكن بس - طبعا دى حاله قليله و معرفشى هل تنفع تانى هنا و لا لاء و اباطرة المنتدى ممكن يفيدو اكتر في الكلام عن الجزئيه دى





    Education Records

    هنا الشاشه مختلفه شويه
    حتدخل علشان تدخل بيانات تعليمك بالضغط على زر Enter/Change Education
    حتلاقى شاشه جديده
    تختار Do you have any post-secondary education?* تجاوب Yes
    و بعد كده تدوس على Enter/Change Education
    حتلاقى الشاشه الفرعي هدى فتحت لك

    بتدخل بيانات كل الشهادات العلميه اللى البكالوريوس فما فوق – يعنى لو معاك ماجستير مثلا يبقى حتعمل شاشه للبكالوريوس و بعد كده تدوس زرارAdd Another Education screen اللى الرمادى في ركن الصفحه العلوى و تدخل بيانات الماجستير ... و هاكذا
    و في كل شهاده حتحطها لازم تاخد إسكان من شهادة التخرج و ال transcript وتقييم الWES و تعملهم فايل PDF و ترفعهم من زرار Files
    و بعد ماتخلص خالص تدوسSave - و بعدها Go back to main Applicant Sections علشان نرجع للشاشه الاساسيه
    فيالشاشهالاساسيهحتلاقى سؤال Have you entered all of your applicable education?* علم عليها صح
    بعد كده تدوس Saveو حتلاقى التابه بقى لونها اخضر
    انقل على اللى بعده




    Work Experience

    برضه دى تبقى شاشه اساسيه و فيها شاشات فرعيه زى الشاشه اللى قبلها


    حتلاقى سؤال Do you have any Work Experience to disclose? قوله Yes
    حيظهر سؤال Have you entered all of your applicable work experience عاوز تعلم عليها من دلوقتىماشى او لو عاوز تعلم عليها بعد بيانات شغل ماشى
    حندخل بيانات شغلنا من خلال الزرارEnter/Change Work Experience
    حتلاقى شاشه حتدخل فيها بيانات كل وظيفه عاوز تقدم بيها من سنين خبره و تقدم شهادة الخبرهفي هيئه PDF فايل و يترفع في زرارFiles

    و كل شركه اشتغلت فيها حيبقى ليها شاشه لوحدها حتى لو كلهم في نفس النوك و تحت نفس التايتل و في كل شاشه ترفع شهادة الخبرهاللى بتأكد اللكلاماللى مكتوب ده
    بعد ماتخلص تدوس Save و بعدها Go back to main applicant sections







     

     

    Booking.com

     
    قديم 17th July 2016, 11:49 AM khaled_sabry غير متواجد حالياً
      رقم المشاركة : 10
    khaled_sabry
    Senior Member
     





    khaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud ofkhaled_sabry has much to be proud of

    khaled_sabry's Flag is: Egypt

    افتراضي

    أنا : khaled_sabry




    English/French Ability

    حتلاقى شاشه تختار منها نوع الشهادهبتاعتك سواء كانت IELTS اوTEF و تاريخ الشهاده و الاسكور كام اوفر اول و كام في كل مهاره
    و طبعا ما تنساش ترفق شهادة اللغه من Files
    طيب لو عاوز تقدم بشهاده فياللغه يعنى معاك مثلا IELTS وTEF حتضيف شاشه تانيه عن طريق ضغط Create another English/French Ability و تدخل بيانات الشهادهالتانيهدىفيالشاشهالجديدهاللىحتطلعلك
    خلص و ادخل على اللى بعده
    Final Page of Applicant Details

    حتلاقى الشاشه دى
    حسب حالتك حتجاوب اذا كان ليك قرايب في كندا و لا لاء و اذا كنت قدمت قبل كده في مقاطعه فدرالية و لا لاء
    بعد كده تختار Check All Applicant Screens for Completeness– ساعتها البرنامج حيلف على كل الصفحات و يقولك هل فيه بيان ناقص و لا لاء – خد بالك هو بيبص على البيانات فقط لكن مش بيبص ان كنت رفعت ورقك و لا لاء
    لو لاقى بيانات ناقصه حتلاقيه طلعلك رساله زى دى
    ساعتها حترجع للتابات الصفرا (طبعا زى مافى الصوره معظم التابات صفرا ) و تشوف ايه البيانات الناقصه فيها و لما تلاقى التاب بقيت خضرا يبقى التاب دى تمام
    طيب كل التابات بقيت خضرا ماعدا اول تاب بتاعتJob Offer/Employment– التاب دى بتبقى خضرا فقط لما ال OIDبيفتح – بس مش مشكله البرنامج بيفوتها دلوقتى و لما تعمل Check All Applicant Screens for Completeness و حيقولك تمام و حتلاقى الشاشات اتقفلت
    انتا كده خلص ؟ لا طبعا انتا فاكرها بالساهل كده تكتين على الكيبورد و بعد كده تلاقى نفسك في كندا
    لسه فيه مجموعه تانيه من الشاشات


    و فى كل الشاشات حتلاقى زرار اسمه Create Next Set of Application screens
    حتلاقى رساله تحذير دوس Yes
    حتلاقيك دخلت على المجموعه الثانيه من الشاشات – دى حنشرحها في الجزء القادم بإذن الله

     

     

    Booking.com

     
    موضوع مغلق

    مواقع النشر (المفضلة)

    الكلمات الدلالية (Tags)
    التقديم, demand, occupations, saskatchewan, طريقه


    أدوات الموضوع
    انواع عرض الموضوع

    الانتقال السريع


    IP




    Powered by vBulletin® Version 3.8.8
    .Copyright ©2000 - 2016, Jelsoft Enterprises Ltd
    (جميع الأراء والمواضيع المنشورة تعبِّر عن رأي صاحبها وليس بالضرورة عن رأي إدارة منتديات المطاريد)

    منتديات المطاريد   Follow us on Google   موقع الأحمد   لشراء مساحة إعلانية بالمطاريد  

    تنبيه هام

     يمنع منعاً باتاً نشر أى موضوعات أو مشاركات على صفحات منتديات المطاريد تحتوى على إنتهاك لحقوق الملكية الفكرية للآخرين أو نشر برامج محمية بحكم القانون ونرجو من الجميع التواصل مع إدارة المنتدى للتبليغ عن تلك الموضوعات والمشاركات إن وجدت من خلال البريد الالكترونى التالى almatareedorg@gmail.com وسوف يتم حذف الموضوعات والمشاركات المخالفة تباعاً.

      كذلك تحذر إدارة المنتدى من أى تعاقدات مالية أو تجارية تتم بين الأعضاء وتخلى مسؤوليتها بالكامل من أى عواقب قد تنجم عنها وتنبه إلى عدم جواز نشر أى مواد تتضمن إعلانات تجارية أو الترويج لمواقع عربية أو أجنبية بدون الحصول على إذن مسبق من إدارة المنتدى كما ورد بقواعد المشاركة.

     إن مشرفي وإداريي منتديات المطاريد بالرغم من محاولتهم المستمرة منع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات وإن وجدت اى مخالفات يُرجى التواصل مع ادارة الموقع لإتخاذ اللازم إما بالتبليغ عن مشاركة مخالفة أو بالتراسل مع الإدارة عن طريق البريد الالكترونى التالى webmaster@almatareed.org